::: تكريم أعضاء المنتدى ::: | ||||||||||
::: فعاليات المنتدى ::: | ||||||||||
الإهداءات | |
| LinkBack | أدوات الموضوع | انواع عرض الموضوع |
منذ /05-25-2012, 03:01 PM | #41 |
مشرفة القسم العام سابقا المشاركة المثقفة | رد: شفيق و مرسي و اركن انت!! عندك حق فى كلامك كله ..!! موضوعك عبر عن كل الغيظ اللى جوانا ياطارق ،، فعلا الاصوات اتشتت والكل كان فى حيرة بين صباحى وابو الفتوح ولو كنا اجتمعنا ع واحد كان ع الاقل قدرنا نواجة الفلول بقوة..! والله ياطارق حاجة تقهر فعلا وخصوصا لما تحس انك فى محافظة مختارة شفيق ..اتوقعت صباحى لان شريحة كبيرة م الشارع بدأوا يقولو صباحى مش قادرة اقولك قرفانة اد ايه لما بسأل حد ويقولى انتخبت شفيق مابقتش عارفة الناس دى بتفكر ازاى ..!! عملنا مليونية علشان نشيل شفيق كرئيس ورزارء واتضرب بالجزم بعدها وفجأة العالم كله يلاقينا بننتخبة وبنصوتله وداخل اعادة وقرب من كرسى الرئاسة شيزوفرونيا دى ولا ايه..!! وشكلنا ايه قدام العالم ..!! ورجعنا نختار نفس النظام اللى الناس ماتت واتقتلت علشان يتشال ،، ورجعنا نختار نفس رئيس الوزراء اللى اتعملت مليونية علشان نشيله،، واللى يشوفنا واحنا بنضربة بالجزم يقول استحاله انه هيكسب،، هيكون شكلنا ايه لما رئيسنا يكون هو اللى ضربناة بالجزم..!! دة لو كان راجل محترم كان انسحب من زمان لكن هو عارف ان وراه ظهر كبير من فسدة النظام السابق ،، والمصيبه ان الناس البسيطة مؤيدة شفيق ويقولولك لا راجل محترم!! بابا يرجع م الجامع ويقولنا تصدقوا ان الراجل اللى جنبى يقولى انتخبت شفيق هى ايه الناس دى ؟ كلنا فى البيت مذهولين ان فيه لسه ناس بتفكر فى شفيق "ضحكوا علينا العالم " مش فاهمة يعنى اللى نزلوا انتخبوا شفيق دة ..كانوا قعدوا فى البيت احسن>>حرقة دم بشكل ماكنا سيبنا مبارك وخلاص وماعملناش ثورة طالما جبنا تانى نفس فكر النظام اللى بقالة 30 سنة بيحكمنا والله كلنااعصابنا باظت وبقى عندى ارتكاريا م ان حد يجيبلى سيرة انه انتخب شفيق بكون فعلا مش طايقاهم " مش عايشين فى الدنيا دول ولا ايه ولا حاسين بالشهداء اللى ماتوا " دة ساب الناس ليله كامله يتقتلوا وطالع برواقة تانى يوم يعتذر..!! دول ناس ضد مصر وعاوزنها تخرب..!! للاسف ياطارق الوعى السياسى شبه معدوم وتلاقى الناس تختار اللى تعرفة احسن من اللى ماتعرفهوش،،، انا انتخبت ابو الفتوح بالرغم ان كان ليا صحاب يقولولى مرسى وانا اقولهم ابوالفتوح او صباحى بس كنت من البداية خالص ومن قبل الثورة رافضة فكر الاخوان ،، بس دة مايمنعش انهم يستاهلوا احيهم لانهم اللى قدروا يجمعوا ويحشدوا نفسهم ويصمدوا قدام الفلول بالرغم من كرة جزء من الشارع المصرى لهم ياريت فعلا ماكنتش الاصوات اتفتت بين ابو الفتوح وحمدين لانى انا شخصيا كنت محتارة بينهم لاخر لحظة الخوف دلوقتى فى حاجة تانية..!! فى الاعادة بين شفيق ومرسى الخوف ان الاصوات تتشتت تانى لان لو الاحزاب قعدت فى البيت وباقى الشعب قعد فى البيت وقال مش هنزل وانا ضد الاتنين صوتنا دة كأننا بنديه لشفيق وبنساعد شفيق انة يكسب ..!! لان شفيق كدة كدة الناس اللى اختارتة هتنزل تأيدة تانى ومعاه شريحة كبيرة انما مرسى اللى بيأيدوة الاخوان بس والباقى ضدهم ..!! وبالرغم انى ضد فكرهم بس هنزل اصوت لمرسى لانى لو قعدت فى البيت كأنى بدى صوتى لشفيق وللنظام الفاسد تانى اصلنا لو قعدنا واعترضنا وقلنا مش هنصوت ماهو كدة بندى الفرصة لشفيق انة ينجح وبنشتت الاصوات تانى..!! وبالنسبالى لما بتحط قدام الامر الواقع لحاجتين مش عاوزاهم بختار الاهون وعارف والله بالرغم وانا بصوت حسيت احساس عمرى فى حياتى اما حسيته "انى حرة بجد وعندى اهمية فى بلدى وليا صوت فيه وبختار رئيسى" وانا ماسكة ورقة التصويت افتكرت الشهداء اللى وصلونا للمرحله دى واترحمت عليهم فعلى الاقل اختيار مرسى اهون بكتير من شفيق لان الكمية الكبيرة اللى ورا شفيق معظمهم من الحزب المنحل والفلول وشوية من الناس البسطاء اللى فاكرين الاستقرار فى شفيق ،، وللاسف هينتخبوة بردوا فى الاعادة لانهم محقونين ضد الاخوان،، وشفيق لو مسك البلد كأننا بنهدر دم اللى ماتوا لان مش هنلاقى حد اتحاسب وكل الفلول طلعوا ومافيش محاكمات شفافه،!! فعلشان نوزن الكفه تانى يبقى لازم الناس الواعية سياسية تتحد ضد الفلول حتى لو كانوا مختلفين كليا وجزئيا معاهم.... لاننا لو اتشتتنا تانى يبقى مبروك لشفيق والله ياطارق حاسة انى هختار حاجة مش مقتنعه بيها وانا نازله فى الاعادة بس عندى اشارك بدل اما اقعد وادى فرصة نجاح صوت للفلول وللنظام اللى كلنا كارهينة ع الاقل الاخوان عانوا من النظام دة فهيحسوا بالشعب ونبقى ادناهم الفرصة اربع سنين علشنا لو ماعملوش حاجة هيفقدوا ثقه الشعب كله ومافيش حد هيفكر يختارهم تانى .. رغيت كتير اوى .. تقبل رغى ومرورى |
منذ /05-25-2012, 03:15 PM | #42 |
مشرفه عـامه | رد: شفيق و مرسي و اركن انت!! منكم الله .. ودم الشهداء فى رقبتكم. ثانين :: مفيش خيار ان احنا ننزل نعلم على محمد مرسى هو اة حافظ مش فاهم واة غصب عننا بس على الاقل الاخوان كانو معانا .. ومنقلبين لحد ماة على النظام فا اربع سنين يعدو لان احنا شعبنا ميعرفش حرية .. لازم كل حاجة تتاجل .. ولو احمد شفشق مسك الرئاسة ولا هنزل ميدان ولا هنزل شارع ولا هشترك فى حملات وربنا ما هعمل غير اتفرج .. لان الشعب يستاهل وخسارة اموت ولا حد من صحابنا يموت تانى عشنهم .. مش هما عيزينو واشتراهم با 100 جنية يشربو بقة شعب راضى با الاهانة والزل .. واتعود انو هو متساق من الحكومة مش عارف يستوعب انو يكون هو لى مكرر .. (( وارجل ناس فيكى يامصر اهل اسكندرية .. بلد مفهاش فلول )) حسبنا الله ونعم الوكيييييييييييييييييييييييييل |
منذ /05-25-2012, 03:30 PM | #43 |
مشرفة سابقة | رد: شفيق و مرسي و اركن انت!! كل حاجة اتحولت لنكد وزعل , كنت متضايقة اووى انى لسه مش بنتخب .. بس لما شوفت المؤشرات فرحت انى مش اشتركت ف اللعبة دى .. لان الانتخابات ببساطة اتحولت لاخوان ضد فلول ولا عزاء "للثورة" وللاسف المصريين هما اللى عايزين كده .. كان ف ايديهم ان النتايج تبقى لصالح اى حد من الثورة زى "صباحى "او "ابو الفتوح" بس دلوقتى بقينا محتارين بين نارين كل واحدة هتدمرنا اكتر من التانية ., بس نقول ايه بقى حسبى الله ونعم الوكيل |
منذ /05-25-2012, 03:32 PM | #44 |
قلم مميز | رد: شفيق و مرسي و اركن انت!! أزيك يا طارق أن شاء الله تكون بخير أسمحلى بقى بمداخلة على السريع كده من فضلك بس الأول أحب أرد على كلمة صغيرة كده للأخت اللى قالت أن أبو الفتوح أكتسح فى أسكندرية أولاً الأكتساح كان لصالح صباحى وبفرق تقريبا 300 الف صوت ندخل فى الموضوع بقى يا طارق النتيجة دى أكاد أكون متوقعها من فترة وحقولك ليه أولا جميع القوى الثورية زى ما انت قولت بالظبط أتشتت وأتفتت أصواتها ما بين المرشحين وده كان فى صالح شفيق والدكتور محمد مرسى الأكثر تنظيماً وحقولك ليه برضه أكثر تنظيماً الأخوان معروفين من زمان أوى على قدرتهم على الجمع والحشد وعلى فكره النتيجة برضه أنهم يتصدروا كانت متوقعه لأن لو فاكر موضوع مضاجعة الوداع اللى نزل هنا انا قولتلك فيه ايه اللى بيحصل من تشويه بيجيب نتايج عكسية وده بالفعل اللى حصل انا حسيب شفيق الأخر عشان ده قصته قصة نيجى لأهم أتنين وليهم وزن وثقل كبير فى الأنتخابات صباحى و أبو الفتوح دول بقى أتشتت الأصوات كلها بينهم خلينا نتخيل لو كانوا الأتنين أتفقوا على واحد بس فيهم كانت خلصت من أول مره ومش محتاجين أعادة لكن حنقول ايه الله المستعان نيجى بقى لشفيق يا راجل قصدى يا طارق الناس اللى بتقول جاب أصوات منين وتزوير أقولهم لا معلش النتائج مفهاش تزوير أحنا بس اللى واخدين كل ما حاجه متجيش على دماغنا نقول تزوير مفيش واقعه تزوير واحده حصلت وأتسجلت أو حتى حد أشار ليها وده لحد دلوقت يعنى لحد ما انا بكتب كلامى ده ياترى كام عدد ضباط الجيش المصرى ؟؟؟؟ وياترى كم عدد ضباط الداخلية ؟؟؟؟؟ وكم عدد رجال الأعمال اللى ليهم أستفادة من نظام مبارك ؟؟؟ وكم مستثمر وشركة ليها مصالح أن النظام القديم يكون موجود؟؟؟ وكم عدد أعداء الثورة والفلول فى البلد ؟؟؟؟ أجمعوا بقى كل دول + أسرهم أولادهم وأزواجهم وأمهاتهم وأبائهم وولاد عمامهم وخلاتهم وعماتهم وعيالهم كمان وبعدين أبقوا قولوا جاب الأصوات دى منين دلوقتى البلد كلها أتحطت فى مفترق طرق مرسى وشفيق لاحظ هنا بقى حاجه يا حج طارق التيار الإسلامى بالكامل مش أخوان بس حيدعم مرسى ودى قوة ضاربه ملهاش صد او رد لو أجتمعت على فرد واحد مع أحترامى للجميع يعنى ده طبعا لو الناس أغلبها مستخدمش مبدء العند وأنتخبوا شفيق وموتوا الثورة بأنتخاب كوبى مبارك وخلونا نكته بتتقال للدول العربية والغربية لو وصلنا لكده أنا صوتى لمرسى رسمى وربنا يسهل الحال بقى ومعلش طولت عليك |
منذ /05-25-2012, 03:33 PM | #45 |
عضو سوبر | رد: شفيق و مرسي و اركن انت!! والله انا اتصدمت لما عرفت النتيجة دى انا كنت متوقعة انها ممكن تبقى بين مرسى وشفيق بس ما كنتش متوقعة ان الدقهلية اللى يكسب فيها هو مرسى بس فيه ناس كتير فى كل محافظات مصر بتايد شفيق وعايزاه ولعند الوقتى مش قادرة اعرف ايه السبب فيه ناس بتقول ان شفيق عارف البلد وليه علاقات خارجية جيدة وده اللى احنا محتاجينه فى اول 4 سنين واحنا مش محتاجين واحد يجرب فينا للاسف ده تفكير ناس كتير وده اللى ودانا فى داهية وحطنا فى الوضع اللى احنا فيه الوقتى وناس تانية طيبة مشيت ورا كلام الناس اللى بيعملوا دعايا للمرشحين عن اللجان وبتدخل تعلم على اللى بيقولوا عليه وده والله انا شوفتوا بعينى واغلب الدعايا كانت علشان محمد مرسى كنت باتمنى ان ابوالفتوح اوحمدين اى حد فيهم يكسب لانهم كويسين بس للاسف الناس اختلفواعليهم فيه اللى اختار ده وفيه اللى اختار ده وزى ما قلت يا استاذ طارق التشتت ماكنش فى مصلحتنا تماما انا بجد مش قادرة اتصور اى توقعات للفترة الجاية دى مش قادرة اتخيل البلد هتمشى ازاى والله اغلب العيلة عندنا قالت لو التصفية ثبتت رسمى بين مرسى وشفيق وده اللى اكيد هيحصل مش هينتخبوا اى حد بجد انا بدات احس ان دم الشهداء راح هدر كان نفسنا فى واحد جديد يطور البلد بس للاسف. التوبيك جميل ومتابعة للاخر |
منذ /05-25-2012, 04:00 PM | #46 |
مميزة قسم الأقلام | رد: شفيق و مرسي و اركن انت!! وقوة الأخوان لا يستهان بيها وقوة الفلول لا يستهان بيها بس الاخوان في وجهة نظري أكثر خطوره ... والواحد مش عارف برضه ... الاختيارين بنفسسسسسسس السوء واحمد الله اني ماليش يد في الاختيار ... وفي وجهة نظري الأخوان يتخاف منهم أكثر ومجرد التفكير انهم يمسكوا كل شيء بتجبلي اكتئاب شديد مشكور |
منذ /05-25-2012, 04:22 PM | #47 |
مراقبة عامة سابقه | رد: شفيق و مرسي و اركن انت!! نستاهلها و نص كمان لأننا ببساطة مش شاطرين غير في اننا نشتم في الفلول و نهزق فيهم و بعدين نفتت نفسنا!! وفي كل مره بنعمل خدمة كويسه للاخوان.. هى دى الخلآصــه التشتيت اللى حصل بين الآصوات المؤيده لحمدين والآصوات المؤيده لآبوالفتوح اللى عمل فينا كده ووصلنا للمرحله دي.. الاخوان رتبو ورقهم بشكل منظم ودى نقطه معروفه عنهم .. شفيق استغل المناظرات الاعلاميه واللى أثرت بالسلب علينا وكان بيتشتغل فى صمت شغل عالى أوى وتوزيع فلوس ودعايا مهوله يعني النزاهه مكنتش واخده بعضها ولآ حاجه زى ماكان بيقول فى شعاراته. هى خدمه كبيره قدموها أنصار صباحى وأنصار ابو الفتوح لمرسي وشفيق.. ومفيش اى مجال عشان نقول ان الانتخابات مزوره بالعكس الفرز كان قدام شاشات التليفزيون وانا ماعتقدش ولآ اشك انها مزوره الخيبه فينا احنا وفى نسبه الجهل والفقر الكبيره الموجوزده فى بلدنا واللى عرف يستغلها كويس اوى شفيق ومرسي وانا عن نفسي مش مقتنعه ولا بده ولا ده ولا كنت اتخيلت اى الاعاده تصفى عليهم .. فبالتالى مش هروح ولا هدى صوتى لحد فيهم زى ماقولت كده يادكتور هيا خربانه خربانه |
منذ /05-25-2012, 04:24 PM | #48 |
لو جيت علي بالك بالصدفه إبقي إرفع كفك وإدعيلي | رد: شفيق و مرسي و اركن انت!! إشهد يازمان رئيس مصر هيبقى من الإخوان |
منذ /05-25-2012, 04:35 PM | #49 |
حـكايـه حـياه | رد: شفيق و مرسي و اركن انت!! ولا شالوا شاهين جابوا الدوا قالوا مش نافعين والثورة والجماهير والاعلام دة كلة راح فين فى توعية الجماهير وكأنك يا بوزيد ما غزيت والتنظيم يا طارق فى انك تختار مرشح والمرشح دة كلة يديلة صوتة زى ما حصل مع مرسى وزى ما قلت لو كان ابوالفتوح وحمادين توافقم مع بعض وواحد منهم ترشح والتانى كان يكون نائب كان دلوقتى الاصوات حتكون مضاعفة وفرصتهم كبيرة بسى هو التشتيت وعدم الاستقرار على مرشح واحد يعنى حالة مزاجية مردوها العكسى حينقلب علينا كلنا ولكن مرسى فرصة فوزة حتكون اكبر فى الاعادة جميل التوضيح منك كما تعودنا تحياتى |
منذ /05-25-2012, 04:43 PM | #50 |
عضو ذهبي | رد: شفيق و مرسي و اركن انت!! ان كل اللى عاوزينه اتجمعوا فى صوت واحد و نزلزا لكن احنا بقى فضلنا نتقاسم شوية مع ابو الفتوح شويه حمدين شويه مرسى و شويه اصلا اعتزلوا الانتخابات قال ايه حرام هى دى المشكلة و انا اساسا لو شفيق ده مسك مصر هسيبها لانها ساعتها هتبقى بلد هبلة شالته وزير حطتوا رئيس ده هو بنفسه قال """ العيب مش فى مبارك العيب فى اللى حواليه """ يبقى احنا بقى نرشح اللى حواليه اللى كانوا بيروحو يزوروه فى المستشفى و بيتصلوا هاتفيا يتطمنوا عليه هههههههههههههه انا حاسة بكم هبل رهيييييييييييييييب و تعب اعصاب و توتر مش مدركة ان شفيق ياخد كل الاصوات دى ازاااااااااااااااااااااااااااااااى!!!!!!!!!! |
الكلمات الدلالية (Tags) |
مرسي, اركو, انت, شفيق |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
وتستمر هستريا أنصار شفيق بعد فوز مرسي | P R ! M O | يوتيوب - موقع يوتيوب - يوتيوب فيديو - مقاطع يوتيوب | 6 | 06-28-2012 06:44 AM |
دينية شفيق & مدنية مرسي! | د. محمد الرمادي | مواضيع عامة - ثقافة عامة | 8 | 06-18-2012 08:42 PM |
مرسى يتصدر في قطر و****************** بفارق 31908 أصوات عن شفيق | اهلاويه موت | منتدى الاخبار - عربيه - عالميه - اخبار مصر | 3 | 06-14-2012 01:16 AM |
الجبهه الثورية توافق على دعم مرسي او شفيق بشروط | اهلاويه موت | منتدى الاخبار - عربيه - عالميه - اخبار مصر | 4 | 05-30-2012 09:03 PM |
بالصور| مرشح الرئاسة أحمد شفيق يتعرض للضرب بالأحذية | مجدي الحفناوي | منتدى الاخبار - عربيه - عالميه - اخبار مصر | 3 | 05-25-2012 07:56 AM |
^-^ جميع المشاركات المكتوبة تعبر عن وجهه نظر صاحبها ,, ولاتعبر بأي شكل من الاشكال عن وجهة نظر إدارة المنتدى ~