مصر من وجهة نظر شعبية اوكازيووووووووووون

[cat cat]

جولتنا النهاردة حتكون بمشيئة الله فى قلب القاهرة وتحديدا منطقه العتبه والموسكى والأزهر وطبعا كلنا عارفين هذه المناطق لما تتمتع به من اصاله وعبق التاريخ وايضا كونها قبله تجارية لمعظم السلع والمنتجات التى تهم كل فتاه مخطوبه وطبعا مش محتاحين ولا طيارة ولا مراكب احنا طبعا حنتمشي يعنى مفيش كعب عالى *** مع cat cat *** ميدانالعتبة سور الأزبكية ( أكبر مكتبة كتب في قلب القاهرة ) درب البرابرة ( مركز بيع النجف و أدوات الإضاءه ) حمام الثلاثاء (مركز بيع أدوات المنزل ) المناصرة ( مركز بيع الأثاث) شارع الأزهر و ميدان الأوبرا أحد أهم مناطق القاهرة على الإطلاق زمان كان اسمها العتبة الخضراء .. و طبعا مبقاش في أي خضار فيها دلوقتي .. فبقى اسمها العتبة حنبتدي من العتبة نفسها زي ما قلنا قبل كده نظرا لان العتبة تعتبر من أهم المراكز التجارية لكل طوائف الشعب و رخص أسعارها الكبيييييير عن باقي أسواق مصر الأخرى تعتبر من أزحم مناطق مصر ..... وزى ماشايفين اللى على الشمال ده باللون البرتقالى المسرح القومى وبجانبه جراج الاوبرا ويتسع لعدد كبير قوى من السيارات شايفين الصورة دى وهى لشارع من شوارع العتبه وكمية الناس فيها ما شاء الله وطبعا دى صورة زووم للشارع اللى فوق مساءا المصريين بيجولها من كل مكان مش ممكن تكونى عايزة حاجة و متلاقهاش هنا .. لبس خروج و عبايات و لبس بيت و أحذية و شنط وكوووول حاجة بإرخص أسعار في مصر على الإطلااااق مش حتلاقي أرخص من كدة في مصر أبدا .. وانت يا عم بتبص علي اية الحاجات دى بتاعتنا ههههههههههههههه

بس طبعا في فصااااااال و بالذات مع الباعة اللي فارشين في كل مكان في العتبة و انتو و شطارتكم ..... و طبعا .... فرق كبير في الأسعار عن بره . بس مش هو ده بس سر جاذبية العتبة ..... سور الأزبكية طبعا دي أحلللللللى ..و أجمل مرحلة في رحلتنا يا جماعة هي دي ... والحقيقة يا بنات ان السور دة كنز كبير للي يقدره ويعرف يطلع أحلى ما فيه يكفي إن اقولكم إن ممكن تلاقو فيه موسوعات وكتب قيمة بنصف و ربع أسعارها برة و مش حوصيكم .. الفصال .. ثم الفصال والله ده حتى مجلدات ميكي وسمير وغيرها للإطفال والقصص والكتب المصورة الخلاصة أجمل و أرخص مكتبة في مصر كلها بتناديكم وفيه الكتب المستعملة إستعمالا جيدا بإسعار خرااااافيه ده غير الأبحاث والمراجع القديمة بإسعار حلوة تعالو نكمل رحلتنا مع حي الموسكي والموسكي يعود تاريخه لمؤسسه الأمير "عز الدين موسك" أحد أمراء صلاح الدين الأيوبي يبدأ الحي من ميدان العتبة عند كوبري الأزهر ويتماشى طولياً مع شارع الأزهر لينتهي بمسجد الأزهر الشريف ومسجد سيدنا الحسين ويشتهر السوق العريق بازدحامه طوال أيام الأسبوع ...المنطقة كلها كتله من البشر ... اللي بيشتري و يبيع و هي السوق المفضل للطبقات الوسطى فالأقل في مصر ... الموسكي .... من الأبرة للصاروخ اللي عايزين أي حاجة عليهم و على الموسكي .. هدوم .. لبس خروج و بيت و أطفال و غيارات .... مفروشات ....لعب أطفال ... أكسسورات ....أدوات ديكور وزينة ... كل ما تتخيلوا .. ورغم إنه سوق شعبي ..إلا ان فيه بضاعة حلوة محلي ومستوردة و حجات تلاقيها في محلات كتير برة الموسكي لانهم بييجوا ياخدوا اصلا من هنا .. وعلى فكرة معظم البائعون بييجوا الموسكي بروضووو يشتروا منه بالجملة وفي أماكن مخصصة خصيصا لبيع الجملة فمثلا في حارة اليهود في الموسكي مليئة بلعب الأطفال والأكسسورات والزينة .. لزوم اعياد الميلاد والحفلات وأماكن أخرى لبيع مستحضرات التجميل والبيت وغيرها وزى ما انتوا شايفين الناس بتشيل بالكراتين والمفروشات بإقل أسعار ودي حتلاقيها متركزة في الموسكي والغورية والأزهر شايفين يا بنات اطقم السرير والبطاطين والفوط على كل لون يا بنات درب البرابرة مركز الإحتفالات والإضاءة المصرية ورغم شعبية وتواضع المكان إلا أن الجميع يرتادونه وكل طبقة تجد ما تبحث عنه وما يتناسب مع ميزانيتها‏ بداية من الطبقات الكادحة وحتى الطبقات الثرية لانه المكان الفريد لأدوات السبوع المصري و الأب و الأم اللي بينتظروا بيبي جميل بيجوا هنا يدوروا على مستلزمات السبوع المصري وطبعا فيه كروت فيها كلام ظريف جدا من نوعية شيلوني بحنية دي ماما تعبت فيا و الحجات دي واللي بيجهزوا بيدوروا على أحلى تجمع محلات نجف وكريستال واباجورات بإحسن أسعار عن تجربة تشكيلة كبيرة و متنوعة وعلى فكره ده مش محل ولا اتنين ده تجمع كبير قوى للمحلات جنب بعضهم تقدرى تختارى اللى انتى نفسك فيه ودلوقتى ميعادنا مع شارع عبد العزيز أكبر سوق تجارى للأدوات الكهربائية هو الشارع اللى فى اقصي يمين الصورة بجانب قسم الموسكى طبعا دى صورة لواجهه المحلات هناك وتحتوى على جميع أو اغلب انواع الاجهزة الكهربائية وايضا هو الآن سوق تجارى كبير للمحمول والاكسسوارات الخاصه بالمحمول ونرووووووووح بسرعه على اهم مكان بأة يا بنات سوق أو حمام التلات وده بأة فيه كل ما تتخيلي من ادوات المطبخ واجهزة المطبخ أشهر مكان لجهاز البنات في القاهرة كلها أطقم حلل... الومنيوم وتيفال واستنلس وكاسات وصيني وأدوات مطبخ محلات كتير فوق بعضها في مكان واحد وأسعار متقاربة ... الناس بييجوا له من الأرياف ساعات يجهزوا من هنا طمعا في أعتدال أسعاره بالنسبة لبره وطبعا مش حتنسي الاكسسورات الحريمى من توك وخردوات وزغرطى يا عروسة المناصرة تقدرى تقولى دمياط على صغير طبعا ... من العنوان يوضح لنا نشاط الشارع أو الحي ده وهو صناعة الأثاث طبعا في مصر لا يعلى على الأثاث الدمياطي الذي يملأ بيوتنا جميعا وبعض البيوت العربية و يملأ معارض الأثاث في مصر كلها و زي ما قلتلكم ده أجمل ما في المنطقة دي تقارب معظم المحلات ذات النشاط الواحد في المكان الواحد للسهولة في الاختيار تعالو ا بينا نروح بسرعه على مكان غالى عندنا كلنا الا وهو شارع الأزهر أكيد تعبتوا من اللف والزحمة بدايتة من ميدان العتبة لغاية الجامع الأزهر اللي منه واخد الإسم طبعا كغيره من شوارع القاهرة مزدحم معظم الوقت و رغم وجود كوبري و نفق الإزهر لكن كونه شارع تجاري و به كثير من المحلات يجعلة مزدحما و يشتهر بمحلات الستائر والمفروشات وما يعرف في مصر بقماش التنجيد والمفروشات والصورة دى لمنقطه اسمها الغورية وهو شارع موازى لشارع الازهر مع أخر محطات جولتنا فى العتبه ميدان الأوبراااااااا ميدان الأوبرا هو أحد الميادين الرئيسية في وسط القاهرة وطبعا دى صورته فى الماضي و يتوسط الميدان تمثال ابراهيم باشا ابن محمد على الاكبر جالسا على حصانة الميدان فيه أنواع كتييير من المحلات المتخصصة ... ساعات ... ملابس وايضا بميدان الاوبرا يوجد أكبر تجمع تجارى للأدوات الكهربائية اسلاك ولمبات وكشافات الاضاءة وما الى ذلك وبكده ..... متهيألي رحلتنا في العتبة وملحقاتها تكون خلصت وأتمنى انها تكون عجبتكم وتكونوا استمتعتم معايا بيها

[۩۩ سيد الشرقاوي ۩۩]

جميل جميل جميل
الله علي مصر وجمال
مصر وجمال شعب مصر
وجمال شوراع مصر وجمال
هوا مصر تسلمي يااوكاات موضوع
شامل متكاامل بحييكي علي اختيارررك
المميز داا احترامي وتقدييري تميز داائم
تقييييمي ويثبت لينضم للتقييييم

[براءة حلم]

ماشالله توبيك اكتر من رائع تسسلم ايدك حبيبتي
صدق اللي قال مصر ام الدنيا كتير حلوه

[مخاوي الفرح]

سيدتي الفاضلة
كات كات
دوماً سيمت التميز عنوانك ومااشاهده من طرح
يؤكد مصداقية قولي هذا لقد اتيت بتقرير شافي وكافي
للباحث عن السياحة في بلدي الثاني مصر الحبيبه
لقد ذكرتيني باالتوفيقيه واسواق التوفيقيه
وقد كانت سكنتي الدائمة في التوفيقيه عند نزولي لمصر
اسمحي ان اهنئك على الموضوع الذي فاق اعجابي
لذا لايسعني الا ان اقيمه واضيف له فايف ستارز
في انتظار جديدك الاتي بشوق ولهفى بالغتين
لك جنائن وردي المديني
مع ارق التحاياااا
من افراد الرحلة
مخاوي الفرح

[jasmean]

	مشكووووووووووووووووووووووووووووووووووووووه علي موضوعك الرائع بصراحه توبيك اكتر من رائع وتستحقي احلي تقييم

[شقاوة احاسيس]

روعه ياقلبى ومجهود كبير اوى

ايه الحلاوه دى يابنتى

تستهلى فعلا احلى تقييم

[۩۩ elMagic ۩۩]

بجــد موضوع جميل جدا
تغطيه شامله منكـ
دمتـى مبدعه ومميزه دايما
مودتــــى

[طبيب الهوى]

الله عليكِ مجهود كبير ومميز منك



بس أنتِ نسيتِ أهم شارع



خان الخليلي



وهو موازي لشارع الأزهر من اليمين وللموسكي الثالث من اليسار




ونهايته مسجد سيدنا الحسين رضى الله عنه




والله رجعتني لأيام الجامعة كان يطلب الدكاترة مني ومن الطلبة



مجموعة أبحاث كُنا نجري على سوق الأزبكية نبحث عن الكتُب



المطلوب منها البحث وأحياناً نصورها وأحياناً أخرى نشتريها




كات كات



ميرسي لدعوتي لموضوعك القيم والمفيد



تحياتي وودي وورودي




طبيب الهوى

[القمر الباكي]

[أجمل سعوديه]

الله ع الابداع والشغل الجامد

تسلم يمينك يا قمر


تقبلي تقييمي يا أحلى قطه