نقطه ضعفك

[الرحــاال المٌتَمرد]

إلزم حَدك

" أقبل النقد"

ياللى خَدعك غرورَكــ

إتكلم على قَدك

بتِحكى عنى وتوَشوِش بخوف

ماتصدَمتش لأَنى عَرفه حَقيقتَك

إنتَ مرحله كانت فى حياتى

وخلاص إنتهىَ وَقتَك


أنا مش بشحت حنانك

ولا هتمِن عليا بــ وِدك

زمان وهبتك حياتى

وصَنعت عِزتك ومَجدك

شَفيت جرحك بيدى

ما الأَلم كان هَدك

كُنت بتعانى مِن ماضيك

وأنا إللى وقَفت جنبك

كُنت خسران وحَزين

عوَُضتك عن زمانك وخُسارتك

رسَمت الإبتسامه على جبينك

مَسحت دَمعتك وحُزنك

ضَحيت بسنين عُمرى

نَسيت روحى وأفتَكرتك

شِلتك جوه عينى

حـَاميتك حتى مِن نَفسك

بَدلت هزيمتك لــ نَصر

ما حَفظتش على كِلمتَك وعَهدكــ

كِبريائى أقوى من غُروركــ

وأقوى من خِداعك وكِذبَك

بفكرك بشكلك زماان

بفكرك بماضيكــ وصورتَك

كابوس وإتخلصت منه

مش بلومَك ولا بعاتبَك

يا أبن الأصول ماتخرُجش عَن توبَك

وأِعرَف أنا مين وإلزَم حَدك

مايهمنيش كلامَك عنى

ما أنا عَرفه ضَعفك وجُبنَك


لا هَفكَر فيك تانى

ولاهَندم إنى ِفَراقتَك

همحى ذكرياتك من حياتى

واَقتل كل ذكرى لـ حُبك

مازعلتِش على فُراقك لحظه


وأدينى مرتاحه فى بُعدك

خارج حدود المنافسه

جميع الحقوق محفوظه للكاتب وللموقع
يحظر النقل الإ بالإشاره للمصدر وصاحب الكلمات
الرحـــــــــال

[طبيب الهوى]

أخي الرحال



بسم الله ما شاء الله عليك



قصيدة رائعة من شاعر مُتمَكِن



تحدثت بِلسان الأثنى وكأنني أرى تِلكَ الأُنثى تتحدث



أهنئك أخي على إبداعك وأختيارك للفكرة المجنونة



وَحُسن سردك للحالة العاطفية والعقلية لها



تحياتي لقلمك المُبدِع والراقي




طبيب الهوى

[اسيـ الاحزان ـر]

يالي بتتجمل بقلمك تعالي وقول لقلمك
ان القلم كاتب وليس معبر عن فكرك
هو جريئ وقت الصياح لكمن وقت الجد صاحبك
اياك والتعالي عالبشر اصل التعالي مش صالحك
يا جميل بالحرف والمعني
ودوم بتراقصه وبجمال تتغني
اما فاض بك الكيل من نزوح لا استني
عندي كلام وحكاوي تباهي بها المغني
اصل الرحال واد صاحب اصيل مهما اتبني
وشهم وقت الجد وبحروفة نتغني
فياراقي لا تحرمنا من حرفك الاعلي
وتجمل به دوما بين طيات الفجر واغلي

باقة ورد لرقي حرفك وجمال قلمك
تقديري غلاي

[kimomodern]

خاطره جميله فعلا تقبل مرورى

[طمطم]

بجد الله عليك
وفعلا ف ناس متستاهلش اصلا الزعل عليها ,,
تسلم ايدك ي ايمن
احلى تقييم
دوآآم الابداع والتألق
مودتـــى

[همسه الجوارح]

الله الله
قوه وتميز وحضور رائع
اختيار ولا اروع
تحكم فى المشاعر
بجد تسلم الايادى
فى انتظار المزيد احترامى وتقييمى

[sokara]

المبدع دوما الرحال
كلمات قويه بها من العزه والشموخ الكثير
استمتعت بالمكوث هنا بقوة الحرف وشموخه
سلمت يمينك على تلك الحروف القويه
دمت بخير ودام نبض قلبك وقلمك
تحياتى

[ملك الاحساس]

أهنئك أخي على إبداعك وأختيارك للفكرة المجنونة



وَحُسن سردك للحالة العاطفية والعقلية لها



تحياتي لقلمك المُبدِع والراقي

[جبل عالي]

يوم عن يوم تثبت أنك ملك للعامية

مشاعر قاسية على أى قلب أن يتحملها

وبقدر ماكانت المشاعر متأججة ...وجاء الغدر

يكون رد الفعل ... ويكون الإعتصام بالله وبالكرامة والعزة



سلمت ايها الرحال ... وأحييك على مفرداتك القوية

وجراءة الفكرة هنا زينتها كلمات بحق تصف الإحساس بدقة

تقبل كل تحية وتقدير لقلمك المغوار

[دمعه حائره]

رائع ومبدع دائما فى التعبير عما يجول بخاطرك
كلمات برغم مافيها من حزن وقسوة
لكنها جميله وواضحه
سلمت اخى ودام تواجدك الراقى
تقديرى واحترامى لك مع التقييم