وما زآل الانتظار

[YOo YA]

مساء الخير 💙💙
عندي امتحان الصبح دعواتكوا 💙
كنت حابه اكتب بس عن شخص
ف المنتدي دا ناس كتير اوي عزيزه ع قلبي
وناس جزء كبير جدا من حياتي وعارفين نفسهم
لكن الغريب انك تلاقي شخص ميعرفكش شخصيا
كل اللي يعرفه عنك شويه كلام واحساس بتكتبه
وتلاقيه مشاركك ف فرح وحزن ومتابع
احساس مبهج جدا
"شاعر الحب الحزين "
يمكن معرفش عنك كتير
عندك كتابه واسلوب وتفكير بحبه جدا
بشكرك جدا للبهجه اللي بتعملها ف حياتي
ولانك دايما فاكرني وبتنصحني وبتتابعني
رغم ان يمكن منعرفش عن بعض حاجه
ربنا يسعدك ويحلي ايامك ويكتبلك الفرح دايما
مساءكوا فرحه 🙋💜

[YOo YA]

محتاجين جرعات تقوية
تخلينا منستسلمش لذكريات ماضينا ابدا..
ونكمل!!

[YOo YA]

اللهُم اجعلنا ممن أقبَل تائباً فقبلته ، وذل لهيبتكَ فأحببته ، وسألكَ سؤاله فأعطيته , وشكى لك همَّه ففرجته وسترتَ ذنبه وغفرته🙏🏻

[YOo YA]

ايه النتيجه دي
هو كله جيد وممتاز كدا
فين ايام ض وض ج

"فين ايامك انت "!!!

[YOo YA]

ذكرني بك
اكاد لا اذكرك
كدت انسي عيناك
كدت انسي نبره صوت لك عشقتها
ذكرني بحديث دار بيننا لا استطيع البوح به
ذكرني بضحكك علي كلماتي
بألم غيابك من اوقاتي
بندائي الدائم لك وطلبي لك ان تشعر بي
ذكرني فانا لا اتذكر تلك اليالي التي كانت لنا معاا
لا اذكر محادثتي لك في الهاتف
لا اذكر اقسي ايام عشناها
لا اذكر حنيني لك وحنانك علي!!
ذكرني فانا لا اذكر شيئا
لا اذكر كم مره ابتعدنا وبعدها عاد الامل
لا اذكر الام ابتعادي عنك
لا اذكرك
لا اذكر صورتك في عيناي
لا اذكر تلك الغريبه التي ابعدتني عنك وتشبثت بك واكملنا
لا اذكر كم مره افترقنا
لنحيي حبنا بعدها ونكمل معاا
سنوات قد مرت لا اذكرها
قد حفرت في عقلي وامام ناظري ها هي
لا اذكرها
ذكرني فلربما نحيي!!
نحيي املا ذابلا
كنت باقية عليه دائما
كنت اذكرك بالحب مرارا
فحين تاه الحب وحل النصيب
تذكرنا كل شئ
يا لسخريه القدر ؟؟!

[YOo YA]

كل م افتكر ان خلاص دي اخر سنه ف الكليه
والواحد بعدها هيبدا حياة جديده
اخاف!!
تقريبا انا مبعملش حاجه ف حياتي غير اني افكر واخاف
صباح الخير وجمعه مباركه. 😂🙋

[YOo YA]

قلوبنا بتبقي متعلقه بحاجات وشايفينها اغلي ما نملك
وسبحانك ربي..
بتيجي ظروف تدخلك حاجات تانيه تبعدك عن الي قلبك متعلق بيها
لكن بعد بوقت بتكتشف
انك الاول كنت انت اللي متعلق
متعلق بناس متعلق بقلوب متعلق باماكن وذكريات
دلوقت فيه ناس متعلقه بيك ،تفاصيلك وملامحك ،حتي عيوبك!
تخليك رغما عنك تعشقها ،
انك تحب اللي يحبك دا شعور عظيم ..
بيعرفك قد ايه كنت ساذج وعبيط لما جريت ورا قلوب متستنناش منها غير شويه حب ومتلاقيش منها غير مشاعر مش فاهمها ..
كل دا كان لتخطيط رباني
ان فيه حاجه مستخبيه واهه جت!!
فالحمد لله دايما وابدا
الحمد لله ع كل نعمه كتبهالنا ومهما عيشنا مش هنقدر نحمده عليها حمد يليق او يوفي ..
الحمد لله ع حب حطه ف قلب يحب ،منعرفش امتي اتحط لكن عارفين ان الحب دا بيحيينا وبيرد روحنا اللي تاهت واتظلمت كتير
ولسه ف الدنيا عوض ولسه ف الدنيا جبر ولسه ف الدنيا خييير
وسبحانك ربي!! 💜🙊

[YOo YA]

	المشاركة الأصلية كتبت بواسطة yoo ya

	مش عيب نكون بنميل للاحساس مش عيب نكون كل حاجه بنملكها بس شويه احساس احسن م نكون معدومين الاحساس مش عبب يكون فرط احساسنا سبب مشاكلنا لان اكيد هيجي يوم وهيكون سبب ان ربنا يكتبلنا قلوب رحيمه حوالينا وبتحس!

وكتبلنا!! 💙🙋

[YOo YA]

كنت بتمني اغير اسم المدونه اللي ملاها كئابة
ف ايام زي دي ..
لكن
توصلت ان احنا دايما بنستني.
كل مرحله ف حياتنا بتخلص بتبدا مرحله كنا مستنيينها تخلينا نستني مرحله بعدها..
الحياة كلها انتظار
كلها محطات وشوارع بنخلصها بنبدا ف غيرها
كون اننا نلاقي طريق صح دا يخلينا نبدأ من اول عتبه
بين كل مكان والتاني خطواااات
ساعات الخطوات دي بتكون وجع وتحمل وصبر
وساعات بتكون خطوات فرح وحياة
لما نيجي نفتكرها نحن ليها
بالتالي الانتظار احيانا بيكون جميل ومبهج جدا
.
.
.

وما زال الانتظار.. ولن يزول
بل ستحدث بعض التغيرات
تعطينا املا ورغبه ف الحياة
حتي ننتظر الآتي بلهفه!! 🙈💙

[YOo YA]

صباح الخييير
صباح الامتحان اللي مش عارفه هروحه ازاي ف وسط الدنيا المتغرقه بره دي
صباح البرد وصباح الكحه ووجع الزور
احسن حاجه ف الصباح دا اني فطرت والله 😂😂💔