رباعياتى بقلم جبل عالى

[جبل عالي]

امنيتى ..... أشوف القلوب صافية والنفوس زيها والناس بتخاف على بعض حتى لو متعرفش بعضها والقلوب اللى بتحكى عن الحب بلاش تشوه اسمها تفتكروا الامانى دى صعبة ؟؟؟ ولا انا شوية زودتها ؟

[جبل عالي]

هانت ع الناس نفوسهم .. واتبدلت جواهم الروح ضحكة رايحة ودمعة جاية .. والقلوب شايلة جروح لا تقولى ظروف ولا كان عمره مايرجع اللى بيروح ليل زى نهار وحرام زى حلال وممنوع صبح مسموح بنداوى فى ألم وبنفتح جوانا طاقة للندم ياريت تنفع صحى الرهبة جواك وصلى على اللى فيك ها يشفع ياغافل والدنيا ماتسوى لحظة ولا دمعة عالخد تلسع بذكر ربك تتعدل الأمور وليلك يزول وشمس الحق تطلع

[جبل عالي]

يتيم وداير على كل باب يشحت له أم وكل ما يدق باب يعصى عليه ويزيده هم قال أسافر بعيد وأعمل لى بيت وإسم لف ودار ورجع يتيم يدور على خال او عم

[جبل عالي]

عاااااااادى ومااااالوا لما تلاقي صوتك محبوس فى حلمك عادى ومالوا وتقوم تدور على حد جمبك ومتلاقيش عادى ومالوا تنزل دمعة تبل خدك على خل فارقك عادى ومالوا وترجع تغمض وينادى قلبك لباقى نبض هو ده اللي مش عااااااااااادى

[جبل عالي]

يما بنادى بصوت عالى وقلب تعبان وبقولك انا محتاجلك زى ماكنت من زمان سنيني ماشية بسرعة تجري تسبق المكان حضنك فارقته وكنت قبله ساكن فيه بأمان خدوكي مني وبعتروني خلاص مبقتش انسان شقيان بقيت وكتير بكيت على كل اللى كان بيقولوا يللى مالكش أم تعيش دايما عطشان حنان

[جبل عالي]

اليوم الحزن والهم ماليني بزيادة وسكر الفرح صبح ياخوانا عندنا سادة يحلى بق اللى معاه ودى العادة أما الغلابة يشربوها مرة و مرارها بزيادة

[جبل عالي]

فى قلبي غصة تمزق ليلى الصامت بحرقة ودمع على وجنات الفراشات يجرى بدقة يسير هائما يبحث بين غصون الشوك برقة ينادى ياأهل الخير هل لنا بينكم رفقة ؟

[قلب امراءة]

الجبل العالي الاحجية الطيبة
ابقي هنا كي اتلقي احرفك

[جبل عالي]

اقتباس المشاركة الأصلية كتبت بواسطة قلب امراءة الجبل العالي الاحجية الطيبة ابقي هنا كي اتلقي احرفك

غاليتى كلمتك كبلتنى بقيد من حرير

كونى بخير وكونى بين احرفى

[رووكه]

بجد كلمات رائعه عجبنى قوى اسلوبك

وده مش غريب ولا جديد عليكى

والرباعيات لازم تتثبت وده رائى

استمرى حبيبتى وتالقى

وكونى كما انتى

تحياتى وتقديرى وتقيمى لطرحك

الغالى المبدع