ماذا يحدث بعد عودتهم!!

[SiLver Spectra]

ما سأذكره و ما سأسرده هو تفسيرات من واقعي الشخصي بحكم تجربتي و بحكم ما شاهدته من انطباعات و تجارب من شاركوني نفس التجربة
((العودة من الغربة))

و هو ما قد نسميه متغيرات نفسية تصيب هؤلاء الأشخاص
بالأخص الجيل الذي يولد و يتربى في بلاد الغربة و لا يعرف مصر الا في العطلة الصيفية كمكان مؤقت للنزهة
قد يفيدهم هذا الموضوع كتحليل نفسي مستبق خاصة و ان لدينا عدد كبير من الأعضاء مغتربين , يشتاقون للعودة إلى مصر بفارغ الصبر
و يبدأون في عد الأيام المتبقية حتى يعودوا إليها

و لكن ,,ماذا يحدث بعد عودتهم !!

أولا : متلازمة (كان عندنا هناك)

الشخص العائد من الغربة و خاصة الجيل المولود هناك عند قدومه إلى مصر تجده دوما ما يردد تلك العبارة (كان عندنا هناك) في اشارة الى بلاد الغربة
فمثلا يدخل السوبرماركت : كان عندنا هناك الزبادي أحلى من هنا
كان عندنا هناك الراني أحلى من هنا (و هو نفسه اصلا مستورد )
كان عندنا هناك البيبسي غير (و هو البيبسي واحد في كل العالم)

يدخل المدرسة , كان عندنا هناك الفصل فيه تكيفات و و 4 مراوح
كان عندنا هناك الكتب حلوة

كان عندنا في اشارات في الشوارع
كان عندنا هناك عربيات بتكنس الشوارع ..الخ
واقعيا في بلاد الغربة بالطبع الوضع الاقتصادي أفضل , و هو ما ينعكس بالإيجاب على كل نواحي الحياة

و لكن الشخص المصاب بمتلازمة (كان عندنا هناك) دوما ما يبالغ في المقارنات ,مما يوحي للسامع أنه قادم من بلاد العجائب أو يعيش في كوكب آخر , و في نفس الوقت يشعر الشخص المصاب بالمتلازمة أنه (راقي) بوضع تلك المقارنات في كل شيء يراه ,بينما في حقيقة الأمر يراه الناس بأنه شخص (مدلع , محبكها و خنيق)
و قد تكون هذه المتلازمة احدى الأسباب التي تجعل الناس في مصر يعتقدون أن المغترب يجني الملايين في الغربة أو أنه يعيش حياة الترف هناك ,
المتلازمة تصيب أي شخص تأثر و عاش لفترة في الغربة
و تزداد مع الشخص المولود هناك
و تزداد حدتها أكثر مع الشخص كلما صغر في السن خاصة في الاعمار القريبة من العشر سنوات

بينما تبدأ المتلازمة بالاختفاء و تقل حدتها كثيرا بعد فترة لا تقل عن سنة من استقرار المغترب السابق في مصر

ثانيا : الاضطراب الروتيني النفسي
يعتاد المغترب خاصة المولود هناك على نمط معين في الحياة
فمثلا يعتاد على الذهاب إلى المدرسة فالعودة منها في توقيت محدد و يبدأ بعدها في نشاطه المنزلي و غيره , يعتاد على اسرة صغيره تتكون من الوالدين و الأخوة فقط
يعتاد على مأكل و مشرب و ملبس معين
و يعتاد على طباع المجتمع هناك بصفة عامة بكل تفاصيلها

بينما عند عودته إلى مصر , في بداية الأمر يشعر بسعادة غامرة
فيجد جو أسري كبير مع أفراد العائلة و هو ماكان يفتقده
يشاهد حياة و جو مختلفين فيكون في قمة سعادته بعد أن مل من روتين حياته في الغربة

و لكن مع الوقت و بعد مرور أسبوع أو اثنين , يبدأ بالحنين إلى الروتين القديم الذي تربى و تعود عليه
يشتاق إلى الهدوء بعيدا عن ضوضاء بيت العائلة
يشعر أحيانا في بعض الحالات أنه شخص مختلف , فالبيئة اختلفت اختلافا جذريا و معها كل معطيات الحياة
و هو ما قد يصيبه بنوبات من الاكتئاب أحيانا أو بعضا من الاضطرابات النفسية مع بداية استقراره في مصر

ثالثا : ((انعزال الذكرى))
الذكرى هي مخزون ما اكتسبه العقل خلال فترة يعيشها الشخص تـؤثر على وجدانه
عند عودة المغترب إلى مصر لا يجد من يشارك ذكرياته
فأصدقاءه تشتتوا على بقاع الجمهورية
و لا يوجد هناك من يشابه في ما اكتسبه و هو صغير من ذكريات , سواء أكانت شخصية أو كانت تتعلق بالحياة عامة ,
و هي أمور قد تعوقه في الاندماج مع محيط و أصدقاء جدد في البداية , إلى أن تبدأ ذكريات جديده بالتشكل مع الدراسة الجامعية على سبيل المثال , هو ما يؤدي إلى انقسام الوجدان بين بلاد الغربة التي نشأ فيها و اعتاد عليها و بين بلاده الحقيقية المنسوب إليها

رابعا : التمرد على المجتمع
هذا التمرد قد يصل إلى الإنحراف أحيانا
و خاصة ان كان قادما من بيئة محافظة
فعلى سبيل المثال نجد الفتاة أحيانا تريد أن تتحرر من القيود التي كانت تفرض عليها في مجتمع الاغتراب , و تجد الفرصة أمامها في مجتمع أكثر انفتاحا , فتخلع الحجاب و قد تقيم علاقات و تتمرد بشدة على من يعارضها أو ينصحها , و كانها تنتقم من نمط حياتها السابق


خامسا : حزن العودة
بالرغم مما ذكرناه سابقا من امراض نفسية تصيبه في بلده الأم
الا أنه يصاب بالاكتئاب قرب موعد عودته إلى بلاد الغربة إن كان ما يزال يعود إليها
وهو ما يعكس المبالغة في مقارناته
فإن كان هذا المغترب كما يتصوره السامع لما جاءته حالات الحزن و الكآبة عند قرب موعد عودته

و و دعنا نقول أن حياة الشقاء لجني المال قد تكون هي السبب الرئيسي لهذا النوع من الحزن بالنسبة إلى الشخص الذي يعمل
و ايضا العودة إلى الدراسة و انتهاء النزهة الصيفية بالنسبة للشخص الذي يدرس
ففي الأغلب هذا الشخص لا يتمتع بماله في بلاد الغربة التي يشعر فيها دوما أن حياته مؤقته أو غنيمة عليه أن يستغلها في تجميع أكبر قدر من المال يمكنه من أن يصبح افضل حالا في بلاده الأصلية ,

سادسا : تشتت الأسرة
بين الأب و الأم و الأبناء
قد يعتاد الابن العائد من الغربة على نمط التشتت , حتى أنه و بعد عودة والديه في العطلة يشعر بنوع من الضيق بعد فترة , فليست هذه حياته الطبيعية التي اعتاد فيها على عدم وجود ابويه و اسرته
و على العكس , قد يشعر الابن بالكآبة و الوحدة و برود المنزل في غياب جوها الأسري

::::::::::

هذه بعض ما قد يتأثر به الشخص المولود في بيئة مغايرة و يعيش فيها لفترات طويلة ثم يعود إلى مصر
لا أجزم أنها تحدث للجميع , و لكن بدرجة ما سيشعر بها الشخص
و إن لم يشعر بنفسه فسيشعر بغيره من المغتربين مستقبلا , و حينها سيدرك أنه قد تعافى منها :biggrin:

و بالرغم من أن مصر قد اختلفت الآن عن الماضي
فمثلا إن قارناها الآن بفترة التسعينات و التي وصفت بأنها فترة الاستقرار الاقتصادي لمصر كما يقول المحللون
كان الاقتصاد المصري أقل انفتاحا و يعتمد بنسبة أكبر على المنتج المحلي , فكنت نادرا ما اشاهد منتجا مستوردا ان ذهبت إلى البقال , بالطبع المنتجات المحلية كانت في معظمها سيئة الجودة حينها , و هو ماكان يزيد عندي من متلازمة ( كان عندنا هناك)
و أيضا السيارات كانت في أغلبها (فيات و بيجو) من أجيال بداية الثمانينات و هي سيارات يتم تجميعها في مصر , و نادرا ما كنت اشاهد سيارة من حقبة التسعينات انسيابية الشكل
أما الآن فثقافة الاستهلاك غزت الفكر المصري بدرجة كبيرة
قد يكون السبب في المتلازمة , فإن ذهبت إلى البقال ستجد أكثر من 50% من المنتجات مستوردة من الخارج , فلا تشعر بفارق كبير عن بلاد الغربة
ثقافة شراء السيارات الجديدة و تبديلها انتشرت
ازدادت اعداد المطاعم و زادت المشاريع الاستهلاكية مع الانفتاح الاستثماري الخارجي
و هو ما يسميه الاقتصاديون (بالتضخم)

[∫ αʟм ∫]

فعلا كل ده عندك حق
كل حاجه بتكون واحده بس هما بيحاولوا يقولون
كانت عندنا ويكونوا هما اللى مستوردينها من مصر اصلا :biggrin:
تسلم ايدك على ابداعك
فى انتظار مزيدك وجديدك

ودى ~

[حنـــــون]

الانسان لما بيغر اسلوب حياته فجاه
لازم اكيد بيحس باضطرابات بس نوعا ما بتكون
موقته لان الانسان بطبعه بيتعود مع الوقت
على حياته مهما كان مغيرها او مستجد فيها اى جد
بس طبعا احيانا بنلاقى ناس مش عاوزه تخرج عن نظام معين
كانت عايشه فيه او ماشبه يعنى دا الى بيتازم فعلا لانو كدا كدا
مافيش حياه بتستمر على نفس الوتيره لازم فى يوم وهتتغير
وكل حاجه عشنها هتكون زكريات بس فى عقولنا
موضوع كويس ^^

[ساحر الأحزان]

الغربة مش كل حاجة بتعطيهالك لو بتعطيك المال ,,فالمقابل بتاخد منك حاجات

غربة وطنك واهلك,والى اتولد فى الغربة او راح مع اهلة وهو صغير بينشأ

على جو وبيعيش فية وبيتعود علية ,اتعود انة يخرج يشوف حاجات جديدة

ودة كلة موجود فى مصر مفيش فرق ولكن الوضع الاقتصادى هناك والدخل

المرتفع بيوفرلة حاجات ومستوى معيشة مرتفع بيرجع لمصر بياخد شوية

وقت لما يتعود وبيبداء المقارنة,,فية هناك ومفيش هنا مع ان دلوقتى

كل شىء متوفر هناك زى هنا ومفيش فرق ولكن؟قلة التأقلم بتخلى المغترب

يقول كدة وبياخد وقت ويتعود على الوضع

فالى راجع وعارف انة خلاص مفيش عودة بياقلم نفسة,,على وضعة

والى راجع وحيرجع ويسافر من تانى بيشغل نغمة المقارنة هنا وهناك

توبيك جميل طارق

تحياتى

[countess]

ع فكرة مش شرط المغترب المولود هناك

ممكن يكون مغترب له سنوات قصيرة كمان

بردو بيكون فيه الملاتزمة

يعني ابن اختي سافربعد الثانوية العامة عشان يدرس الجامعة

ببريطانيا >> بردو ببسط الحجات بيقول عندنا كت كات آطعم من هنا بسعودية

البرفان آحسن من برفنات السعودية مع انو كل البرفنات بسعودية مستورده ))

لدرجة طلبت منو يجيبلي كت كات من لندن نفس الطعم وحياتك )

بس الحاجة الواحيدة الي حسيتها عندهم مش عندنا بقه

بيعرف بقيمة اي حاجة يعني مثلا بيشوف المكيف والأنوار كدا شغالين

مش حد قاعد بيقوم بيطفي كل شي حرام وآسراف وكدا

عرف قيمة الفلوس زمان بيصرف بالهبل ولا بياخد من مامتو

دلوقت بقه معتمد ع نفسة

تقيمي ,,, ~~~

[بسمة العمر]

الغربه بتاخد اكتر ما بتعطى

ياة سعات بتاخد حيات اشخاص اتمنو انهم يزورو بلادهم مرة تانى لكن رجعو وهم خلاص محمولين فى صندوق

الغربه دى شئ وحش قوى

وفعلا لما يكون المتغرب راجع جديد بيكون قرفان

ويقول الجو هنا وحش قوى والاكل كمان غالى وحجات كتير

لكن لما بيقعد فترة بيتكيف على الوضع وبيحب بلدة قوى وبيتمنا لو ما يسافر تانى

وربنا مع كل المسافرين المغتربين

ومفيش احلا من عيشت الوطن

توبيك جميل طارق

تسلم الايادى

[دمعه حائره]

دى حاجه طبيعيه اعتقد بتحصل لكل الناس
تغيير اسلوب الحياة والبيئه بيخليك تتعود
وممكن جدا تحس ان الاول كان احسن
ده بس فى حاله لما بترجع لبلدك
لكن لما بتروح بلد تانيه غير الاتنين
تقول هنا احسن من اللى عندنا
شوف حتى لما بتروح تصيف بتحس ان طعم المايه متغير
حتى الهوا وتغييرالجو غير شكل
واهو نفس بلدك ووطنك ماروحتش بلد تانيه
لكن مافيش شك احساس الوطن
مابيعوضوش اى رفاهيه فى مكان تانى
بس عقدة الخواجة متأصله جوانا
رؤيه وتوضيح جميل منك دكتور
تسلم وموفق دايما يارب

[بحرولكن]

ولأن الموضوع روعه وصح كلامك جدا جدا جدا

وبكل تأكيد يذيد علي ذلك إن الأب المغترب بيرجع الأول بيكون ضيف الكل تحت أمره

وبأخر مشواره بيرجع أولاده أول شيء بيتخنقو منه وأيه اللي جابوه خنقنا وي وي وي

أو زي ما حضرتك تفضلت وقولت التشتت

فعلا كلامك مظبوط جدا والله العظيم

والاكتر من كده المغترب لفطره مش مولود بالخارج لا المغترب لوقت معيين بيرجع كل شيء مقلوب

والله كلامك جه علي الجرح ههههههههه

الله المستعان

[morshooo]

بص انا سفرت قبل كدا تقريبا 3 مرات
مرة فى دولة خليجية ومرة فى دولة أوربية
ومرة فى شرق أسيا حكاية ان البيبسى والا الرنى
والا المشروبات عموما انا فعلا معاهم ان المشروب بيتغير
من مكان لاخر ودا انا متاكد منة بنسبة 100 % .
الحياة بقى عموما دى بتكون نتيجة طبيعية لتغير الجو العام الــ شايفينة
فهتلاقى الشخص الـ جاى مصر بيقارن كل حاجا بعندنا هناك ^_^
وبتوصل المقارنة لطريقة الكلام نفسة وخروج الالفاظ .

[همسه الجوارح]

اكيد االغربه بتغير
اما للافضل يعنى فى شوق للعاشو هنا
وسافرو فتره
اما المولودون فى الخارج اكيد هتفرق معهم
لانهم فتحو عيونهم بعيد عنها
فبتكون عندهم حاجات مختلفه
زى العزله وعدم التاقلم
بس مع الوقت بيرتاح وبيحصل العكس
رائع يادكتور طرحك
مودتى