{ dr.pharma } ::::::> { عــ كرسي ــلــ آلآعترآف ــى }

[Lαzєzα]

وباك تانى :d
مش هاين عليا اسيبك :d

معترفه بالصداقه بين الولد والبنت ولا لا؟
بتحبى اكتر الافلام العربى ولا الانجليزى؟
وبردو الاغانى العربى ولا الانجليزى؟
طب هاتى سونج انجليزى ع ذوقك ناو =))
كام عضو ف المنتدى عندك ع الميل؟
حد قبل كدا كلمك ع الميل ومش رديتى وانتى قاصده؟
عندك كام ميل ؟
ميلك اتهكر قبل كدا؟
ممكن تتأسفى ولا صعب بالنسبه ليكى؟
سواء انتى غلطانه او لا
بتتقبلى الاعتذار علطول ولا لا؟
ليكى ف نظام اتقل عليه عشان يرجعلك؟ :d


شور ليا باك :d
ومحدش ليه سيطره عليا ى اوختى ,, ال يلهيها ال =))

[♥..pure]

doiss

ضيــآء ., ولا أقــول أبيه ضيــآ
ممممم نكمل الصراحه يلا ..~
اتحكـآلي عنه زمان اول ما ابتديت اتعرف ع ناس وكدا من الاعضاء القديمه
كانوا بيقولوا عنه انه حاجه جامدهـ كدا >> مش بتتكسر يعني :d
واخدت كذا انطباع من كذا موقف ,, بس كان طبعا كل دا سايلنت عشان هو مكنش موجود
لمآ رجع بصراحه فوجئت .. وقولت هلا هلا ) وطارق يوميها عمل موضوع وخوفني منه اكتر من كلامه يعني
حسيت انه حاجه ترعب ,, مع اني مش متعوده احكم ع حد من خلال كلام الناس
واني لازم اتكلم معاهـ واشوف هو ايه وعلى ايه .؟!
بس ف حاله ضياء مفكرتش حتى اني اجي جمبه ,, اي حاجه كنت اكلم طارق او حنان
ولو في مشكله وضيا ادخل فيها بكتفي بالانسحاب فورا .. وبقوله اوكي ماشي !!
خوف خوف يعني ههههههههه ,, المفروض تكتب ف الموسوعه اني بخاف منك =))
حتى كتبت ف رد قبل كدا ,, اني بتجنب التعامل معاه بتاتا ,,
بس تعرف ! من فترهـ فكرت اني اتكلم معاك وكدا لاني عجبني تفكيركـ اوي ,,
بس ساعتها قولت يابت اسكتي الطيب احسن ,, لتقولي حاجه تلقائيه يفهمها غلط ويحصل سوء تفاهم @!
قولت خلاص يابت كبري دماغك وخلينا كدا ,, احنا حلوين اوي كدا )))
بس لسه عندي الرغبه اني اتعرف ع الشخصيه دي
طبعـآ شخصيه تحترم بدماغها وفكرها ومواقفها المشهودهـ ,, بس دا ميمنعش ان في مواقف
تصرفك بيخضني !!
مش هقولك انك فيك صفه من الديكتاتوريه ع اد ما هقولك انك بتحب النظام
يعني مثلا لو هنقول انك صاحب فندق او مدير عليه ,, وبتحاول تمشي النظام صح عشان محدش يخالف القوانين
ويفضل سمعه الفندق ملعلعه وسط باقي الفنادق
من الشخصيــآت اللي ممكن اقعد واسمع لها كويس ,, لان اكيد المكسب هيكون اكبر
مهما اتعلمت منك بردو مع الصمت هتلاقي دروس بتتاخد من مواقف .,
وبس بئه ههههههه
ربنا يوفقك ياررب ,


طارق

طروق .. دكتـر طـآرق عبـآس ,.
طب أبدا منين هههههه
عقليه كانت سبب اني ادخل السايت هنا واشترك واشارك معاكم ,
زي ما قولت قبل كدا ان سبب دخولي هي مسابقات طارق ,, دماغه وطريقه ف صياغه المسابقه ادهشتني
تابعت معاهـ من ساعه ما دخلت وكنت بصر اني افوز فيها , اعتقد طارق اول حد اتعرف عليه هنا
ودا طبعا كان بسبب مشكله وعايز يتأكد من هويتي فـآكر ولا ناسي !!
المهم , كنت داخله المنتدى ابيض ياورد طبعا مش عارفه نظامه ..
كان سبب اني افهم كل حاجه صح من البدايه , كلامه معايا عالميل ف حد ذاته كانت دروس مسلسله
كل يوم امر بموقف ويحصل تاتش واشوفه اتعامل ازاي .. حصل ايه ., غلطت في ايه
يمكن عشان كان هو اللون الاحمر الموجود والرأس الكبيرهـ زي ما بيقولوا ف كنت عايزه اتعلم منه
الاداره كانت حلمي ف بدايه دخولي , ودا لاني حطيت طارق هدف قدامي [ اني ابقى زيه ] ..,
بقيت اتابع واشوف مواضيع وردود افعاله ومواقفه اللي بياخدها ,, احترمت شخصيته جدا بس مع الوقت اكيد لقيت فيه عيوب ,, وطبعا الواحد لما يقتدي بحد بياخد منه الحلو بس
بالظبط كدا مع طارق ,, اتعلمت منه حااااجات بالهبل ,, عشان كدا مهما كان يعمل فيا مكنتش ازعل منه
ولما كان يزعقلي ع موقف او مشكله او او او , , كنت بقول اكيد هو بيعمل لمصلحتي
وفعلا بتعلم من اخطأئي ,, وقدرت اصلح من نفسي وقدرت كمان اطور منها
وكل دا بفضل الاساس اللي حطهولي من غير ما يعرف ..!
هو نفسه يمكن يكون اكتر حد عارف الفرق بين فارما من 3 سنين وفارما دلوقت !
اختلاف شخصيه , عقل , نضج , ادراك , ذكاء >> كل دا هو سبب ف نموهم
او ممكن نقول هو قدر انه يطلع حاجات جوايا مدفونه مكنتش عارفاها >> بردو من غير ما يقصد
مممم شخصيه ذكيه جدا ماشاء الله , متمكن , دئوب ومجتهد , جدع جدا , انطوائي الي حد ما
ممكن يتعصب ويتنرفز بس دا لما حد بيستفزهـ ,, ساعات بيحولها لحكمه وساعات التسرع ممكن يخونه
ويخليه يعمل حاجات يندم عليها ,,
طيب جدا جدا ,, صريح ,, بيحب يفيد اللي حواليه مش شرط ف مجال المنتدى لأ عامه [ جدع يعني ]
صبور ف اقناع غيرهـ ,, وعنده قدرهـ انه يفضل وراه لحد ما يقتنع ., مبيملش من الكلام اللي هو مؤمن بيه ,,
شخص يميل للاستقرار اوي ,, بالرغم انه بيعشق الخيال ., بس اعتقد ان حياته المستقبليه راسمها ببساطه شديدهـ جدا / مش احلام وطموحات وبيحاول يتغلب ع الواقع لأ ,, بسيط جدا
ممممم في ايه تاني يا عم طارق ..!
بقول كفايا كدا زمانك زهقت يا عم ههههههههه
ربنا يوفقك يارب , ويكتبلك الخير ف كل خطوهـ
وكل حاجه اتعلمتها منك جميل شايلاه ف رقبتي طول العمر

[Lαzєzα]

وباك ,, مش فاكر كام مره بقى =))

لو معجبه بحد هتعملى ايه؟
لو كنتى محتاجه مبلغ لظرف طارئ ,, هتستلفى من انهى عضو؟
فيه ف المنتدى هنا تملق للاداره او المشرفين؟
شايفه الاشراف شئ متعب؟
من هو افضل ادارى ف المنتدى ناو؟
مشرف يستحق الاشراف عن جداره؟
عضو يستحق الاشراف ولسه عضو مميز؟
لما حد بيكدب عليكى وانتى عارفه ,, ايه رد فعلك؟
لو حد من جنس ادم كدب عليكى وخانك مثلا ,, هتقفلى من الرجاله كولهم ,,ولا هتقولى ده واحد منهم ؟
ايه اكتر عيوب جنس حواء ع العموم؟
شخص بتعتمدى عليه لما تحتاجى لرأى حد ف قرار مهم ف حياتك؟
قولتى انك بتحبى ف قصه حب صح؟ :d
ايه دور حبيبك ف حياتك ناو؟


كده كفايه اوى النهارده ,, بكره بقى وعليكى خير :d

[Lost Pearl]

اقتباس المشاركة الأصلية كتبت بواسطة dr.pharma lost pearl لولو بدايه معرفتي بيهـآ كانت عالفيس , عن طريق جروب بنات مصر وكملتها مرهـ او اتنين وبعدين أخدت الميل بئه واتكلمنا وكدا ., ف بدايه التعارف ,, كنت بقول عادي هكلمها يومين تلاته وبردو مش هكمل وكدا لأني معنتش بتكلم زي الاول ,, يعني علطول بفتح المنتدى واسرح ف الشغل ومش افتح الميل ولو فتحت يبقى عشان اكلم تقى واحمد واصحابي وكدا بس لقيتني بكلمها علطول يوميا او ع الاقل كل ما افتح يعني ,, وواحده واحده العلاقه بقت ازيد مع طبعا الكونفيرس اللي بيتعمل من العفاريت صحابنا ابتدت معرفتي تزيد شويه وبقت لولو من الناس القريبه بدليل اني ضفتها ف قايمه ماين هي طيوبه جدا وفيها بردو حاجه مننا ههههههههه >> اي حد وش صيدله وطب لازم ياخد البصمه خامتها طيب جدا , جدعه جدا بردو , صاحبه صاحبتها بردو >> انا مبصحبش غير الناس الجدعه ههههههه يمكن هي بتقلق من اي حاجه ,, بتخاف على مشاعر الغير اوي ,, وممكن تيجي على نفسها عشان الغير ,, واعتقد ان دا مش حلو اوي يعني ,, ومش كويس ف كل المواقف .. >> بالرغم من كدا صاحبه واقفه .. بتاخد موقف يعني ههههههه ربنا يوفقها يااااارب :* [/COLOR][/SIZE]

هههههههههههههههه و الله يا بنتي انا بجد بجبك اوي

من غير سبب

و متهيألي قلتلك كدة اول ما اتكلمنا

ههههههههههههه تصدقي مش كنت اعرف اني ف القايمة عندك :biggrin:

كل اللي ف صيدلة كدة .. حتي شهد باردو كلنا ههههههههههه

للأسف صح :biggrin:

لسة بهزأ نفسي من شوية علي كدة

ربنا يسهل و اتخلص من الحاجات دي

آمين يا رب يا حبيبتي و يوفقك انتي كمان يا رب :*

[Lαzєzα]

بت ى رفيف
انا لسه واخده بالى من قايمه ماين دى :d
انا مش ف القايمه دى ليه ى بت ؟ =))
هنخسر بعض كدا =))
بس ايه قايمه ماين دى اصلا؟ =))

[doiss]

:079:
يا بنتي اشحال ما كنا اصدقاء ع الفيس بوك هتعرفي اية تاني يخربيت العيشة هههههههههه
وبعدين خوف اية مش فاهم يا رفيف انا بعزك واحترمك زي اختي وكل اللي بينا روح طيبة وانتي جدعة وتستاهلي كل خير انتي والحتة الصوغننة بتاعتك (تقى) هههههههههههه
وانا كمان بتعلم منك ومن كل الناس وكفاية ذوءك وحب مساعدتك للناس من غير مقابل دية لوحدها تبين معدن الانسان الطيب .
وكفاية كدة لحسن بتأنثر بالمواقف دية وبعيط :sml7:
:079:

[тoкα..♥]

اقتباس انتي والحتة الصوغننة بتاعتك (تقى) هههههههههههه

هههههههههههههههه
آهي دي آللي خلتني آرد
عجبتني آوي آلحته دي :d:d
آنآ آستآهل كل خير يعني .. آلحمدلله :d
طب مآ طبيعي آي حد لسه ميعرفش ضيآء لآزم يخآف منو
لكن وآلله آللي يعرفو هيتآكد آنو وآخد فكرة غلط جدآ
فوفآ .. آلله ينور :d

[SplendiD SouL]

ههههههههههههههههههههههه انتي جاوبتي وانا معرفش

اقتباس dr.pharma هههههههههههههههه انتي يابت مش بتسمعي كلام اخوكي ليه =)) بيقولك قومي اعمليلي فطار )) طيب بصي انا صريحه يعني كلامي مش يزعلك بئه انا لما بحب حد ويهمني بقول كلامي بصراحه لو ميهمنيش هقول عادي يعني وخلاص بصي بئه ايمي حساكي طيوبه جدا والله بس حساسه زيادهـ عن اللزوم ,, اعتقد من اقل حاجه بتزعلي . .. بس دا ع حسب رد فعل اللي قدامك بردو الحساسيه المفرطه دي مش مطلوبه .. ومش بقولك مثلا خليكي بارده وكدا لأ ابدا بس المقصد انك تحاولي تكبري دماغك شويه ,, متزعليش نفسك ع حاجات متستهلش اهم حاجه تكوني رايقه كدا وميت فل وعشرهـ بس ك خامه يعني انت زي الفل واني احبك ف الله والله

هههههههههههههه وربنا بسمع كلامه هوه مطلع عيني حد غيره دا انا اقصد علي اخويا الي بجد
هههههههههههه انما هنا هتنضربي شكلك كدا:762:
المهم بقي ميرسي لكلامك يارفيف انتي شخصيه والله لذيذه جدا فاكره التاتش اللي حصل زمان
وقولت البت دي هتنضرب هيا ايه التكبر دا بس اهوه الواحد بقي لما بيعرف اللي قدامه بيغير رائيه
وحتة حساسه انا كدا ممكن اخد صفحات في شرحها :biggrin: خليني كدا من غير رغي

واخر حاجه بقي عجبني رائيك في طارق وضياء لا جامد :biggrin:
منوره يافوفا وليا باك اكيد

[♥..pure]

طب أنــآ جيت يـ كمـآعه
هستغــل ان مفيش حد بينط هنـآ الظهريه
اخلص كل الاجابات اللي المفروض انزلهـآ
اني لا احب ان اؤجل عمل اليوم الي الغد =))
شهد !
ماما بتنادي عليكي علفكرهـ )

[♥..pure]

تكنيـكـآل

أو آيجي جلوري حـآليـآ ,, ديسبرادو , واحد من النـآس , ميدو روكي ســآبقـآ ^^
و احمد سليم حقيقة :biggrin:
يعتبر من أقــرب الناس ليا هنـآ ,, مش حاليـآ عشان ظروف شغله مش بتخليه يدخل وكدا
بس مهما مر الوقت هيفضل اكتر حد كآن فاهم فارما كويس ..
بداية معرفتي بيه كـآن ف رمضـآن آيــآم برنامج تكنيـآل عامل قلق ف رمضـآن
من سنتين تقــريبـآ ,, كنت أسمع عنه انه حد كويس ومتفاهم وكدا .,
وفعلا لمـآ اتعرفت عليه أكدت المعلومه اللي كآنت عندي , حد طيب , كويس , ذكي
تحس انه في اصاله الرجل المصري [ يعني ايه معرفش بس اهي طلعت كدا هههههههه ]
جدع , بيسـآعد وخدوم جدا , فكـآهي جدا ودمه ماشاء الله زي العسل كفايا تشبيهاته بس :762:
بس أيه بئه !
أوقـآت ببقى خلآص قولت احمد انا عرفته وفهمته وكدا , ممكن ف ثانيه يثبتلي ان كنت بكلم حد تاني !!
بمعنى ادق !!
اني مهما قولت انا عارفه الشخص دا ,, فـ مش هكون عارفه غير اللي احمد عايز يعرفهولي
ممكن نقول ان شخص غريب ., غـآمض جدا لابعد الحدود ., متصور ان لما حد يسأل علي حاجه يبقا تدخل ف الخصوصيه وبيفسرها بشكل غريب بصراحه ./
انطوائي جدا بردو بالرغم من انه اجتماعي ./
يحب يسمع غيرهـ اوي ,, عندهـ اذن وبـآل طويل جدا ,, بيفهم اللي قدامه بسرعه ودا من ضمن ذكـآؤهـ ,,
صبور ومتريث ,, مش بيتسرع ف القرار اللي بياخدهـ ,, حازم جدا للامور .,
تحليلي دا بناء ع كلامي معاه ومواقفه ف المنتدى :/ ممكن دا يكون معاكس للواقع >> الله اعلم بردو
وزي ما قولت قبل كدا ,, كلامي دا ممكن يطلع غلط ! للاسف يعني
الغريبه ان الشخصيات اللي مش بفهمها بلغي تعاملي معاها خالص ,, ودا بسبب خوفي من رد فعلهم
لأني مش فاهماهم ف طبيعي مش هقدر اتوقع رد فعلهم ع المواقف ..!
بس أحمد مميزاته طغت ع الانطوائيه والغموض ., وبالتالي فهو شخص اعتز واتشرف اني اتعرفت عليه ف يوم من الآيام ..,
طبعـآ هو عـآرف تعليقي ع غموضه دا , بالرغم انه بيحـآول يثبت انه مش غامض وعادي !
بس زي ما قولت مميزاته طغت ع غموضه .. ربنا يوفقه ف حياته
وان شاء الله ايام الغربه تهون ويرجع مصر بالسلامه
احترامي لشخصك ي أحمد .~


محمد سعد

أو حوكشه على رأي تقى :biggrin: >> مع اني مبحبش حوكشه دي ههههههه بس يلا ما علينا
بالرغم اني اكتر حد يعرف محمد بس مش عارفه اتكلم عنه :762:
هتيجي هتيجي :biggrin:
طبعـآ من سـآعة مـآ دخلت وهو كـآن مشرف الأغـآني هنـآ ,, وزي ما يكون ميعرفش غير الاغاني ههههههه
كـآن معاملتي معـآهـ تقتصـر بس ع الردود والهزار ف اليوميات ,, كان علطول يسـآل عليا البت تقى ورنا وبيوصلي السلام وكدا ..
بس كنت بحسبه شاب فافي بئه ودلوع وكدا وبتاع بنات =))
ودا كان بيبان من هزارهـ مع رنا وتقى مثلا ,, يعني يحسسك انه شاب طايش كدا ومنفض
الكلام دا اول مرهـ يطلع علفكرهـ ,, هيتصدم لما يشوفه ههههههههه
بس طبعـآ بعد كدا عرفت منهم انه طيب جدا ., وكانوا بيشكروا فيه اوي , وانه قريب جدا ليهم
بس بردو محبتش اضيفه ,, قولت الحكايه مش ناقصه استظراف :762:
بس طبعـآ مع مرور الأيـآم والشقلبظـآت اللي ف الدنيـآ دي ,, وهي اصلا خورم ابرهـ :biggrin:
ع رأي اسمه ايه دا اللي كان ف الفيلم اللي اتفرجت عليه امبارح >> الدنيا اوضه وصاله وشويه حاجات فوق بعضها كدا هههههههه
وهوب بئه اتعرفت عليه شخصيـآ , وهو بئه كالتاتي :
شـأب بردو طبعا بس طيب جدا جدا ,, جدع اوي ,, صاحب صاحبه بردو ,, خدوم , زوق
متفاهم مع انه بيكبر دماغه كتير اوي ودا مش بيعجبني فيه !!
يعني مش كل حاجه ننفض لها ,, اي نعم مناخدش كل حاجه ع اعصابنا بس بردو نحاول نعالج الامور
مبيحبش يزعل حد منه ., مكافح جدا ,, وبيعتمد ع نفسه ف كل حاجه .,
عندهـ عزه نفس مشوفتهاش ف حد ., ممكن يجي على نفسه عشان خاطر الناس ., ودي من ضمن الطيبه بردو
طبعـآ خفه الدم مفيش كلام عليهـآ , ممممم في اي تاني !!
مش عارفه انا قولت عيوب ولا لأ .. مش عارف بس بجد هو انسان نقي جدا من جوا ,,
ممممم كفايا بئه أنا رغيت كتير ,,

ليا باك بردو