هل تفضل الزواج المبكر ام ماذااااااا

[Hearts Whisper]

السلام عليكم

فى ظاهرة منتشرة جدا وكل فترة فى تزايد مستمر وهى ظاهرة الزواج المبكر

وتشاورت مع كتير حولى فى الموضوع ده واختلفت الاراء ووجهات النظر

وعندنا فى محافظة دمياط على حد علمى ان الظاهرة دى منتشرة جدا جدا

غالبا ما تكون فى القرى ويوجد ايضا فى المدن ولكن نسبة اقل من القرى

فتلاقى البنت صغيرة جدا فى سن 11 12 سنة ومخطوبة وكمان سنتين ولاحاجة

تتجوز هلى دا امر طبيعى هل دى هتكون زوجة صح تقدر تحدد مصير بيت واسرة كاملة

هل تقدر تربى طفلها تربية صالحة كيف لطفلة ان تربى طفلة

وتتعدد الاسئلة فاترك لكم حرية الرأى

هل انتم مع الزواج المبكر ام لا

وارجو التفاعل من الجيه المتزوجون و غير المتزوجون

ارجوا الايضاح لعلى انا المخطأة فى الرأى

[۩۩ elMagic ۩۩]

الظاهره دى بردوا تقريباً منتشره فى الصعيد الجوانـى
تلاقـى البنت يادوب فى الاعداديه واتخطبت وشويه وهتتجوز
انا ضد الزواج المبكر دا
لان البنت اكيد مش مأهله له ولا مشبعهـ بالمعلومات اللى تقدر منهـا
تفتح بيت مكون من زوج واولاد
دا غيـر المشاكل اللى ممكن تواجهها فى حالة الولاده وهى صغيرة السن
يفضـل الزواج يكون بعد تخطي على الاقل 20 سنه
تكون اتعلمت واكتسبت خبرات من الحياه ودراستهـا
علشان تقدر تتحمل المسؤليه وتتاقلم بسرعه مع الحياه الجديده
شكرا على الموضوع
مودتــــى

[Hearts Whisper]

اقتباس المشاركة الأصلية كتبت بواسطة ۩۩ elmagic ۩۩ الظاهره دى بردوا تقريباً منتشره فى الصعيد الجوانـى تلاقـى البنت يادوب فى الاعداديه واتخطبت وشويه وهتتجوز انا ضد الزواج المبكر دا لان البنت اكيد مش مأهله له ولا مشبعهـ بالمعلومات اللى تقدر منهـا تفتح بيت مكون من زوج واولاد دا غيـر المشاكل اللى ممكن تواجهها فى حالة الولاده وهى صغيرة السن يفضـل الزواج يكون بعد تخطي على الاقل 20 سنه تكون اتعلمت واكتسبت خبرات من الحياه ودراستهـا علشان تقدر تتحمل المسؤليه وتتاقلم بسرعه مع الحياه الجديده شكرا على الموضوع مودتــــى

اه بجد هى فى انتشار فظيع
دى حتى مش فى الاعدادية انا شوفت بنات فى ستى ابتائى مخطوبين وفيهم الى فسخوا يعنى لما تلاقى بنت لسه راحة اولى اعدادى واتخطبت وفسخت خطوبتها اقسم بالله مهزلة
تسلم يا أحمد على رأيك الرائع
احترامى

[نهر النيل]

وعليكم السلام ورحمة الله وبركاته

المحترمه / همس

بعد كل التحيه

الزواج المبكر مشكله معقده نتاج عوامل وظروف وعادات غريبه جدا

ربما تكمن في الخوف المتمثل بأنها بنت ولا بد من سترتها !

وربما يكمن في عادات غريبه وعجيبه تفنن فيها غالبيه من الناس بمحافظات كثيره

وربما ايضا يكون الفقر الشديد او الثراء الفاحش

ولكن

الخطوره هنا كارثيه ومحكمة الأسره تعاني من ارقام فلكيه للانفصال والطلاق بسبب عدم التنظيم الجيد

وبسبب التسرع الفظيع في زواج البنت

ارى ومن وجهة نظري ان الزواج المنضبط فعليا للبنت يكون فيما بعد العشرين او الخمسة وعشرين سنه

هنا تكون البنت نضجت

لديها خبره

لها رأي

اما غير ذلك فهو خطأ تماما

موضوع مهم لقضيه شائكه

مع عظيم الاحترام

[Hearts Whisper]

اقتباس المشاركة الأصلية كتبت بواسطة شيئ ما سيبقى وعليكم السلام ورحمة الله وبركاته المحترمه / همس بعد كل التحيه الزواج المبكر مشكله معقده نتاج عوامل وظروف وعادات غريبه جدا ربما تكمن في الخوف المتمثل بأنها بنت ولا بد من سترتها ! وربما يكمن في عادات غريبه وعجيبه تفنن فيها غالبيه من الناس بمحافظات كثيره وربما ايضا يكون الفقر الشديد او الثراء الفاحش ولكن الخطوره هنا كارثيه ومحكمة الأسره تعاني من ارقام فلكيه للانفصال والطلاق بسبب عدم التنظيم الجيد وبسبب التسرع الفظيع في زواج البنت ارى ومن وجهة نظري ان الزواج المنضبط فعليا للبنت يكون فيما بعد العشرين او الخمسة وعشرين سنه هنا تكون البنت نضجت لديها خبره لها رأي اما غير ذلك فهو خطأ تماما موضوع مهم لقضيه شائكه مع عظيم الاحترام

كتير جدا من الى وافقوا الزواج المبكر قالولى يكون ستر للبنت باعتبار كلامهم انها ستر للبنت يعنى انا عشان استر بنتى ادمر مستقبلها بان على الارجح الزواج ده نهايته الفشل وبيتظلم اطراف كتير الطفلة الى اتجوزت بعد ماكانت طفلة بقت متزوجة وبعدين وضعت تحت بند المطلقات
وفيه ناس كتير يقولك مش مهم التعليم اما اجوزها واخلص من همها وهو كدا مش بيخلص من همها كدا بيزوده اضعاف مضاعفة لانه بكدا هتكون نتيجته كما زكرت لعدة اسباب
انك بتاخد طفل صغير رضيع وبترميه فى البحر وتقوله عوم لوحدك
يعنى طفلة غير متعلمة وغير ناضجة تكون زوجة فأم

تحيياتى لحضرتك ومرورك الرائع

[زهرة الحياة 2]

للاسف احنا عندنا المشكلة دى ظهرت وبشكل مخيف جداااا
انا ليا زميلات اتخطبوا واحنا فى تانية اعدادى
والايام دى بيقولوا هنتجوز بعد ما تظهر نتيجة تالتة اعدادى
والمشكلة تلاقى البنت فرحانة لانها مش واعية ومش مدركة
للخطورة او الموقف الصعب اللى بتحط نفسيها فيه
والخطا هنا ينبع من الاسرة لانها هى المصدر لماذا تتعجل
الاسرة للستر مثلا فكما قلت اختى همس ان المشكلة تتضاعف
لتصل للطلاق فتعود كما كانت وبدلا من لقب بنت او انسة لقب مطلقة وتعود وتندم وتقول يا ليت فللاسف انا ارى ان هذا من قلة الوعى والادراك يقولون ان التعليم ليست له اهمية وان الزواج افضل فلماذا تتعلم من البداية هذه مشكلة عادات وتقاليد وقلة وعى
الواجب ان ندرك الخطورة فالبنت تواجهها المشكلة الاكبر
عند الولادة وكيف لها من الاساس ان تتحمل مسئولية بيت واسرة
من الاب والاولاد اذا كانت هى اساسا ما زالت طفلة
من وجهة نظرى ان الزواج يمكن ان يبدا من سن العشرين فاكثر
ولكن ليس اكثر جداااا حتى لاتضر نفسها
موضوع مهم وظاهرة منتشرة تستحق النقاش
ارق تحياتى

[Hearts Whisper]

اكيييييييييييييد حبيبتى بقو مبسوطين مش واعيين لخطورة الحياة الى هما رايحين ليها
مش عارفين انهم هيجى اليوم الى هيندمو ندم حياتهم
تسلمى على كلامك الرائع

[gold rose]

بصراحة

الزواج المبكر مشكلة كبيرة جداً

لإن البنت لسا مارح تكون متعودة إنها تكون متجورة

أو مسؤوله عن بيتها وجوزها

وكم شهر ورح تصير أم

البنت مثل ما قال الماجيك على الأقل تكون بالـ 20

[Hearts Whisper]

اااه اكيييد لازم توصل لل20 غير كدا بتكون لسا منضجتش فكريا لتحمل هذه المسؤلية
شكرا ليكى حبيبتى

[Absence Moon]

من اكثر المشكلات التى ما زالت مستمره حتى الان هو الزواج المبكر وهى مشكله يجب معالجتها
وخاصة ذى ما قولتى فى القرى بس انا بعترض على الموضوع ده لان الام بتكون سنها صغير ومعندهاش خبره فى تربيه اطفال
والمشكله بردوا التفكير المتخلف من العائلات اللى بيعتبروا ده من مصلحتها
وانا ضد الزواج المبكر
سلمت اناملك همس على الموضوع المهم