التوازن بين الاستمتاع بالحياة و طاعة الله

[استـثـنـائـيـة]

السلام عليكم

صباحكم / مسائكم فى طاعة الرحمن

كل عام والجميع بخير

ورمضان مبارك علينا جميعا

حبيت ان اول مشاركة ليا بعد الـ 100

تكون موضوع

التوازن بين الاستمتاع بالحياة وطاعة الله

بدأت اخد الجمله دى مؤخرا كمبدأ فى حياتى

لان اكتشفت انها وسطية جميلة اووى انك تستمتع بحياتك ولكن فى طاعة الله .

أفضل حاجة ممكن يحققها الإنسان فى حياتـه انه يقدر يستمتع بحياته

وفى نفس الوقت ميخرجش عن دينه او يغضب ربه ويخرج عن طاعته.

يعنى مثلا تستمتعى بملابسك ولكن تكون ملابس محترمة متغضبش ربنا

تكونى مشغولة او بتعملى اى حاجة ولكن بمجرد ما تسمعى الآذان تتجهى على طول للوضوء

تستمتع وتخرج مع صحابك لكن بمجرد ما تسمع الآذان ترمى كل شىء ورا ضهرك

و تتجه للمسجد

تعمل اللى تحبه تخرج تتفسح ولكن بمجرد انك تشوف بنت مش لابسه محترم

او منظر مش كويس تغض بصرك

تكون بتتفرج على فيلم ولكن بمجرد انك تشوف منظر مش لطيف تقلب ع طول :d

تقول كل اللى فى قلبك و ما تكونش منافق بس فى نفس الوقت متخرجش عن دينك

وتكون قليل الذوق

>سؤالى ليكو <

ازاى بتقدر توازن بين الاستمتاع بحياتك وطاعة الله ؟

[ياسمين الروح]

جزاكى الله خيرا وسلمت انمالك يا قمر بانتظار جديدك

[** رحيق الجنه **]

مبروك الميه مشاركه .
ورمضان مبارك عليك حبيبه قلبى .‘‘‘

فعلا صدقتى الحياه جميله وممتعه بس بالقرب من ربنا وطاعته ..
مفيش متعه بدون رضا الخالق ..

ربنا يحفظك ..

طرح قيم .
دومتى بود‘‘‘

[ساحر الأحزان]

الدين يسر وليس عسر فربنا لم يفرض علينا التقيد وحرمان انفسنا من لذة

الحياة ولكن يجب ان لا نتراخى عن طاعتة ونعمل على معصيتة وان نعيش

فيها ولا نجعلها مبتاغانا ولا اخر همنا ولكن لننظر للاخرة لانها دار المقر لنا

اختيار قيم منك

تحياتى

[۩۩ elMagic ۩۩]

الحياه ليس سوا فتره قصيره بنعيشهـا
يجب العمل والسعى فيها من اجل الاخر فا هى الباقيه ورضا الله سبحانه وتعالـى
موضوع قيم
جزاكـى الله كل خيـر
مودتــــى

[نقاء القلب]

عارفه اكتر استماتع بالحياه مع ربنا ..

يعنى زى مانتى قلتى .. الواحده تلبس براحتها بس لبس محترم ,,

وتخرج وتتفسح بس بالتزام برده ، وتعمل اللى هى عايزاها بس

دايما تكون حاطه ادامها الحلال والحرام والصح ده اعمله والغلط لا ,,

بجد مافيش احسن من القرب من ربنا والعمل بكل شىء انزله .. ده اجمل متعه فى الحياه ,,

جميييييييييل اوووى طرحك ، ومبروووك تكمله ال 100 مشاركه دايما فى تقدم ان شاء الله ))

[ماتركس]

استثنائيه

منورانا في القسم

والف مليون مبروك علي ال100 مشاركه عقباال المليون مشاركه باذن الله وانتي معانا

عارفه يا استثنائيه احنا في الدنيا دي مربوطين في بعض يعني لو كل الناس

او المسلمين عمتا يفكرو بتفكيرك ده هتلاقي بنطيع الله سبحانه وتعالي لكن في حجات في الحياه

بتفرض عليكي انك تغضبي ربنا مش معنا الغضب بس يعني بنشيل من وراها ذنوب

احنا ممكن نعمل علي قد ما نقدر انو نطيع الله ورسوله ونحاوال نقلل من ذنوبنا شويه

تسلم ايدك ومنتحرمش منك يارب

[استـثـنـائـيـة]

اقتباس المشاركة الأصلية كتبت بواسطة ياسمين الروح جزاكى الله خيرا وسلمت انمالك يا قمر بانتظار جديدك

جزانا واياكم

نورتينى ياسمين

[استـثـنـائـيـة]

اقتباس المشاركة الأصلية كتبت بواسطة ayn ashya2i مبروك الميه مشاركه . ورمضان مبارك عليك حبيبه قلبى .‘‘‘ فعلا صدقتى الحياه جميله وممتعه بس بالقرب من ربنا وطاعته .. مفيش متعه بدون رضا الخالق .. ربنا يحفظك .. طرح قيم . دومتى بود‘‘‘

معاكى حق

واصلا طاعة الله فى حد ذاتها متعة

الراحة اللى بتحسيها بعد كل صلاة واللى بتحسيها لما تقرأى القرآن

فى حد ذاتها متعة

نورتينى ^^

[استـثـنـائـيـة]

اقتباس المشاركة الأصلية كتبت بواسطة ساحر الأحزان الدين يسر وليس عسر فربنا لم يفرض علينا التقيد وحرمان انفسنا من لذة الحياة ولكن يجب ان لا نتراخى عن طاعتة ونعمل على معصيتة وان نعيش فيها ولا نجعلها مبتاغانا ولا اخر همنا ولكن لننظر للاخرة لانها دار المقر لنا اختيار قيم منك تحياتى

جميــل

[ربِ اجعل اكبر همنا الاخرة ]

نورتنى