حكايه قلب

[الأميرة رودي]

اللهم أني وكلتك أمري فأنت خير وكيل ,,
ودبر لي أمري ف إني لا أحسن التدبير

=======

اقتباس الأميرة رودي مش عارفه ليه بحس ان لو كانت الظروف سمحت اننا نتجمع ونبقي صحاب كنتي هتبقي تؤأمي بجد انا بحس بيكي جدا وانتي قريبة اوي لقلبي

وهو يكفيني ان حد يكون حاسس بيا وقريب مني
حتى لو بعيد عن عيني..
انتى انسانه جميله ياسما ..فرضتى احترامك ع الكل
شخصيتك وأسلوبك والقوه اللى بحسها دايما ماليه قلبك دول اكتر حاجه بحبهم فيكي

ربنا يخليكي ويسعد كل أيامك ياارب

[الأميرة رودي]

اللهم أغفرلها وارحمها وخذ من حسناتي وأعطها وتجاوز يارب عن سيئاتها

[الأميرة رودي]

====

تعبانه جداا ومش قادره اتنفس
كحه مستمره ومتواصله وسخونيه عاليه

ربنا يستر





جمعه مبــاركه
اللهم اجعلها جمعه خيـر وصلآح فى الحال يارب
واشفني وكل مريض ياآرب...

=======

[الأميرة رودي]

النهارده كان يوم جميل برغم كان عندي صداع مؤرف بالليل
أول مره أخد مهدئات امبارح قبل ماأنام
كنت بعاني من تعب شديد ودور برد مصحوب بـ سخونيه مرتفعه لم أقابل مثله من قبل

لكن النهارده كان مختلف
من بدايه اليوم جاتلي والدت بنوته عندي تقولى انتى عملتى للبنت ايه معتش وراها سيره ف البيت الا أنتي
قبل معاد الدرس بساعتين الاقيها عاوزه تنزل وتجيلك
ضحكت و قولتلها هيا فعلا بتيجي بدرى جدا عن معادها وانا بزعقلها بس كل ماازعقلها هي تضحك
فعلا البنت دي كل مااعمل معاها كده والاقيها بتضحك ابقى عاوزه اضحك بس اكتم الضحكه

المهم مامتها قعدت عندي شويه نتكلم
بعدين قالتلى انا جيت اتعرف عليكي من كتر كلآمها عنك كان لآزم اعرفك
وهي عندها حق أنها تحبك
أحرجتني حقيقي بس أكيد انبسطت من كلآمها والثقه دي

=====

بعدها بشويه جه معاد الدرس.
برده صاحبتنا اياها جايه بدري ساعتين عن معادها
كنت انا وقتها بدي لـ مجموعه تانيه اكبر منها سنه

قولتلها اقعدي راجعي الـ unit عشان فيه exam
عدى الوقت وجه معادها لقيت حركه غريبه والبنات بيتوشوشو

حاولت اسمع هما بيقولو ايه معرفتش هههه
بس حسيت ان الكلام عليا اصلهم يتكلمو ويبصولى

بعدها جاتلي المتحدث الرسمى بتاعهم اللى هيا بتحبني دي
هي : كل سنه وأنتي طيبه وباستني
أنا : وانتى طيبه بس بمناسبه ايه ؟
هي : بمناسبه عيد الآم
اندهشت ..
فرحت وحزنت
فرحت لآن فيه طالبات حسيت انهم بناتي حقا فاكريني فى عيد الأم
وحزنت انهم فكروني انه زي الايام دي كنت بجهز هديتي لأمي
رديت المعايده وشكرتهم كلهم
كل واحده لواحدها
اتفاجئت بقى بكل واحده تقولى هديه عيد الأم هتكون المره الجايه يامِس

قولتلهم لالالا هديه ايه محدش يعمل كده
لكن العيال مصممين وزعلو كمان
منهم واحده بتقولى انا بعت لبابا مخصوص هو مسافر الامارات يبعتلي فلوس خاصه بيا عشان اجيبلك هديه كبيره

كنت عاوزه اقولهم هتجيبو ايه طيب
رحت مغيره وشي بقى وقولتلهم هنهزر كتير يلا عشان فيه exam
ومش معنى ان فيه هدايا ورشاوي يعني مش هنضرب
اللى هتقل درجه واحده هيكون فيه عقاب شديد
وبدأ الامتحان واديني بصحح فيه وشكلي انا اللى هدبس فى هدايا ليهم

المهم طلعنا من الموضوع ده ان كل بنوته هتجيبلي هديه المره الجايه
حاجه احراج فعلا
بس هما اللى عاوزين كده

يومياتي مع بنوتاتي ف الدروس بتاعتي جميله جدا
بيخرجوني كتير من مود مش حلو
هحكي أغلبها هنا لآني بشوف منهم حاجات تخليني اقول احنا مكناش أطفال

ومازلنا ننتظر الهدايا
دعواتكم تكون ثمينه

[الأميرة رودي]

ومتابعه ليومياتي مع بنوتاتي
جاتلي النهارده أول هديه
ورده معطره ومغلفه بشكل رقيق
وقلب مطرز عليه كلمه i love you بالتطريز بـس شكلها تووحفه
ومعاهم كارت صغير
كاتبه فيه
الى معملتي الجميله / وجنبها اسمي
أنا أحبك جدا
كل عـام وأنتى بخير

-------------

ياخواتي ع الهنا الى انا فيه
لما عرفت بقى ان الهدايا هتكتر الايام الجايه
خصصت صندوق صغنن كده وعسول
وعملت عليه فيونكه عشان يبقى خاص بيهم لواحدهم

الورده شكلها جميييييل جدا فرحت بيها
هي بسيطه بس غاليه عندي حقا
أكيد أكيد الحاجات الثمينه لسه هتيجي
مش معقول كل الوعود بتاعتهم دي ومايبقاش فيه حاجه تقيله كده

[الأميرة رودي]

الصوره مش محتاجه تعليق
هي قالت كل الكلآم

=====
وتظل ابتسامه هؤلآء من نوع خاص
من بين تلك الابتسامات المتداوله على وجوهنا من وقت لآخر..
تلك الابتسامه لآتعرف الوجوه العابسه حتى وان وصل بها الحال الى أدناه
وان ماتت في أعينهم لذات الصِغر
واستهزأت ببرائتهم عطايا الحياه ..

أي حياه يعيشون ؟

فقط [ نالو شرف الغرق في وحلها ] !!


تبا لكِ ياحياة

تحرمين من يستحق كل شئ
وتعطين كل مالديكِ لمن هو لآشئ

.. ! ..

[الأميرة رودي]

مضى على رحيلها أربعون يومـا..
تلك البسمه الجميله والكلمه الحنـونه
مازلت أسمعها
أشعر بوجودها
تعيش معي .
بأنفاسها
بـ عطرها
بـ كل شئ تملكه أمام عيني وكأني أراها ..
لم تفارقني يوما..
ومازلت أنعم بدعواتها الصافيه..
رحلت بجسدها ولم ترحل عني بـ روحها

" طال العمـر أو قصـر ستبقين ياأمي ساكنه الروح وقـره عيني.."

رحمك الله وجعل لكِ منزلاً فى الجنـه

[الأميرة رودي]

فيه ناس بتكون بدايه معرفتنا بيهم عن طريق الصدفه.. مكنتاش نتخيل أصلا في يوم اننا ممكن نكلمهم أو يجمعنا موقف مشترك بيهم وبتمر الأيام واحنا بنتكلم معاهم ,, بنقرب منهم ,, بندخل جواهم ,, بنفهم تفاصيلهم ,, نكتشف نقـاء مالوش حدود تحبهم أوي,, تتعلق بهم أكتر وفى يوم تحس انهم بقو أغلى الناس عندك .. ومعتش يتكمل يومك الا بيهم والكلآم طول الوقت معاهم عن مـروه وهبـه أتحدث ~ عندهم براءه الأطفـال. بجد نقـاء مالوش وصف. مايعرفوش تلـون أو نفاق الله يحميهم...

[الأميرة رودي]

"" دعاء ""

إلهي..
قد استحييتُ من حلمك عليّ وأنا أعصيك،

فيارب أدِم عليّ سترك،
وامنن عليّ بعفوك،
ولا تفضحني أمام خلقك..
اللهم اجعلنا ممن تواضع فرفعته، وأقبل تائبا فقبلته،
وتقرب لك فقربته،وذل لهيبتك فأحببته،ودعاك صادقا فأجبته،
وسألك فأعطيته،وسترت ذنبه وغفرته.

أمين يارب

جمعــه مبـاركه

[الأميرة رودي]

أحتـاج لبعض الأشياء أفتقدها بـشده !

=====

هنـاك أوقات تستلزم منـا البـُـعد والراحه
تحتـاج منـا عدم التسرع فى اتخاذ القرارات

====

من السهل أن تجد من يستخف بـقدراتك العقليه فى فهم مايدور
ولكن من الصعب طول الوقت أن تخفي ادراكك التام لكل مايدور


========