حكايه قلب

[الأميرة رودي]

موج عالى ومركب والكل ماشي فيها ياخدنا الريح ويودينا .. واحنا ياعيني لآزم نجاريها قعدنا استنينا ضحكتها.. وفى الاخر اسودت فى عنينا لياليها ومع أول موجه آآآآه .. ننده مُـــره الحياه وملعونه بكل مافيها !! ومادايم بينا الا الحب ... هو بس اللى محليها فينا اللى ابتسم من جواه ... وفينا اللى غير معانيها قولنا لولآدنــا حبوها ... ولكن هو الغدر طبع فيها ويــاأسـفاآآآه ما حد فِرح لمنتهاه ... ولآ حد قال سعيد فيها ردت علينا الحيـاآة .. حزنكو كوانى وأنا الحياه لسه ماعرفتو اساميها؟ قالولها ملعونه ياحياه .. قولتلهم أنا ياترى مين ملعون فيها !! ـــــــــــــــ رودي >> !!~

[الأميرة رودي]

هو رجل حــر ,,, عاقل ,.... حنون .. خارج عن القانون وجوده فى الحيــاة ثوره هو روح من نبض الجنون ينشر الســلآم أينما كان من خلف جدران السكون هو عازف بكلمات الحب .. هو أداه لكل الفنون هذا الرجــل من احتوانى.. أحبه أنا بحجم الكـــــون ــــــ رودي >

[الأميرة رودي]

آآمين يـــأآآآآآرب

[الأميرة رودي]

نفذنا النهارده الفكره اللى كنا طرحناها من فتــره (( فكره التصويت على افضل مدونه))
تم اختيار 4 اسماء عشان يتم التصويت من قِبل الاعضاء وصاحب اكبر نسبه تصويت هيكون هم نجم الشهر فى صفحات مكشوفه
وهيكون من نصيبه وسام أجمل مدونه + 250 مشاركه وتثبيت مدونته لحد الاستفتاء اللى بعده ..

اهم شئ بقى انا خايفه فعلا من ظنون الناس
وخايفه لحد يتهمنا بمجامله البعض
الاختيار مش بيكون مني لواحدى
الاختيار بيكون بناءا على مشوره بين مستر ميرو وعبده وأنا
فيه ناس كتير جدااا كان مفروض تكون من ضمن الاستفتاء ده
لكن لو جمعنا كل الاسماء المميزه فى استفتاء واحد..
المرات الجايه نعمل ايه !!

اهم شئ انا مش عاوزه حد ياخد الموضوع بزعل ..
عاوزين ناخد الآمر وكأنه منافسه حلوه عشان الكل يجتهد مش حاجه عشان نزعل ونقول دى مجاملات
ولو انا من اللى بيأيدو المجاملات مكنتش عملت استفتاء وطلبت من الناس هيا اللى تختار
وكنت انا اختارت اللى عاوزه اجامله وخلاص
لكن انا حقيقي اكتر حاجه بكرهها هيا المجامله لآنى أول واحده جه عليا الضرر قبل كده بسبب المجامله
فاللى مش بحبه على نفسي اكيد مش هحبه لـغيري

وأخيــــــرا بقى
ده رابط التصويت

http://forums.banatmisr.com/msryat409664/

عاوزه كل الناس تصوت

واللى مش هيصوت هفهم من نفسي كده انه مش راضى عن الموضوع او مش راضى عن الاختيار اللى اخترناه

[الأميرة رودي]

غيبت يومين عن المنتدى
هما بيعتبر يوم ونص مش يومين وده لظروف النت اللى فصل
بعد مارجعت ودخلت المنتدى لقيت كميه من الهجوم على قسم صفحات مكشوفه !!
وزى مايكون الكل قاصد يوقع القسم بكلامه ..
مش فاهمين ان القسم ده بيمثل حاجه كبيره اوي عند اغلبنا ومش مقدرين النجاح اللى بقى فيه القسم عن الاول..

ومش معني ان فيه صفحه أو صفحتين اصحابهم مش ملتزمين بالقوانين وسبب فى المشاكل يبقى كل الصفحات وحشه
انا بيشرفني اوى انى اتعامل مع بعض الناس اللى ليهم فكر محترم
وأدخل صفحاتهم احس بانسانيه وأخلآق عاليه..

وحبيت القسم ده اوى وكانت درجه تعلقي بيه انى حسيت انه حاجه تخصنى وجزء من حياتي الخاصه
ولكن للآسف عدم تقدير البعض وعدم مراعاه شعور بعض بيكون سبب احيانا فى التخلى عن شئ احنا بنحبه

انا قررت انى اطلب اعفائي من الاشراف ~
بمجرد مااخلص اول استفتاء عملته للقسم
وانا واثقه فى قدره احضان الحبايب ومستر ميرو فى اداره القسم ..

[الأميرة رودي]

على أكتاف الضباب تعانقت أرواحنا وتبخرت أحلآمنا وتبددت أيامنا وتناثرت ذرات الهواء التى تقاسمناها دائمــا أرانى اليوم مجعده الوجه وأنفاس شبيهه بتقلبات مد وجزر لبحر عنيف وهائج كنت هنا يوما ,, أنسج من أمالى خيوطا مضيئه و ألوّن أيامى ببعض البسمــات هنا على هذه الصفحـــــات ,, كنت كالطير المُنادي القابع أعالى الغيامات المسافر حيث بعيـد وكثيرا من مسافات المغرد بسمفونيات شهدت لها كل المسامع(( شجيه تاره وأخرى محبه للحياهـ ) كنت دائمــا مصافحه للونى الوردى المغلف بعبق روحي الورديه لكن الآن ,, !! بقعتى أصبحت سوداء [وجدتها سوداء] مما أشعر البعض بـ قليل من أمان وراااااحه صافحنى اللون الآسود ولكن رفضَتْ الروح ان تتحلى بالعبق الآسود كان واقعى المحفوف لمنعطفات الحياه سوااادا .................. ينفذ الحبر أحيانا قبل أن نعبر عن الشئ البسيط بداخلنا أشعر بتخبط فى كلماتى وربما فى وجودى ازدادت أحمـال الغيــر على عنقني ومالت قســوه ً على أنفاسي لآ رجاء مني اليــــوم لآ أجد وطنا يحتضنى كما تعودت !! يتوقف قدمى عن السير فى هذه البقعه المظلمه لآ أريد المجازفه أكثــر ولآ أريد من الآن أى شئ ســــــــوى [ أنــا ] ورغم كل شئ سأبقى أنثى واقعيه ,, سرمديه ساكنه بين أضلع الهدوء والروح النقيه.. مجرد خربشات لآ أكثر

[الأميرة رودي]

امبارح كنت فى ضيقه
وكانت النفسيه مش مستقــره وده طبعا بسبب بعض الافعال اللى يتخيلها البعض عاديه
لكن يحسها صاحب الموقف مش عاديه أبدا وتكون كبير كبر الجبال مايقدرش يتحملها

وكنت قررت ترك الاشراف والابتعاد عن اى منصب واتعامل بحريه فى المنتدى زيي زى أجدد عضو
بس فجأه كده والواحد فى عز غضبه وزعله يلاقي جايله تقييم او رساله من حد يقوله لو سيبت القسم انا مش هدخله تاني وهقفل صفحتى
أه والله
حبيبتي وروحى سهـر قالتلى كده
أرد انا عليها واقولها ايه بعد ماتقولى لو سيبت الاشراف انا مش داخله القسم ده تاني

ولما يجيني تقييمات من اكتر من شخصيه رائعه يقولى فى حقى كلام خلآنى اخجل منهم ومن ثقتهم الغاليه
التقييمات دي خلتنى أزعل من نفسي يوم مافكرت اسيب مكانى بسبب هفوه بسيطه وارد ان الكل يمر بيها


esraa فاجئتني بتقييمها وكلامها الجميل من الناس اللى انا بحترمهم جداا برغم عدم التعامل بينا
تسلميلي حبيتي ربنا يحفظك .. بس للآسف التقييم اختفى

الرحـــــال" الزجال"
شكرا ياأيمن على التقييم والحمد لله بقيت اهدى اهو وعماله بنكت من الصبح
ربنا هيصلح الاحوال ان شاء الله
للآسف تقييمك اختفى بس فاكره محتواه
ألف شكــر ربنا يوفقك دايما


❀ ЯeRōŎō ❀ يمكن أكتر واحده تقييمها أثر فيا .

اقتباس اوعي يارووووووودي تعملي كده اووعي ده انتي الي حببتيني في القسم اصلا القسم مش هايبقي حلو من غيرك وبجد مش كلام انتي بجد بتشجعي ناس كتير بأسلوبك الحلو وانتي بجد انا بعزك جدا ومش عايزاكي تتنزلي اوعي هاكره القسم علي فكره

التقييم بتاع ريهام ده حسسني فعلا انى ليا بصمه فى القسم حتى لو بسيطه
من خلاله اتعاملت مع شخصيات وقربت وصاحبت ناس هما دالوقتى اعز اصدقائي هنا
ماينفغعش بعد ماكسبت حب و احترام ناس كتير من خلاله اتنازل عنه بسهوله وكأنى بتنازل عن حبهم واحترامهم ليا

مااااااااااااينفعش لآى سبب


دمعه حائره

اقتباس بلاش كده يا رودى انتى مشرفه ممتازة ومحدش يقدر ينكر مجهودك اهدى بس وان شاء الله الحال يتصلح

ياحبيبتي ربنا يخليكي يامنه
انتى زوق جداا وانا بحبك فى الله وربنا يهدينا جميعا ويصلح الحال

عاشقه الهدوء

هبه حبيبتي بقى ماستحملتش حد يزعلني فبعتتلى تقييم سخن ماينفعش اجيبه على بعض فحزفت منه كلمتين
بس فى الاخر روقت عليا بكلامها الحلو

اقتباس ياحبيبة قلبى هدى أعصاابك كل دى تفاهات وأنتى أنسانه جديره بالآحترام يارودى وتستاهلى كل خير والقسم بئه روووعه بفضلك مضايقيش نفسك وربنا يهدى الآمور ومتزعليش نفسك ياحببتى

أحبك ياهوب هوب وانتى عارفه انك قاعده فى الحته الشمال



احساسي صحيح

اقتباس بالعكس .. الافضل تجتمعوا التلاتة واى حد فيكم شاف حاجة غلط فى اى صفحة حتى لو منكم انتم مشرفى الصفحات .. تكلموا بعض وتتناقشوا .. مفيش حد ياخد اى قرار لأى عضو لوحدة ,, لازم القرار يكون ثلاثى .. وبلاش موضوع التخلى دة .. دة مش من شخصيتك ابدا الهروب

كلآمك مظبوط 100 فى الميه
وان شاء الله مفيش هروب ولا حاجه قاعده فى ارابيزكو بس اياك محدش يزهق منى
شكـــــــــــــرا بجد على تقييمك الجميل ياياسر


الحان الورد

اقتباس لا يا رودي ، انتِ من اكتر المشرفين احتراماً والله .. اللي جه وبص ع المشكلة من برا هيقول ان القسم سبب مشاكل .. بس الحقيقة اللي كل رواد القسم عارفينها .. ان القسم دا بقى من اقرب الاقسام لقلوبهم ..فكري تاني

والله يابنتي ما حد يعرف القسم ده عندي ايه
بقيت حسه انه ابني اللى بربيه
تسلميلي يارب يادينا تقييمك غالي عليا وتكفيني ثقتك وثقه الناس فيا


كوين ميرو

اقتباس متتنازلش عن الاشراف علشان شويه مشاكل المفروض تكونى قويه اللى اخطئ وجهى التحذير مره واتنين انتى المشرفه والقسم بيتك ومن حقك تحفظى عليه

وهوا ده اللى هيكون ان شاء الله
تسلميلي حبيبه قلبي على المتابعه والتقييم
مانحرمش منك ابدااااا يارب


فيه كمان تقييمن اختفو بس مش فاكره من مين
لكن كل شكرى وتقديري لكل واحد عرفني ايه هيا قيمه رودي عندكم



كوووول ده كوم بقى واللى قاله عبده احضان الحبايب وقت ماعرف انى عاوزه اسيب الاشراف على القسم كوم تاني
عبده قالى جمله كده انا مش هنساها فى حياتي حتى لو سيبت المنتدى فى يوم من الايام
لآن الناس اللى بتقدرك صعب اوي تنسى كلامهم فى حقك مهما حصل

وبالمناسبه بقى انا هعلن خبر حصري كان سر
عبدالرحمن هيخطب بنتى وهيصرف نظر عن موضوع ست الحته
اتفقنا خلاص وانا اللى طلبت ايده لبنتي قولتله لما ربنا يرزقنى بـ بنوته هجوزهالك عشان ابقى حماتك واطلع عينك
طبعا هو ماصدق أصله فاكر انها هتكون شكل سولاف
ده اعلان حصـــــرى لخبر خطوبته على بنتى اللى لسه فى علم الغيب


يلا ربنا يستــــــــــــر ومايجيش وقتها ويخلع

وأخيــــــــــــــــرا

شكرا من قلبي لكل زوار صفحتي وكل متابعين حروفى
وأتمنى دائما لكل أخواتى كل التوفيق

[الأميرة رودي]

دى بقه من حبيبتي وحبيبه قلبي الغاليه اوي عندي سهـــر عملتهالى مخصوص وكانت أحلى هديه سهر انسانه جميله وبسيطه وعندها شويه عفويه وتلقائيه فى كلامها تخلى اى حد يعرفها يحبها من امبارح ماسبتنيش رسايل وكلام وهزار عشان حسن انى مضايقه البت اقسمت بالله لترخم عليا وفعلا رخمت احلى رخامه فيه ناس هتقول طاب ايه علاقه Rody بــ Sara هقولهم انا رودي هيا ســارة وسارة هيا رودي أه والله . دي أعجوله من أعجوبات الزمان فيه ناس كتير كانت متخيله ان اسمى الحقيقي رودي.وكانو يبعتولى رسايل يقولولى اسمك جميل وانا كنت بستهبل وعامله نفسي مش واخده بالى ومشيتها رودي .. لانى مكنتش حبه اقول اسمى فى المنتدى تحت اى ظرف لكن لما البنات صحباتي هنا لقيتهم فى اكتر من رد ينادونى باسمى ويقولولى ياساره قدام خلق الله كده فقولت عادي بقى هيا اتعرفت خلاص .بس انا حقيقه ً يعني مش بحب حد يناديني باسمى خلوها رودى على طول انا بحب الاسم ده وحسيت انه طلع عليا خلاص ربنا يخليكي ليا يااحلى سهر .. انتى جدعه على فكره وانا بحبك اوى وامه دعياله اللى هتكونى من نصيبه خدى الوردايه دى Love U Sahar

[الأميرة رودي]

اجهااااااااااااد
وارهااااق
واحنا لسه فى اول يوم لا وكمان لسه بالنهار امال لما نيجي بالليل بقى وقت الانتعاش هيحصل ايه
اللى فاكر ان وضع المشاركات تحت المراقبه دي حاجه سهله يجي يقعد مكانا فى اشراف القسم يوم واحد
لآنك المطلوب منك تكون متواجد طول اليوم على الجهاز بعكس الايام اللى فاتت كنا براحتنا كده

كنت اخلص شغل البيت واجى بقى ادخل الصفحات ابص فيها واحده واحده براحتى
دالوقتى انا بعمل شغل البيت وكل دقيقتين اجى اشوف المشاركات الجديده اللى عاوزه موافقه لما حسيت انى خلاص هقع فى الصاله من كتر المشاوير
وطارق كتر خيره جه اشتغل معانا الصبح شويه واهو بقى معانا فى الاشراف على القسم


بس هى الفكره كانت الحل الوحيـد فعلا وأكيد هيكون لها تأثير ايجابي على شكل القسم
بس عاوزين الكل يتعاون ونكون قلبنا على القسم ده
لآننا لو فكرنا كويس هنلاقينا كلنا كل واحد فينا له ملكيه خاصه فيه
أه ملكيه خاصيه والله
ليه بقى
لان كل واحد له صفحته ومدونته الخاصه
اللى هيا ملكه
فبالتالى كلنا متشاركين فى القسم ..
زى بالظبط لما تكون عماره كبيره فيها شقق كتير
وكل واحد بيمتلك شقه فى العماره دى
وقتها بتكون العماره دي ملك لواحد بس ولا ملك الجميع ؟؟
بتكون ملك الجميع
فهو القسم ده كده بالظبط
كل واحد مننا له شقته اللى بيمتلكها ومحدش بيشاركه فيها

يلا بقى عاوزين نحافظ على نضافه العمـاره بتاعتنا وان شاء الله أنا هكون عامل النظافه بتاعكو فى الايام الجايه دي
عاوزينها عروسه مش عماره
نجملها ونزينها كده بكلماتنا الحلوه والروح الطيبه لكل واحد

والله المستعان ,,

[الأميرة رودي]

صباح الورد مدونتى الغاليه
صباح الفل أحبابي وزوار صفحاتى
يارب يوم مبــارك وسعيــد على الجميع
انا سامعه ان امتحاانات الجامعات صعبه أوى
ومش عارفه ليه الدكاتره مش بيقدرو الحاله اللى فيها البلد والتوتر اللى عند الطالب من كل شئ
ناس كتيـره فى المنتدى بيمتحنو الايام دي وبتمنى لهم النجاح يارب والتوفيق
صباحكم سعاده وهنا وفرح