حكايه قلب

[الأميرة رودي]

يارب تكون جمعه نور وهدايه على مصركلها
وينتهي اليـوم بدون تخريب أو نقطه دم واحده
احنا تعبنا من منظر الدم ..

جمعه مباركه علينا جميعا يارب

[الأميرة رودي]

مصر فى كلمتين >>

أرواح تُزهق ..
أجساد تحترق ..
أمهات تنتحب
أحلآم تحتضــر.
ومستقبل كل مابه أصبح سوادا
واصحاب المصالح فقط من يصفقون فرحا ..


فمتى تظهر الرؤى ويعلم كل منا ماذا فعل ؟

يـاآآرب. لطفك بنا

[الأميرة رودي]

أحتــاج ألآ أتكلم أو أسمع أو أرى أي شئ
أحتــاج لعقلي أن يتوقف عن التفكيــر لفتره [ ليست بالقصيره ]
أحتــاج للسكــون .!!
وأحتاج أن يطمئني أحدا بأن الواقع مجرد كـابوس وسأستيقظ حتما منه !!

يــاآرب

مهمومهٌُ أنا ... حزينه لدرجه الإختناق

[الأميرة رودي]

هيا الصداقات الوهميه انتشرت أوي كده ليه ؟؟ والكلمات الرنانه اللى كانت بتسمّع فى كل مكان مالها اتخنقت ليه ؟ والحروف اللى بـ تنزف مش لآقيه اللى يدوايها ليه ؟؟ والقلوب الطيبه اللى كانت تحكي وتفضفض بقت بتبيع ليه ؟؟ حاجات كتير اوي فى نفوسنا اتغيرت وفى ثانيه صديقك يكون معاك وبعدها يكون ضدك ومش بس كده!! ده بقى بيصنفك عدو له ـــــــــــــ أنا عن نفسي مش زعلتها ومش بعدت عنها أو جرحتها كانت تحكيلي >> كنت أختها .. لقيتها بعدت فـ سيبتها بس مش هاين عليا ودها أكيد من كل قلبي بحبها ودعواتى دايما هتكون لهــا >> ـــــــــــــــ دايما فى حياتنا الحلو مابيكلمش !!

[الأميرة رودي]

الآقتباس ده من صفحات أحضان الحبايب
مش متعوده انى اقتبس كتير من صفحات الآخرين
بس كان لآزم ارد عليه هنا ف صفحاتي برده

اقتباس اولاً : فى احددى المشاركات كنت كاتب .. يسقــط يسقــط حكم العســكر ... يسقــط كل كلاب العســكر ... يسقــط كل عبيــد العسكر .. و تم تعديل المشاركه من قبل المشرفه و مسح يسقــط كل كلاب العســكر ... يسقــط كل عبيــد العسكر .. !! اعتراضى على حاجتين : الاولى هو انى ما اتبلغتش ان كلامى هيتمسح و انه مخالف و التانى ان كلامى مش مخالف : ) .. و ما يستحقش يتمسح .. لان ده رأى و مش بفرضه على حد ^^ .. -- أولا انا لما مسحت من عندك كلمه يسقط كلآب العسكر مكنتش من عندك لواحدك فيه أكتر من صفحه حذفت منها نفس الكلمه وفى المقابل حذفت عند ناس تانين معارضين للآخوان كلآم كتير فيه شتيمه وأهانه للآخوان زى مثلا ( خرفان الآخوان ) ( كلآب المرشد ) ( والحمير ) وحاجات كتير من هذا القبيل بعتذر انى بذكر الالفاظ بس ده للتوضيح فقط مكنتش بشوف الالفاظ دي يعني واسيبها واخرج لآ كنت بحذفها وابعت لصاحبها اعرفه ان ده مخالف وأقرب مثال كان امبارح وبدون ذكر اسماء يعني مش بتعامل مع ناس ناس زي مانت لمحت كده ده البند اللى ف القوانين 12 يسمح بالمشاركات السياسيه ولكن دون التشويه أو المساس بالوطن او الاستفزاز المتعمد للغير لوقف حاله الاحتقان السياسي والمشادات الكلآميه داخل الصفحات **أى صوره فيها اهانه للوطن او لحزب او طائفه او التلميح والاستهزاء سيتم حذفها دون الرجوع للعضو برغم انك كنت مشرف ع الصفحات وعارف قوانينها الا انك بقيت بتستخدم الفاظ فيها اهانه لفصيل او حزب سياسي بعكس مهو مذكور ف قوانين القسم ومع ذلك مفيش قمع يعني منى ولا من اى حد لآي رأي وكل اللى بعمله انى بشيل اى لفظ بيعتبر شتيمه لحد لو فيه اى حد فى الصفحات عبر عن رأيه وقال مهما قال وأنا حذفتله مشاركه بدون وجهه حق يحاسبني وأنا اعتذرله بس ده عمره ماحصل .. بالعكس كان بيحصل قبل كده وحد يعمل مشاركه والاقي حد من الاداريين حاذفها لمجرد انه مختلف مع الاداره ولما كنت بلآقي انها مش مستاهله الحذف كنت برجعها وبدون ماارجع لحد ولا استأذن اللى حذفها بس ده كان انصاف للحق مش أكتر جيت انت ي أ/ عبدالرحمن طلعتني بمكيالين فى ثانيه ثانياً : كتبت مشاركه النهارده .. عن ان الدرجه العلميه للانسان .. مش دليل كافى على انه بيفهم .. و انه العمى بيكون عمى البصيره .. و ان الدكتور مش عشان دكتور .. يبقا لازم يكون بيفهم و متفهم .. و وضحت ان الدكتور اشاره لكل الطبقات العلميه .. و اتمسحت المشاركه .. ليه هاه ؟؟ وبالنسبه للمشاركه دي اللى حذفتها وانا عارفه بعمل ايه فأنا ممكن أوي اجيبلك المشاركه دي واللى انت كنت كاتبها قبلها ولو محدش فهم وربط المشاركتين ببعض وعرف انك بتسخر من عضو ف المنتدى فيها واستخدمت لفظ ( غبي ) يبقى انا فعلا مش كويسه مش شــرط على فكره تكتب اسم العضو ثلآثي عشان خاطر يبقى ده تلميح وتتحذف لآ بديهي اوي لما طارق يعمل تنبيه بمنع بحظر المواضيع الخاصه بالآخوان وانت تيجي ف صفحاتك تقول الدرجه العلميه مالهاش علاقه بالفهم ممكن يكون دكتور وغبي فى حين ماكتبت قبلها مشاركه وذكرت فيها طارق مباشره وده البند الخاص بها 5/ لا يجوز توجيه نقد لأحد داخل صفحاتك او توجيه رساله مباشرة او غير مباشره او التلميح على اى عضو من الاعضاء .. يسمح فقط بتوجيه رسائل شكر او امتنان لآى عضو داخل المنتدى .. مش عارفه هيا الصفحات اتعملت عشان كل واحد مش عاجبه حاجه يجي يرميها فى صفحتها عشان التاني يشوفها بطريقه غير مباشره لمو معترض على موضوع طارق ابعتله قوله انا معترض لكن تدخل الصفحات وتعمل مشاركه فيها تلميح واااااااضح اوي يبقى لآزم يتحذف صحيح مش دخلت ف النوايا بس صاحب العقل بيميز وللمره التانيه هقولك غريبه انك كنت مشرف ع الصفحات وعارف قوانين منع التلميح او التلقيح على حد بطريقه مباشره او غير مباشره ومع ذلك استخدمه مرتين !!

وأظن من فتره كتبت فى الاهداءات فوق بلآش استخدام اى الفاظ اهانه او تجريح لاى حد
وقولت بالنص انه مايصحش حد يكتب ف صفحاته كلمه كلاب العسكر ولآ حد يكتب خرفان الآخوان
وقولت خلونا نختلف بس بأسلوب احسن من كده
..

بس محدش عاوز يفهم للآسف

[الأميرة رودي]

أكتر حاجه بقت مستفزه فى الفيس بوك اليومين دول
هيا انك اول ماتفتح الفيس وتقرأ بوست معين أو صوره أو حتى خبر
تلآقيه بيتكر هواه فى كل الصفحات اللى عاملها اعجاب
يعني تلاقيك نازل بالصفحه ومش لآقي حاجه الا هو
الناس بتستسهل وتعمل شير للحاجه ويتنقلوها مع بعض
وبيكسلو يكتبو بنفسهم ويعبرو بطريقتهم
فبقت بتتكرر بشكل كبير وبطريقه تضايق اللى بيقرأ.

فعلا يعني حاجه مش حلوه
رغم انى انا منهم
بس برده حاجه مش حلوه

مجرد رأي >>

[الأميرة رودي]

والمطلوب من قلوبنا أن لآ تتغير عليهم !!

[الأميرة رودي]

صباح الورد ياصفحاتي
صباح انقي من اي شئ علي مملكتي وبيتي وعلي كل حرف كتبته فيها،،

وحشتوني جدا جدا
كان عندي ظرف منعني من الدخول

بشكر كل الناس الناس اللي سألت عليا
والله انتو اجمل اصحاب ف الدنيا

يمكن ارجع ادخل بالتزام من بكره
ادعولي

كوين ميرو . كل سنه وانتي طيبه ياحبيبتي
عقبال سنين كتيييير يارب تكوني سعيده

معلش مباركه سريعه وبطمن عليكم
لأني داخله م الفون

صباحكم حاجات جميله

[الأميرة رودي]

فالأيام اللي فاتت عندي كانت مليانه احداث
وكلها لأسف مش ولابد


بس أجمل المفاجأت اللي حصلت ان فيه ناس هنا اتصلت بيا ودعبست علي تليفوني وكلموني
يطمنو عليا ربنا يخليكو. ياأحلي بنوتات أجمل اصدقاء

وناس تانيه بعتولي السلام مانحرمش منكم

كنت بدخل الصفحات تخاطيف كده مكنتش بطول لأني بزهق م الفون

رسايل الملف الشخصي والرسايل الخاصه لقيت عليهم تنبيهات كتير
وللمره التانيه بشكر كل اللي سألو عليا
اعذروني لو كنت اتأخرت ف الرد علي حد

مرام وسهر لقط اسمائكم ف الملف ماتحرمش منكم ياقمرات
وحشتوي جدا

[الأميرة رودي]

الآيام اللى بعدت فيها عن المنتدى على أد ما المكان وحشني بالناس اللى فيه
على أد مااستفادت منها فى حاجات تانيه كتير

كانت ترمومتر لعلآقات وصداقات
أنا أصلا صداقاتي محدوده فى المنتدى
وكام أسم هما اللى قريبين مني وبشكل شخصي بيمثلـو ليا أقرب أصدقائي
وفيه ناس كانت المعامله بينا سطحيه بس كاانت كلها احترام وتقدير

امممم الفتره اللى غيبتها زودت عدد الآصدقاء عندي


الترمومتر بتاعي المره دي كان فوق التوقعات
حب الناس نعمـــــه

ربنا يديمها علينا

صفحاتي بعد ماوحشتني
عندي كلآم كتير عاوزه أدونه
يمكن تدور الآيام وأرجع أقرأه وأسترجع اللى حساه دالوقتي

مســاء يكسـوه النقاء
ولآشئ غيــره