حوار مع صحفي الماني عايش في مصر

[S n i p e R]

الحوار ده كان مع صحفي الماني عايش في مصر عشان بس منكررش الكلام الكتير اللى ملوش لزمة




ده الصحفي الألماني أجري معي حوار لقناة ARD الألمانية ... بعد الحوار سألته عن رأيه في الإعلام المصري والاعلام الالماني .. قاللي التنين كذابين بس الاعلام الالماني بيكذب بذكاء والاعلام المصري بيكذب بغباء .. قالي مثلا الاعلام الالماني خلاني اعتقد ان كل الاسلاميين زي القاعدة ولما جيت مصر من 8 سنين اكتشفت غير كده تماما .. والاعلام المصري برضه بيكذب زي مثلا لما يقلل من شأن محمد مرسي علشان هو كان المرشح الثاني للحزب .. قالي انا من حزب الخضر green party وكان مرشحنا الانتخابات السابقة فلان وفلان وحزب المحافظين رشح فلان وفلانة وحزب كذا رشح فلان وفلان ..في العالم كله الاحزاب كلها بتعمل كده .. قلتله ده أكتر من كده الاعلام عندنا بيقول ان مينفعش حزب الاكثرية في البرلمان يشكل الحكومة لان مين هيحاسب مين .. قاللي باللفظ this is stupid . it doesn't make any sense يعني ده غباء وملوش معني امال ايه لزمة الانتخابات .. قالي العالم كله بلا استثناء كده ده الطبيعي .. بعدها سألني عن موقف الاخوان من ابو الفتوح فقلتله انا هرد عليك بس هسألك الاول : انت في المانيا مين بيختار مرشح الحزب؟ الحزب ولا هو بيقول انا عايز اترشح ولازم الحزب يدعمه؟ .. قالي لا طبعا الهيئة العليا للحزب بتحدد مين المرشح بتاعهم وفق معايير معينة .. قلتله طب لو واحد صمم يرشح نفسه .. قاللي بيتفصل فورا .. قلتله انت كده جاوبت علي سؤالك .. بعدها قاللي الغريب في انتخابات مصر ان أغلب المرشحين مستقلين مش مرشحي أحزاب .. قلتله مفيش غير مرسي اللي مدعوم من حزب قوي قاللي لا كمان احمد شفيق من حزب أقوي (حزب مبارك) .. بعدها كان عامل تحليل لكل المرشحين .. من ناحية الخبرة والكفاءة والبرنامج وكان رقم واحد في تقديراته محمد مرسي يليه عمرو موسي .. سألته لو انت مصري هتدي مين قاللي هدي خالد علي لانه شاب وطموح ويساري وانا بميل لليسار .. لكن للاسف خبرته قليله لادارة البلد وكذلك صباحي .. قاللي بعدها فيه اتنين من المرشحين اعتقد كانوا استحالة ياخدوا اي صوت في المانيا لو كانوا مرشحين .. قلتله مين ؟؟ قاللي شفيق لانه ملوش اي خبرة سياسية ولا قدرة علي التواصل ولا مؤهلات ولا برنامج ده غير انه كان رئيس وزرا وفشل والناس شالته بالمظاهرات.. وابو الفتوح (انا الحقيقة استغربت دي ) سألته ليه ؟؟ قاللي لانه ساب حزب فضل فيه 40 سنة وبيحاول يكسب كل التيارات وفي المانيا مش ممكن حد ينتخب شخص فكره مش واضح وبيحاول يكسب الكل .. بعدها سألته عن توقعاته للنتائج قاللي رأيي انها هتكون اعادة بين مرسي وابو الفتوح (لو نزيهة تماما) او مرسي وحد من الفلول لو حصل شوية تلاعب .... علي فكرة هذا الصحفي بقاله 8 سنين في مصر ومتخصص في الشئون المصرية والعربية

[اهلاويه موت]

موضوع اكثر من رائع تسلم

[رقة BaNOTa]

ههههههههههههه
حلو ده بس مش يعمم على الاعلام بتاعنا برده

شكرا بااحمد ع الخبر

[S h α h y]

توبيك حلو اوى
تسلم ايدك .. احلى (( فايف ستارز ))
احترامى ~