حكايه قلب

[الأميرة رودي]

ريتـــــــال أحمد

أجمل بنوته فى الكون
بنت أختى ( حبوبتى وحبوبه مامتها)
بعتولى صور جديده من السعوديه من كام يوم

دي اللى كانت اتولدت من فتره من 4 شهور واحتفلت بيها هنا فى صفحتى

كان kassem طلب منى انزل صورها ف صفحتى قولتله هظبطها وانزلها
وانشغلت ونسيت انزل صور السبوع زى ماطلب.
رغم انه اختفى وبطل يدخل بس هنزل الصور ولما يجي يبقى يشوفها

دالوقتى هجيب كام صوره من صور السبوع ومعاهم صور حديثه وهيا عندها 4 شهور
لسه واصلانى.

انتظرونى مع صور اكتر بت تنكه فى الدنيا

[الأميرة رودي]

صور ريري حبيبه خالتو دي.

بالترتيب

دول صور السبوع.


















والصور دي بعد مااتولدت بـ س وهما هنا قبل مايسافرو
دى وهيا متسلطنه ونايمه ف الصالون









دى هيا وتوتى
توتى دي القطه بتاعتها مش بتنام غير على رجلها












ودى وهيا حطه رجل على رجل






أما دول بقى فى السعوديه لسه جداد.





أول مره اشوفها وهيا قاعده لوحدها .كنت هتجنن من شكلها العسووول









دى وهيا منشكحه اوي ومسخسخه






ودى وهيا حطه رجلها فى وشنا تناكه يعني







ودى وهيا مع باباها ومامتها وهما بيتفسحو هناك.. البحر باين من بعيد اهو







أما دى بقى عمايل أمها السوده اللى بتعملها فيها



ريرى دي حته سكره ومن الآطفال اللى تلاقيهم بيضحكو على طول
مش بتكشر ابدا الحمد لله
حتى وهيا زعلانه تلاقيها مسخسخه.
معندناش حد نكدى احنا ..


سمو بالله وقولو ماشاء الله بئا

[الأميرة رودي]

صداع
صداع
صداع

رابطه دماغى لحد ماحسيت انه فيه حد بيدق فيه بشاكوش من جوه
ومش عارفه اعمل ايه ؟
ولا أخد ايه لهذا الصداع اللعين

[الأميرة رودي]

نقــاء ,,

عازف الاحساس

الله يسلمكم يارب مانحرمش من السؤال
ألف شكر

[الأميرة رودي]

مرام

تقى

اهو الحمد لله بقيت شويه كويسه الحمد لله..
تسلمووو يارب
......................


امبارح بالليل كانت سهرايه جميله مع مسابقه من صاحب الكلمات
وكان شكل التجمع ف الموضوع مفرح وحسيت بتفاعل أ<مل

عرضت 6 مشاركات وسألت مين اصحابهم
تيتشر نفشه لوحدها كسبت 3 مرات
وسمبتيكا وعاشقة كر الله وبرايت برين كسبو التلآته المشاركات التاننين

زينب طلعت بـ 3 نجوم سلفريه و75 مشاركه
وتقى وآيه وأحمد كل واحد فيهم أخد نجمه و 25 مشاركه
وتم تزويدهم فعلا .

النهارده ان شاء الله احاول اكملها لانى عندى مشاركات كتيره لسه مانزلتش
بس يارب النور مش يقطع

[الأميرة رودي]

النوم ده بقى مشكله مؤرقه عند كل الناس
النوم بقى يجي زى الضيف العزيز .وكأنه بيذكى علينا بقليل من الوقت

امبارح بالليل حسيت بارهاق جامد جداا
نمت >
وصحبت الساعه 6
يعني حد مرهق ونايم الساعه 1 ويصحى الساعه 6
رغم انى محتاجه نوم كتير
ومش مستريحه لحكايه اصحى من الساعه 6 دي
لانى بمشى طول اليوم نعسانه على نفسي
زى مانا حاسه دالوقتى

دي مشكلتى مع النـوم والتى لم ولن تنتهى

[الأميرة رودي]

ربيَ اجعلني راضيه بَ نصيبي من كل شيء و امنحنيَ طمانينه تجعلنيَ ارضىَ بَ اقدار كتبتها ليَ ♥♥ دعاء جميل

[الأميرة رودي]

أجمل حاجه بجد لما يكون الواحد منشكح ومبسوط بس مش عارف هو مبسوط من ايه
ولا حصل موقف يخليه اصلا ينشكح
وتلاقيه مبتسم وضحكته مسمعه الجيران
هى حاله من السعاده كده عايش فيها مع نفسه ومع دماغه العاليه ..

بس اللى يغيظ حقا انه يجي واحد يعكر صفو الابتسامه دي
ممكن بكلمه تقيله او بموقف مالوش لآزمه
المهم انه هو موجود ف الدنيا دي عشان يضايق خلق الله

فعلا بتحصل والله وانا جربت الموقف ده قبل كده مع أحد النكديين..

بتكون عاوز تخبطه بأى حاجه قدامك وتقوله يعني هو ده اللى ربنا قدرك عليه

عليك اللعنه .

عجبتنى صوره البنت اللى بتضحك وواثقه ف نفسها دي
بفكر احطها توقيع عشان افرس النكد وأخليه مش يقرب مني أبدا

[الأميرة رودي]

فيه ناس تلاقيهم بيبكو قدامك بحرقه
خدودهم غرقانه بالدموع
بتبقى عاوز تعملهم اى حاجه بس مش قادر
عاجز عن مساعدتهم..
حتى لو مش قريبين منك ولا تعرفهم
بس بتكون حاسس بيهم وكانك انت اللى بتبكي
يمكن الحاجه الوحيده الل ف استطاعتك وقتها انك تروح عليهم وتسألهم
بس غالبا مفيش رد مفيد
غالبا يقولو مفيش حاجه .!!
.....
انا من الناس اللى ممكن ابكى لمجرد بكاء حد قدامى.
حتى لو مش عارفه هو مين وبيبكي ليه >>
بس منظر الدموع بيستدعى دموعي..>>
...

وربنا يبعد عنا اى سوء ولا يعرض حد فينا للدموع

[الأميرة رودي]

صحيت 6 الصبح برده::


صباح الخيـر
: : :

صاحبيه النهارده حالى متشقلب من اول لحظه
بعرف نفسي وانا لسه بفتح عيني انه هيبقى يوم مش ولآبد
وفعـلا مع أول حدث لهذا اليوم تأكدت انه هيبقى يوم زى الفل
وربنا يستر

ومع ذلك مش ناسيه كل الناس اللى بتتمتحن
أكيد ياعينى معصورين عصره سودا ف المذاكره ربنا يعينكم.يارب

تلآقيهم أول مايخرجو من اللجنه يقعدو يراجعو مع بعض
وفيهم ناس تلآقيهم بيسمعو كده ومندهشين أوى وكأنهم ماسمعوش الكلام ده قبل كده
أنا كنت كده ف امتحان الفيزيا ف تانيه ثانوى لما جيت اراجع مع البنات صحابي بره.






ولا اى اندهاش



ودى للبنات المستعجله ع الجواز



ماتستعجلوووووش

صباحكم حاجات جميله