إخواني مع شفيق !!

[DR.SMA]

إمبارح كنا بنتكلم في موضوع مين هيكسب ومين هيكون الصح فعلا لمصر في الوقت الحالي
كل العيله منتخبه مرسي سواء عن إقتناع أو لإنها ملقتش قدامها غيره زيي كده
بس وقتها كنت بتكلم مع حد فعلا بتعجبني أرائه جدا سواء السياسيه أو في الحياه بشكل عام
لفت نظري وشدني للحوار إنه يعتبر من أقدم الناس في الاخوان
من أيام الجامعه وعياله ددلوقتي في سني
وانه في نفس الوقت إنتخب شفيق
ودي حاجه حبيت إن الاخوان ياخدو بالهم منها كويس أوي
ودي كانت وجهه نظره وليها احترامها كتى لو اختلفنا في نقط معينه
بس هي وجهه نظر مختلفه حبيت أعرضها واخد رأيكم فيها

أكيد احنا تورته جميله اوي لأمريكا وطبعا ديولها من إنجلترا وفرنسا
الي ممكن دايما يقف ليهم في أي حاجه بالفيتو هم الصين وروسيا
وطبعا لما يمسكنا رئيس من حزب إسلامي والحزب الإسلامي في نظر الصين وروسيا إرهابي بحت
أولا الاستثمارات الي الصين عملاها في مصر كلها هتتسحب ده أولا
ثانيا لما تبدأ امريكا في خطتها المعروفه بالاستيلاء على مصر مش هيكون هنا إعتراض لا من روسيا ولا من الصين

ده غير إن استثمارات الخليج بشكل كبير هتتسحب من مصر

كمان الجيش والداخليه يعتبرو إيد واحده ومش هيقدر يسيطر عليهم الا واحد عارف مداخلهم ومخارجهم كويس
والاخوان معندهومش الخبره الكافيه بالتعامل مع الداخليه والجيش في مصر
الاخوان عندهم خطط بناء وتنميه وهكذا ماشي
لكن خطط أمن ووعي بدواخل البلد فدي حاجه خارج خبرتهم وسيطرتهم
انا منفصله عن منهج مرسي ومنهج شفيق ومش درساهم
بس لفت نظري جدا وجهه نظره حتى لو اني مش مقتنعه بجزء فيها
لإن زي ما شفيق كان هيكون ملم بالداخليه والجيش والاقتصاد والامن الخارجي لكونه مش رئيس إرهابي على رأي بعض الدول
الا إن الاخوان أكيد فكرو في حاجه زي كده ودرسوها
لكن فعلا الجزء ده من الخطه الخارجيه مجتش على بالي غير لما سمعتها منه
دايما لما فكرنا في مرسي ولا شفيق فكرنا مين لمصر في الداخل أكتر من اننا يجي في بالنا الامن الخارجي والاقتصاد بالشكل ده

رأيه إن مرسي مش هيكمل في الرئاسه أكتر من شهرين وبعدها القوى السياسيه المحيطه بيه هتسيبه لأن اسلوب الاخوان في الاداره السياسيه والبحث عن المكسب البعيد ووضع مصر بعد 20 سنه مثلا مش هيعجبهم
لأننا في وقت صعب ومحتاجين لمكسب قريب حتى لو بسيط أكتر من مكسب بعيد وكبير
وده هيخلي القوى السياسيه تعترض بعد فتره بسيطه ويسقط الحكم من تاني
ووقتنا هتنفض الجماعه وترجع مكانها في السجون ويطلق عليها إسم الجماعه المحظوره من تاني
وترجع ريما لعادتها القديمه ونرجع لوقت الثوره من تاني ووقتها مش هيكون في اخوان وتعتبر هي الجماعه المنظمه الكبرى
وهيرجع الوضع قريب من الاول
ايه رأيكم ؟؟؟؟؟

[شقاوة احاسيس]

راى غريب

بس انا شايفه ان مرسى يقدر بحنكة الاسلام وشريعته

يجبر اى حد على احترامه

لو بجد هيمشى بما يرضى الله اكيد هنعمل المعجزات

ومتنساش ان اللى بيمشى على نهج الاسلام بيكون كسبان

وطبعا مش هنسبق الاحداث وهنشوف

لعله خير لمصر

ولعله فعلا من سيصلح

نسال الله الخير

سلم قلمك

[دمعه حائره]

انا مافيش قدامى غير التفاؤل لحد مايبان اولى بشاير حكمه
قدامه تلات شهور اختبار بعدها نبدأ نقيمه صح
ربنا يستر وتعدى الايام دى على خير وماتترجعش البلطجه تانى
تضيعنا معاها
موضوع جميل سما يسلمو حبيبتى
ودى وتقديرى لكى

[ساحر الأحزان]

احنا منقدرشى سما نحدد اية الى حيحصل وهو لسة منتخب او لية نقدم البلا

قبل وقوعة ونفرض فرص التشائم من اولها اى دولة من الدول دى يهمها فى المقام الاول مصلحتها وطالما

استثماراتها شغالة فمفيش عندها مشكلة ومرسى دلوقتى مسك الحكم

ويهمة فى المقام الاول مصلحة البلد لان البلد الوضع فيها لو اتحول للافضل

طبعا دة حيحسب لية ويتكتب فى التاريخ فنحن ننتظر ونرى

ما يحملة الغد وان شاء الله يحمل الغير لمصرنا الحبيبة

[Words Whisper]

هتابع الردود

ويمكن يكون ليا عودة أخرى ..

نورتِ ياسمسم

آه آه أنا بقولك نورتِ قسمك عادي يعني =))

موضوع قيم

وعرض فِكر جديد أول مرة أسمعه ..

تسلمي

ودمتِ بحفظ الرحمن ..

[Words Whisper]

اقتباس المشاركة الأصلية كتبت بواسطة DR.SMA 1- أكيد احنا تورته جميله اوي لأمريكا وطبعا ديولها من إنجلترا وفرنسا الي ممكن دايما يقف ليهم في أي حاجه بالفيتو هم الصين وروسيا وطبعا لما يمسكنا رئيس من حزب إسلامي والحزب الإسلامي في نظر الصين وروسيا إرهابي بحت أولا الاستثمارات الي الصين عملاها في مصر كلها هتتسحب ده أولا ثانيا لما تبدأ امريكا في خطتها المعروفه بالاستيلاء على مصر مش هيكون هنا إعتراض لا من روسيا ولا من الصين ده غير إن استثمارات الخليج بشكل كبير هتتسحب من مصر 2- كمان الجيش والداخليه يعتبرو إيد واحده ومش هيقدر يسيطر عليهم الا واحد عارف مداخلهم ومخارجهم كويس والاخوان معندهومش الخبره الكافيه بالتعامل مع الداخليه والجيش في مصر الاخوان عندهم خطط بناء وتنميه وهكذا ماشي لكن خطط أمن ووعي بدواخل البلد فدي حاجه خارج خبرتهم وسيطرتهم 3- رأيه إن مرسي مش هيكمل في الرئاسه أكتر من شهرين وبعدها القوى السياسيه المحيطه بيه هتسيبه لأن اسلوب الاخوان في الاداره السياسيه والبحث عن المكسب البعيد ووضع مصر بعد 20 سنه مثلا مش هيعجبهم لأننا في وقت صعب ومحتاجين لمكسب قريب حتى لو بسيط أكتر من مكسب بعيد وكبير وده هيخلي القوى السياسيه تعترض بعد فتره بسيطه ويسقط الحكم من تاني ووقتنا هتنفض الجماعه وترجع مكانها في السجون ويطلق عليها إسم الجماعه المحظوره من تاني وترجع ريما لعادتها القديمه ونرجع لوقت الثوره من تاني ووقتها مش هيكون في اخوان وتعتبر هي الجماعه المنظمه الكبرى وهيرجع الوضع قريب من الاول

أنا في الأول مش كتبت كمنت واستنيت أشوف الآراء

بس مش عارفة الموضوع ناااااام كده ليه :smurf:

يمكن عشان الرئيس بئى واقع حاصل يعني

المهم أنا هرد على حسب النقاط اللي أنا ضفتها في الاقتباس تمام ::

1- بالنسبة لفكرة الاقتصاد

الدول دي عملية وكتفكير عملي يبئى مش هيكون التعامل بناء على اللي بنحبه واللي بنكرهه بس .. فاهماني ؟

وبرده كتفكير عملي الدول دي ليها مصالح كتير هنا

ومش لها شغل معانا حبا فينا ده الموضوع مصلحة بحت

+ انه من واجبات رئيس الجمهورية الاهتمام بالعلاقات الخارجية وخطط ليها

وأعتقد يعني انه الاخوان رغم كل حاجة منظمين سياسيا وان شاء الله عملوا حساب حاجة زي دي ..

2- زي ماانتِ قلتِ كده

أكيد هيكونوا حطوا ده في اعتبارهم

+ انه غلط أوووووي رئيس الجمهورية يحصر فكره في جزء معين بس ويتجاهل الباقي

وأكيد حتى لو مرسي مش عنده القدرة الكافية للتعامل مع الداخلية والجيش

فممكن يبئى فيه نائب أمين للتعامل معاهم وأعتقد ده بيعتمد بدرجة كبيرة على اختيار اللي حوالين الرئيس

واللي لازم يكون مش محصور في فئة معينة بس ..

3- هو حلو يكون فيه خطط بعيدة المدى

بس مهم أووووووي كمان يكونوا عاملين حسابهم على المكسب القريب ..

يَ رب يكون د/مرسي أفضل ممااحنا متوقعين

وربنا يكتب الخير لمصر ..

تسلمي ياسمسم

ودمتِ بحفظ الرحمن ..

[همسه الجوارح]

مشكلتنا اننا دايما بنحب نمشي بدماغ الغير
وخصوصا اللى عندهم موهبه فن الاقناع
ليه نستعجل
هو انا حاطين ايدنا تحت فك حد
ماللى عاوز ينسحب ينسحب
طلما فى تنميه داخليه فى البلد
ليه بنبص ع غيرنا
مانحسن استثمارتنا وتضرب امريكا وحلفها
دمغاتهم فى اتخن حيط
هيهمونا فى ايه
واكيد مرسي هيعرف يعامل احسن كتير
من شفيق ولا عاوزنا نرجع
لايام مبارك
والاحكام العرفيه وشباب تداس
تحت ارجلهم ونسمع صراخ امهات
واباء ياختى تفائلى خير
وان شاء الله مرسي هيكون قد التحدى
والاخوان زاقو الظلم
وان شاء الله مايظلموا حد نهائي
والبلد ترتقى افضل على يد كل من قال
لا اله الا الله
وعاوزين الخير انظرو لانفسكم
مرسي ولا شفيق نازلين من السما
فهم فى الاخر بشر
ماحدش فيهم معاه عصا سحريه
ولكن الامل فى كل المصريين
التقدم....الازدهار...

بيد كل شاب مصرى
تحياتى اختى الفاضله
يتوجهم احترامـــــــــــــــــــــى