وما زآل الانتظار

[YOo YA]

جروب الدفعه عندي ف الكليه قلب كله تيشيرتات تخرج واغاني
اللي هو فرح العمده جاي ولا ايه 😂
اللي هو انا هتخرج يعني خلاص
لسه مش مستوعبه دي ابدا

[YOo YA]

صباح الخير
بما اني لسه صاحيه يعني وكدا
بدءا من اجازه محسيتش بيها وملهاش اي لازمه
لدراسه لسه مبداتهاش مع الدفعه
انتقالا الي خطوبتي اللي بنحضرلها النهارده
ويا عالم لسه جاي ايه 😂
حبيت اوثق اليوم
وتصبحوا ع خير علشان مفيش عروسه بتقوم بدري وكدا
اعتقد يعني 😂😂

[YOo YA]

بمناسبه التقييم اللي اتبعتلي
الله يبارك فيك
وبعدين هو انا من كتر سلسله النكد المتواصله
مش هتصدقوا اني اتخطبت ولا ايه 😅😂
لا فعلا كانت النهارده خطوبتي
17/2/2020
ودعواتكوا بقا ربنا يكمل الجاي ع خير
وربنا يفرحكوا يا رب

[YOo YA]

صباح الخير
اسبوعين اجازه الواحد محتار فيهم جدا
طب اذاكر علشان لما يخلصوا ابقي ماشيه كويس
ولا م اذاكرش والتيرم كدا كدا هيتلغي واتخرج واخلص
لما باجي افكر ف الاسبوعين دول بيصعب عليا اوي ناس
رزقها معتمد ع غيرها زي السواقين وغيرهم
ولكن سبحانه ربنا صاحب الرزق
ربنا يهون اللي جاي ويعافينا جميعا
كل خطوة ف حياتي بتاكد قد ايه الدنيا صغيره ومش مستاهله
ابص ع اللي جاي مجهوول ،تقريبا كل طموحي ان التيرم يخلص واتخرج
ولو اني بعد م اتخرج مش عارفه هعمل ايه اصلا!!
مفيش هدف ولا طموح لحاجه ،حتي الشغل بايد ربنا محدش ضامن انه يشتغل اصلا
يلا اخرها هتجوز واربي العيال 😂 وحتي الجواز معدش بالساهل.
وبرجع وافكر واقول الدنيا مش مستاهله
ف يوم وليله ناس حوالينا مش بنلاقيهم
ربنا بيعرفنا قد ايه الدنيا صغيره
سنين عدت بناس كتير ف ثواني راحوا كلهم بحلوهم ومرهم
لا عرفنا ازاي ولا امتي ولا ليه
بيتفرض علينا واقع فغيره فغيره
لدرجه مش بنستوعبها
كل خطوة بنمشيه نقول يا تري كدا صح
يا تري هرجع اندم يا تري الخطوة دي فيها خير يا تري يا تري
عارفه ان كلامي تعاقيد ف بعض
لكن ف وسط كل دا ارجع واقول ان بعد كل حاجه و حشه حصلت
فربنا راضاني الحمد لله
ومهما كان الوحش اللي ممكن يحصل
فانا متاكده ان ربنا هيراضيني
فالحمد لله ع كل حال

[YOo YA]

قالوا أن الوقت هو المداوي الوحيد ،لكن لم يذكر أحد انه قاتل أيضا..

[YOo YA]

أخر تقييم ،،
اللهي بارك فيك ويسعدك يا رب
حااضر يوصل السلام للاخت. ❤❤

[YOo YA]

كل ما بكبر بتاكد ان فرحة العيد مش اي حد يحس بيها
الحمد لله ع كل حال
كل سنة وانتوا طيبين وبخير يا رب
عيدكم مبارك

[YOo YA]

محتاجين رحمة ف حياتنا
محتاجين نحس اننا بشر
مش مجرد كائن والسلام....
انك تصعب عليك نفسك دا بيوجع اوي
بيخليك تئذي نفسك حتي لو بايدك تقوي نفسك بتنهار..

[YOo YA]

اجاززة..
مفيش احساس اكتبه
غير ان الاستقرار النفسي يكفي وبغني عن اي حاجه ف الدنيا
وان الاخلاص لو مكنش متبادل تبوظ العلاقة
ودا حصيلة سنين فاتت عشتها علمتني كتير
والحمد لله ع اللي وصلتله وربنا يديمها نعمة..

[YOo YA]

رسالة من والي الماضي
يستوقفني كوبليه شوفته ع فوني بالصدفه..
أنا وياك خسرت سنين
أيام ومش راجعين
خلصت دموع العين وضيعنا خلاص
اللي ما بينا ماضي وراح
كان حب كله جراح
من حقي يوم ارتاح زي كل الناس..