حكايه قلب

[الأميرة رودي]

النهارده كان يوم مزدحم بالآحداث
بحب يوم الجمعه لانه عيد فى الآرض و السمـا
بس انا ماحستش بجمـاله زي كل جمعه

جمعه مبــــاركه علينا دايما يارب

[الأميرة رودي]

مرهق تفكيـــرى حد الإعيــاء
ومرهق الجسد دون اى عنــاء
أحمدك ربي لما انعمت عليّ من [ ابتــلاء ] !! ~

[الأميرة رودي]

..

[ صناعه الآبتسامه ]
هى أكتر شئ أجيده فى حياتى

اللهمَّ أسعد قلوبا أقرب إلىَّ من نفسى

ــــــــــ
أتعجب !!
أرى كثيرا من البشر يرددون كثيرا قول

(( نحن لعبة بين يدى القدر ))

أو.. نحن لعبة القدر

أتجهلون أن القدر صنع الله !! ~

ما خلقكم ليلعب بكم


خلقكم لتعبدوووه ولا تشركوا به شيئا

فاحمدوه على نعمه التى لا تعد ولا تحصى

اللهمَّ لك الحمد كما ينبغى لجلال وجهك وعظيم سلطانك

[الأميرة رودي]

صباح الخيـــــر اا اا اات مدونتى الغاليه
بقالى يومين مش عارفه ادخل هنا واكتب اى حاجه بسبب حالتى الصحيه السيئه
الصداع اللى عندى لسه مارحش ,, بقاله يومين متواصلين قاعد فى راسي
ومش بس صداع
ده بقى دور كامل ومش اى دور >> ده دور مؤذى
احتقان فى الحلق وصداع نصفى نازل على عنيا قافل عنيا خالص
وذكام وعطس وحاجات عيانه كده
ومش قادره اعمل اى حاجه رغم انى اخدت كل الادويه للدور ده
. بس اصعب حاجه هو الصداع بجد حسه انى دماغى هتنفجر

يـــأآآآرب هــوّن

[الأميرة رودي]

همسه صباحيه كده مع كوبايه الشاى دي :

كثيرا ما نبقى على مشاعرنا بداخلنا
ولكن تفضحنا عيوننا
وتكشفنا أفعالنا
وسرعان ما تتضح وتظهر تلك المشاعر
بصورة أكبر مما إذا كنا سنعلن عنها بأنفسنا >> !! ~

[الأميرة رودي]

بستغرب اوي لما الاقي الناس لما يضيق بيها الحال بترمى كل اللوم على الدنيا

الدنيا دي مش عدو لينا ولا بتحاربنا وعاوزه طول الوقت تزعلنا

لو حد خان حد نلاقيه بيسخط على الدنيا والزمن ونتهمها بالوحشه

ولو حد جرح حد او سبب له ألم وشعور بالخذلان نقول دنيا غريبه وبتيجي على الواحد الطيب
وتدى الشرير كتيـــــــر من غير حساب

ولو حد سرق ونهب ونصب على حد نقول دنيا وحشه ملهاش أمان وغيرت نفوس الناس
ال ايه ان الدنيا هيا اللى غيرت نفوس الناس

مش عارفه فين البشــــــــر من الاتهامات دى !! ايه وظيفتهم فى الحياه
هما المجنى عليهم بس ؟؟
دورهم ايه فى الخيانه والجرح والسرقه والنهب .... والخ

مفعول به بس ؟؟
مفيش فاعل خالص ؟؟ >>
البشر هم الفاعل وهم المفعول به

زى مابيقولو العيب مننا فينا >>

مش عارفه انا ليه بقول كده
بس يمكن عشان سمعت حد متكدر لما اتكلم عن الحاله اللى فيها مصر
وبيلوم الزمان اللى بدل حالها من ام الدنيا الشامخه لـ حكايه بيتحاكو فيها الصغيرين
وكأنها قصه على بابا والـ 40 حرامى
مش هنلـــوم الزمن لانه مادمرهاش اد ماولادها بيدمرو فيهـــــــــــا
لومو نفسكو وماتلوموش الزمن !! ~

[الأميرة رودي]

اقتباس عرفنا العنوان عاوزين خصم بقا يا اميرة رودى

هههههه احمد بك ديزرت..

انا بطلت موضوع الفساتين دي من زمان يابني
مش مربحه زى المحلات اللى بيبعو فيها فيله صغيره. >> بنق انا
الا هو الفيل بتاعك لقيت حد ياخده ولا لسه قاعد فى ارابيزك
عجبنى الاعلان واسم رودي اللى منور ..
اعلانات زمان حقيقي كانت حلوه وفيها فكره كده

بس انا انصدمت لما لقيت اسم رودي كان موجود فى الثمنينات
ده احلنا طلعنا قدُااااااام اوي

عاوزه اقول حاجه بقى بجد
بمناسبه انى جيبت سيره احمد ديزرت
صفحات احمد بجد من اجمل الصفحات الموجوده
لانه واحد مش متكلف وبيتكلم بطبيعته وببساطه منتهيه.
بيجيبلنا مواقف تضحك واغلبها سبحاان الله فيها عبره

فيه كمان كام صفحه هنا ماينفعش ادخل القسم الا مااشوفها
.طبيعي انا بدخل كل الصفحات يوميا بس كوظيفه اشراف
بس فيه بعض الصفحات بيجذبني اسلوب صاحبها
اذا كان بيقدم فكره او حكمه او ابيات شعر
المهم انهم يستحقو فعــلا لقب >> كتاب <<

هبقى اشكرهم اسم اسم بعدين

[الأميرة رودي]

لما كنت اعمل عامله وانا صغيره واعرف ان الدنيا هتتقلب اروح اجرى استخبى ورا اى باب واراقب الاحداث من بعيد كنت أروبه أوى وهما يقعدو يتكلمو وبابا يزعق ويقول هيا فين .. راحت فين وانا منسجمه اوى انهم مش عارفين طريقي وانى عملت المصيبه وهربت المشكله بقى انى لما كبرت شويه عرفت انهم كانو بيبقو عارفين انا فين وبعمل ايه بس بيفهمونى انهم مش شايفني ويحسسونى انى انا اللى ضاحكه عليهم اكتشفت مع الوقتى انى ماطلعتش اروبه ولا حاجه ـــــــ.. عجبنى اوى الفستان الى لابساه البنوته فى الصوره لانها كانت موضه الفساتين زمان وانا صغيوره وبعدين اختفت الفساتين دي لفتره ورجعت دالوقتى انتشرت تانى أيـــأآآم الطفوله مافيش أجمل منها أيام بكل حاجه فيها ياريتنا نرجع بالزمن ليوم واحد بس نقضيه فى طفولتنا هنلآقي فرق السما من الارض >>

[الأميرة رودي]

[الأميرة رودي]

فعــلا يا لوقاحتهم !!!! هيا الوقاحه ورانا ورانا ... كنا فاكرين نفسنا قضينا عليها لكن طلعت هيا اللى بتقضى علينا !! ولا موضوع المخزون اللى يكفينا 80 يوم بس امبارح سمعت واحد فى التى في بيقول انه بعد 80 يوم هنبقى من ضمن الدول المحتاجه معونات للآكل هو حقيقي هيحصل كده انا بيكون عندى زهول لما اتخيل فى لحظات مع نفسي انه هيجى اليوم فى مصر والناس هتتزاحم على الاكل رغم انه بيحصل فعلا دالوقتى فى افران العيش والطوابير واللى بيحصل فيها أتمنى يكون الكلام اللى بنسمعه غلط ومالوش اساس من الصحه لانه الشعب المصرى تِعب بما فيه الكفايه ومايستاهلش اللى بيجراله