الــــــمـــــنــــــاظــــــــره

[SiLver Spectra]

ليه رد على سؤالين من ضمن اسئلة الجمهور

اقتباس * لو عندهم الحريه الاكتر دى اكيد مش هيقفو عن انك تكلم عن هتلر او كده ... بتقول فى ضرابط بس الحريه اللى انت بتتمناها مش عاوز يكون فيها ضوابط فى اى شىء ؟؟؟؟؟

بايد الحرية يكون لها ضوابط
زي ما المنتدى هنا له ضوابط :biggrin:
لكن الضوابط دي مش مثلا تكون انك ما تتكلمش عن الرئيس او تنتقد شخصية عامة و غيره
القضية و المشكلة كلها في نوعية القيود الي بتفرض و من هنا كان اعتراضي على طريقة تطبيقها و ليس على رفض القيود عامة اذا كنت أنا بمارس ضوابط على المنتدى!

اقتباس العضو --- (( حيــاآء )) <<<< اسم مستعار تابعت الحوار وتبادل الآسئله بين طرفي المناظره ومنتظره بقيت اجابه ضياء فى الجزء التاني من الآسئله .ولى تعقيب على كام نقطه خصوصا من اللى ذكرها طــارق أولآ استنكــاره للحسد والسحر او المس الشيطانى رغم ان الحاجات دى موجوده ( واستنكاره ده وضح فى توجيه سؤاله لضيــاء) رغم ان السحــر مذكور فى القرآن والحســد كمان مذكـــور فى القرآن

لا يوجد استنكار مجرد سؤال بطرحه على الضيف لمعرفة وجهة نظره زي ما هو طرح عليه سؤال عن الشذوذ هل دا معناه انه بيايد الشذوذ!
أكيد لأ مجرد طرح للسؤال
أما راي الشخصي في موضوع فبشوفه اقرب للمرض النفسي
و العلاج النفسي بيكون محتاج لراحة و ثقة في النفس و دي تقدر تعملها باي وسيلة سواء كانت علمية او دينية
أنا لا أتعامل بالغيبيات اذا كان اصلا حرام تتكلم في الغيبيات
يبقى ازاي اشخص حاله بالغيب!
دي حاجه ربنا الي يقدرها لكن أنا كبشر ليه ادور على الاسباب و احاول اعالجها
و حالات المرض النفسي موجوده في كل العالم مش اختراع عندنا احنا بس
و كل مجتمع بيعالجها بطريقتها و النجاح في علاج المرض برضو مش عندك انت بس , كل الدول برضو بتنجح بطريقتها الخاصة
و تقدر تطلع في الموضوع دا بشكل عميق و تعمل دراسه حول العالم فيها او تطلع على دراسات نفسية

بالنسبة للحسد فبشوف ان الهدف منه هو ان الانسان لا يتكبر او يتفاخر بماله على غيره , و لازم يكرم الفقير و يعطيه بعض من ما عنده , دي الحكمة من الحسد , لكن مش بؤمن بان فلان شاطر ففلان حسده فخاب و الكلام دا , ربنا مش هيعمل حاجه تضر البني ادم خاصة لو كان ناجح و شاطر , لكن ربنا ممكن يعاقبك عشان مش بتزكي من مالك مثلا , فأنا بشوف ان في فهم خاطئ لمفهوم الحسد بيخلي الناس تكره بعض و تخبي على بعض و غيره

اقتباس وكمان احب أسأله هو ليه متحفظ أوى كده على النقاب ..؟

راي الشخصي في ان هوية الشخص لازم تبان و تظهر
الي هي الوجه
خاصة ان المرأة بتشتغل و بتشارك في المجتمع مش قاعده في البيت
فلازم تكون هويتها معروفة , فرضا واحده سرقتني هعرفها منين او حصلت جريمه و عايزين نعرف الشهود و غيره من الاسباب ممكن اعددها لبكرا الصبح
اذا كان في اعظم فرض (الحج) الوجه لا يغطى فيه

اقتباس أنا بكــرر تأيدي لضياء رغم انى من مؤيدي د/عبدالمنعم ابو الفتوح

و دا شيء يشرفني
ضياء بمثابة اخويا الكبير
بس مش عارف ايه علاقة دا بابو الفتوح , ماكونش أنا المتحدث الرسمي بتاعه :762:

[SiLver Spectra]

شكل المناظرة هتصفي على اجابات الجمهور :biggrin:
مش عارف بقى بس أنا لازم ارد

اقتباس [COLOR=#]وطارق ذكر جمله ودى بتبين وجهه نظره عن الحسد , مش بؤمن بان فلان شاطر ففلان حسده فخاب و الكلام دا , ربنا مش هيعمل حاجه تضر البني ادم خاصة لو كان ناجح و شاطر , لكن ربنا ممكن يعاقبك عشان مش بتزكي من مالك مثلا , فأنا بشوف ان في فهم خاطئ لمفهوم الحسد بيخلي الناس تكره بعض و تخبي على بعض و غيره... قال كده رغم ان أحاديث كتيره عن الرسول ذكر فيها الحسد هل وقتها كان الرسول بيقصد ان فلان غنى ومازكاش عن ماله فربنا ابتلآه. ؟[/COLOR]

لا يوجد اي دليل على ان الحسد وجد في العلمَ!
و الا كان العلماء ماتوا من الحسد و يبقى الحل هو ان الي عنده علم يخبيه عن غيره!
و دا بحد ذاته بينافي اسمى الاهداف الي ربنا خلقنا عشانها (تعمير الارض )
أنا زمان ايام الثانوية العامة كان معانا طالب بيخاف من الحسد و بيحب يخبي كل حاجه و مش يقول درجاته او يضحك علينا و يقولنا انه ناقص كتير , و كنت في نفس الوقت اعرف واحد تاني صريح جدا و كل حاجه بيقولها و عمره ما خبى حاجه , و لو حتى سألته بتذاكر كام ساعة في اليوم يقولك
النتيجة في اخر السنة ,, الواد الي بيخبي دا جاب اقل مننا كلنا مع انه كان اكتر مننا في الترم الاول
اما الواد الي ماكنش بيخبي اي حاجه فطلع الخامس على ******************

أنا شايف ان ربنا عمره ما هيخلق حاجه عشان تضر البشرية او تغلس على البشرية و تنشر الكره بينهم , لكن ممكن يحط حاجه يكون منها علة و فايدة
و بالتالي فأنا لا انكر الحسد كما فهم بل انكر فهم البعض للحسد
أنا شايف الحسد في الاموال,,, الزكاة و العمل الخيري هما الوسيلة للوقاية منه
أما في العلم فلو كان موجود كانت الدول المتقدمة سقطت من زمان
دا احنا حتى مليار و نص مسلم , معقولة ولا واحد منهم بيعرف يحسد كويس و يدمر علمهم و يفقرهم !!:biggrin:

[doiss]

اقتباس بداية حابه أقول أني مش بـآيد حد من الطرفين ودا لصعوبة القرار فعلا ..! حبيت اعلق على رد ضيــآ بخصوص الحسد ., أعتقد ان قصـر الآجـآبة هنـآ أخلت بالمعني الي حد مـآ ..~ تبرير الفشـل بـآن الانسـآن يعلق فشله ع شمـآعه >> الكلام دا ف حاله انه معملش اللي عليه والمطلوب منه !! امـآ اذا كـآن ربنـآ مقدرهـ له .. يبقا اعتقد ان الحسد مش شمـآعه بيعلق عليها فشله ! ودا لأنه مش فاشل اصلا بس قدرهـ حتم عليه انه يمر بالمرحله دي ., في حين انه بيتخيـل انه فعلا فـآشل وانه معملش اللي عليه ! يبقا فكرتك المفروض تتحول من الحسد الي القدر والنصيب وان مهما حصل للبني ادم فـ هو خير من ربنـآ .. واكيد في حكمه من كدا ..~ مش مجرد شماعه بنعلق عليه فشلنـآ ...!

انتي لو تعمقتي بالكلام كنتي هتعرفي ان كلمة "نتيجة" يعني قضاء وقدر :biggrin:
بخلاف ان مغزى السؤال هو إسقاط على التبرير بس انا بردو وضحت القضاء والقدر بكلمة "نتيجة" زيادة معلومة :biggrin:

اقتباس ومنبع التبرير بشكل عام هو : شماعة ,, او لتهوين الأمر على النفس .. ومن وجهة نظري ان مؤشر الإيمان بيكون بمستوى متدني وقت التبرير وذلك بسبب عدم قبول النتيجة ,,

تعمقي بقى بعد كدة بالذوء احسنلك اشمعنى الباقي متعمقين وانتي مش متعمقة ؟:762:

[قلم بلا حبر]

نشكر مشاركتكم فى اولى حلقات المناظره شكرا لطارق ولضياء ,,, وبنقدر الظروف اللى فيها طارق واللى حتمنعه من استكمال المناظره ولهنا نوقف الردود ونبدأ التصويت على المرحله اللى فاتت من المناظره