لـ أنصار شفيق ومرسى سابقاً

[Mo7aMaD 3aLa2]

بداية مبروكـ على مصر انهاء مرحلة مهمة جدا وهى مرحلة اختيار الرئيس المنتخب

فـ البداية كنت حابب أوجة كلامى للناس اللى انتخبت الفريق أحمد شفيق

انا عن نفسى واحد فى حالة احتكاك باشخاص كتيرة انتخبوا احمد شفيق وهم اشخاص مثقفين وعلى قدر عالى من العلم وليهم اسباب مقتنعين بيها فى هذا الاختيار ومقدر حجم الاحباط والزعل بعد خسارة الفريق بالنسبة للاشخاص دى

لكن لما تيجى تفكر فيها بعقل وهدوء دون حماس تلاقى انة مفيش اى داعى للاحباط والزعل ,,

هتكلم فى نقاط محددة

اولاً اية الغاية والهدف من الاختيار لأى مرشح ؟ ,, الهدف واحد وهو ان الجميع يتمنى الخير لمصر متمثلا فى اسم معين ,, اذن احنا متفقين مش مختلفين نهائى ,, مش مهم مين اللى يتولى القيادة الاهم هو تحقيق الهدف المشترك

(وعسى ان تكرهوا شيئاً وهو خير لكم)

ثانياً ,, فى اى دولة فـ العالم عند اجراء انتخابات بيكون فى خاسر وناجح ,, انصار المرشح الخاسر طبعاً بيكونوا فى حالة زعل واحباط لكن الحالة دى بتكون مؤقتة وسرعان ما بيعودوا لحالتهم الطبيعية ويتقبلوا الوضع لان هو دة معنى الديمقراطية وهى دى ثقافة احترام رأى الاغلبية حتى اذا كانت مخالفة لـ رأيى

ثالثا ,, احنا دلوقتى تحررنا من اى قيود تحول بيننا وبين التعبير عن آرائنا ,, للجميع حق الاعتراض على د/ محمد مرسى اذا أخطأ من وجهة نظرة ولنا ميادين مؤثرة ,,

رابعاً ,, مش مطلوب تمكين المشاعر العدائية من التصرفات والافعال والتعاون مثلا مع المجلس العسكرى ضد جانب لمجرد الانتقام وتحكم الروح الانتقامية من النفس ,, ومن الواجب جعل مصلحة بلدنا فوق كل رأى وكل اعتبار

انا عن نفسى واحد لم ادلى بصوتى لـ محمد مرسى ولا لـ احمد شفيق لكنى احترم وجود محمد مرسى كرئيس اذا كان دة اختيار الناس ومش بس كدة ,, انا هتمنالة كل التوفيق وانة يكون على قدر المسؤلية الكبيرة وانى هقف موقف المؤيد لية فى تصرفاتة الصحيحة وموقف المعارض فى تصرفاتة الخاطئة وبطالبة بتنفيذ الوعود اللى أدلى بيها مسبقا عن وجود مجلس رئاسى ونواب وحكومة ائتلافية

وكنت حابب اوجة كلمة للناس اللى صوتت لـ د/ محمد مرسى

اولاً مش مطلوب الفرحة العارمة لان لسة الطريق طويل وصعب زى ما الكل عارف

ثانياً ودى نقطة مهمة جدا ,, طريقة التعامل مع الاشخاص اللى انتخبوا الفريق احمد شفيق ,, يعنى احنا قبل النتيجة كان كل صاحب رأى لية عذرة وانة متحمس وبيتبنى وجهة نظر وبيدافع عنها

لكن دلوقتى الموضوع منتهى ,, اتمنى انة يكون فى حكمة وتريس فى طريقة الكلام والتعامل ,, وعدم المساهمة فى تقسيم المصريين الى فريقين ,,

مش مطلوب ان كل واحد لية واحد صاحبة انتخب شفيق يتمادى فى الاستهزاء والتريقة على صاحبة

مش مطلوب حتى على مواقع التواصل الاجتماعى الاستهزاء من محافظة المنوفية مثلا و الغربية وحتى على سبيل الهزار ,,


الناس ممكن تستهين بالحاجات البسيطة دى لكنها فعلا لها تأثير نفسى سلبى كبير جداً

فى الوقت اللى انت محتاج فية للتوحد من اجل مرحلة التنمية خصوصا وان تلك النسبة لا يستهان بها وهى تعادل نسبة متبنى رأيك تقريباً ,,



لذلك يجب ان نتحلى بالحكمة فى التعامل

و بإذن الله يكون القادم أفضل لينا ولبلدنا

بالتوفيق

[۩۩ elMagic ۩۩]

فعــلا خلاص دلوقت انتهت الانتخابات واللى فاز فاز واللى خسـر خسـر
مفيش اى داعـى اننا نتكلم فى اللى فات دا مرة تانيه لان مش هيفيد بحاجه ..
ودلوقت حدث جديد حصـل لمصـر
وهو تم تولية رئيس له
فا دورنـا كلنا دلوقت سواء مؤدين شفيق او مرســى
اننا نقف جنب مرسـى فى الحمله بتاعته ونساعده ماهو كلنـا مصريين
واكييد هدفنـا واحد وهو الرقـى بالبلد وتحقيق الامن والاستقرار له
وهو بأذن الله هيكون عند حسن الظن وينفذ برنامجهـ
ويقدر ينهـض بمصــر للامام دومـاً
تسلم للموضوع يا محمد
،،

[ساحر الأحزان]

الانتخابات دلوقتى خلصت والى فاز فاز والى ملوش نصيب خلاص فمعنى

انى اختلف مع مرشح يبقى خلاص احنا الى يهمنا مصلحة البلد فلازم نرمى

اى خلافات ورا ضهورنا ونبص لمصلحة بلدنا ومفيش داعى للاستهزاء بالاخرين والتقليل منهم

لان الى يهنا مصلحة بلدنا وان شاء الله التوفيق لمن تولى الامر

موضوع جميل منك

تحياتى علية

[morshooo]

طالما الشعب أختار يبقى لازم الجميع يحترم الاختيار

ولازم كنا نقف بجانب الرئيس المنتخب

لانة رمز للدولة .

الغريب الــ مش فاهمة لحد دلوقتى الناس فرحانة مش عشان الاخوان وصلو للرئاسة

لا فرحانين لان شفيق خسر رغم قناعتهم التامة ان مرسى ايضا لا يصلح .

شعور جديد وغريب يعنى الناس الــ بتكلم بأسم الشهداء والثورة الــ فاكرين

ان الثورة نجحت بنجاح الاخوان طيب ازاى نجحت وازاى الاعادة كانت بين

النظام السابق والاخوان .

مشكلتنا اننا شعب بينسى بسرعه الناس نسيت ان الثورة مازالت تفشل وهى كدا كدا

فشلت بس احنا بنصبر نفسنا بئى حاجا وادى الناس بتقول ( الثورة مستمرة ) .

عموما ادى الاخوان وصلو بس ياترى هينفذو كلامهم وبرنامجهم الانتخابى والا هيبقى كلام فى الهوا .

[الأميرة رودي]

عندك حق فى كلآمك
مرسى دالوقتى بقى أمـر واقــع
رغم اختلافي معه ومع شفيق ايضا
لكن طالما بقى رئيسنا المنتخب بأغلبيه شعبيه
يبقى علينا احترامه ومساندته عشان خاطر نهضه بلدنا..
ونتمنى تنفيذ وعوده وتحقيق اهداف الثوره كامله
بعيــدا عن انتمائه لجماعه بعينها أو حزب معين .

تسلم الايادي يامحمد
.وضحت نقطه مهمه ويجب على الكل الالتفاف حواليها دالوقتى

[مِسكُ الشَهادة]

نسال الله تعالى الخير لبلادنا
وأن تكون عنوان للرقي والمحبة والتعاون
وأن نجتمع كلنا يدا ً بيد خلف نهضتها ورقيها
وأن يكون شعبها متوحدا ً ضد أي
فرقة وتباعد اللهم امين
مشكور اخي محمد لموضوعك الرائع

[Mo7aMaD 3aLa2]

اقتباس فعــلا خلاص دلوقت انتهت الانتخابات واللى فاز فاز واللى خسـر خسـر مفيش اى داعـى اننا نتكلم فى اللى فات دا مرة تانيه لان مش هيفيد بحاجه .. ودلوقت حدث جديد حصـل لمصـر وهو تم تولية رئيس له فا دورنـا كلنا دلوقت سواء مؤدين شفيق او مرســى اننا نقف جنب مرسـى فى الحمله بتاعته ونساعده ماهو كلنـا مصريين واكييد هدفنـا واحد وهو الرقـى بالبلد وتحقيق الامن والاستقرار له وهو بأذن الله هيكون عند حسن الظن وينفذ برنامجهـ ويقدر ينهـض بمصــر للامام دومـاً تسلم للموضوع يا محمد ،،

نقف جنبة أكيد فـ الصح ولكن لن يبقى فوق المعارضة
وواجب علية ان يعمل من اجل خدمة وطن وليس خدمة فكر
تسلم يا احمد على مروركـ
..

[Mo7aMaD 3aLa2]

اقتباس الانتخابات دلوقتى خلصت والى فاز فاز والى ملوش نصيب خلاص فمعنى انى اختلف مع مرشح يبقى خلاص احنا الى يهمنا مصلحة البلد فلازم نرمى اى خلافات ورا ضهورنا ونبص لمصلحة بلدنا ومفيش داعى للاستهزاء بالاخرين والتقليل منهم لان الى يهنا مصلحة بلدنا وان شاء الله التوفيق لمن تولى الامر موضوع جميل منك تحياتى علية

مظبوط كلامكـ يا أمجد
تسلم على ردكـ
..

[Mo7aMaD 3aLa2]

اقتباس طالما الشعب أختار يبقى لازم الجميع يحترم الاختيار ولازم كنا نقف بجانب الرئيس المنتخب لانة رمز للدولة . الغريب الــ مش فاهمة لحد دلوقتى الناس فرحانة مش عشان الاخوان وصلو للرئاسة لا فرحانين لان شفيق خسر رغم قناعتهم التامة ان مرسى ايضا لا يصلح . شعور جديد وغريب يعنى الناس الــ بتكلم بأسم الشهداء والثورة الــ فاكرين ان الثورة نجحت بنجاح الاخوان طيب ازاى نجحت وازاى الاعادة كانت بين النظام السابق والاخوان . مشكلتنا اننا شعب بينسى بسرعه الناس نسيت ان الثورة مازالت تفشل وهى كدا كدا فشلت بس احنا بنصبر نفسنا بئى حاجا وادى الناس بتقول ( الثورة مستمرة ) . عموما ادى الاخوان وصلو بس ياترى هينفذو كلامهم وبرنامجهم الانتخابى والا هيبقى كلام فى الهوا .

مش هضحك عليكـ يا احمد ,, مفيش حد ملعبش على دم الشهداء والثورة
والاخوان بكل صراحة اتقنوا الدور دة
ويمكن فى ناس عارفة كدة لكن مدى كرههم للنظام السابق جسدوة فى شخص احمد شفيق
لذلك اصبح مرسى بالنسبة لناس كتير اقل الضررين
عموما مش عايزين نفتح فـ القديم تانى لان الموضوع منتهى
والاخوان لازم ينفذوا وعودهم والا هيفقدوا ثقة الناس فيهم أكيد
تسلم ع ردكـ يا احمد

..

[Mo7aMaD 3aLa2]

اقتباس عندك حق فى كلآمك مرسى دالوقتى بقى أمـر واقــع رغم اختلافي معه ومع شفيق ايضا لكن طالما بقى رئيسنا المنتخب بأغلبيه شعبيه يبقى علينا احترامه ومساندته عشان خاطر نهضه بلدنا.. ونتمنى تنفيذ وعوده وتحقيق اهداف الثوره كامله بعيــدا عن انتمائه لجماعه بعينها أو حزب معين . تسلم الايادي يامحمد .وضحت نقطه مهمه ويجب على الكل الالتفاف حواليها دالوقتى

تمام كدة الله ينور عليكى يا رودى
تسلمى على الرد
..