حكايه قلب

[الأميرة رودي]

آمين ياآرب
أنا وكل من قال أمين ..

[الأميرة رودي]

الجـو برد والدنيا فيها سقيع بطريقه غير معقوله
مشغله الدفايه طول النهار وكأني مش مشغله حاجه عشان المكان واسع
فاضريت للنكماش فى غرفتي الصغيوره مع صديقي الوحيد فى الشتا ده (" النسكافيه يعني )
لعل وعسى رربنا يكرمني بشويه دفا لآنى تجمدت فعلا

........

امبارح كان يوم كارثي وحزين فى بلدنا
مفيش ولا واحد الا وبكى بحرقه شديده
عاصفه رياح شديده كانت سبب فى ان الكوبري اللى فى اول البلد يقع
وللآسف وقع على شاب كان معدي رايح شغله
واتوفى
وكان الحادث والوفاه بشكل بشع
لآنه للآسف طلع من تحت الكوبري عظام وجمجمه متكسرين
ده قضاء وقدر واحنا مؤمنين - بس لما يبقى بسبب الاهمال من وزاره الرى
ومسئول الرى فى المنطقه اللى عارف ان الكوبري هيقع واتعملت معاينه مره واتنين ومهندس
جه من شهرين قال لآهل البلد ان فيه ميزانيه للكوبري ده وهيتجدد خلآل اسبوع
ولـ يومنا هذا محدش عبرنا !!
وفى الاخر مدير المستشفى العام يعمل تقرير مزور بأن الحادث حادثه وفاه بسبب الـ غرق
وانكر فى تقريره انها حادثه وفاه بسبب سقوط الكوبري
يبقى الفساد متفشي وهيفضل متفشي فينا ومش هننضف منه
انا صورت الكوبري بعد ماوقع
ان شاء الله هنزل الصور فى المنتدى
ربنا ينتقم من كل مسئول ظالم

[الأميرة رودي]

ولآ حيات لمن تنادي بقينا عقول أكلتها العِـته اتهامات نرميها على بعضنا ٍٍٍ ٍ ٍ [ فى الشوارع - فى المواصلآت - حتى جوه بيوتنا ] كل واحد بقى بيتهرب من المسئوليه ويقول: ( وأنا مالي ) خراب ودمار وكرامه بتنداس وبرده تلآقي اللى يقول ( وأنا مالي ) اشمعنا أنا !! ... وندخل فى صراع ========== أوقات بيكون فى بالك شئ تقوله أو تعليق ( نصيحه )لـ حد انت شايف منه تصرفات غلط وكأنه مُغيب فعلا بس مش قادر تتكلم لآنك عارف انك مهما اتكلمت هيفضل قافل ودانه !!.. وأوقات بيكون واجب عليك الاعتذار بعد خطأ غير مقصود فى حق حد أنت بتعزه ولما تروح تعتذر >> يقوم الطرف التاني يستغل اعتذارك ويهئ لنفسه بعقله الـصغير أنك الظالم الآوحد فى الوجود .. مع العلم ( الخطاأ أصلا بيعتبر مش خطأ ) حاجه كده عابره..بس من كتر ماهو محسسك انك الظالم الجاني تبدأ تشك فى نفسك ومن هنا بيبدأ الصراع بين عقولنا وعقولنا العقل بيفضل فى صراع مع نفسه لفتره طويله هل انا المخطئ ؟ انا الظالم ؟ وتبقى الحيـاة عباره عن مجموعه صراعات == صراع بين الواقع وقيوده وبين رغباآت تقتل البعض == صراع بين أصحاب السلطه والنفوذ وبعضهم البعض وبعض الطبقات الضعيفه !! == صراع بين فتاه تحب ومجتمع يُحرم عليها الحب == صراع بين أصحاب الضميـر وبين من ماتت ضمائرهم == صراع بين كاتب صاحب فكره ومبدأ وبين قلم يكتب فقط مايراه الآخرون == صراع بين أفعال غير محموده وأشخاص يحولونها لآهداف ساميه للوصول الى اهداف رخيصــه == صراع بينك وبين الزمن عندما تنتظر شئ مــا ولم ولن يأتِ .

[الأميرة رودي]

كل أرض صفراء بالقرآن تخضرّ ، وكل طريق مُعتم بالحمد يُشرق ، وكل قدر مُتعرّج بالإستغفار يستقيم ، وكل نعمة عظيمة بالحمد تزيد ♡♡ اللهم أني أحمدك حمدا كثيرا وأشكر نعمتك عليَ

[الأميرة رودي]

أريد أن أفعل كـ هذا الطفل ألوح بيدي على كل مايؤلمني ..! وأرحل الى حيث لآ أحد يعرفني ، وأمضى مُبتسمه قبل ان أفقد هويتي أو أتذوق مراره الوجود فى حلقي.!

[الأميرة رودي]

[ALIGN=CENTER]

أبدا لن يستطيع الحيـاه من يتلون ويتجمل بغير حقيقته ومن يرتدي قناع النفاق لصالح أهوائه فسيأتي يوما وتقع أقنعته ويتعرى وجهه ! ولن يتبقى سوى بعض تجاعيـد وجلدٍ شديد السواد من كثره كدبه ونفاقه..

[/ALIG

[الأميرة رودي]

بحب جدا الابتسامات الرايقه حتى لو كنت متنكده من حاجه ومش فايقه بس بحب اشوف حد مُبتسم وبيضحك >> بحس ان الدنيا لسه فيها خير << أما الضحكه اللى تحس ان صاحبها بيضحكها غصب عنه دي بقول فى نفسي ساعتها ياريتك ماضحكتها # ابتسمـوا حتى لو ضاقت♥ مسيرها تُفرج ♥

[الأميرة رودي]

في مقاهينا توضع الكراسي في الطريق، لحب الاستطلاع والتدقيق.
كفي فقط شاي في إبريق ليستمتع الزبون بعروض الأزياء وكل بريق
فكيف نرجو النصر ومقاهينا مصطفة تدعم كل قلب غريق
ما يهم هو المال ولو أصيب المجتمع بالحريق
نزهة الفلاح

المشاركه دي من مدونه نزهة الفلآح
عجبتني جدا جدا وبتفق معاها فى رأيها
للآسف بقت اهتمامتنا موجهه لآشياء تافهه
ونسينا حاجات كتير المفروض انها اهم من اى شئ..

مدونه جميله تستحق الشكر

[الأميرة رودي]

[الأميرة رودي]

يُخاطبني السفيه بكل قُبح
فـ أكره أن أكون له مُجيبا
يزيد سفاهه فأزيد حلما
كعود زاده الإحراق طيبا
‘‘ الامام الشافعي ‘‘