شفيق و مرسي و اركن انت!!

[حلم عمري]

الحياة مجرد كتاب غير اننا مجبورين
علي ان نعيش صفحاته بالترتيب
ولا يمكننا اختيار الصفحة التي نشاء
فيجب ان نرضي بكل شيئ
فربما تكون الصفحة القادمة اجمل

بجد انا بحمد ربنا ان انا ماليش صوت
وكل اللي املكه اني ادعي ربنا ان يحفظ مصر

[فرحة]

لا اصوت لشفيق الرجل المدني العسكري , محسوب على النظام السابق عشان اقطع على الاخوان ؟ و نخلي العالم كلو يضحك علينا! >> كلامك ياطارق

انا عاوزه اسال الناس ليه خايفه من شفيق اوى كده .. وليه بتقولو انه هيكون مبارك تانى .. عمره ماهيكون مبارك تانى لانه عرف الشعب المصرى ممكن فى ثانيه يقلبها عليه ونعمل ثوره ,, ويصراحه لو الناس خايفه منه ليه اخد النسبه العاليه دى
انا عارفه انك ممكن تقول عليا فلول .. بس انا فعلا كنت متابعه الراجل ده وشوف حملته الانتخابيه ومرتاحه انه يكون
رئيس ع الاقل هو عندى احسن من مرسى .. عارفه ان راائى ده ممكن يزعل ناس كتير منى .. بس اللى خايفه منه
انه لو كسب هيفضل الناس اللى لازقه فى التحرير لسه لازقه واعدادهم هيزيدوووووووو اكيد ومصر مش عاوزه الناس اللى سايبه شغلها وحياتها ومبلطه فى التحرير

[SiLver Spectra]

اقتباس المشاركة الأصلية كتبت بواسطة كـkuboـابو بص يـآ طـآرق دى نتيجة 820 صندوق كـآنت قنـآة الحياه عرضتهـآ هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 675x370 .

دي من امبارح بالليل لما كانوا لسه في اول فرز
قبل المنوفية و الصعيد و الشرقية و الغربية !!

[SiLver Spectra]

اقتباس المشاركة الأصلية كتبت بواسطة فرحة لا اصوت لشفيق الرجل المدني العسكري , محسوب على النظام السابق عشان اقطع على الاخوان ؟ و نخلي العالم كلو يضحك علينا! >> كلامك ياطارق انا عاوزه اسال الناس ليه خايفه من شفيق اوى كده .. وليه بتقولو انه هيكون مبارك تانى .. عمره ماهيكون مبارك تانى لانه عرف الشعب المصرى ممكن فى ثانيه يقلبها عليه ونعمل ثوره ,, ويصراحه لو الناس خايفه منه ليه اخد النسبه العاليه دى انا عارفه انك ممكن تقول عليا فلول .. بس انا فعلا كنت متابعه الراجل ده وشوف حملته الانتخابيه ومرتاحه انه يكون رئيس ع الاقل هو عندى احسن من مرسى .. عارفه ان راائى ده ممكن يزعل ناس كتير منى .. بس اللى خايفه منه انه لو كسب هيفضل الناس اللى لازقه فى التحرير لسه لازقه واعدادهم هيزيدوووووووو اكيد ومصر مش عاوزه الناس اللى سايبه شغلها وحياتها ومبلطه فى التحرير

رايك و قوليه عادي بكل صراحة
في مثل بيقولك : ابقى راس حمار و لا ابقى ديل اسد :biggrin:
المهم يكون عندك قناعة في الشخص

[פﭠة ﺳگـړُھَہّ]

فى نقطه مهمه جدا
ياريت تفكيرنا ميكونش محدود لان ده اللى وصلنا للنتيجه دلوقتى

دلوقتى
مين اللى خلا الاخوان يكسبو هم منهم فيهم غير التضليل اللى عملوه فى عقول الناس وده شوفته بعينى

لكن مين اللى خلا شفيق يكسب

متقوليش المجلس العسكرى
هقولك لى؟

دلوقتى المجلس العسكرى اللى يهمه ان يفضل موجود
هو هيبقا موجود ازاى غير لما يشوف رأى الناس رايحه فين وهيروح معاهم
اما لاقى الناس كلها قالت خلاص مبارك يمشى قال خلاص انا هبقا مع الناس لانهم هيبقو اقوى

واما عملنا انتخابات البرلمان,,وجه الاخوان قال الناس عاوزين الاخوان يبقا نتفق مع الاخوان

ودلوقتى لاقو الناس كرهت الاخوان ومبقاش عندها ثقه فيهم وبداو يبقا فى انحياز لشفيق
فهيأيدو شفيق
مش علشان هم عاوزين كده
لا
علشان الاغلبيه عاوزه كده

دى النقطه المهمه جدا ,, ان المجلس العسكرى عاوزه يفضل يكون موجود وهيبقا موجود بكلمة الناس اللى فى الشارع

دلوقتى بقا نيجى لمرسى.. مصر مينفعش تكون ايران ولا باكستان ومينفعش فيها نظام البايعه
وده اللى هيحصل مع مرسى هيطبق نفس النظام اللى ايران ماشيه عليه

هقولك على مثال.. كان فى قرض بفائده 1% هيتسدد على 27 سنه والقرض ده علشان بس نشرب ميه نضيفه

طلع وقالك لا ده ربا واترفض القرض فى المجلس

طيب منتا بتاكل وبتشرب من قروض مصر واخدها ,, ولا انت بتحلل لنفسك اللى انت عاوزه

شفيق.. فى حاجه مهمه اوى لازم ناخد بالنا منها,, الراجل ده مسك والبلد تغرق منقدرش نكر ان مبارك كان لى فكر وانه كان شايف ان شفيق يقدر يعمل حاجه

لكن طبعا كجتش الفرصه

دلوقتى شفيق عاوز يثبت للكل انه مش زى ماهو الناس بتقول عليه وانه مختلف تماما عن كل الكلام اللى حصل

عاوز يدخل التاريخ ويعمل فارق الناس تحسه وتشوفه ويكون واقع ملموس ليها

اللى وراه شفيق فى الفوز مش الناس اللى اصحاب مراكز ونفوذ ده الشخص البسيط اللى وراه

لازم نفكر كويس تاااااااااااااااااااااااانى وبهدوء لسا ادامنا وقت
علشان ناخد قرار صح
عاوزين حد
نقدر نقولو لا
مش واحد يكون ماسك الكرسى وماسك البرلمان
ومسك كل الخيوط فى ايده
والشخص كده كمان مش اهل ثقه

لااااااااااااااااااااازم نفكر كويس جدا ونسمع كويس اوى الفتره الجايه نكون منصتين جيدين لكل اللى بيتكلم وعنده خبره سياسيه كويسه

ونيجى نتناقش ,, ونقول رأينا مش عاوزين نشتت لان ساعتها مصر هيه اللى هتشتت

[بحار فى بحر الحب]

السلام عليكم

اى واحد يخاف ع البلدى اكيد بيكون ضد الفلول ومحتاجين البلد تتغير مو ترجع زى الاول

انااااااا كونت من مرشى ابوالفتوح وكونت حاسس انو هينجح او هيكون ليه اعاده


بس الكلام والحديث فها الموضوع مو هيرجع الهيحصل

ولا هيغير الحصل




مهما كانت نتيجة الانتخابات المصريه



انت تريد وانا أريد والله يفعل مايريد ولن يحكم أحد في ملك الله إلا بما يريد

الله هذا ما قاله الشيخ محمد متولي الشعراوي ... رحمه الله..فالامر كله

بيد الله عزوجل

وتذكروا قول سيدنا يعقوب عليه الصلاه السلام في سورة يوسف الايه 67 {إن الحكم الا لله عليه توكلت وعليه فليتوكل المتوكلون }


وقد يكون الخير من وجهة نظرك هو الشر بعينه والعكس صحيح وعسى ان تكرهوا شيئآ وهو خير لكم ..وقد يكون الخير كامن في الشر

ولعله الخير كاااامن فى الشر

فدعوا المُلك للمالك ...{قل اللهم مالك الملك تؤتي الملك من تشاء وتنزع الملك ممن تشاء وتعٌز من تشاء وتٌذل من تشاء بيدك الخير كله وانت على كل شئ قدير....26 آل عمران } والله ولي التوفيق

[!دلوعها وكلمتها مسموعة!]

فى المنصورة الاستاذ شفيق عاطى لكل واحد 500جينة علشان يحط صوتة والناس
مش لقية تاكل بسبب الى حصل فى البلد طبيعى يعطوا صوتهم
علشان جينة حتى لو مش عوزينة

والاخوان وانصار شفيق ضربوا بعض ضرب كان فى دم فى بعض القرى الى تبع الدقهلية
وكمان الاخوان يقولوا لناس الى مش بعرفوا حاجة علام على اخر واحد فى القائمة مين
حمدين صباحى واحد منكم كدة مش خداع من الاخوان
اين ضمائر الاخوان ؟؟؟؟؟!!!!!!
والله المفروض لابو الفتوح
وبعده حمدين لانهم يستحقوا على الاقل ما خدعوا حد ا
وفعلا لؤم على الناس لانهم متفرقين ومش عرفين مصلحتة البلد اصلا
وحسبى الله ونعمة الوكيل
فى كل واحد ااعطة صوتة لشفيق او ناس خداعة
بس مرسى ارحم من شفيق على الاقل

[مشتاقه للجنه]

بجد الاخوان مستفزين جدااا وبتوع مصلحتهم

ولعلمك لا توجد عند الاخوان أى ديمقراطيه فهم مستبدين لابعد الحدود

شفيق..!! الذى كان رئيس للوزراء فى أثناء معركة الجمل ولم ولن يفعل شئ
وواحد من ضلوع نظام مبارك ووأحد بتدور حوله الكثير من الشبهات ؟؟
بجد احنا اللى وضعنا نفسنا فى ذلك المأزق بس معلش لسه جديده علينا اللعبه

يارب رحــــــماااك

[حلم عمري]

علي فكرة دي غلطتي من الاول ان انا اتنازلت ومرشحتش نفسي
يلا ملحوقة

ربنا يسترعلي مصر

[الحان الورد]

،

يسري فودة كان كاتب :
انت بينك وبين الاخوان خلاف سياسي
لكن اللي بينك وبين شفيق دم !!

عشان كدآ بس وعشان الفلول مايبقلوش كلمة تاني علينا
مفروض اننا نتوحد مع مرسي حتى لو كنا على خلاف معآه ,, مرسي ماشي شوية انما شفيق !
بس سبحان الله .. ساعات بحس ان مصر دي مش مكتوبلها تكمل فرحتها أبداً
يعني فرحتنا ب الانتخابات ملحقتش تكمل ..
رغم اني مش بشوفها نزيهة تماماً .. لا ن كتير بيضحكوا ع الناس الغلابة
مش عارفة بصرآحة ان كنا نستحق دا أو لأ ؟؟!
ربنا يختارلنا اللي فيه الخير بقى ومين عارف ممكن يكون الفرج في آخر لحظـة ,,
تسلم يا طارق ع الموضوع ,