فين ارادة الشعب يا شعب ؟؟

[شاعر واسير الحب]

النهاردة الانتخابات صح

انتخابات ارادة شعب صح

وكمان لرئيس قادم صح

طيب لما واحد بيسألك هتنخب مين بتقوله فلان ... يرد عليك ياساتر لا ....انتخب فلان احسن وبعد شويه واحد يسأله هتنخب مين فلان اللي صديقي قاللي علية من شويه يااااااهـ الاحسن تنخب فلان بن علان هو الاحسن والاقدر

وكل شويه يطلع عليك واحد عاوز يغير رايك من فلان الي علان
مانسيب كل واحد بحريته اذا كنا متعطشين للحرية ... اكيد احنا لا نعرف قيمة الحرية
اتعودنا علي القيود وكتم الانفاس

فين هنا ارادة الشعب والانتخاب الصح ؟؟
اذا كانت انتخابات لارادة الشعب وكمان لرئيس قادم الناس زعلانة ليه ؟
اللي ييجي ييجي اهم شئ مصر

ولا احنا شعب مابيعرفش ينتخب؟
واخدين علي اللي ييجي جاهز.... نظام رئيس درفللي ملزوق بالكرسي

وسؤالي في وسط كلامي
فين هنا ارادة الشعب والانتخاب الصح ؟؟
اذا كانت انتخابات لارادة الشعب وكمان لرئيس قادم الناس زعلانة ليه ؟
ولا احنا شعب مابيعرفش ينتخب؟

[سآرهہ]

لا اكيـد شعب بيعرف ينتخب بـس
انتعندك مثلا موقف حصل معايا لما نزلت قالوا ده انا هنتخب مثلا حمدين بيقولوا احسن الوحشين
لان موسي وشفيق بيقولوا من الفلول و ابو الفتوح اصلا اخوانجى .. والناس مش عايزه االاخوان
وسليم العوا مش شوفنا منه حاجه
طب الله ما انتوا عايزين حد من بره هو اللى يمسسك مش عاجبكوا ليه كل ده ؟
يبقى فى ارداه شعب ده بقى اللى بنتكلم عليه
اننا مش عارفين ناخد القرار
ككلام الناس بيشوش بسرعه
كده يعنى مفيش اداره شعب
ودى المشكله
مهمـآآ تتكلم الناس مش بتقتنع بسرعه

[פﭠة ﺳگـړُھَہّ]

بختلف معاك ان مافيش اراده للشعب لان الاراده دى هيه اللى عملت الثوره
هيه اللى عدلت الميزان .. هى دى ارادة الشعب

لكن بالنسبه للانتخابات.. فأنت بقالك 30 سنه بتقول سمعا وطاعا وعمرك متحطيت فى وضع الاختيار
وعمر مصوتك طلع وبقا عالى على الظلم

فالطبيعى ان الناس تكون مشوشه وقلقانه سمعت ده وسمعت ده فى كلام عجبها من المرشح الفلانى وكلام معجبهاش وهكذا فيبدأو يكونو متشوشين ويحبو يسمعو الاراء اللى حواليهم يمكن تكون حاجه تايه عنهم تقدر توصلهم لرأى فى الاخر

لكن مينفعش نقول اننا معندناش اراده
لان بالاراده
هييجى الرئيس

[بلدنا في القلوب متشاله]

الناس يعتبر معندهاش اراده لانها متوتره

مش عارفه تثبت على حل مناسب

علشان كده الناس اللي بتقول لحد يا عم انتخب فلان ده كويس اوي

بيسمعوا كلامه وهما مش عارفين حاجه ومش عندهم اراده اصلا

[شاعر واسير الحب]

طيب الاعادة جاية هنعمل ايه ههههههههههه

[طفطف المرحه]

هنعمل زي ما عملنا الاول
علي فكره احنا عندنا اراده واراده قويه
علشان كدا بنقول لا
اذا كان البعض معندوش ارداه
فالباقي عنده اراده
متكلمش عن كل الناس اتكلم عن نفسك بس
نعم يقال انه اصبح هناك ديمقراطيه وحريه
ولكن هذة تستغل استغلا ل خطا
ولا يفهمها الناس صح
fatma

[نهر النيل]

طيب انا ردودي على حضرتك هتكون بعض أسئله
ياترى تضمن الشرعيه والنزاهه بالانتخابات في ظل معدل فقر تخطى نص الشعب المصري ؟
ياترى تضمن شرعية ونزاهة الانتخابات في ظل توزيع زيت وسكر وبطاطس وكوسه ؟
ياترى تضمن نزاهة الانتخابات في متاجرة فئة بشعارات اسلاميه ؟
ياترى تقدر تضمن نزاهة الانتخابات وفي اتفاقيات من تحت الترابيزه ومن فوقها ومن حواليها ومن جواها ؟
ياترى تقدر تضمن دا ؟
تقدر تضمن دا ؟
والله أشك