حكايه قلب

[الأميرة رودي]

ارهاق
وتعب
وتفكير كتير
المهم انى بخير

//::::::::::::://


وبما ان المقلب اللى اتعمل فيا نزل النهارده
فأنا بتوعد لـ أسيل ومروشو بأني مش هسكت ومش هسيب حقي
وعماله بقلب دماغى هنا وهنا عشان اردهالكو

وأول مره بقى احط حاجه فى دماغى اوي كده
ربنا يوفقني بس >>

[الأميرة رودي]

كل الحكايه :
اننا طول الوقت بنحاول نتأقلم مع حاجات ملموسه ومحسوسه
وأفعال لبعض الآشخاص
أجبرتنا الظروف على التعامل معاهم~

[الأميرة رودي]

فيه مشاركات بتتحذف من الصفحات لان المنتدى فيه تعديلآت بتتعمل دالوقتى
ممكن نسجل مشاركتنا فى ورد على الجهاز عشان لو اتحذفت نعرف نرجعها تاني ف صفحاتنا


:::::

انا اتحذفت لى مشاركه


""""""""""""

[الأميرة رودي]

بعض الآمنيات ترتسم فى عيوننا مُزينه بورد الدُنيا وبعضها مُلوث بحماقات الوقت وأفعاله ::: تُحلق فى سماءات مظلمه وتنظربابتسامه البرئ أن يعود الضي لكونها ولكن تُقطع أجنحتها عُنوه فتنزف وجعا وتسقط أرضا أو فى وحل صفاتهم >>

[الأميرة رودي]

لآ مفر من وصال جاحد ولآ مفـر من بعض الكلمات المسمومه على ألسنتهم !! تمهلو قليلآ فأ الغد من المؤكد ليس كالآمس

[الأميرة رودي]

المهم ايه بئى بعد قليل عيد ميلآدي ♫ كبرت سنه كمان كل سنه وانا طيبه عاوزه هدايا ♥ ::::::::::::::::: انا برج الاسد >> جيت نورت الدنيا يوم 24 - 7 راح بابا قال هستني كام يوم واكتبها بتاريخ حلو تاريخ موسيقي كده ♫ ♫ ♫ ♫ كان عاوزه 8 - 8 - 1988 راح حصل عنده شغل فى اليوم ده ومرحش كتبني واتكتبت 9 - 8 اليوم اللى بعديه كان زعلان اوي انه مكنش 8 -8 المهم يعني اول واء ليا فى الدنيا دى كانت يوم 24 - 7 وكان فجر العيد الكبير يعني انا مولوده يوم العيد جيبت لنفسي شمعايه هما المفروض 24 شمعه يتطفو بس كفايه شمعه واحده ♥ ♥ ♥

[الأميرة رودي]

من اكتر الحاجات اللى تخلى الحب يقوي ويستمر
هو الجنون فى الحب
بجد >>
الحب العاقل زياده عن اللزوم ده بيعمل حاله من الملل
محتاجين لحظات جنون برده
لحظات نرجع فيهم أطفال

:::

أنسو الواقع بشويه جنــون >> ~

:::

[الأميرة رودي]

أمبارح بالليل حسيت أنى فى المدينه المهجوره
لآول مره الكهربا تقطع من الساعه 9 بعد ادان العشا لحد الساعه 7 الصبح النهارده
10 ساعات متواصلين الكهربا قاطعه فيهم
الجميل فى الموضوع بقى
حوالى الساعه 12 بالليل كده مالقتش ولآ صوت فى الشارع ولآ فى البيوت حوالينا ولا عيال بتلعب زى كل يوم
ولا حد ماشي يتكلم ف السياسه
وحاله من الهدوء غير طبيعيه
والكل نايم بدري

لما بتقطع الكهربا عندنا وخصوصا بالليل بحس انى فى بلد مهجوره مافيهاش سكان

بس المنظر تحفه بجد

[الأميرة رودي]

استعدادا لفعاليات النهارده
أتوبيسات كتيره بعد صلآه الجمعه مباشرهً
توجهت لـ القاهره للمشاركه فى تظاهرات ميدان التحرير
الاقبال من المنصوره على ميدان التحرير اكتر من الاقبال على رابعه العدويه ""
ده اللى لاحظته ""

11 شاب من شباب عيلتي راحو فى اتوبيسات ميدان التحرير..

مقابل حوالى 6 برده من شباب عيلتي سافرو ل رابعه العدويه فى اتوبيسات جماعه الآخوان
ولآد اعمامى وولآد خِلآني سافرو دالوقتي

والحمد لله ان محمد اخويا مش فى مصر لانه ثورجي متعصب
ومكنش حد هيقدر يمنعه من المشاركه


يارب سَلِِم

ربنا يحميهم ويحمي الجميع ويرجعو سالمين
ويارب يكون يوم سلمي ومانشوف نقطه دم واحده على أرض مصر


بحق اليوم الكريم وشهرك المبارك يارب
احفظ أرض الكنانه

ــــــــــ

جمعه مباركه

[الأميرة رودي]

برج الأســد

2013-07-26

تبغي الاستقرار يا عزيزي، وتشعر أنّك بلغت المرحلة التي تؤمّن لك ذلك،
لكنّك قد تقع في حالة جمود ومراوحة للمكان،
وقد تنتظر جواباً عن عرض لك لا يأتي،
أو تبحث عن بعض الإثباتات ولا تجدها.

:::::::::

ورغم انى مش بعترف بموضوع الآبراج أد كده
ومش مؤمنه بيه أوي يعني
إلا ان الكلآم ده حلو وزى الفل