حكايه قلب

[الأميرة رودي]

2017
كانت سنه مليانه احداث
تقريبا الاحداث اللى كانت فيها تكفي سنين
مابين سفر ورجوع ومفاجءات
بس الأهم والأجمل هى هديه ربنا لينا ف السنه دى

مازن ♥

هديه ربنا فى 2017
حبيبي وحبيب باباه ربنا يحفظه ويخليه يارب
عسول شكل مامته بس عصبي حبتين

[الأميرة رودي]

ياصفحات مكشوفه ياجزء مهم من تاريخي الفني
تقريبا دخلت المنتدى مخصوص اقلب فى مدونتي
كانت وحشاني فعلا لقيت احداث كتير انا مدوناها هنا كنت نسيتها اصلا واول ماعيني وقعت عليها قولت يااااه فكرتيني بالزى مضى
طبعا الزي بتتكتب بالزال بس بكتب من اللاب توب والله نسيت الزال بتتكتب ازاى من اللاب
فعلا نسيت التعامل مع الكيبورد خالص انا بقالي كتير جدا مش بكتب عليها
حد يفكرنى
المهم مدونتي وحشتني وناويه ارجعلها تاني

[الأميرة رودي]

ياااااه ياعبصمد
المكان واللى فيه ليهم وحشه كبيره جدا والله
الله يسامح اللى زن وصمم على الرجوع
فيه كلام كتيييير جوه القلب وحان الوقت يطلع هنا
هنا وبس
فى صفحاتى المكشوفه

[الأميرة رودي]

القسم ده ابني الل مخلفتوش
اول مابدخل المنتدى بجري على صفحات مكشوفه
وكأنى بدور على ابني اللى تايه ووحشنى

[الأميرة رودي]

موت الفجأة،،وبالأخص موت الشباب بقى يخض وكتير بشكل مرعب
لسه من شويه عرفت بخبر مفجع جدا
اللهم الطف بقلوبنا واحسن ختامنا يارب

[الأميرة رودي]

بنغيب بالسنه ونرجع نقول خلاص مش هنبعد وننسى تاني.
ونطلع عيال كالعاده وتقسي قلوبنا تاني ونتوه فى زحمه الحياه
وبعد فتره بياخدنا حنين مرعب مهما نغيب نرجع ونقول مش هنغيب تاني . فنرجع تاني فى كلامنا ونقسي بايدينا قلوبنا ونرجع نتوه من تاني.

ولفي بينا يادنيا

[الأميرة رودي]

عيني لمحت اسماء لسه بتدخل المنتدى ومحتفظه بحبها للمكان اللي جمع صحبه حلوه اوي فى فتره من الفترات.
اسماء قديمه ومحترمه كانو ومازالو أصدقاء برغم الغياب.
الجميل انهم بيزورو هنا ومفارقوش ولا غيرهم زمن
بجد انتو ناس حلوه اوي .
كل الحب

[الأميرة رودي]

مروه .(رووكه)
هبه (عاشقه الهدوء)

الاتنين اللى خرجت بيهم من هنا .
افضل مديونه للمنتدى ده ويفضل جميلو فوق راسى انه كان السبب فى صداقتى بيهم لحد النهارده . دول اخوات مش أصدقاء.
عمرنا مااختلفنا ودام الاختلاف اكتر من ساعات.
ولو حصل اى موقف او سوء تفاهم بين اتنين تجرى التالته تهدى الامور
بالضحك والهزار .المهم فى النهايه نغلب الزعل سريعااا
الصداقه النضيفه بين مثلث ٣ أضلاع و اللى بتكون بدون غيره بتبقى كنز .
القلوب النقيه اللى متاثرتش بمتقلبات ومتغيرات الحياه دى صعب تقابلها الوقتي.
عشان كده انا مدينه للمنتدى ده انه جمعنى بيهم وبقو هما الأهم فى حياتى.
صداقه اكتر من ١٠ سنين مع قلوب طيبه اوى تخليني فخوره انهم أقرب من الأخوات بالنسبه لي .

مروه وهبه حبيباتى المخلصات

[الأميرة رودي]

(إذا لم يعجبك شيئًا ما، فغيره، فإذا لم تستطع تغييره، فغير موقفك تجاهه).

( ماي أنجيلو

[الأميرة رودي]

اقتباس المشاركة الأصلية كتبت بواسطة الأميرة رودي وأشُك أنهُ كان حُبـــاً ..:: !! أحيانا ماتراودنا ثِقهٌ بالِيه بـ قُدرهٍ خَارِقه للسيطره على الذات من ملذات كادت أن تقتل الشعور فينـا !! تُخنق فِينا الاعتراف بـ ِ حَق ذلك القَلْب فى نَبضَاتٍ نَقيهٍ بعيـده عن شوائب ترسخت بفعل فاعل وهو الزمان .. !! فقط سؤالٍ مهزوم [ إنحنى ضعفا أمام مايرتئيه من أفعال مجهوله له ] منذ متى تُصبح الآشيـاءُ الجَميـلةِ فِي البُعدِ أكثــر جمـالآ .. ؟؟ منذ متى تعبثُ الذاكِرةُ بالذِكرياتِ بَعدَ النهاية ..؟؟ مُنذ متى يُصبح بَعد الفراق كُل شَيءٍ عَلى مَايُرام.. ؟؟ >> إطمأن ياقلبي [ فلَم يَكُن حُباً ... بِقَدرِ مَا كَانَ ودَاعاً وَانتقَام ] << ونُعاود سَرِيعاً الى سُؤالاُ أخر أكثر قسوه كم مَره تتتحجر ألسِنتنا راجيين بَقاءِهم..؟؟ كَم مَرة نَرقُد تَحْتَ عقَارِبَ السَاعه نُواسِي أنفُسِنا بِلِقَاءٍ بُتِرت قَدَماه ولم يَأْتِ ..؟؟ أخبرني أيُها الوقت:: [ كًم مَره قتلت الثوانى وانت تُخبئهم عني ] ؟؟ كَم مَره وَعدتني وخَاب فيِكَ ظَني .. ؟؟ كَم مَره بَعثرت نَفسك بالتُرابِ كي يَرحل عنهم عِطري ؟؟ كم مره قتلت الضمير فيهم وأستبحت جُنوني .؟؟ كم مَره زَوَرت الأسمـاء وأفقدتني هَويتي كَي يَلتقون بـِ غيري ..؟؟ أرجُوك أيها الوقت .. اختَصر كُل طُرق الأنتِقام وارحَمهُم وأرحَمنِي ..!! .... :: رودي ::

كلماتى فى مدونتي من ٢٠١٣

من اهم الذكريات
الذاكره لم تخونني بعد . ولا أقوى على النسيان.!!

صباح جميل برغم كل شئ..