حكايه قلب

[الأميرة رودي]

أنا مصري ,, أحب بلدى
وأعشق ديني
مُتيم برسولي
الحب وطني
والحق تاجي
والوحده مقصدي

صفات اتصفنا بها منذ قديم الآزل
بعيــدا عن الكره والضغينه فى نفوس البعض الآن

لآنحيا من أجل تفرقه و خصام أو قطع للآرحام
نحيا حياه طيبه ممتلئه قلوبنا بالخير والمحبه
::..
..::
يــاآآرب كن مع مصـر ولآ تكن عليها

[الأميرة رودي]

...

[الأميرة رودي]

... فين اللى كانو كل شئ

[الأميرة رودي]

كنت بكلم واحده صحبتي فلسطينه على الفيس بوك من شويه
بعد ماخلصنا كلآم على أحمد جمال و عساف طبعا
.
فجأه لقيتها بتقولى: سارة بدي اسألك سؤال بس خجلآنه
قولتلها لآ أسألي اتفضلي

قالتلى انتى مع الحكومه ولآ المعارضه
يعني انتى مع محمد مرسسي ولا مع حسنى مبارك !

قولتلها يعني انتى كل اللى فهمتيه من الآحداث ان المعارضه فى مصر هما مؤيدين حسني مبارك

قالتلى لا انا فاهمه ان المعارضه بتضم ناس كتير من مختلف الشعب
وعارفه ان فيه ناس كانت بتأيد مرسي وأعطته صوتها وبالاخير نازله ضده يوم 30
قولتلها طيب يبقى العيب فى مين ف الشعب اللى اختاره ولا فيه انه معرفش يحتوى الشعب كله ويحتضنه..

ردت عليا قالتلى انا فلسطينيه بس أعترف ان حماس ورا بلآوي كتير بتحصل فى مصر
انتبهت لكلآمها بصراحه وسمعتها للآخر
قالتلى:

اقتباس حماس ساهمت فى قتل الجنود المصريين فى رمضان وساهمت ف خطف الجنود المره التانيه وحماس ورا خطف احد قياده الجيش لمجرد انه أعلن وقال لو اكتشفنا ان حد من حماس حاول التدخل ف احداث 30-6 هنعرف ازاى نجيب من اجحارهم حماس فتحت السجون ايام الثوره بمساعده البدو فِ سينا حماس شاركت بتهريب تجار المخدرات اللي انمسكو عالحدود وتجار السلاح وساعدو فرقة لحزب الله نزلت تنفذ عمليات بسينا على الهروب حماااااااااااااس افعى تحت ستار الدين عارفة شو يعني اهل غزة مكبوتين

اقتباس من امتى كانو الجنود بسينا يختطفوهم ويخلوهم يترجو ما يموتو لحتا يهزو هيبة الجيش المصري الجيش اللي عدا خط بارليف

وكانت اول مره اسمع حد فلسطيني بيعترف بكل الكلآم ده..
ومش بس كده دي قالت رأيها بمنتهى الصراحه ف الرئيس المصري بعد ماسمعت خطبته الآخيره فى الاستاد

وكان ده رأيها فى تصرفه تجاه القضيه السوريه

اقتباس ليش ياخد موقف من سوريا خليه بحالو يعني ناقصنا احنا منعول ابو بشار بكندرة احنا مالنا ومالو نص الموساد بسوريا بشتغل مع المعارضة وبشار علوي بقاتل باهل السنة سوريا الوحيدة اللي ما حد عارف يكون مع مين اني معارضة بتفرح لانو الطيارات الاسرائيلية ضربت مواقع لبشار وانو بشار وجيشو بيعمل بشعبو هيك احنا مالنا ومالهم عمرها ما كانت القطيعه بين مصر وسوريا الا بعهد مرسي عمرو ما كان في طلاق بينهم وقت اتوحدو ب 58 كل العرب كانت وراهم يا اخي شوف حال الناس المسكينة حس بمعانات شعبك بلاش تعمل كل هالاحتقان اكسب الناس لصالحك انزل ع بيوت المعارضين دق بيوتهم اول ناس وكون معهم.. بدل الاستقطاب ف الشارع المصري حرااام عمرو ماكان فيه هيك

اقتباس لما اسمع جمال عبد الناصرلما اسمع السادات انور السادات لما اسمع بالقادة اللي مرو بتاريخ مصر برفع راسي نفسي لحظة يفارقني خطاب النصر لانور السادات ب 73 وانا ما عايشت هالحروب حتى محمد حسنى برغم كل شي كان قائد سرب الطيران بحرب اكتوبر 73 هو كان ظالم بس مرسي مش رئيس كل المصرييين زى ماكاان مبارك انا عارفه وجعتلك راسك بعتزر بس والله مقهوووووووووووووره من اللي بصير

أنا مقهـوره أكتر منها على فكـره

....

ولنا الله

[الأميرة رودي]

انا جالى ورقه تمـرد أكتر من مره ورفضت أمضي
يمكن مش مقتنعه بسياسه د/ مرسي ومتأكده انه راجل مالوش فى السياسه
ومحتاج كتير أوى عشان يقدر يكون قياده لدوله بحجم مصـر
حتى الحكومه الضعيفه بقياده قنديل مش عاوز يُتنازل عنهم
والمحافظين اللى بقو كلهم أخوان والناس معترضه على التكويش ده
ومع كل التصرفات اللى تستفز أى مواطن عادي

فأنا برده ماوقعتش على ورقه تمـرد ..

[الأميرة رودي]

انطلقت اليوم مسابقه ملكه الثقافه العامه فى المنتدى مع سيرين
وانا مشتركه معاها ورقمي ( 5 )
عاوزه تشجيع بقى وتعملولى ألتراس كده زى ألتراس أحمد جمال
أول موضوع مطلوب مني هيكون فى القسم العام / بقلمي
ان شاء الله فكرته فى دماغى بس محتاج ترتيب كتير عشان يطلع بالشكل اللى أنا عاوزاه
والآبله سيرين ( هيثم ستايل)
مش عطيانا الا يوم واحد بس نجهز المووضوع فيه وننسقه
ويكون تمام التمام

محتاجه تشجيــع بئى ياخوانا




الملكة رقم (5)

الأميرة رودي

[الأميرة رودي]

أحيانا تجبرنا الظروف على الحيـاه بدون اراده منا
التعايش فقط من أجل أخرون
وحينما نريد الرحيل نعجز عن تحقيق ذلك !
فهناك ( القدر والعمـر) يتحدا دائمـا ضد رغبه البشر
وماعلينا سوى الصبـر والتعلق بكل ماتبقى من أمال..

[الأميرة رودي]

عملت أول موضوع للمسابقه

الكهربا رجعت قطعت النهارده مرتين
بس المره التانيه قعدت يجي ساعتين وشويه


محتاجه ارائكم فى الموضوع

واختيارى لفكره الموضوع وطريقه السرد والتنسيق والحاجات دي
كويسه ولآ ؟؟

http://forums.banatmisr.com/msryat425723/

بقلمي المتواضع

[الأميرة رودي]

النهارده ضيفت فكره جديده لصفحات الاعضاء
هتكون عباره عن اضافه استطلآع أو استفتاء كل صفحه
أى حد عاوز يضيف استفتاء لصفحته يعرفني وانا اضيفله الاستفتاء

اى حد هيدخل صفحتك هيصوت للصفحه
الاختيار هيكون على حسب رغبه كل عضو مش ملتزمين باختيارات معينه

يعني ممكن حد يختار ( ممتاز - مقبول - سئ ) بس لصفحته والاعضاء تختار مابينهم

وناس تانيه تضيف لصفحاتها ( ممتاز - جيد - مقبول - سئ - سئ جدا ) والناس تختار مابينهم

دي حريه شخصيه

انا عملت استطلاع لصفحتى بالشكل ده



دي فكره نقــاء ،،،،،،

وعجبتني الفكره عملتها لنفسي معاها



صوتولى بقى واياك حد يصوتلي بسئ جدا
اقتله

[الأميرة رودي]

. الكلمه بمعناها ومغزاها ممكن ان تغير حياه انسان وممكن ايضا ان تغير حياه شعوب كلمه بـ [ الحرب ] وأخرى [ بالسلام ]كلا منها باستطاعتها ان تغير مصير أمم أإما أن تخلق السعاده والاستقرار وأما ان نعيش فى أوساط القتل والذعر والدمار والتخريب " هى كلمه " كلمه بسيطه كفيله بأن تجعلك تبتسم وان تتمنى الخير لكل من حولك كلمه طيبه كثمره تجد حصادها خيرا وموده ورحمه الكلمه الآنيقه تسمو بصاحبها وبأخلآقه وتجعله أكثر رقيا يحبه الجميع ويقدره وكلمه الآخرى لآيتقبلها الآخرين فتثير شئ من الاشمئزاز والنفور فيصبح غير مرغوبا فيه >>> كلَما كان الإنسان انيقا فى اختيار عباراته، كان اكثر قبولا فى اوساط الناس، واعظم تأثيرا فى حياتهم، " علينا بانتقاء الكلمات لعلها تكن ذكرى طيبه يتذكرونا بها بعد رحيلنا " ::::::::: :::: اشمئز حقا من بعد الكلمات فى الآعلآم المصري الآن وكل طرف يُلقى بالاتهامات على الاطراف الآخرى (( بكلمات مقززه )) وكأن الجميع أصبحو عـلماء مُفكرين ولآ يقتنعون الا بآأرائهم فقط !!!!!