مبارزه فى قفص حديدى (الرحال +شقاوة احاسيس)

[شقاوة احاسيس]

جيت ياقلم متكبر ومغرور

سايق دلالك ولا راح عليك الدور

مستنى تعلن الانسحاب ولا بقيت مقهور

جيت وبستنى ومفيش منك حتى سطور

[الرحــاال المٌتَمرد]

اقتباس المشاركة الأصلية كتبت بواسطة شقاوة احاسيس فينك ياملك غايب جيت ومفكر انى القلب منك هايب بس عارف المكان من غيرك زى اللبن الرايب ومن غير رغى وكلام اصل الكلام سايب

مش أى كلام بيتقال ومظبوط على القافيه
الشعر له أصوله وكُتابه
وكلامك يضحك ,, بلا قَافيه
وقلمى لازم تعملى حِسابه

[الرحــاال المٌتَمرد]

اقتباس المشاركة الأصلية كتبت بواسطة شقاوة احاسيس رحال كيف الحال وقفت هنا بين الاطلال فينك يااللى بديت الكلام واللى قال انا ببارز بقلمى وفينك يا واثق المقال

علشان ماتعيشيش الدور
أنا أصلى نِجم وقت الحضور
كاتِب عاميه ,, ومش مغرور
بتفنن بحروفى ,, وبختار وقت الظهور

[الرحــاال المٌتَمرد]

اقتباس المشاركة الأصلية كتبت بواسطة شقاوة احاسيس ياعم قلمى بيندهك واقف ومستنى يفهمك انه قلم شقاوته فى بسمتك واياك تحاور قلمى ومن الاخر شقاوه فهمتك

يا شقاوه إبداعك ناقص حَرف
وكلامك مالهوش معنى
هقتل جواكى العُنف
وهخلى الكُل يسمَعنا

[الرحــاال المٌتَمرد]

اقتباس المشاركة الأصلية كتبت بواسطة شقاوة احاسيس زجال وحاير بين الحروف كتير قوى وكتير كمان مغرور بس عارف هنا هتلاقى قلمى وبحرفه بحور اياك تقول عليه راح وراحت عليه عصور

لا مش هقول ,, ولا هعيد تانى
وأنا مش مغرور ,, إنتى إللى حَسدانى
أنا كُنت كَسلان ,, وإمتلكنى الخَجل
لكن كلامك بيقولى ,, إقضى عليا فى ثوانى

[الرحــاال المٌتَمرد]

اقتباس المشاركة الأصلية كتبت بواسطة شقاوة احاسيس هنا من فتره بستناك لاجيت ولاحتى كنت هناك هروب ده ولا خوفك خلاك ترفع الرايه وتخاف الهلاك

هلاكِك ,,؟!
إتوهمتى إن قلمك يقدر يتحدانى
يا مخدوعه بحَرفك
أنا المبارزه أتوجدت علشانى
أهو قلمك خزلك

[الرحــاال المٌتَمرد]

اقتباس المشاركة الأصلية كتبت بواسطة شقاوة احاسيس سيبت القلم ولاقلمك اتكسر والورقة باشت من دوعك ولاالقدر خايف تبارز ولاالميدان خلى قلمك فى خطر ماتهاب يارحال تعالى وهنشوف مين اللى هيكون مستمر

وزن ضاع ,, وحرف بيحتضر
وقلبى بيقولى كفايه حرام
كفايه يا قلم وإختصر
إظهر بلونك وإنشر السلام

[شقاوة احاسيس]

انا قدام قلمك مقدرش اتكلم
واثق من كلمتك استاذ ومعلم
وعلشان هنا دنيتك انا همشى وهسلم
وهقولك هتوحشنى مبارزتك خلى الكل منك يستسلم

[الرحــاال المٌتَمرد]

اقتباس المشاركة الأصلية كتبت بواسطة شقاوة احاسيس جيت ياقلم متكبر ومغرور سايق دلالك ولا راح عليك الدور مستنى تعلن الانسحاب ولا بقيت مقهور جيت وبستنى ومفيش منك حتى سطور

أنا سطرى أصله غالى
مش أى كلام بيتقال
وحرفى قَيم وعالى
أنا أصلى الرحــال

[الرحــاال المٌتَمرد]

اقتباس المشاركة الأصلية كتبت بواسطة شقاوة احاسيس انا قدام قلمك مقدرش اتكلم واثق من كلمتك استاذ ومعلم وعلشان هنا دنيتك انا همشى وهسلم وهقولك هتوحشنى مبارزتك خلى الكل منك يستسلم

يا ست شقاوه ,, حروفك كانت ماس
إتشرفت بمبارزتك ويا ملكه الأحساس
أنا قولت أداعب خطوتك ,, وحضورك على الراس
مايهمنيش فوز أو خُساره ,, يهمنى حضرتك فى الأساس