السجن

[الرحــاال المٌتَمرد]

~السجـــ ـــن ~


" أقبل النقد "



دُنيــا الكل فيها سَجين

حتى إللى مِنهم حُر

عايش حياتى حَزين

من الظلم .. والظلم مُر

..

صابر على الذل

على المهانه والقهر

ماشى جنب الحيط فى الضل

وبتجنب الشر

..

فى السِجن

ممنوع حد يعبر عن ذاته

كلمه الحق أَخرها نَدم

يدفع تمنها حياته

وإن كمل حياته يبقى صَنم

..

على النفَس بَدفع ضريبه

أرضى وماليش فيها حَق

والكرامه دى كِلمه غَريبه

بنفذ أوامر من غير ماقول لأ

..

عشان لقمه العيش بَطحن طَحن

ساكن بين أربع حيطان جوه قَبر

بَحمد ربنا على دُقه فى صحن

وأُصبر يا صَبر

..

مَحروم من الحِلم

ماعِشتش لحظه سعاده ولا تَرف

الفَقر منعنى عن العِلم

وبيقولوا على الفَقر شَرف


السِجن

قانون مالهوش قانون

عايشين فى غَابه

الشر جواها مَعجوُن

ومافيش مكان فيها للغلاَبه

..

أنقضى العمر

فى لَمح البصَر

إنتهى الأمر

بحُكم القدر

صرخه ألم

فاصل ولربما نعود

جميع الحقوق محفوظه للكاتب وللموقع
يحظر النقل الإ بالإشاره للمصدر وصاحب الكلمات
الرحـــــــال