حكاية شعب . مسابقة قيصر العامية

[قلب وكلمات]

* حكاية شعب * الحكاية مش حكاية شعب ثار الحكاية أصلها في الحقيقة تار قلت أجي أحكيهلكم وأحاول باختصار الحكاية ملحمة وصراع لليل ونهار صراع حق وضلال قوي ومنهار أصل هي دي الحكاية باختصار شعب قال كفاية ظلم وانكسار كفاية نعيش في ذل ومرار ما ياخد الروح إلا عزيز جبار المنتقم من كل ظالم غدار يبقي كفاية يا عسكري استهتار ستين سنه نهب قهر دمار ظالم يسلم ظالم تركة عار ما أخدنا منكم إلا جدار يخنقنا ما تقولش يا أخي حصار فاض بينا والعزم بقي إصرار نكسر الخاين من صلبه قرار سكران ونسي لعب بالشعب قمار برتيته فيها الحاشية طبال وزمار مستني إيه من نجاسة وهزار اقتصاد الوطن بإيد تعلب مكار كان كل همه حديد واحتكار أستاذ في النصب مخزن أفكار والباشا حاميها متنقي كما المختار عاملي فيها أسد والأصل فار يبقي كفاية ذل ومهانة ومرار بركان غضب حقيقي والشعب ثار يطالب بحقوقه ينادي سلميه وانتصار رد عليه الظالم بطلق نار شهيد الأمل يضحك بُشره بالأنوار يا بخته ملايكه وصحبة أبرار زفة فرح في جنة الغفار تار ورآه تار يولد انفجار سقط الظالم وصحبته الأشرار تعيشي يا بلادي أم للأحرار لكن فريق الظلم ليه أسرار هنخلصك يا بلادي مهما كان مكار سامحوني يا إخوانا منفعشي اختصار ولسه الحكاية دايرة ومصر هي الدار عزيزة يا غالية مهما جري وصار وفي النهاية تحياتي للشعب البطل المغوار اللي ما يأس والأمل في عيونه باستمرار يحلم ببكرة نفسه يحقق استقرار رغم الثورة المنهوبة ودموع شهيد محتار نصيحة أخوكم ما تيأسوا من رحمة الجبار المنتقم من كل ظالم مفتري غدار عيشوا الأمل قوا العزيمة بحالة استنفار كسروا القيد وابنوها خلوا مصر عمار تحياتي باختصار قلب وكلمات

[دمعه حائره]

اخى قلب من اين اتيت بتلك الكلمات
جاءت كالصاعقه والطلقات
كفى ظلما سئمنا تلك التصرفات
شعب ثار امام ظالم جبار
استحاله يرجع تانى للقهر والانكسار
ربنا يصلح حال مصر ويحفظ شعبها ويقيهم شر الفتن
كل معانى الشكر والتقدير اقدمها لك
على هذه الرائعه واتمنالك التوفيق فى المسابقه

[ساحر الأحزان]

جميل الاحساس منك قلب

والشعب مهما حصل مفيش حاجة حتكسرة

وحيقف على رجلة من تانى

ويبنى بلدة احسن من الاول

جميل اختيارك

اتمنى لك دوام التوفيق

[فارس الكلمة]

يا قلب
نبض قلبك بالكلمات
فبحت أخى بأروع العبارات
قصيت لنا حكاية شعب ثار
شعب قضى حياته تحت رحمة كلب جبار
نهب وسرق وهتك عرض الأرض والدار
باع البلد وقال أيه عاوز يزود الإستثمار
فين توشكى يا مسجون بالله عليك
وفين موارد البلد الله يخليك
وفين مكتبة الإسكندرية يا ماما سوزان
منك لله أنتِ والتعبان
خليتو الشعب ياهث عطش
ومية النيل ما روت العطش
عشان الفسدة لوسوها
وقال إيه هيحللوها
والله حرام يا شلة حرامية
كل اللى سرق من البلد ولو حفنة تراب
هتكون فى قبره أشد عذاب
خلى السرقة تنفعك يا حسين يا سالم
وأنت هارب زى ومش ممكن هترجع تانى
وكل الوزراء الحرامية
سرقوا أموال وزراة المالية
والموظف الغلبان يشحت طول الشهر عشان
لو أبنه سخن شوية أو أبوه عيان
يروح فى طابور المستشفى ساعات
ويمكن يموت العيان ولسه دوره مجاش
هى دى حكاية شعب شاف كتير
من كل ظالم وطاغى وكل وزير وغفير
بس الشباب فى الميدان صاحين
ومش ممكن يرجع الفساد تانى
خلى بالك يا دكتور كتاتنى
تشريع القوانين محتاج فطانة
عشان نخرج بالسفينة لبر الآمان

قلب وكلمات

تسلم على بوحك الراقى
تقبل مرورى ودمفق بإذن الله
فاااااااااااااارس الكلمة

[شاعر الإحساس]

حكاية شعب ,,, وشباب ثورهـ

ووقفة جدعان ,,,

قلنا نغير ,,, ونكسر قيود طال زمنها ,,

ووقفنا وطالبنا ,, وقلنا ,,,وصممنا ,,

ررراح ضحايا كتير ,, لكنهم شهداء في جنة الرحمن

وبأرواحنا اكيد مستعدين ,, ومكملين ,, مكملين ,,

يارب ساعدنا يارب العالميييين


قلب وكــ لمات ,,,

ايا صاحبي الراقي المميز,,,,

حديث ررائع ,, وحكايه ارتقيت في وصفها ,,,

وتربعت بجمال اسلوبكـ العامي الراقي ,,,

وكنت خير منتقي للحروف ,,, ومعبر عن جوها

وهكذا كانت حكاية شعب يا صاحبي ,,,

واني اشعر بالاحباط ,, رغم الاصرار على المواكبه

رغم النيه على الاستمرار ,,,,,

لكن الاجواء اراها تسير برياح لا تشتهيها سفننا,,,

وفقنا الله ,,, وثبت اقدامنا ,, واهدى الى وطننا الاستقرار

والى حال افضل وافضل اللهم اميين يارب


ايها الراقي ,, اطربتني بكلماتكـ العذبه وكالعادهـ

اتمنى من الله لكـ التوفيق دوماً,,,

دومت ودام نبض قلمك الراقي ,,,

خاااالص تحياااتي وتقديري واحترامي يا صاحبي


"شـاعر الإحسـاس"

[Words Whisper]

أيا كان مانال الثورة اليوم

فمازال الأمل قائما بنصرة من الله

ومازال الأمل في غد أفضل آت ..

راقني ماجاد به قلمك

بالتوفيق

سلمت

ودمت بحفظ الرحمن ..

[السفينة]

شباب ياناس في عمر الزهور

عشق الوطن جوه قلبه محفور

راح ينادي بالحرية بقلب جسور

ونال شرف لقب شهيد علي جثته

الغربان بالرصاص قتلته وبالمدرعات دهسته

وبمحاكمات مسرحية ضاعت القضية

والغربان خدت براءة ولا عزاء للحرية

إنما مفيش أدلة جنائية ومحسوبيه

قصاد العدالة الإلهيه

أم الدنيا لسه بتنادي

يا أولادي وحدو الأيادي

وما تخلو بينكم فاسد من تاني

كفاية اللي راح كفاية جراح

قبل ما ينسرق حلمكم من الأعادي

الاخ الراقي
قلب وكلمات
حروفك هنا قوية جدا ومعبره

وهذا عهدي دائما بقلمك الجميل

سلمت يداك على جمال كلماتك

[ويبقى الأثر]

حفظ الله مصر وشعبها
قرأت كل الردود علها توحيني برد مناسب
ولكني ما وجدت رد على ابداعك سوى ابداعات الآخرين
قرأت اشعار كثيرة منها ماهو المحبوك ومنها ماهو مرسوم
ومنها المقتبس ولكن

هنا قرأت كلمات ادهشتني
حتى نامت حروفى فوق سطرى وانمحت
حقا كلمات تستحق الاعجاب والتصفيق
شكرا استاذى لهذة الرائعة الفريدة
دومت موفق باذن الرحمن
تحياتى لك ولقلمك

[فتحى عيسى]

الحقيقة مش حكاية شعب ثار
دية حكاية قلب قالها بمنتهي الصدق والعفوية الندية
وكلمات نابعة من جوه حب
عاشق لترابها حتي الثمالة
الرائع قلب وكلمات
كتبت فأنصفت
وأشبعت منا الذائقة
بل أبدعت
سلمت والنبض
مودتي وإحترامي

[سارية فى درب الرسول]

لا ادرى ماذا اقولك لك

لقلمك دائما الصداره فى الابداع

ولفكرك دائما الرقى فى الابتكار

ودائما اجد فى صفحاتك التجديد
رائع اخى ربى يحفظك ويحفظ شعبنا