حكايه قلب

[الأميرة رودي]

موقف مع ماما // من المواقف اللى مش هتتنسى أبدا


وانا رايحه اصلي الفجر ورا المسجد بعد ماتسحرنا
وقفت على السجاده شويه اتمتم بكلمات اعتقدت انه مفيش حد سامعني
كنت بدعي ربنا انه يكتبلي الموت وانا ساجده

كنت فاكراها مش سامعانى
لكن هيا حست بالكلام

ماسألتنيش انا بقول ايه ولا حاجه وسابتني اصلي عشان كان المسجد بدأ

بعد ماخلصت

رحت ابوسها قبل ماانام لقيتها بتقولى بتدعي ربنا انه يكتبلك موته وانتى ساجده؟
قولتلها انتي سمعتيني؟
قالتلي اه سمعتك
قولتلها زعلتي ؟
قالتى لآ أمنت وراكي
ربنا يكتبهالي ويكتبهالك بعد عمر طويل ليكي وتفرحى الآول بشبابك


جالي شعور غرييييب بعد كلامها !~

بفرح لما الاقي حد مات وهو ساجد
بقول يابخته أكيد فى الجنه
وانا زي حال أى مسلم بتمناها

اصلنا فى الآول هنموت وفى الآخر هنموت
يبقى ندعى ربنا يرزقنا حسن الخاتمه
يمكن ننولها

[الأميرة رودي]

عطشااانه أوووووي قاعده بفتكر اول يوم صمت فيه كان عندي8 سنين // فى 2 ابتدائي يعني من 16 سنه كنت اصوم لحد العصر واخد جنيه وربع جنيه من بابا وربع من ماما جنيه ده ايامها كان مبلغ وقدره لان العمله اللى كانت ماشيه هيا البريزه كنت اصرف الـ ربع جنيه واحوش الجنيه بتاع كل يوم مش اصرف منه حاجه أخر الشهر الاقي معايا 30 جنيه وأخد عيدي 30 جنيه زيهم يبقى معايا 60 جنيه المهم افتكرت السنه اللى بعدها بابا قالى لو صمتى اليوم كله هخليكي تسافري تقعدي عند عمك اسبوع فى العيد هو عارف يعني ايه بالنسبه لي عمي رحت صايمه الشهر كله للمغرب ورحت عند عمي زي ماوعدني وانا فى خامسه ابتدائي لقيت لسه اغلب البنات والولآد بيفطرو فى رمضان روحت أول يوم اقول لماما العيال فى المدرسه بيفطرو قالتلى سيبك منهم دول ربنا مش بيحبهم وزعلان منهم وأى حد هيفطر فى رمضان مش هيدخل الجنه ولا هيدخل من من باب الريان قولتلها ايه باب الريان ده قالتلى ده باب من ابواب الجنه مش بيدخله الا الصايم واللى ربنا بيحبه اوي اكتر من بقيت الناس من يومها بقى والكلمه ثبتت ف دماغى وبقى حبي لرمضان والصيام هو أكتر حاجه بعشقهاااا فى حياتي ربنا يتقبل صيامنا

[الأميرة رودي]

تستحقين أكثر من مجرد صفعه ولكن أخشى على يداي من ملآمسه أقنعه ملوثه أصابتها العِته وروحا سكنت الدنيا نِفاقا

[الأميرة رودي]

أيوه صح
وصح جداا

[الأميرة رودي]

بعششق براآاءهـ الآطفـال
وخفه دمهم
والدنيا اللى عايشين فيها

[الأميرة رودي]

كل سنه وانتى بخير وسعاده يااميرتى


رمضان كريم ياقمرايه

دي هديتي من كوين ميرو
انسانه جميله جداا فوق الوصف
ودوده ومحترمــه وأخلآق
وأنا بحترمها وأقدرها بجد هيا تستاهل

شكـــــــــرا كوين ربنا مايحرمني منك





النهارده بقى قعدت كده افكر فى حاجه وسألت نفسي
ليه المصريين مش يفكرو فى اى حاجه يتجمعو عليها فى يوم واحد وف نفس اللحظه
وتكون حاجه مختلفه وجميله وتسعد قلوبنا شويه
تغير شويه من التكدر والحزن اللى فيه بعض الناس
زى مابنتفق فى كل المحافظات وننزل وقت التظاهرات
نتفق كلنا فى كل البلآد والمحافظات برده اننا نطير بالون ف السماء ف نفس اللحظه
وتكون سماء مصـر كلها بالونات طايره بـ كل الآلوان
تخيلو منظر السماء هيكون عامل ازاى
وتخيلو فرحه الصغار والشباب والرجال والنساء بحاجه زي كده

اظن منظر زي ده هيوجد فرحه وبهجه فى قلوب الكبار قبل الآطفال
لحظه سعاده محتاجينها بجد
هنشوف لعب الاطفال تحت البالونات وهما فرحانين
انا عن نفسي لو شوفت المنظر ده هكون قاعده كل تفكيري ازاى امسك بالونه وأخدها





بحلم وأنا صاحي

[الأميرة رودي]

صديقي الآنتيم الآقرب الى قلبي كل يوم بعد الفطار مش بيفارقني لحد وقت السحور مكان مابروح بيكون رفيقي وكل شويه ابص عليه >> افرح بس من شكله اطمن انه جنبي وياسلام لو حد قرب وفكر ياخده مني بتبقى ليلته مش فايته هو البيبسي الواحد بعد الفطار بيبقى عامل شكل البالونه فعلا من العصاير والبيبسات بس المهضم الوحيد هو البيبسي ده فلآبد من وجوده وهاهو جنبي وانا بكتب مشكله ✿ ❀✿ /\

[الأميرة رودي]

♥ s ♥

[الأميرة رودي]

عندما تجتاحني عاصفه تفكيــر فأننى أدرك بأن عقلي مُقبل على مرحله ممتيه من التضارب والحيره وترتسم على جبهتي معالم الصمت وتشتعل فى رأسي رغبه شديده فى ردود أفعال غريبه !! وقودها التسرع الذى يصيب الكثير منا

[الأميرة رودي]

بقالى كام يوم مش متابعه الصفحات
ودخولى المنتدى بشكل عام قليل !

وحشتني اوي اوي مدونتي
ووحشتني كل مدونات القسم

::::::::::::::::






يااااااااارب اللهم أمين
دي دعوتي دايما لنفسي ولكل أحبابي
ربنا يرحمنا برحمته

::::::::::::::::::::::::





الصوره دي جايه على الجرح
فى ايام الصيام دي بعاني من خمول شديد
وخصوصا بعد الفطار
بلآقيني مفيش توازن ومش قاره افتح عيني
واقعد اصحصح فى نفسي بالعافيه لحد مااصلي العشا عشان لو نمت اكون صليت
اتغاظ بقى لما اصحى بعد رحله نوم طويله الاقي البنات مصحصحين وفاتحين الميل ونازلين رغي
ومحدش فيهم بينام الا بعد السحور مره واحده
فعلا يعني حاجه تغيظ
ومش عارفه اعمل ايه فى نفسي