خزعبلات رمضانيه (مسابقه خزعبلات رمضانيه)

[jasmean]

التوبيك دا تبع مسابقه (خزعبلات رمضانيه ) ودي اول مره اكتب هنا بالقسم دا وربنا يستر ^ ^ يارب يعجبكم التوبيك بصوا بقي احنا في رمضان والجته حر والواحد هيموت ويشرب والكل قاعد بيقول يارب انسي واشرب يارب انسي واشرب ولا ايه ^ ^ يجي الواحد نسي وخلاص وهيشرب الحمد لله تلاقي واحد رخم قام قايله حاسب انت صاايم قولتلي لييييييييه قولتلي ليه بس حرااام عليك فكرتني لييييييييييه اشوف فيك يووم والارخم بقي انه يكتب ورقه ويحطها علي الثلاجه ويكتب عليها (انت صااااااااايم) طبعا كل لما نشوف الورقه من غير ما نقرئها نفتكر وطبعا كل الي انا قولته دا حصل معايا انا مع اخويا الرخم ادعو معايا ربنا يهده ^ ^ وانا لسه بدئه اصوم السنه دي السنين الي فاتت كانت لغايه العصر بس ^ ^ وكفاايه اوووي ههههههههههههههههههه لاء دلوقتي وحتي الان بصوم للمغرب الحمد لله محدش عارف ممكن احن لايام زمان ^ ^ وببقي خلااص علي المغرب مش قاادره اتحرك تقوم ماما قايلالي اعملي حاجه لما اقولها انا صايمه مش قادره تتحول في ثانيه (لمفتي الجمهوره ^ ^) انتي مينفعلكيش صياام بتصحي علي المغرب دا يبقي صياام دا مفتي الجمهوريه وربناا نيجي بقي للسنين الي فاتت دي انا كنت لسه نونه ^ ^ بتاع 11 او 12 سنه هههههههههههههه مكنتش بصوم الا للعصر وساعات حسب لما ماما تخلص الغدا ههههههههههههههههههههههههههههه وكنت لما اتصحر مفتيه الجمهوريه تتكلم (ماما) تقولي هوا انتي بتصومي اساسا علشان تتصحري انا بقي امووت واضايق الناس الي قصادي اقوم ايلالها ( يعني ولا هيبقي صحور ولا صياام هوا انا كافره ^ ^) بموت في الرخااامه هههههههههههههههه وفي يوم في رمضان كنت مسافره وجيت نمت ومكنتش قادره وبعدين صحوني علي الصحور وكنت مغمضه عيني ومش قادره افتحها وكنت تايهه وحالتي حاله يوميها (ايدي غطست في علب الزبادي كلها) هههههههههههههههههههههههه والله انا مش فاكره ان دا حصل مش فاكره اصلا انهم صحوني بس بابا وماما قاالولي دا حصل لسه طالعه اسأل اخواتي لقتهم بيبصولي وبيضحكوا قلت بلاش احرااج مش سألهم وفي مره وانا في سنه خامسه تقريبا او اكبر كنت راحه اتمشي مع صحابي وما شاء الله كانوا كلهم صايمين بس برضوا الله اعلم صايمين ولا لاء ااصلي قولتلهم( اني صايمه وكنت فاطره) هههههههههه ايه في حاجه كنا بعد العصر يعني خلاص افطر براحتي ^ ^ المهم اديت لكل واحده لبانه واعدنا نتكلم سوي واصحابي ياكلوا اللبانه والناس بتبص عليهم وتضحك وانا اضحك ههههههههههههههههههههههههههه شوفوا بقي من يومها اتعلمت حاجه (ان اللبان الحلال مبيضعش ابدا) اللبان كله رجهلي تااني ( اترمي في وشي ) وانا مكنتش قاادره خلاااص هيحصلي حاجه من الضحك نداله نداله مش اي كلاام انا مصدر النداله (حد عاوز شويه ^ ^) هههههههههههههه وفي الشارع تلاقي في واحد قاعد يشتم ويزعق ويهزق في الرايح والي جااي وفي الاخر يقول اللهم اني صائم (تصدق صدقتك ^ ^ ) بضايق اوووي من الي يعمل كده نااس معندهااش دم (اللهم اني صائمه) هههههههههههههههه ارخم حاجه بقي لو عندك اخ اصغر منك صغير اووي طول السنه تبقي هتبوس ايده علشان يديك شيكولاته شيبسي اي حااجه وميرضااش ابدااا يجي بقي في شهر رمضان الواد الصغير الرخم دا مش بيقوم عازم عليك تاخد شيبسي منه او اي جاجه لاء بيقوم حاططها في بؤك علي طوول ^ ^ ويقولك ما تاخد^ ^ بتبقي عاوز تقولوا ( ربنا ياخدك ياشيخ ) اخر حاجه بقي كنت في يوم فاتحه علي قناه سعوديه الي بتجيب الناس وهما بيعملوا عمره وانا كنت لسه مش عرفه ان السعوديين بيفطروا قبلنا بساعه المهم بقي لقيت المغرب عندهم بيأذن لانه بيأذن عندهم قبلنا بساعه ببص للساعه لقيت لسه بدري علي المغرب ابص للتليفزيون القيه بيأذن فقلت برضوا التليفزيون ادري مني في الحاجات دي الساعه ممكن تخرف لكن الليفزيون نوو ( فطرت نص البيت يوميها ^ ^) هههههههههههههههههههههههههههههه الحمد لله خلصت التوبيك علي خير النور قطع 3 مراات بس الحمد لله ^ ^ اتمني انه يعجبكم لاني تعبت جداااا وانا بعمله والله شكراا للي هيمروا من هناا مقدما اهيه حد عملها غيري ^ ^ علشان متقولوش حرماكم من حاجه وامانه عوزه اعرف رايكم في موضوعي بصراحه مش عوزه حد يقول موضوع جميل وكده وانا هتقبل كل الردود حتي لو كانت ايه بس بفكركم اننا في رمضان والكلمه الطيبه صدقه ^ ^ هههههههههههههههههههههههه وفي الاخر احب اقول استغفر الله العظيم يارب ( اللهم اني صائمه ^ ^) سلااااااااااااااااااااااااااموز

[Ahmed Shepo]

اقتباس المشاركة الأصلية كتبت بواسطة jasmean نيجي بقي للسنين الي فاتت دي انا كنت لسه نونه ^ ^ بتاع 11 او 12 سنه

أكتر حاجة موتتنى من الضحك هى الجملة دى بعد ما شفت ان انتى 13 سنة أصلا ههههههههه
توبيك جامد
تسلم إيدك

[Sh2wA]

ايه ي بت الكلام دة كله يخربيتك
لا بجد بجد توبيك جميل اوى ي سوكرتى
وعجبتنى مامتك واخوكى بالظبط عندى
بس انا الحمد لله بصوم من 9 سنين
تعيشى وتصومى بقآآآ
هههههههههه
ودى //♥

[jasmean]

اقتباس المشاركة الأصلية كتبت بواسطة ahmed shepo أكتر حاجة موتتنى من الضحك هى الجملة دى بعد ما شفت ان انتى 13 سنة أصلا ههههههههه توبيك جامد تسلم إيدك

هههههه
ما انا بقولك لسه بدئه اصوم السنه دي
هههههههه

منوره التوبيك

[jasmean]

اقتباس المشاركة الأصلية كتبت بواسطة sh2wa ايه ي بت الكلام دة كله يخربيتك لا بجد بجد توبيك جميل اوى ي سوكرتى وعجبتنى مامتك واخوكى بالظبط عندى بس انا الحمد لله بصوم من 9 سنين تعيشى وتصومى بقآآآ هههههههههه ودى //♥

ههههههههه
كلهم زي بعض يشاهي ههه
9 سنين هههههه شطووره يابت

منوره التوبيك ياشاهي

[Mind language]

ههههههه ربنا يصبرك ياقمرى
على الصيام وفعلا الاطفال
بيبقوا كرمه فى الصيام جدا
جداااااااااا موفقه ياقمر

[طمطم]

ايه الدماغ دى ي ياسمين ^^
خزعبلاية جامدة جمدان السنين
تعرفى اول مرة اعرف انك عندك 13 سنة
كل سنة وانتى طيبة ي قمر
تقييمى
+
مودتـــى

[Lost Pearl]

هههههههه انتي عسل

حاولي تشدي حيلك ف الصيام شوية عشان تاخدي ثوابه بقي

تسلمي يا قمر ع الموضوع

ف انتظار خزعبلاتك

بالتوفيق ,,

[همسه الجوارح]

طلعتى نونو
انا كنت مفكره كاتبه 13 تمويه بس
علشان مش حد يعاكسك

ههههههههههه

بس طلعتى لسه نونو

بس كلامك عسل
تسلم ايدك ياجميل
توبيك تستحقى فيف استار وتقييم
وكل سنه وانتى طيبه ياقمر

[دمعه حائره]

هههههه
الصيام عامل عماليه معاكى
خزعبلات حلوة ياقمر
كل سنه وانتى طيبه