حكايه قلب

[الأميرة رودي]

المشهد موجع اوي
ده اللى كنت بدعي ربنا انه مايحصلش ,, وحصل
لما الاقي واحد بيقول الكلمتين دول :

اقتباس بما ان السيسى اعلن الحرب على الاسلامين فتوقع الحرب الاهلية فى اى وقت فالشعب لن يقهره سيسى تريدها حرب اهليه فلتكن كذلك لكننى اقسم اننا لن نستعبد مرة اخرى وما اخذ بالقوة لا يسترد الا بالقوة وعلى الباغى تدور الدوائر

يبقى لآزم اتأكد ان الحكايه مش حكايه شرعيه ولا حكايه اسلام !!

وحسبي الله ونعم الوكيل

[الأميرة رودي]

أول مره اصحى بدرى اوي كده

لخبطه

ارتباك

بس حسه انه هيكون يوم جميل

الجو حلو أوى والعصافير عماله بتلعب جمب الشباك

وانا عمالها اعاكسها عشان تطير وترجع تاني

ومع ذكر الله و فنجان القهوه هيكون باذن الله اجمل صباح

صباح الورد على كل ناس

[الأميرة رودي]

ياربي على الجمال والطعامه فيه احسن من كده الواحد لما يفتح عينه الصبح على ابتسامه طفل صغير كده وهو منسجم وبيضحك بتكون فرحااان بيكون دمه زى الشربات سبحان الله الافال نعمه ربنا يرزقنا ويرزقكم الذريه الصالحه

[الأميرة رودي]

واقع >> فيه حاجات بتبقى شايف حقيتها وعارف ان فيها حاجه مش مظبوطه وعاوز تنبه ناس تانيه منها ( الناس دول شايفنها حاجه تانيه خااالص ) بس انت لو اتكلمت وعرفتهم حقيقه الحاجه دي هتكون انت اللى وحش فتسكت وتقول هسيبهم يشوفوها بنفسهم وتنستنى اليوم اللى يجي عشان يشوفوها بنفسهم تلاقي اليوم ده مابيجيش ابداااا وهما يوم عن يوم بيزيد تعلقهم بالحاجه دي بتكون فى حيرة من امرك تسكت وتسيبهم غرقانين فى بحر العسل الاسود الملوث اللى هما فيه ولا تتكلم و تطلع انت مش كويس وبتعمل فتنه وتخسر الطرف اللى يهمك!! ربنا يهدي الحال يارب أول مره اتحط فى الموقف ده وحقيقي موقف مش كويس

[الأميرة رودي]

فيه ناس بخاصمهم بس مش قادرين نستغنى عنهم بس بنخاصمهم عشان لازم نخاصمهم وعشان هما يستاهلو الخصام بتبقى عاوزه يقولك لا استنى انت رايح فين/ مين قالك انى هسمحلك بالخصام فتتصدم بقى لما تلاقيه مش عاوز ينطق فتخاصمه وانت مضطر تخاصمه !! بتكون زعلآن بس هي دماغ البشر بقى ////// واقع >>

[الأميرة رودي]

احيانا بنفقد الاحساس بالشئ
لآننا فقدنا الثقه فيه
أو نظرتنا ليه بدأت تتغير !!
حتى المكان اللى كان بيضمهم وينتظر وجودهم
فقد الاحساس بيهم !!

[الأميرة رودي]

انا لو حصل معايا الموقف ده ممكن اموت فيها او اصرخ من الخضه مش هتعامل بعقل يعني

[الأميرة رودي]

ونتوه بمخيلآتنا الى حيث يتواجدون نتطاير كـ فراشات // نتراقص على وتر الاحساس نلآمس خصلآت السمـاء ونزيل غمامه الحزن القابع بين أضلعنـا منذ فراقهم ليتأرجح الفـرح طربا نرحل من عالم الواقع الى عالم أكثر جمالا فنصبح أسرى من جديد

[الأميرة رودي]

My Sister

إيمي

أختى الصغنونه أخر العنقود

مسجله معايا ف نفس الشهر
لكن مكنتش بتدخل عشان الدراسه
واخداها جد يعني
بدأت تدخل من كام يوم


هي بنوته

عاقله ومجنونه
هاديه وشعنونه
وبتشتغل دكتوره

المهم يعني


هسيبكو تكتشفوها ومن نفسكو هتعرفوها

[الأميرة رودي]

عاوزه اكتب الف حاجه
بس مش قادره اكتب ولا حاجه

وأبدأ منييييين وكل الحاجات بقت شكل بعضها !!
ولا بقيت عارفه بدايه الشئ من نهايته

صباح الخير
صباح الياسمين على القلوب الجميله النقيه الموجوده هنا

وكل سنــه ومصر كلها بأمان واستقرار
ويـــــاربأملنا فيك كبير ساعدها وخليك حاميها