حكايه قلب

[الأميرة رودي]

فى أركـان القلب غابات تستمع الى أنيني وأغنياتى الشجيه والندى الغائب وأركان اليمامتين وهديل النهار الجافي والبحيراتـ القريبة تغمض أعينها عني كأنما حاكتـ شبحا ممنوعا وأنا مازلتـ أجالس العبير بإنجذابـ عناقيد المجرات والطيور البعيدة وطهر يتجلى مشرقا مازال متأثرا .. وبنياني ما زال مُتعبا فأين دلالات الشفاة التي تشققت من كثرة البوح والغناء أمام هذا السكون العذب . خربشـات قلم !~

[الأميرة رودي]

كنت رحت عملت الرقاق بالليل زى ماتفقنا انا وأموله المهم الحمد لله طلع كويس بس انا عاملاه بطريقه مختلفه شويه وحطيت اضافات غير اللى الناس بتعمله يعني ,, حبيت يكون لى طريقه خاصه كده وافنن براحتى بس طلع كويس ويمشى المشكله ان لونه غريب شويه بس طِعم والله البت آيه أول ماسمعت ان فيه رقاق هيتعمل من بالليل لقيتها سابت المذاكره والدنيا كلها ولزقتلى صورته ونزلته فى صفحتى اهووو ياامووله. هاتى البت آيه وتعالو اتغدو يلا الكل معزوم

[الأميرة رودي]

ماشاء الله صوره روعه براءه الطفله غيـــر معقوله كمان جميله ورقيقه بتمنى من ربنــا بنوته شكلها

[الأميرة رودي]

هما صحيح قالو لو كل ده جنان اتجنن ونصحونا نعيش يوم مجنـون ( وأكيد دى أجمل حاجه ) بس مش للدرجه دي يعني لو الجنان اللى بيقصدوه بالشكل ده ,, يبقى الواحد يفضل عاااقل ااحسن العمر مش بعزقه

[الأميرة رودي]

وبرغم كل شئ ,, مازلت انتظركـ !!~

[الأميرة رودي]

المنصـوره اتبهدلت من الآحداث خلال اليومين اللى فاتو
وكان بعض الاشخاص قطعو طريق شربين المنصوره
للآسف بقى كله دمار والناس تعبت وكل شئء تقريبا وقف حتى المصالح اتأثرت
حتى مسابقه الشغل بتاعى اللى كان مفروض اقدم فيها النهارده لقيت عمي بيقولى ماتروحيش لان محدش من القضاه راح النهارده

وبنت صحبتي كلمتنى الصبح لقيتها خايفه تروح الجامعه ووالدها مانعها لانه خايف عليها
لان من يومين عربيه الامن المركزى دهست شاب <فرمطه بمعني اصح
رغم انه مش رايح يعتصم ولا يخرب بس هو القدر خلاه يعدى من عند تبادل الضرب والاشتباكات بين الشرطه والمواطنين << ربنا يرحمه ويصبر اهله وزوجته




بس الامور بدأت تهدى هنا من ساعتين تقريبا بس انا مش مطمنه للهدوء ده
حسه انه هدوء سابق لعاصفه جديده >> وده الآكيد


مش عارفه بصراحه هو الحال وصل بينا لحد كده ليه؟وهى فين الثوره اللى عملناها واللى لحد دالوقتى فيه ناس مش معترفه بيها كـ ثوره وبيقولو عليها دي انتفاضه..
وفين الحكومه من كل ده ؟؟؟
الغريب بقى ان رئيس الوزرا هشام قنديل كان فى العراق من يومين !!
رايح للمساهمه فى تعميـر العراق !!!!! الف علامه تعجب والله
المنصوره الناس فيها تعبانه وبورسعيد الكل شايف عامله ازاى
ومع ذلك رئيس الوزرا بتاعنا رايح يساهم فى تعمير العراق
لا وعصام العريان طالع يستفز الناس اكتر من حاله الغليان اللى هما فيها ويقول الانتخابات هتتم رغم أنف البلطجه السياسيه ورغم انف الاغبيه
بيشتغل ايه عصام العريان ده عشان كل يوم يطلع ببيان انا مش عارفه

انا مش شايفه ان الايام الجايه هتكون خيـر مش متفائله يعني ~

[الأميرة رودي]

تقييماتى بقالى فتــره مش جيبت التقييمات وشكرت أصحابها كلهم أخواتى اللى بعتز بيهم واللى بيقيمونى ويتابعونى دايما على رأسهم طبعــا أخويا ياسر احساسي صحيح ويوشا عاشقه ذكر الله ومحمود محى اكتر التقييمات بتجيلي من الناس دي وانا بحبهم فى الله جدا وحقيقي هما أكتر من أخوات بعض التقييمات اختفت لان الفتره اللى فاتت اهملتها أ / أحمد ( طبيب الهوى ) شكرا على تقييمك ودعوتك والمشاركه اللى قصدتها فعلا بالنسبالى الحمد لله كانت أمنيه وحلم وربنا حققه. رغم انه لسه مكملش بس بقيت فى اول الطريق احساسي صحيح ربنا يخليك ياياسر وتسلم للدعوه الجميله ويحققك انت كمان كل اللى بتتمناه ياسمينا احلى حاجه انك دايما بتقفشيني ومن عنيا الاتنين هعمل اللى قولتيلي عليه فى التقييم وانتى كمان من أقرب الناس ليا هنا لانى بحب فيكي طيبه قلبك وعفويتك اللى مابقتش موجوده كتير يوشاا عاشقه ذكر الله داانا عيونى الاتنين ليكي يابت انتى هو انا عندى أغلى منك .. ربنا مايحرمنى منك ابدااااا ياموكوسه احساسي صحيح .. تانى ههههههههههه ولا شاطره ولا حاجه داانا على أدى خالص وسعيد الحظ اللى امه دعايله خلاص دبسناه يابني احنا لسه هندبس محمود محى ماشي يامحمود أهو حاجه سلكاوى تعدى الليله وخلاص جبل عالى حبيبه قلبي والله وهتعيطي ازاى وانا موجوده انتى تؤمري باللى عاوزاه ومالكيش دعوه . عاشقه الهدوء تسلمييييلي يارب ياهبه مانحرمش منك ولا من دعواتك الحلوه ليا دايما ربنا يطمن قلبك ويسعدك انتى كمان يارب الشكر موصول لكل اللى بينور صفحاتى اذا كان بـ لايكات او تقييمات أو مرور بـ صمت

[الأميرة رودي]

[الأميرة رودي]

مساء جميل ,,, بقيت احب مدونتى كتير عن الاول حتى لو مش لاقيه حاجه اكتبها الاقيني بدخل واقرأ المشاركات القديمه الاقيني كتيت حاجات جميله اوووي ,, وحاجات تانيه مكنش ينفع اكتبها افكر انى احذفها لكن بقرر فى الاخر انى اسيبها عشان ابقى دايما امر عليها وافتكر المواقف اللى حصل وقتها.. ماهو فيه حاجات كده ماينفعش ننساها ولابد نفضل حطينها قدام عنينا عشان نتعلم منها عاوزه اقول حاجه بسيطه / مش كل اللى بكتبه فى صفحاتى بيعبر عنى وعن حالتى الشخصيه ممكن أوى اكون بترجم مشاعر حد قريب منى أو كنت حاضره موقف لحد وشاغل تفكيري فبكتب عنه بطريقتى واحلله من وجهه نظرى وبأسلوبي.. .حالات الحزن والضيق اللى كتبت عنها فيه منها يخصنى >> وكلنا بنمر بلحظات كده وفيها منها كتيـــــــــر جدا مش بيخصنى بس بيخص حد قريب اوى منى ممكن تكون صحبتي ,, اخويا ,, موقف شوفته من حد مش عارفاه ,, يعني حاجات من هذا القبيل اهم حاجه دالوقتى ~ انا رحت عملت فنجان شاى مالوش حل >> حاجه فخفخينا كده ولما رجعت ع الجهاز لقيت الشاى مش هيكون من نصيبي أحمد ديزرت >> اتفضل الشاى ياسمارت عشان تحبس بعد الاكل وان شاء الله هتلاقي حاجات كتير تفتح النفس بس انا ماليش دعوه بقا باللى هيحصل جيبتلك صور فنجان شكل اللى بشرب فيه اهو الف هنا منورنى يااحمد ويارب دايما منور الدنيـــا

[الأميرة رودي]

الحمدلله حين نحزن والحمدلله حين تبتسم شفاهنا الحمدلله حين نتعافى ,, والحمدلله حين نمرض { الحمدلله حين يرحلون عنا الى للجنّة }، الحمدلله حين نرضى بـ قضاء الله وقدره الحمدلله حين تنفرج ..و الحمدُلله حين تضاق بنا الدنيا الحمد لله على كل حـال , ماتت جدتى رحمها الله يوم (( 7-3-2013 )) أثرت فى الكل بـ فراقها كانت مريضه وتواجه المرض منذ سنوات وكانت دائما صابره راضيه بقضاء الله وقدره كانت حافظه لـ كتاب الله,, مُصليه مُؤديه فروض الله مؤمنـه بـ أخرتها وبلحظه رحيلها كانت دائما تبتسم وسبحان الله زادت ابتسامتها فى أواخر ايامها بالدنيا وكأنها تعلم بـ أنه حان وقت رحيلها.. فأدركت بأن الابتسامه الصغيره المرسومه على وجنتيها كـ ذكرى تتركها لنـا كى نتذكرها بالخير وندعو لها بالرحمه حين يفارقك غالى تشعر وكأنها الدنيا صامته وكل شئ لآيتحرك حزنا على المفقود تشعر بأنها السماء قاتمه اللون والغبار يملؤها ولا شئ صافى ونقى بهذه اللحظات تشعر بـ خليط من المشاعر والاوجاع القابضه للروح وكأنها ستخرج من الجسد مُعلنه رحيلك مع الراحلين!!~ رحمك الله ياحبيبتي وغفر لكِ سيئاتك واسكنك فسيح جناته بجوار النبي عليه افضل الصلاه والسلام والصديقين والشهداء..