هيئة الامر بالمعروف والنهى عن المنكر

[قلم بلا حبر]

• بسم الله الرحمن الرحيم
  
  بخصوص هيئة الامر بالمعروف والنهى عن المنكر ونسبها لتيارات الاسلام السياسى بمصر
  
  
  
  
• 
  طبعا دى مغالطه ومش محتاجه حد يتعمق فيها وتوقيت ظهورها على الساحه وربطه بوصول الاخوان للحكم مش محتاج فراسه انها اولى خطوات المواجهه بين فلول النظام السابق مع مصر ما بعد الثوره
  
  خلونا نتفق الاول ان الصندوق الانتخابى من الان الى ان يشاء الله هو حكم المباراه ,, وبما انه جاء بالاخوان يبقى دورنا بقااا بيتمثل فى المعارضه اذا اخطأوا والاشاده اذا وفقوا
  
  اما بخصوص هيئة الامر بالمعروف والنهى عن المنكر فتقدر تتابعهم من خلال صفحتهم دى
  
  https://www.facebook.com/amr.bil.maarouf.organization
  
  مش حتلاقيهم متفقين مع اى تيار او فصيل على الساحه بما فيهم السلفيين نفسهم
  
  ودى اقتباسات بتدل فعلا ان الجماعه دى حاجه من اتنين
  
  اما انها مجموعة افراد شاذى الفكر ملهمشى علاقه باى تيار سياسى موجود
  
  او انهم جزء من مخطط تشويه مستقبل العمليه الديمقراطيه فى مصر
  
  اولا ده كلامهم عن الشيخ حازم صلاح ابو اسماعيل
  
  ــــــــــــــــــــــــــــــــــــــ
  
  18 أبريل
  زمـــان .. كـــان الكــذاب بــيروح النــــار
  فــي عــهد مُبــارك .. الكــذاب بقـى بــيروح مــاريــنــا
  أمــا الآن ... فــ الكــذاب بــيروح مــســجد أســد بن الفُرات اللي فـي الدُقــي
  
  ـــــــــــــــــــــــــــــــــــــــــــ
  
  وده كلامهم عن الاخوان وعن الدكتور محمد مرسى
  
  ــــــــــــــــــــــــــــــــــــــــــــ
  
  هيئة الأمر بالمعروف و النهي عن المُنكر بـمصر
  7 مايو
  وا إســتــبــنــاه ... و ااااا إســتــبــنـاه ... واااااااااا إســــتــبــنــــاه
  أســتــحــلفــك بالله أن تــنـشُــرهــا
  و أعــلم أنــك إذا لــم تــنشُــرهـا فــإن ذنــوبــك قــد مــنــعــتـك
  
  ــــــــــــــــ
  
  خـلاصــة القــول : إثـنـيـن مــن المـعـاتـيـه يـتـنـافـسـان عــلى رئـاســة مـصــر .. أي أنــه , و بــلا أدنــى شــك و بــصــرف النـظــر عـن نـتـيـجـه الإنـتـخـابـات القـادمــه .. فإن رئيـس مـصـر القـادم سـيـكون بنسـبـة 100% أحــد المـعـاتيــه قـاصـري العـقـل
  و لــك الله يــا مـصــر , و رحــمة الله عـلى شــهــدائــك
  
  
  ـــــــــــــــــــــــــــــــــــــــــــــــ
  
  وده كلامهم عن حزب النور السلفى وجماعة الدعوه السلفيه
  
  
  
  
• ــــــــــــــــــــــــــــــــــــــــــــــــــ
  
  
  
• على مسؤولية هيئة الأمر بالمعروف و النهي عن المُنكر بـمصر
  تم صباح اليوم عقد صفقه ((غير معلنه)) بين حزب النور و الدعوه السلفيه من طرف و بين الفريق احمد شفيق من طرف آخر برعايه جهه سياديه لتوجيه الحشود السلفيه بمختلف محافظات الجمهوريه للتصويت للفريق شفيق، و يأتي هذا الإتفاق الذي تم صباح اليوم في (( فيلا أحد الدعاه السلفيين المشهورين)) ردًا على إجتماع الإخوان المسلمين يوم الأمس بالدكتور عبد المنعم ابو الفتوح و الاستاذ حمدين صباحي و إتفاقهما معوالمهندس خيرت الشاطر على دعم الإخوان خلال انتخابات الاعاده في مواجهة فلول النظام التي يقودها شفيق
  
  ـــــــــــــــــــــــــــــــــــــــــــــ
  
  وده كلامهم عن الدكتور عبد المنعم ابو الفتوح
  
  ـــــــــــــــــــــــــــــــــــــــــــــ
  
  بـيــان مــن هيئة الأمر بالمعروف و النهي عن المُنكر بـمصر بــخــصــوص حــقـيـقــة الـشـيـك الـذي نــشــرتــه صــفـحــتــنــا و الـمـسـحوب عــلى الـحـسـاب الـبـنكـي للـشـيـخ \ صـلاح بـن نـاصـر الـسـعـيد مـديـر فـرع الـرئـاسـه العـامـه لــهيـئـة الأمــر بالمـعـروف و النـهـي عـن المـنكــر بــمــنطـقـة الـريــاض بالـمـمـلـكـة العـربـيـه الـسـعوديــه و المـوجــه إلـى الدكـتور عبد المنعم أبو الفتوح المـرشـح الـسـابق لـمـنـصـب رئـيـس الجـمـهوريــه و ذلــك بـغـرض إنـشـاء و تـأسـيـس هـيـئـه للأمــر بالـمعــروف و النهـي عـن المـنكــر بـمــصر
  
  ـــــــــــــــــــــــــــــــــــــــــــ
  
  وده كلامهم عن الاستاذ عصام سلطان نائب رئيس حزب الوسط
  
  ــــــــــــــــــــــــــــــــــــــــــ
  
  خـدعـوك فـقـالوا أن عــصــام ســلطــان قـد إســتــقــال مــن جـمـاعـة الإخــوان المـسـلـمـيـن ... عــصــام سـلـطــان مــن أهــم رؤوس الـحــربـه الـذيــن يــعـمــلون فــي جــمــاعـة الإخــوان المـسـلـميــن و تــحــركــاتــه و تــصــرفــاتــه كــلــهــا مــخــططــه بــواسـطـه مــكــتــب إرشــاد جــماعــة الإخــوان المـســلــمين.. و مــا (خــنــاقــتــه) الـشـهـيـره مــع الكــتــاتــنــي فـي أولــى جــلــســات الـبـرلــمــان إلا للــتــمويه عــلى تـلك العــلاقــه و الإيــحــاء بأن عــصــام سـلطــان قــد إنـفـصـل عــن جــمــاعــة الإخــوان و أنـهـم عـلى خــلاف و أن عــلاقــتــهــم قد إنـقـطـعـت
  وهــو مــا (( نــؤكــد)) عــلى عــدم صــحـتــه إطــلاقــا, إعــتــمــادًا عــلى مـصــادرنــا فــي (( قــلــب)) جــمــاعـة الإخــوان
  ..
  
  ــــــــــــــــــــــــــــــــــــــــــــ
  
  وده كلامهم عن حركة 6 ابريل
  
  ــــــــــــــــــــــــــــــــــــــــــ
  
  تقوم هيئة الأمر بالمعروف و النهي عن المُنكر بـمصر اليوم بكشف بعض الحقائق و المعلومات التي لا يعلمها الكثيرون عن حركة ٦ ابريل
  و هي شهاده للوطن و للتاريخ و امام الله سبحانه و تعالى كاتمها شيطان أخرس
  حركة شباب ٦ ابريل هي ذراع ليبرالي لجماعة الاخوان المسلمين و الاتصالات بينها و بين قيادات مكتب الإرشاد دائمه و مستمره ... وتتسم تلك اللقاءات بأقصى درجات السريه وفي اماكن ( إخوانجيه خالصه) او خارج مصر حيث دائماً ما يسافر قيادات ٦ ابريل لحضور (المؤتمرات) (؟؟؟؟؟؟؟؟) و من ثم يلتقون بتلك القيادات الإخوانيه التي تلقنهم الخطوط العريضه و آليات التظاهر و التحرك ثم تقوم قيادات ٦ ابريل فيما بعد بنقل تلك الاوامر للقاعده العريضه من أعضائها بمصر و التي تتحرك و تثير الاضطرابات و التظاهرات بناءً على أجندة تحركات ( اخوانيه) و بأوامر من قيادات الاخوان المسلمين بمصر و لأهداف ضيقه تصب غالبا في مصلحة تلك الجماعه
  و ما إنقسام تلك الجماعه إلا مشهد تمثيلي الغرض به المناوره و كسب المزيد من الأعضاء الليبراليين و اليساريين و ربما غيرهم و توسيع قاعدة التظاهر و إثارة الشغب
  
  ـــــــــــــــــــــــــــــــــــــــــــ
  
  وده كلامهم عن الدكتور البرادعى
  
  ـــــــــــــــــــــــــــــــــــــــــ
  
  و كالـعـاده : يـأتـي (( الـبـرادعــي )) مـرفـوعـًـا عـلى الأعـنـاق لـيـشـارك فـي جـنـي ثـمـار مـلـيـونيــه لــم يـشـارك فـيـهـا و التـحـدث بـإسـم ثـوره لـم يـقـم بـهـا
  
  ــــــــــــــــــ
  
  اللــهــم رد كــيد الــبرادعــي و كــل مــن أراد الـشــر و الـســوء لــبلادنــا
  
  ــــــــــــــــــــــــــــــــــــــــــ
  
  يبقى بالعقل والمنطق ,, جميع تيارات مصر من اقصى اليمين الى اقصى اليسار الجماعه دى ضدها
  
  يبقى هى حاله من الاتنين اللى زكرتهم
  
  اما انهم افراد شاذين فكريا
  
  او انهم جزء من مخطط الانقلاب على مصر الثوره
  
  ولو دققنا شويه حنلاقى ان التانيه اقرب للصحيح
  
  لان الليبرالى والعلمانى سهل القضاء عليهم باشاعة عمالتهم للغرب
  
  والسيناريو ده حصل مع اكتر من شخصيه واكتر من حركه
  
  زى الدكتور محمد البرادعى وزى حركة 6 ابريل وكفايه
  
  وتنفيذ السيناريو ده سهل لارتباط ما سبق بافكار عالميه مفادها الحريه والديمقراطيه والعداله الاجتماعيه
  
  انما لما تيجى تجهز سيناريو تشويه لاسلاميين معروف قد ايه كرههم للسياسات الغربيه تجاه العالم الاسلامى ,,,
  
  واكبر مثال على كده ترحم الشيخ حازم صلاح ابو اسماعيل واغلب مشايخ السلفيين على اسامه بن لادن
  
  لما تعوز تجهز سناريو لتشويههم يبقى لازم تعتمد الحكمه اللى بتقول (( لا يفل الحديد الا الحديد ))
  
  وبناءا عليه تم انشاء حاجه زى كده لتعميق فوبيا الاسلام السياسى فى نفوس المصريين البسطاء
  
  واللى بعد كده حيسهل كتير سيناريو الانقلاب عليهم
  
  طيب بشويه من العقل وقليل من المنطق برده نربط بين سيناريو تشويه التيارات الليبراليه والعلمانيه
  
  وبين تشويه تيار الاسلام السياسى دلوقتى
  
  ونشوف مين اللى قاد سيناريو تشويه حركة 6 ابريل وكفايه وتمويلهم من الخارج ,, ومين اللى جه على لسانه ان لديهم معلومات مؤكده بتلقى شباب 6 ابريل تمويل اجنبى من صربيا وانهم اتدربوا هناك
  
  ايوه ... صح
  
  هو ده
  
  اللى عملها سابق ,, بينفذها دلوقتى
  
  ومننساش ان المواجهه بين العسكر والاخوان للحصول على السلطه مش حتكون على طاولة المفاوضات
  
  حتكون فى الشارع واللى حيضر منها هو المواطن البسيط
  
  ودى البدايه بس ,, شهيد فى السويس
  
  
  

[زنبقة تناجى ربها]

مما وقعت فيه هيئة الأمر بالمعروف والنهى عن المنكر
 - تسقط الأخطاء والبحث عنها وإن لم تكن موجودة فيجب إيجادها حتى يكون البصير أعمى والأعمى بصير
 - الشك فى كل شىء وجعله مريب وخاطىء حتى لو ثبت العكس
 - كما ذكرت عدم الانتماء ولكن فى الحقيقة دائما فى هذه الحالة يكون للسلطة الأقوى
 - ماأفرزته الهيئة قد يقلب مجتمع ويغير بساطته المعهودة وبديهياته البسيطة
لن أطيل فالقلب ينزف والدمع من المقل لن يتوقف . . .

[روح صامتة]

اللينك مش بيطلعلي البيج ع الفيس بوك
ع العموم انا فكرت زيك بردو مش معقول هيطلع حاجة بره الاتنين دول ..
كانهم كيان غريب وعايز يزرع نفسه
بس اعتقد ان الوعي بقه عالي شوية عن زمان حتى بقيت اشوف ناس
بترد على البوستات دي وتقول " انتو مش هتبطلوا ضحك ع الناس بقه "
والوعي السياسي بقه اكبر ..
حلو موضوعك يا سيد وحلو الاشارة ف الاخر ان الجيش
هوة اللي عمل كده ,, بتدعونا للاستنتاج
لانه هتلاقي دايما الصراع ع حساب حد ف الاخر ,, كالعادة ..
استمر بقه ف مواضيعك بقالي كتير ما اتناقشتش ف حاجة )
ارق تحياتي

[بسمة العمر]

هذه الجماعه لا يطلق عليها الامر بالمعروف والنهى عن المنكر

بل يطلق عليهم الامر بالمنكر والنهى عن المعروف

هذه الجماعه لاتنتسب الى الدين الاسلامى

بل جماعه شكلت نفسها ونسبت نفسها الى دين الله وهى لاتعلم ما هو الدين

فهذه الجماعه جماعة الامربالمنكر شكلت نفسها وضمت نفها الى الاخوان المسلمين

زقد تبراء منها كل الاخوان واثبتوا انهم برئين منها

وانهم لم يفعلو تلك الافعال التى تغضب رب العالمين

فهم جماعة لا يعرف لهم دين

فقد نهى الرسول صلى الله عليه وسلم عن قتل النفس التى حرم الله قتلها الا بالحق

وهولاء استباحول القتل

والله المنتقم

جميل ما كتبت قلم

[Single girl]

بجد ربنا يحفظ مصر من الفترة اللي جايه
ميرسي يا قمر ع الموضوع المهم و المتميز

[SiLver Spectra]

الجماعة لا تنسب لاي تيار سياسي عالساحة ايوه دي حقيقة
لكن هل الفكر دا مش موجود؟
موجود,,بلاش كل حدث يحصل نطلع نكذبه , و كأن الاسلاميين خلقوا من الملائكة!!

أنا ماعنديش مشاكل انك تحط احتمالات للافراد الي ارتكبوا الجريمة
لكن مش معنى كدا اني ادعي و اقر ان دي حملة تشويه!!

الشاهدة على الحدث من بدايته كانت خطيبته و قالت انهم تلاته ملتحيين و بجلباب

اذا كانوا بيطالبوا بتطهير الاعلام فالاولى انك تتحرى دقة التحري و لا تتسرع في الحكم
كل فصيل ينكر الواقعه من رجالته و بس لكن مش ينكرها عن كل الاسلاميين و يقولك دي حملة تشويه ضدنا!!

بص الصورة دي

و شوف التشويه على اصله من ناس بتدعي ان التشويه بيمارس ضدهم و هما الي كانوا بيمارسوه
يعني الاولى اننا نطهرهم الاول قبل ماسبيرو )

[دمعه حائره]

ظاهرة غريبه والاغرب توقيتها مما يدعى بالشك فى نواياهم
واستحاله يكونوا من الاسلاميين واكيد هدفهم تشويه صورة الاخوان
رؤيه وتوضيح قيم منك اخى
تسلم وربنا يصلح حال مصر يارب

[the Princess of rose]

والله انا شايفة الغلطة على اللى بيسمعولهم وماشيين وراهم من غير عقل وبقينا ننخدع بالمظهر ويغلب على معظمنا الدين الشكلى مش الجوهرى وبقى اى حد شكله واسمه شيخ يضربله تعظيم سلام
كفانا بقى وخلينا نستخدم عقلنا شوية مش اى رجل دين هيتكلم اقول امين من غير ما افكر مع نفسى والجأ لربنا بقلبى
شكرا ع الموضوع