::: تكريم أعضاء المنتدى ::: | ||||||||||
::: فعاليات المنتدى ::: | ||||||||||
![]() | ||||||||||||
|
![]() | |
![]() |
| LinkBack | أدوات الموضوع | انواع عرض الموضوع |
![]() | #1 |
مدير عام ومؤسس العصر الذهبي للمنتدي ![]() ![]() ![]() ![]() ![]() ![]() ![]() | ![]() أظهرت نتائج فرز 11,327 صندوق انتخابي من أصل 13,099 صندوق على مستوى الجمهورية في الانتخابات الرئاسية بلغ إجمالي عدد الأصوات الصحيحة 17,965,315 صوت حتى الآن أظهرت النتائج الاتي : محمد مرسي – 4,968,184 بنسبة 27.7% أحمد شفيق – 4,416,909 بنسبة 24.6% حمدين صباحي – 3,290,375 بنسبة 18.3% عبد المنعم ابو الفتوح – 3,157,465 بنسبة 17.6% عمرو موسى – 2,132,382 بنسبة 11.9% طبعا باقي الألف و نص صندوق مش هياثروا في النتيجة بشكل ملحوظ و هيكون تقريبا دا شكلها النهائي مع تغيرات طفيفة يعني الإعادة هتكون بين مرسي و شفيق هلوم مين و لا مين! بعد ما الناس كانت مبسوطة بالعرس الديمقراطي فجأة حسوا بنكد و حزن!! يختار مين!! ,الاخوان و يديهم كل السلطات و لا شفيق و نضحك العالم علينا! طبعا ناس كتير مستغربة ازاي شفيق ياخد النسبة دي و مين صوتله! الإجابة بسيطة جدا ,,انزل الشارع و حاول تتقرب من البسطاء و الناس العادية و شوفهم بيفكروا ازاي هتعرف ان النتيجة منطقية أنا واحد من الناس سألت كذا واحد اعرفهم ساكنين في قرى و مراكز و كفور مين الي له شعبية عندك يقولي صباحي و شفيق دا غير بعض من اصحاب الطبقات الغنية , و بعض كارهي الاسلاميين و أصحاب نظريات : عايزين واحد يدي بتوع التحرير على افاهم زي العباسية!! بس عارفين ,,احنا نستاهل الاعادة دي نستاهلها و نص كمان لأننا ببساطة مش شاطرين غير في اننا نشتم في الفلول و نهزق فيهم و بعدين نفتت نفسنا!! وفي كل مره بنعمل خدمة كويسه للاخوان ما اتعملناش أي حاجه من الانتخابات البرلمانية الي كان بيتابع استطلاعات الرأي في صفحات الفيس بوك و المواقع عامة بعد اعلان القائمة النهائية للمرشحين كان هيلاحظ اكتساح لعبد المنعم أبو الفتوح بشكل قوي جدا و بفارق كبير طبعا احنا ازاي نتفق على مرشح ؟ ازاي القوى الثورية و الاسلامية و الليبرالية تتحد على مرشح ؟ لازم نشتت نفسنا! بعد اسبوعين تقريبا زادت شعبية حمدين صباحي و تحديدا بعد ظهوره في برنامج (مصر تنتخب) و لاحظت ناس كتير جدا من مؤيدي أبو الفتوح حولوا على صباحي و مثال صفحة كلنا خالد سعيد (اشهر صفحات الثورة المصرية) شاهدة على تغير مزاج الناخب بشكل مفاجئ ![]() وقتها أنا قولتها أكثر من مره ,,الانقسام دا مش لصالحنا نهائيا و كلمة (مش لصالحنا) لأن بحكم معرفتي بناس كتير من مؤيدي حمدين و ابو الفتوح فهم ناس تقريبا لهم فكر واحد و بيحترموا الاتنين و شبه متوافقين على الشخصين في حين انت بتواجه حيتان (الاخوان بمرسي) و الفلول ب (شفيق) و (موسى) و لكن ! لا حياة لمن تنادي يا جدعان مش عايزين نتشتت و حمدين شخص محترم و كل حاجه لكن كدا في خطر على عدم فوز اي طرف فيهم يقولك لا اصلي مش مرتاح لفلان أو اصله كان اخواني و اصل و اصل و اصل (( و الكلام دا سمعته من كذا شخص بنفس المنطق مش من شخص واحد)) طبعا عارف انه حقك تختار الاقرب الى قلبك , بس ما تزعلش بقى من النتيجة النهائية ! لأن السياسة لازم يكون فيها مرونة و لازم تختار شخص ناجح مش مجرد اختار شخص فكره شبهي و الا فالاولى اني انتخب البسطويسي او خالد علي! لا انتخب الاسلامي و لا الناصري! دي بيسموها سياسة الاختيار الصحيح , و بتحصل في كل العالم تفتكر مثلا كل الفرنسيين اشتراكيين عشان يفوزوا واحد اشتراكي في اخر انتخابات!! أنا قولتها خمسين مره قبل كدا مافيش مرشح هتلاقيه 100% بيتوافق معاك لكن انت عليك انك تختار الافضل من حيث مواقفه الثورية و في نفس الوقت تحاول تحشد القوى و تلفهم حواليه بس مافيش فايده برضو أنا واحد من الناس كنت محتار في الفترة الاخيرة اصوت لحمدين و لا لأبو الفتوح ,و لآخر لحظة لاقيتني بفكر في سيناريو الاعادة ابو الفتوح و حمدين الاتنين شخصيتين محترمة و ثورية و لكن , الاعادة حتميا هتكون مع المرسي يبقى لو مرسي و ابو الفتوح فأبو الفتوح بتسانده قوى اسلامية + ليبرالية و ثورية و يسارية فهيكون في امل كبير أما في حالة الاعادة بين حمدين و مرسي فالتيار الاسلامي كلو هيحتشد لصالح مرسي , خلافا لحملات التشويه زي انه مش اسلامي و اشتراكي و ناصري و شيوعي و غيره هو آه ممكن يكسب اصوات الداعمين للفلول و كارهي الاخوان و بعض مؤيدي ابو الفتوح لكن هيظل في احتمال كبير لفوز مرسي في ظل دعم قوي و موحد من التيار الاسلامي يمكن دي اهم الاسباب الي خلتني ارشح ابو الفتوح و طبعا خلافا على اني أيدته من البداية و ضد فكرة تشتيت الاصوات بين شخصين كويسين أنا النهارده بس اتمنيت عمر سليمان كان يبقى في السباق ,,على الاقل كان هيشتت و هيسحب من احمد شفيق نسبة كبيرة من الاصوات و تكون النتيجة لصالح حمدين و ابو الفتوح الي هقوله في الآخر : احنا نستاهل النتيجة دي و الاخوان موقفهم صح , انت مش ضامن ايه الي كان ممكن يحصل لو مش كانوا رشحوا حد مش بعيد التشتيت يكون بين تلاته او اربع مرشحين و ندخل مع حمدين و ابو الفتوح خالد علي و البسطويسي!! أنا مش هلومهم هما ناس منظمة حتى لو بختلف معاهم حتى النخاع ,لكن حقهم يترشحوا مش هلوم ال 5 مليون الي انتخبوا شفيق لا الصعيد و لا الغربية و لا الساحل و لا بنها و لا اي دوائر صوتت بأغلبية لشفيق أنا هلوم نفسي و هلوم الناس الي فكرها قريب مني و راحت تشتت نفسها بين كذا مرشح بعد ما اجمعوا سلفا على مرشح واحد كان في امل كبير , و الشتت ضيعه و تقدر تلمس الامل دا لو جمعت اصواتهم الاتنين على بعض ::::: طيب هصوت لمين في الإعادة ؟ هصوت لمرسي و اسلم مفاتيح الرئاسة و الحكومة للاخوان خلافا على مفاتيح الشعب و الشورى الي معاهم ! و لا اصوت لشفيق الرجل المدني العسكري , محسوب على النظام السابق عشان اقطع على الاخوان ؟ و نخلي العالم كلو يضحك علينا! الإعلامى فيصل القاسم : إذا فاز أحمد شفيق فستكون ضربة قاصمة للثورات العربية جمعاء. وسيكون من حق الطغاة عندها أن يقولوا للثائرين: سنجري انتخابات وسنفوز ديموقراطياً مش قادر أنطقها لكن مضطر اقولها لأن أنا ما اقدرش اقاطع جولة الاعادة و اسيب انصار الفريق و موسى و بعض انصار حمدين و كارهي التيار الاسلامي يصوتوا لشفيق مصر مش هتستحمل وجود شفيق لمدة اربع سنين من الاضطرابات و الاحتقان هقولها بقى : صوتي لمحمد مرسي و مافيش مسار تاني لاستقرار مصر غير ان مصر تفقد إلكترون :biggrin: عندي رغبة في اللحظة دي اني ارجع صغير تاني و ألعب عسكر و اخوان ![]() وقتها كنت ببقى تبع أي طرف منهم بدون ما أحس باي ذنب !! |
![]() |
![]() | #2 |
● اسْتثنَآئيَـۂ « من مبدعى المنتدى ![]() ![]() ![]() ![]() ![]() ![]() | ![]() مش همـآ قـآلوا نعم للآستقـرار !! وملقنآش أستقـرار ! تتوقع أن البرنامج الأنتخـآبي لمرسي يتحقق !! ونفـرض انه هيتحقق تفتكر انه هو اللي هيمسك اسـآسـآ !! من المؤكد انه هيبقا عآمل زي الأراجوز اللعبه وواحد ورا الخشبه هو اللي بيحركه ! اصله مش معقول ممكن يعصي أمام الجمآعه !! ي قهرتي والله ., بعد كل دا ! عـآرف لو كآن حمدين و ابو الفتوح حسبوهآ صح من البدايه ! وعملوا توحد اصوات [ بمعنى انهم يتفوضوا ان حد فيهم يترشح والتاني يساندهـ ] يـــآهـ ,, كانت فرقت كتير اوي اوي ., واخدنا اكتسـآح ! ف الاعـآدهـ ! انـآ مش هرشح مرسي .., ولا هرشح شفيق يـ طـآرق ., البلد دي المفروض مستقبلنا احنا ., ومش هنسيبهم بئه يحركونا زي ما هما عايزين ., كفـآيـآ ذل يا عم ... اتوقع لو مرسي كسب ودا طبعـآ المتوقع ., هتقوم ثورهـ تاني ! وانـآ بصراحه من قهري مستعدهـ انزل التحرير المرهـ دي , وساعتها عنوان موضوعك دا ممكن نغيرهـ ونقول " مرسي وشفيق للخلف دور " حسبي الله ونعم الوكيـل .., |
![]() |
![]() | #3 |
مشرفة اليوميات سابقا ![]() ![]() ![]() ![]() ![]() ![]() | ![]() بس بجد ربنا يستر على الايام الجاية ومنرجعش تانى نضحك الناس علينا مرسى اهون من شفيق تسلم يا دكتور طارق على كلامك واحيييييييييييييييك |
![]() |
![]() | #4 |
![]() ![]() ![]() ![]() ![]() ![]() | ![]() فاكر في توبيك لما رديت عليك وقولت فيه ناس لسه بتقول يرحم ايام مبارك وشريحه كبيره ودخلت انتقضتني بعد ماحذفت الرد اهوه قابل بقي واللي انا شيفاه من وجهة نظري المتواضعه جدا جدا ان الناس نسيت الناس اللي تعليمها متوسط ودي اغلبيه كبيره اللي لابتيجي مع الاسلاميين والا بتيجي مع تفكير اللي زيك واللي بتتفق مع حزب السيجار والكفيار او حتي حزب اللي نعرفه احسن من اللي منعرفوش عموما كلام جميل والله وربنا يسترها بقي لو مرسي دا اخدها |
![]() |
![]() | #5 | |||||||||||||||||||||
مشرفة اليوميات سابقا ![]() ![]() ![]() ![]() ![]() ![]() | ![]()
انتى بتقولى لو اتعمل ثورة هتنزلى التحرير على كدا بقا احنا هنفضل فى التحرير طب مهو الى كان متوقع ان مرسى هيكتسح المفروض بقا احنا نتعايش مع المرحلة الجاية مش ننزل التحرير ونعتصم ويتقتل ابرياء لان زى ما الى زيى وزيك مش عايزين مرسى فى عايزه كتير وهينزله برضوا وهتبقا مجزرة لازم نرضى بالواقع ربنا يستر علينا | |||||||||||||||||||||
![]() |
![]() | #6 |
واحـــد مـن النــــاس ![]() ![]() ![]() ![]() ![]() ![]() | ![]() هيحطوك بين نارين اما مرسي او شفيق وفي الاخر شفيق ياخدها بس بنزاهه هو او مرسي هههههههههه انا صراحة حاسس ان الأنتخبات مشكوك فيها اما نشوف التصويت الخارجي هيبقى عامل ازاي والمهم ان في محافظات اثبتت انها بجد ضد الفلول زي بلدي كفرالشيخ ههههههه واسكندرية والسويس ومحافظات تانية وبعدين ابو الفتوح وقع من عين الناس بعد المناظرة الناس حست انه بتاع كلام وعاوز يرضي الناس وخلاص لكن كان حمدين كان صريح من الاول ومش غير رايه فحاجة فضل ثابت على افكاره كل الأحترام والتقدير |
![]() |
![]() | #7 | |||||||||||||||||||||
مدير عام ومؤسس العصر الذهبي للمنتدي ![]() ![]() ![]() ![]() ![]() ![]() ![]() | ![]()
لكن الوضع مع مرسي هيكون افضل حسب اعتقادي مهما كان فهو مش من رجال النظام السابق و ان كنت بختلف مع الاخوان سياسيا لكن ضد التشويه ضدهم بسياسة النظام السابق!! نورتي يا فارما | |||||||||||||||||||||
![]() |
![]() | #8 | |||||||||||||||||||||
مدير عام ومؤسس العصر الذهبي للمنتدي ![]() ![]() ![]() ![]() ![]() ![]() ![]() | ![]()
و الفرز تم مباشرة بعد انتهاء التصويت امامهم و امام الكاميرات يعني التزوير دا حاجه في علم الغيب و مافيش اي دليل عليها الا لو هفكر بالطريقة الفاشية و التشكيك في النوايا دمياط كمان اعلى حاجه فتوح و حمدين و مرسي شفيق قليل كلوا بسبب الصعيد و بعض دوائر وسط الدلتا ![]() | |||||||||||||||||||||
![]() |
![]() | #9 | |||||||||||||||||||||
واحـــد مـن النــــاس ![]() ![]() ![]() ![]() ![]() ![]() | ![]()
لا معلش انا قصدي على بتاعت الخارج انا كنت رايح اصوت لقيت المصري اليوم بتصور اتصورت ومش صوت هههههههههههه اصل صراحة العملية كوسة هناك تصور مش بيطلبو منك غير الأسم ومش عارف ايه كده كمان ولا بيطلبو رقم ولا حاجة يعني تروح تصوت بتاع عشرتاشر مرة ولا حد يقولك حاجة وبتوع الأخوان مشاء الله شغالين الله ينور بيروحو كل يوم يعملو الي فيه المقسوم لا ويجي يقولك صوت حضرتك تقوله لسه يقولولك طب هات رقمك نسجلك ويروحو يصوتو لمرسي هههههههههههه بصراحة استعباط بس مش عارف في مصر عاملة ازاي لكن زي ما قولت اكيد كلنا مع مرسي ضد الفلول ويارب يبقى نهضة بجد كل الأحترام والتقدير | |||||||||||||||||||||
![]() |
![]() | #10 | |||||||||||||||||||||
● اسْتثنَآئيَـۂ « من مبدعى المنتدى ![]() ![]() ![]() ![]() ![]() ![]() | ![]()
نتعـآيش ! يعني انك ترضي بالأمر الواقع ! بس اللي هيحصل دا مش هيرضيني بصراحه ,, وانا مش هقبل بحاجه زي دي ., ف طبيعي اني اعترض واحتج ! انتي بتقولي ابرياء هيتقتلوا !! طب ايه ذنب الشهدا اللي ماتوا ف الثورهـ !! بجد لآ عـزاء للثورهـ .. بس انا شخصيـآ مش هرضى بالامر الواقع دا ولو فعلا الثوار معملتش حـآجه واخدوا موقف !! يبقى حلال اللي هيتعمل فينـآ بعد كدا,, احنا شعب اساسا مالوش الحريه والكلام دا دا عـآيز ياخد فوق دماغه ويقولك كمان والنبي دلوقتي بيقولوا ما كنا عايشين ومستريحين ايام مبـآرك !! تصدقي بالله ي شيمـآء ..! فعلا اللي مش متعود ع النظـآفه هيفضل طول عمرهـ ..... ,, ولا عزاء للثورهـ .. | |||||||||||||||||||||
![]() |
![]() |
الكلمات الدلالية (Tags) |
مرسي, اركو, انت, شفيق |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
![]() | ||||
الموضوع | كاتب الموضوع | المنتدى | مشاركات | آخر مشاركة |
وتستمر هستريا أنصار شفيق بعد فوز مرسي | P R ! M O | يوتيوب - موقع يوتيوب - يوتيوب فيديو - مقاطع يوتيوب | 6 | 06-28-2012 06:44 AM |
دينية شفيق & مدنية مرسي! | د. محمد الرمادي | مواضيع عامة - ثقافة عامة | 8 | 06-18-2012 08:42 PM |
مرسى يتصدر في قطر و****************** بفارق 31908 أصوات عن شفيق | اهلاويه موت | منتدى الاخبار - عربيه - عالميه - اخبار مصر | 3 | 06-14-2012 01:16 AM |
الجبهه الثورية توافق على دعم مرسي او شفيق بشروط | اهلاويه موت | منتدى الاخبار - عربيه - عالميه - اخبار مصر | 4 | 05-30-2012 09:03 PM |
بالصور| مرشح الرئاسة أحمد شفيق يتعرض للضرب بالأحذية | مجدي الحفناوي | منتدى الاخبار - عربيه - عالميه - اخبار مصر | 3 | 05-25-2012 07:56 AM |
^-^ جميع المشاركات المكتوبة تعبر عن وجهه نظر صاحبها ,, ولاتعبر بأي شكل من الاشكال عن وجهة نظر إدارة المنتدى ~