ريحة رمضان

[أبـكتنــى ذنوبــى]

السلام عليكم ورحمه الله وبركاته
::
بسم الله الرحمن الرحيم

ريحة رمضان

انا عاوزة أقول حاجة صغيرة أوي عن رمضان.........
حاجة بحسها كل سنة بس مكنتش بفهم معناها.....بس السنة دي أول مرة يوصلني المعني بكل بساطة
لما بمشي في الشارع - أي شارع- في رمضان....

خصوصاً قبل المغرب بشوية صغيرين بحس احساس غريب في الجو....
الهوا بيكون زايد أوي وبتكون ريحته مميزة أوي....
كنت ديماً أسأل نفسي هو إيه السبب وإيه الريحة دي....
وفجأة....اكتشفت ان الهوا الجميل ده ممكن يكون الملايكة....
الملايكة بتكون طايرة حوالينا تحرسنا....
وتطبطب علينا...
وتقولنا ان ربنا حنين...حنين أوي....
بيبين حنيته دي حتي في نسمة الهوا عشان نطمن....
الملايكة بتقول حاجات كتير أوي..... للي يحاول يحسها.....
وبحس أن جناحتها محاوطانا من كل ناحية عشان منخافش
.......

عشان كدة بحس اني انا كمان مختلفة في رمضان...
بعمل نفس كل حاجة ونفس شغلي ونفس تعبي....
بس بحس اني مش أنا...
بحس اني هادية ....وقلبي مطمن.....
وروحي نقية شبه اللبن اللي بحب أشربه بالتمر على الفطار....
ببقي مش عايزة اتكلم كتير عشان مقولش كلام ملهوش معني....
وببقي مش عايزة أنام كتير عشان رمضان لحظاته حلوة وبتعدي بسرعة.....
طول ما انا ماشية في أي مكان كأني مش حاسة بأي حد ماشي جمبي...
كأن الدنيا فاضية....
بمشي فاتحة حضني للهوا.....
وآخد منه نفس عميق أوي.....
وأغمض عيني.....
وأحاول أسمع الملايكة....
وابتسم.....
)))

وأدعي ربنا وأتمنى يكون راضي عني
:

والله عايزاكم تعملوا كده . ويارب يرضى عننا كلنا

ورمضان كريم علينا وعليكم ....

::003:


محررة الموضوع ملاك الصمت

صاحبة الموضوع الاصلي أبـكتنــى ذنوبــى[/CENTER]

[أجمل سعوديه]

رمضان كريم ياقمر

عليك وع اللي تحبين

وكل عام وانتي بخير


لرمضان روحانيه لايستشعرها

الا من يملء قلبه الايمان


ثبتنا الله وإياك ع طريق الحق

وبلغنا رمضان

[عاشقة ذكر الله]

كل سنة وانتى طيبة

رمضان فعلا له طابعه الخاص وريحته الخاصة

بس ممكن أسأل هو فعلا فيه ملايكة يعنى دا مثلا حديث او كدا
ولا ايه بالظبط أحتاج لتوضيحك ؟؟

[morshooo]

كل سنة وانتى طيبة

والامة الاسلامية كلها بخير وسعادة

واتمنى ان ربنا يكرمنا فى هذا الشهر الكريم

على طاعتة وتقربنا منة

اشكرك على الموضوع الرائع

تحياتى

[shrOok]

كل عام وانتي بخير
رمضان كريم ي قمر

[** رحيق الجنه **]

كـــــ ‘‘‘‘ ـــــــــل .. سنهـــــــ

وأنت بصحه وسعاده .. ورضوان من الله حبيبتى ..

والامه الاسلاميه بخير ياااارب ..

فعلا لرمضااان مذاااق خااااص ..
يتسبب فيه الصياام والقرآن والتقى ..

ربنا يرحمنا يارب ..‘‘‘

[زنبقة تناجى ربها]

كل سنة وانت بخير حبيبتى الحمدلله الحمدلله الحمدلله ريحته مثل ماقلتى سبحان الله

ربى يفرحنا بجيته وريحته وروحانيته الطيبة اللى احلى من كل الدنيا والواحد مرفرف روحه ومبسوطة