محتار أدى صوتى للى كفرنى ولا للى مش معترف بالثورة ؟؟؟؟

[محمود الصاروخ]

السلام عليكم ورحمة الله وبركاتة
أخباركو اية ياشباب ؟ يارب بخير كلكو ان شاء الله

...

طبعا كلنا مصدومين بنتيجة الانتخابات الى حصلت دى وأكيد كتير مننا معارض للنتيجة ديت
انا النهاردة حبيت أخد رأي الشباب فى حاجة لانى اتعودت أخد رأي الناس دايما

محتـــــار
أنتخب الى قال عليا كافر ولو منتخبتوش ابقى كافر
ولا أنتخب واحد من النظام القديم وقال للأسف الثورة نجحت ؟

بالنسبة للى قال عليا كافر
قبل ماكتب اى كلمة فى الموضوع دا أقسم بالله كل كلمة بقولها حصلت معايا

انا النهاردة كنت خارج عادى وروحت سنترال عشان أشحن رصيد عادى يعنى المهم دخلت السنترال لقيت اتنين أخوان واقفين فى السنترال دا دخلت عادى السلام عليكم وعليكم السلام
لو سمحت ياباشا عايز كارت شحن المهم انا متعود أجيب الكارت ب 10 ج من اى مكان ف البلد عادى يعنى المهم بديلة ال 10 ج لقيتة خادها كدا وحطها فى الدرج وقالى وأجيب النص جنية من محمد مرسى ؟؟؟؟؟؟؟؟؟؟؟؟ !!!! رديت علية قولتله دا الناس العادية الكافرة الى برة دي بتبيع الكارت ب 10 ج انت بقى ياأسلامى وقفت ع النص جنية ؟ المهم أختصار الموضوع لقيتة بيقولى وانت ياأستاذ محمود هتنتخب مين ؟ قولتلة انت عاوز مين ؟؟؟ قالى د / محمد مرسى .. قولتله لية ؟ قالى راجل حافظ لكتاب الله .. قولتلة وإحنا بقى الى شوية ناس كافرة ماشييين فى البلد ؟ قالى القوى الامين ؟؟
قولتله طيب واحمد شفيق دا أى نعم صوتى مش لاحمد شفيق بس حضرتك كنت أختبرتة وشوفتة حافظ لكتاب الله ولا لاء ؟ المهم لقيتة سكت كدا بعد شوية لقيت الى معـــــــــــــــاه
قالى المفجأة بقى
ياأستاذ محمود الى مش هينتخب محمد مرسى هيبقى كااافر !!!!!!!!

اقسم بالله حصلت

طب ياترى بقى أدى صوتى للى كفرنى دا ؟ ولا ادى صوتى للى قال للاسف الثورة نجحت ؟
ومن النظام القديم الفاسد ؟؟؟؟؟

محتار بجد
إية رأيكو فى الناس دي ؟؟؟؟؟
وياترى هتنتخب مين ؟ ولا رأيك زى رأيى ؟

خالص حبى
محمود الصاروخ

[بلدنا في القلوب متشاله]

الكلام ده صح

وكل الناس محتارين نفس الحيره

وشوفوا كمان الناس العجيبه اللي بتقول حضرتك هتنتخب مين ....التاني يرد عليه ويقول احمد شفيق طــــبعاا

طبعا على اساس ايه حرام عليكوا

يااارب يستبعدوا احمد شفيق

ومفيش قدمنا غير مرسي علشان شفيق ميكنش رئيس

شفيق لا

شفيق لا
شفييييييييييييق لا

وازاي يعني اللي مينتخبش مرسي يبقى كافر


ربنا يستر على بلدنا

[مصر فوق الجميع]

والله الكلام ده صح

والناس كلها خايفه ومحتاره جدا جدا

لان الاتنين اللى هيعيدوا اوحش من بعض

وربنا يستر وشفيق ميفوزش

ومرسى يفوز لو هما الاتنين فى الاعاده

مع انه بردوا مش كويس

ربنا يستر ان شاء الله

[نهر النيل]

لما يكون شعب مقسوم نصين
نص أخرس بيغني لنص أطرش
ياترى تكون ايه المحصله ؟

كان ف ايدنا حمدين صباحي
كان من الثوره وشبابها


يعني باختصار حطونا بين نارين
نار العوده للنظام السابق
ونار التكفير والتحريم
على طريقة اختار لك موته يا شعب مصر
ياتموت حريق
ياتموت غريق
وفي الحالتين
اتسرقت الثوره
وراحت للمرسي وشفيق
عليه العوض
ربنا يستر
انا عن نفسي أعلنت مقاطعة الانتخابات واصحاب كتير ليا هيعملوا كده اصل مش كنا بنعمل ثوره عشان فلولي فاشل وهو رئيس وزرا واخواني جاهل سياسيا وكان استبن!
بالله ينفع اختيار ياشعب !!!!!
مش عارف ليه في ثوره تانيه أقوى جايه ..

[رقة BaNOTa]

وياما هنشووف
والله مش عارفه اقولك لان انا نفسي مجتاره ارشح مين
لاكن شكلي هقاطع ومش هنتخب حد

[cat cat]

اللهم ولي امرنا للخير

[פﭠة ﺳگـړُھَہّ]

شفيق مقالش للاسف الثوره نجحت ياريت تشوف التسجيل كامل مش تشوف وتسمع اللى انت عاوز تشوفه وتسمعه بس
زى اللى هم عملوه ,, يعنى اللى حصل انه اتعمل كت على كلام شفيق علشان يطلع كده دى نقطه

النقطه التانيه ,, انهم بيقولو للناس اللى مش واعيين ومش مدركين لشىء وهم الطبقه الفقيره جدا جدا الغير متعلمين اللى هم مش عاوزين حاجه من الدنيا غير الستر انهم يلعبو بعقولهم ويقولو اللى مش هينتخب مرسى يبقا كافر

طبعا دى عدم مصداقيه وتضليل وده اكتر شىء يخلينى اقول لا للاخوان ولا للى كفرنى

احسن حاجه فى شفيق وعاجبتنى مع انى انا هرشحه اضطرار ,, انه واضح وصريح جدا وبيكلم الناس بكل ادب واحترام

[ᗩмỉгล]

اقتباس المشاركة الأصلية كتبت بواسطة მղէƙმ شفيق مقالش للاسف الثوره نجحت ياريت تشوف التسجيل كامل مش تشوف وتسمع اللى انت عاوز تشوفه وتسمعه بس زى اللى هم عملوه ,, يعنى اللى حصل انه اتعمل كت على كلام شفيق علشان يطلع كده دى نقطه النقطه التانيه ,, انهم بيقولو للناس اللى مش واعيين ومش مدركين لشىء وهم الطبقه الفقيره جدا جدا الغير متعلمين اللى هم مش عاوزين حاجه من الدنيا غير الستر انهم يلعبو بعقولهم ويقولو اللى مش هينتخب مرسى يبقا كافر طبعا دى عدم مصداقيه وتضليل وده اكتر شىء يخلينى اقول لا للاخوان ولا للى كفرنى

مع أحترآمي ,,
شفيق حتى لو مقآلش للآسف الثورة نجحت [لأني مش سمعتها بودني بس سمعته وهو بيبررها معناها انه قآلهآ]
فهو قال بالنص "أنا مش معترف اني دي ثورة" في لقآء معآه قبل كدى ودي سمعتهآ بودآني
دآ غير لمآ كآن بيتريق ع آلثوآر قلب كدآ زي لمآ قآل هوزع عليهم بونبون ،،،
وأي حد مش معترف ان شفيق فلول ومن النظام الـ فآت الـ آلشبآب مآتوآ عشآن يطهروآ البلد منهم
يبقى حآجة من آتنين امآ من أنصآر مبآرك آمآ كآره للآخوآن لدرجة انه بيجآول يبرر لنفسه أي حآجة

أنا مع كرهي لـ الآتنين بس أتمنى شفيق الـ يخسر
على الأقل عشآن مبقآش بعت دم الشهدآ الـ مأتوى وقت ما كآن رئيس وزرآء وطلع يتريق عليهم

اقتباس احسن حاجه فى شفيق وعاجبتنى مع انى انا هرشحه اضطرار ,, انه واضح وصريح جدا وبيكلم الناس بكل ادب واحترام

معلش ,, يبأه أكيد مسمعتيش شفيق قبل كدآ
أنا لمآ بسمعه بحس حآجة من الأتنين في كلآمه آمآ كله تهديد وآمآ استهزآء بالآخرين


،،، تعليقي
الاخوآن: كدآبين، بيشتروآ أصوآت النآس الـ غلبآنة ، [وفي نآس بتصوت لهم بمزآجهم بردو] ،مصلحتهم رقم وآحد
شفيق: من النظآم ال فآت يعني [ضد الثورة] , بيشتري أصوآت النآس [في نآس بتصوتله بمزآجهآٍ ،دم اخوآتي كان مآلي الشوآرع وهو رئيس وزرآء ومحآولش يعمل حآجة بل بآلعكس آتريق عليهم

الاتنين أسوأ من بعض --> بس بآلـ معطيآت الـ قدآمي شفيق أسوآ
وعشآن كدآ آتمنى ان مرسي آلـ يكسب
...

[بلدنا في القلوب متشاله]

اتمـــــــــــنى ان شفيق ميكسبش

[مصر فوق الجميع]

ان شاء الله شفيق يخسر