حكايه قلب

[الأميرة رودي]

عام هجري جديد

كل عام وأنتم بخيــر
كل عام ونحن جميعا الى الله اقرب
مضى عاما ..
رحلت فيه أغلى الآرواح لتسكن جنان السمــاء

اللهم عوضنا خيــرا فى عامك الجديد

يـــارب

[الأميرة رودي]

[الآخلآق] روح تسكن فينا " فلآ تقتلوها " .. .. رودي ========= بمناسبه عشقي وشغفي ب الورد والتصوير ♥ ورداتى ♥

[الأميرة رودي]

بقالى كتير مش جيت هنا
مدونتي وحشتني جداا
وفيه مدونات لناس كتير هنا وحشني تصفحها والتجول فيها والاطمئنان على اخبار اصحابها
الايام اللى فاتت كنت بدخل دخول متقطع وقليل
بسبب ظروف كتير ورا بعضها عندي
بدأت بوصول حبيبى وأخويا من السفر وكان لازم اتفرغله شويه بما انه وحشنى جداااااااا
وبعدها بأسبوع كانت خطوبته هو وأختى الجميله وبنت خالتى إيمي
وبعدها بيوم وفاه جدتى والده أمي الله يرحمها
شويه احداث ورا بعضها منها المفرح أوى ومنها المحزن أوي

ورجعنا تانى ندخل المنتدى وربنا ييسر وأقدر أكون متواجده دايما

وحشتونى بئا ^^

[الأميرة رودي]

كتير حاجات اتغيرت
نفوس الناس والظلم اللى انتشر
ثقافه المصلحه فوق كل شئ
موتت حاجات حلوه كانت جوانا
واقعنا اصبح سيئ بالفعل

الله المستعان
<<>>

[الأميرة رودي]

عليه العوض فى الدم اللى سال وملى الشوارع
وأسفين ياريس ..

[الأميرة رودي]

النهارده بقلب فى جهازي لقيت تصاميم كنت عملتها من فتره
فيه منها تصاميم كانت تطبيق دروس ومنها فكره شخصيه


تصاميم مبتدئين يعني



















ودول تصميمين بنفس الآدوات
حاجه اجتهادي كده






بفكر أرجع اتابع فوتوشوب تاني
حاجه ممتعه فعـلا انك تطلع طاقه أو فكره مدفونه جواك
فى خطوط وصور ممكن مش يفهمها غيرك
المهم انك وحدك فاهمها

[الأميرة رودي]

عارفين اليوم اللى بيجي فجأه ويكون أكتر يوم فرّحك بعد فتره حزن طويله
يوم ماتشوف حد غالي عليك جدا فـرحان
وانت اصلا من قبل فرحته بنفسه انت فرحان بيه
كان يوم من اكترمن أكتر الايام اللى فرحت فيها
يوم كنت محتاجاه حقيقي//والحمد لله
الفرحه المستخبيه دي بتكون أجمل بكتير من اللى بيترتب لها
صحيح كان نفسي ماما تكون معايا فى اليوم ده
ولكن قدر الله وماشاءفعل
الله يرحمها.

يوم خطوبه محمد اخويا الوحيد كان من اكتر الايام الجميله
فى حفل عائلي بسيط
هو أخويا وهي أختى وبنت خالتى وبعد قصه حب مش هخبي عليكم يعني
تمت خطوبتهم الحمد لله ربنا يسعدهم ويتمم لهم بخيـر

وعقبال كل البنات والشباب

دي صور وهم بيلبسو الدبل والشبكه
قصيت الصور طبعا يادوب تشوفو حاجه صغننه










الخطوبه كانت عائليه
ولكن ان شاءالله الفرحه الكبيرة هتكون يوم الفــرح والكل معزوم مقدمـــا
ادعولهم ربنا يوفقهم ويسعدهم ..

[الأميرة رودي]

نهايه كل دمــعه [ بسمه ] الفرح والحـزن كأصابع اليد تجمعهم يـد واحده ولكن تختلف طبيعه كل منها - أحب كثيـرا ان انظر الى حيث تشرق الشمس وأعشق كثيـرا وكثيـرا ان انظر الى حيث غروبها لآاشعر بانقباض كما يشعر البعض أحبها وهى تمضى راحله أعلم ان رحيلها لتهدأ قليلا الى ان تشرق بفجـر جديد أكثر جمالا مما سبق واثقـه بالله قدر إيماني به >> الحمد لله تكفي ..~

[الأميرة رودي]

كثيـرا ماظن بي أنني انثي مستحيله أطاح به ذهنه الواهم أن طريقي عسير بعيـد لم يحاول إسدال الأمل للحظات توارى خلف الغيـم اختباءا من عيناي .! سجن قلبه فى زنزانه الكبرياء رفض الحريه وعاش بـ قوانينه الساديه . كسـاه الندم فاشتد الوجع.. أآه لو يدري أننى الحسنـاء على خديها ورد يشتاقه وبحـر أمواجه تناديه لم يهدأ يومـا الا عندمـا يقترب منه كـ تعويذه ..و أظنها تعويذه شوق منهمر النسيم فوق رأسي يوشوش برفق رمـوش عيناي الجميلتين ألم يشعر بالأنين بعد عنـاء الفراق ؟ لآ أظنه شعر بالتيه فربما أخطأت. أراه فقط باحثا شاردا فى صحاري جافه يبحث عن ظل ليستكين.. ياأيها الواهم ~ سنبله أبيه أنا وكل مايربطني بهذا العالم مراسم الصدق وموقد نار ألقي فيها كل منافقٍ كذاب هدوئي .. تزينت به منذ طفولتي و التعمق بي هذيان لم يشعر به أحد سوى من تحدث إليّ لقبونني فى الماضي بـ جبل تحمل كثيــرا من هبات ريح كادت تنحيه أرضا ولكنني أدركت ذاك الريح بـغرور عذراءٍ أبيه تنتفض لـ عِزتها لآ لشئ أخـر سـأغلق ابواب حبه فى حاله واحده.. إذا استطاعت الأرض الحيـاه بدون شمسها وإذا تبرأت الأسمـاك من حضن المـاء واكتسى السـواد ذالك الكـون بأكمله عندها سأعلن على حبـه الحداد عُمـرا .. .. أآه لو تدري أنى لآأملك من أسمي سوى أربعه أحرف فى ملكوت الهـوى سـاره تداعبت معي الروح سآمه ياأيها النغم الحزين على مسرحي [ غني ] فـ عثرات ذاتي تحبـو لـ تلآمس عناقيـد الحلم و عيناك المغمضتين فى تلك الزنزانه الصغيره الساجنه لـ دقات قلبك لوحتين ساحرتين ما أطول ليلي بدونك سواد شديد وشيب يملآ القلب والجسد ولكني أهمس نجماتي ألملمها فأحكيها نبراسا لفؤادي أتخذ من ضوء القمـر شعاعا ارسله لك يؤرق عيناك تأتيني متلهفـا هاهي أحرفي تتلألآ كي أتلو عليك عباراتي السرياليه فتدق أجراس المدينه كلها فـرحا باجتماع عاشقين تمت..

http://forums.banatmasr.net/msryat494919/#post4675508

[الأميرة رودي]

اشتقت اليكى صفحاتي.
واشتقت لحروفي التى احاكى نفسي بها
واحاكيكم من خلالها.
بعض الأرواح هنا نقيه لأبعد الحدود.
أشكر من قلبي كل من راسلنى واهتم بالسؤال عني فتره غيابي.
واشكر مكانا جمعني بهم ..
ومازال دخولي المستمر قيد الانتظار..

مغامراتى السياحيه في اكتر من مدينه عربيه هحكيها ان شاء الله.
لما يتوفر نت ♡♥
وحشتونى حقا
وفيه صفحات كتيره اوى في القسم وحشنى تصفحها.
اللى مزعلنى انى مش عارفه ابعت تقييمات من الفون
ﻻنى بشوف كلمات ومشاركات تستحق الشكر والتقييم.
كمان مبروك للمدونات الجديده واللي نورت القسم
دعواتى لكل احبابي بالتوفيق والسعاده.
ودعواتكم بقا استقر وادخل نت
مساءكم محبه
♡♥$♥♡