حكايه قلب

[الأميرة رودي]

يــوم ماعملت رووكه لآزانيا
اتراهنت معاها اني أعمل مكرونه بالباشميل وتطلع أحلى من لآزانيتها
دمـاغنا فاضيه جدااا .. الفضا بيعمل أكتر من كده

المهم عملت المكــرونه
عمايل ايديا لواحدي
هي بقى استعانت بخوخه وتفاحه وانا كنت لواحدي

يبقى مين أشطـــر


المكــرونه هتلآقوها هنــا

http://forums.banatmisr.com/msryat468090/

زوروني
الكل معــزوم

[الأميرة رودي]

وعلى سبيل ان الدنيا دي ولآ حاجه
جدتي ( أم مامتى )
لحد دالوقتي ماتعرفش ان أمي توفت
وكل ماأزورها تسألني عنها وعن صحتها
أقولها كويسه جدا وبتسلم عليكي
تقولي مش بتجيبها معاكي اشوفها ليه
أقولها هي نايمه بس بعتالك السلام
أجي من عندها قلبي مفطور بس هي مريضه والدكتور مانع عنها أي زعل وخصوصا أنها
كانت قريبه ليها أكتر من باقي ولآدها
أخوالي وخالاتي والعيله كلها مخبيين عنها
ومفهمين كل اللى يزورها أنهم يكونو حريصين فى الكلام معاها
وسبحان الله من يومها لحد النهارده معرفتش رغم انه غصب عننا ممكن حد يقع ف الكلام
بس ربنا ستــار وبيعديها

بتصعب عليا جدتي جداا لما بتسأل عليها كتير ..
وبتصعب عليا نفسي لما بتسألني عنها وتجدد حنيني ليها واحس انى مخنوقه..
وبيصعب عليا من الظروف اللى جعلتني أكدب وأخبي عليها موت أقرب الناس ليها..

دنيــا ولآ تسوى !!

[الأميرة رودي]

هو ممكن يحصل وواحد يتغيــر تغيير جذري فى لحظه واحده؟
شكل حياته يتغيــر ؟
نظرته للأمــور تتغير ؟
طريقه تفكيــره تبقى أكتر ايجابيه ؟

كل ده ممكن يحصل فى دقيـــقه واحده فى عمـر الانسان... ؟


أه ممكن ..

أصلها حصلت معـايا

فى لحظه معينه اتغيــرت كل حاجه فى عيني
وبقيت اشوف حاجات صــح

حسه انى بقيت أحســن من الأول
وأنا مبسوطه لـكده..
يـارب كملها معايا كده ..

[الأميرة رودي]

فيــه فرق بين الاعتذار
//
وبين
ان واحد بيسعى لتصفيـه خلآف قائم

أكيــد فرق كبيـر جدااا

بس المشكله ان فيه ناس لما تحااول تبدأ بالسلام معاهم
بيفتكروك رايح تعتذرلهم

وأنت بما انك بدأت بخطوه كويسه وتتحسبلك
ماينفعش ترجع تقول لآء انا مش بعتذر داأنا ملّيت السلبيه
وبديك وبدي لنفسي فرصه نكــون أحسن
..
مش هنرجـع لخطوه ورا بعد ماقطعت خطــوه ايجابيه

فنضطر نمشيها كده
اعتذار اعتذار..

بس والله العظيم ماهو اعتذار

[الأميرة رودي]

النهارده كان يومي ملياااااان احداث
البنك والجوازات وشوبينج كتيـــر
الجـو أولا كان وحش
لآ هو اللى حر ولا هـو اللى برد
مع وجود هـوا عالي.. بيأثر على نفسيتي الهوا ده لما يكون ورايا أشغال

أول مره أروح دكرنس النهارده
هي بلد جنبنا تبع المنصــوره ( أضف الى معلوماتك )
عجبتني البلد دي جدااا.. وناسها طيبين
كـ حال أغلب الشعب المصري يعني

أكتر حاجه عجبتني أو يمكن عشان اتعاملت فيها
هو البنك الأهلى هنــاك
منظم وجميـل ومعامله آدميــه
وبـ زوق من موظفين البنك بعكس عندنا خـالص ..

...

المهم برغم كان يوم مزدحم الا انه كان جميـل ..

[الأميرة رودي]

صبـــاح جميـل ونقي زي قلوبكم بالظبط..

متفائلـه
ومبسـوطه

زارتني أمي فى منامي النهارده
وكــانت جميله جميله جميله
أجمل ماكنت بشوفها ....

وحشتني جدا
من كتر ماكانت وحشاني ملآمحها كنت بدعي ربنا وانا بصلي انها تزورني ف المنام


حسه أنها بخيـر اوي
وده بيهون من الحنين ليها


ربنا يرزقنا الجنــه
كنت قرأت كتاب فى وصف الجنه
حاجه كده فوق الوصـف
تخلى الحجر ينطق ويقول يارب أوعدني بيها
اللهم ارزقنا واياكم...

[الأميرة رودي]

ويسألونني عمـا أرى
أجاوبهم : لآ أرى شيئا سوى بعض المشاهد الهزليـه
وضبــابا كثيــرا يملئ المكــان
........

البعض يتقن فن الهـروب
لآيستطيعون المواجهه.!
ربما ضعفـا
ولربما غيـر قادرون على مـا ولوّ إليـه ..
أو ربمــا يتخلـون عن أماكنهم لبعض الوقت
كي يحافظـو على ذاك الوجه الملعثم أمام العامه..
... ربما.. وربما .. وربمــا

فقط أعلم جيـدا بأن من يفر هاربا من مسئوليه مـا ثم يعـود..
لن يكسب احترام أحد بعودته ..




رودي

[الأميرة رودي]

مخطئ من يظن أن الليل منبعا للراحه والسكينه..!
هو فقط مأوى لصراعات أفكارنا ومنصتا جيدا لآوجاعنا.

[الأميرة رودي]

[الأميرة رودي]

أحاول جاهدهً أن أقدم أجمل مالديّ لكل من حولي
ولكن بعض منهم يريد مراوغتي .
فمـاذا أفعـل ؟
أتابع مابدأت بـهِ ولم ألتفت لأفعالهم ؟
أم أتوقف عن تقديم أآي معـروف لهم وأرحل بصمت؟


صِدقـا أعاني .!

# مواقف من حياتي الشخصيه