ذكريات وحلويات مين قال هات ؟ ومع رحال

[جبل عالي]

السلام عليكم ورحمة الله وبركاته

رمضان كريم عليكم جميعاً

الاول بنرحب بضيفنا الرائع \ رحــــالـــــــــــــ


ونقوله نورتنا ونورت الموضوع ويارب تكون أسئلتنا خفيفة على قلبك

اتفضل معانا ........


1- عايزينك تحكيلنا عن اول رمضان تصوم فيه ..كان عندك كام سنة؟

.........................

2- وهل صومت اليوم كله ؟ وايه ذكرياتك عن اليوم ده ؟

.............................

3- احساسك لما فطرت ؟ ومين المشجع الاول لك للصيام ؟

...............................

أحكيلنا عن ظروف اليوم ده وايه الذكرى المرتبطة بيه ؟

.....................

4- ياترى فاكر أول خاطرة أو محاولة للكتابة ؟ وايه هى الخاطرة

.......................

ومناسبتها ايه ؟ وياترى تقييمك لها دلوقت ايه ؟

.........................

5- ياترى شايف ان فى تقدم لقلمك عن اول مرة كتبت فيها ؟

....................

6- هل تعتقد إن نقد الآخرين لك مفيد ؟ ولا انت من اللى بيزعل من النقد ؟

...................

7- هل فى نقد زعلك مرة ؟ بدون إحراج كان إيه ؟

........................

8- بما اننا بنتكلم فى ذكريات ...مطلوب منك تجيب لنا خاطرة من أقدم الخواطر

بالقسم هنا (شعر- خواطر- نثر) سواء بقلمك ..أو بقلم الغير

وسبب إختيارك لها ؟ ..

..............................

9- عايزين رأيك بصراحة فى القسم بدون مجاملة ..إيه اللى ناقصه من رأيك ؟

.........................

10- وإيه رأيك فى الأعضاء اللى بتجتهد فى إنها تجيب لنا منقووووول من بره ؟؟ مع

إن فى عندنا كم هاااااائل من الأعضاء اللى بيكتبوا بقلمهم ؟

مش أولى يدوروا ويجتهدوا بمنتداهم ؟

...........................

11- لو قلت لك إختار شاعر أو شاعرة هنا وإنتقده ..هتختار مين ؟ وتقوله إيه ؟

....................

12- كنا عايزين من ضيفنا الكريم بعد حوارنا الرائع والآراء

القوية ...أن يختتم كلامه معنا بكلمتين من قلمه ...والحرية له

ممكن توصف نفسك ...إحساسك ...مايجول بخاطرك ..بشرط

تكون وليدة اللحظة ....

...........................

وبنهاية الحوار من كل قلبى باشكر ضيفنا المحترم وصاحب القلم

الرنان ...له منا جزيل الشكر والاحترام

ملحوظة : استضافتى للعضو مهما كانت رتبته او مكانته بالمنتدى

ليس الغرض من ورائها

اى شىء ...الا التعرف على قلمه وطبيعه فكره وبعض ذكرياته كإنسان

....مع كل الاحترام للجميع

[الرحــاال المٌتَمرد]

اقتباس المشاركة الأصلية كتبت بواسطة جبل عالى السلام عليكم ورحمة الله وبركاته رمضان كريم عليكم جميعاً الاول بنرحب بضيفنا الرائع \ رحــــالـــــــــــــ ونقوله نورتنا ونورت الموضوع ويارب تكون أسئلتنا خفيفة على قلبك بشكرك على الإستضافه الكريمه يا جبل عالى ,, وبشكرك على إختيارك لشخصى ولقلمى المتواضع إنى أكون أول ضيوف برنامج الجميل اتفضل معانا ........ 1- عايزينك تحكيلنا عن اول رمضان تصوم فيه ..كان عندك كام سنة؟ كان عندى 6 سنين بس ,, وولدتى صممت إنى اصوم اليوم كامل ,, (لحد العصر يعنى) :biggrin::biggrin: ......................... 2- وهل صومت اليوم كله ؟ وايه ذكرياتك عن اليوم ده ؟ والله الحمد لله اول يوم صومته للأخر ,, بس سنه أولى رمضان ماصمتش الشهر كله الحقيقه وأول يوم صيام بالنسبالى كان تعب لانى كنت لسا ,, ونمت من العصر للمغرب (ضيعت اليوم نوم يعنى) ومَر على خير الحمد لله ............................. 3- احساسك لما فطرت ؟ ومين المشجع الاول لك للصيام ؟ لما فطرت ,, فطرت مِيه بس طبعاً ,, وإللى شجعتنى علتى الصيام ولدتى ,, (أجبرتنى بمعنى أدق) ............................... أحكيلنا عن ظروف اليوم ده وايه الذكرى المرتبطة بيه ؟ ظروف مُحرجه بس هحكيها ,, بعد الظهر كنت بفكر أفطر ,, ورحت علشان أشرب تحت السرير :biggrin::biggrin: بس أتقفشت وماتذكرش ذكرى أرتبطت باليوم دا ,, غير إنى كنت بَعد الساعات فى إنتظار المغرب ..................... 4- ياترى فاكر أول خاطرة أو محاولة للكتابة ؟ وايه هى الخاطرة آها كانت خاطره عنوانها الفشل ,, وضعيفه جدا جدا ,, كان إسمها( نهايه الأحلام) http://forums.banatmisr.com/msryat218771/ ....................... ومناسبتها ايه ؟ وياترى تقييمك لها دلوقت ايه ؟ مُناسبتها ,, كتبتها مجرد شعور جوايا كنت عاوز أعبر عنه ,, وماكنتش بفكر وقتها فى الكتابه ,, تقدرى تقولى كانت مجرد خربشات وتفريغ مشاعر وقعدت فتره أكتب لمجرد التعبير ,, وطبعاً كانت فتره متواضعه جداً أدبياً تقييمى للخاطره ,, بشكل عام تجربه مقبول كبدايه لكن تكرار القافيه اصبنى بالملل ,, أسلوب مابيعتمدش على نغمه مُعينه ولا فكره محدد مجرد بوح أو فضفضه لا ترتقى لمستوى خاطره ......................... 5- ياترى شايف ان فى تقدم لقلمك عن اول مرة كتبت فيها ؟ الحُكم أكيد للمتلقى ,, مابين (نهايه الأحلام) ,, وأخر كتاباتى ( السِجن ) .................... 6- هل تعتقد إن نقد الآخرين لك مفيد ؟ ولا انت من اللى بيزعل من النقد ؟ بالعكس ,, أنا من العاشقين للنقد ,, ودايما شعارى(أقبل النقد) استفدت كتير من النقد ومن أراء الزملا والزميلات ,, وبحاول اجتهد علشان أقدم شىء ينال أعجاب القارىء ................... 7- هل فى نقد زعلك مرة ؟ بدون إحراج كان إيه ؟ فتره أخدت نقد من عضو كان متواجد هنا فى بنات مصر إسمه عصام الشاعر تقريبا ,, ونقدر تانى من علاء البلتاجى فى يوم واحد تقريبا لكن نقد مالهوش علاقه بالنقد ,, مجرد تجريح وتلقيح والتعرض للكاتب والهجوم على قلمه وشخصه وقتها علرفت أخد حقى من الأتنين ,, ودا ممنعنيش إنى أستمر على مبدئى (أقبل النقد) وانا بقبل النقد وهظل أقبله فى اى وقت ومن اى شخص ........................ 8- بما اننا بنتكلم فى ذكريات ...مطلوب منك تجيب لنا خاطرة من أقدم الخواطر بالقسم هنا (شعر- خواطر- نثر) سواء بقلمك ..أو بقلم الغير وسبب إختيارك لها ؟ .. قصيده ثوره ولا مثوراش http://forums.banatmisr.com/msryat254299/ كانت أول زجليه أكتبها ,, وكانت نقله فى حياتى الأدبيه .............................. 9- عايزين رأيك بصراحة فى القسم بدون مجاملة ..إيه اللى ناقصه من رأيك ؟ القسم محتاج مجهود وتنظيم من المشرفين وانا من طبعى أما ماقولش رايى ,, او أقوله بصراحه أحمد الحلو مجهوده على فترات بعيده ,, رغم انه متابع جيد للقسم ,, لكن مجرد ردود على الخواطر ,, وكل فتره اقامه مسابقه ,, ودا ليس بالكافى طائر الشرق (زعيم الغلابه) عصام حضوره قليل جدا ومجهود كمشرف تقريبا محدود لكن شخصيه محترمه وبتمنى حضوره يزيد ونشوفه دايما بفأفكاره غللى تفيد القسم واد حبيب ,, مجهوده كبير فى كافه اقسام المنتدى ,, لكن القسم محتاج منه كتير روكه لسا منضمه حديثاً للقسم ,, ماقدرش أحكم على مجهودها لكن القسم محتاج مجهود أكبر من المشرفين بشكل عام القسم كويس ,, لكن يحتاج متابعه أكتر وأفكار مستمره من أجل النهوض بيه وللحفاظ على مكانته ومرتبته بين الاقسام ......................... 10- وإيه رأيك فى الأعضاء اللى بتجتهد فى إنها تجيب لنا منقووووول من بره ؟؟ مع إن فى عندنا كم هاااااائل من الأعضاء اللى بيكتبوا بقلمهم ؟ الاعضاء اللى بتجيب منقول من برا ,, عندها عذر ,, إنها بتجيب لأقلام مش معروفه بالنسبا لنا لكن لمجرد إنهم يجيبوا لكُتاب المنتدى بيعتبروا ان دا شىء يقلل منهم ,, وأنا بشوف ان دا شىء غلط ,, وفكره أطرح بقلم غيرك ,,, هنفذها بعد رمضان فى قسم الإبداعات علشان نستفيد من شُعرائنا وكُتابنا المبدعين ,, سواً الحاليين أو السابقيين مش أولى يدوروا ويجتهدوا بمنتداهم ؟ صح ودا إللى انا وضحته وذكرته فوق ........................... 11- لو قلت لك إختار شاعر أو شاعرة هنا وإنتقده ..هتختار مين ؟ وتقوله إيه ؟ والله انا هتخار قلم ,, أوا واثق انه هيتقبل نقدى دمعه حائره بتفضل مجهودها العام على قلمها وموهبتها وبتفيد المنتدى كتير وبعدت عن الكتابه ,, دمعه قلم مهم للقسم وللمنتدى ,, وموهبه كلنا بنتعلم منها ومن فكرها واسلوبها ,, ومحتاجين تواجدها بصوره أكبر من كده بالنسبه للكتابه .................... 12- كنا عايزين من ضيفنا الكريم بعد حوارنا الرائع والآراء القوية ...أن يختتم كلامه معنا بكلمتين من قلمه ...والحرية له ممكن توصف نفسك ...إحساسك ...مايجول بخاطرك ..بشرط تكون وليدة اللحظة .... فى ذكريات وحلويات ,, استمتعت بالإستضافه مع جبل عالى ,, وكُرم الضيافه يارب أكون وفقت فى الرد على أسئلتها وأكون وصلت المعنى لــ حضرتها يا أقلام بنات مصـــر أنا أخوكم الرحـــال تلميذ فى مدرستكم ,, ولا شاعر ولا زجال بخربش بقلمى ,, وبَعبر عن حلمى وحِلمكم أنا بَاقى ,, بتشجيعكم وحُبكم يا شاعر يا قيصر يا فارس ويا طبيب الهوى يا فتحى يا كريم ,, أنا إللى قلبى من حروفكم أرتوى يا دمعه يا جبل يا بحر ويا أسماء يا قيمه منتدانا ,, يا منبع الوفاء يا كل أعضاء بنات مصـــرنا بالحب نتفوق ,, ومين قدنا وعذراً للجميع ,, كنت أتمنى أذكر كل الأعضاء لكن الحلقه مش هتسمح ,,:biggrin::biggrin: الحلقه الجايه إن شاء الله ........................... وبنهاية الحوار من كل قلبى باشكر ضيفنا المحترم وصاحب القلم الرنان ...له منا جزيل الشكر والاحترام أنا إللى بشكرك يا جبل عالى ,, حلقه جميله إستمتعت بيها أكيد وبالتوفيق ليكى ان شاء الله ,, وأتمنى أكون كنت ضيف خفيف عليكى وعلى الساده الأعضاء المُحترمين كل عام وحضراتكم جميعاً بخير ملحوظة : استضافتى للعضو مهما كانت رتبته او مكانته بالمنتدى ليس الغرض من ورائها اى شىء ...الا التعرف على قلمه وطبيعه فكره وبعض ذكرياته كإنسان ....مع كل الاحترام للجميع

وفى نهايه البرنامج أحب أوجهه نصيحه لكل عضو وعضوه
إن طلبت منكم جبل عالى الحضور كضيوف هنا لا تقبلوا
لانها مابتقدم أى عصاير ولا مشروبات فى هذه الحلقه

والسلام عليكم ورحمه الله وبركاته

[طبيب الهوى]

تقصد أنها بخيلة


طيب ميرسي على النصيحة



ههههههههههههه



أخي الرحال



منور البرنامج أكيد


وأجمل ما فيك تحدثك بتلقائية وعفوية شديدة


وقلمك أخي لا غُبار عليه ولا يختلف عليه 2


وأنا أول من يعشقه وأعشق أفكاره الثورية


كل عام وأنتَ بخير وسلام أخي



أختي الغالية جبل عالي



ميرسي لاختيارك أخي الرجال


وميرسي لِحُسن إدارتك للحوار


جعلتينا نعرف الكثير والكثير عن شخصية الرحال


من خلال حوارك معه وإجاباته العفوية



تحياتي وودي وورودي




طبيب الهوى

[رووكه]

حوار رائع وراقى بجد

مع شخصيه مشاء الله عليه

صاحب حضور وقلم قوى

معاك القسم كسلان شويه لكن بامر الله

هيرجع احسن من الاول

بوجود سكره والحلو وطائر والحبيب وانا

ان شاء الله

تسلمى يا قلبى على مجهودك القيم

والضيف القدير المتالق

تحياتى وتقديرى وهنا تثبيت لكل حلقه

جديده

[sokara]

lموضوع رائع من مبدعتنا جبل عالى
حوار واسئله متميزه
واجابات رائعه من قلم يستحق التقدير
ومااعرف رحال قيم كل المشرفين الا سكره شايفها خارج التقيم ههههههههه
استمتعت بالحوار والاجابات
وكل سنه وانتم طيبين واكيد غاليتى جبل استضفتك وانت صايم مافى عصاير ههههه
مو موضوع بخل اكيد
دمتم بخير وتقبلوا تحياتى والتقيم والتثبيت

[جبل عالي]

اقتباس المشاركة الأصلية كتبت بواسطة الرحـــــال وفى نهايه البرنامج أحب أوجهه نصيحه لكل عضو وعضوه إن طلبت منكم جبل عالى الحضور كضيوف هنا لا تقبلوا لانها مابتقدم أى عصاير ولا مشروبات فى هذه الحلقه والسلام عليكم ورحمه الله وبركاته

هههههههههههههه الله عليك يا رحااااال

إجابات من القلب وخليتنا نشوف طفولة الصيام البريئة وكويس انك إتقفشت لما كنت هتفطر:003:

ومشكووووور لتحذيرك لباااااقى الأعضااااااااااااااء ههههههههههههههه

والله انا بعتلك والدنيا صياااااام حظك بئااااااااا لان بصراحة بعد الفطار بنكون فى الصلاة

بس وعد وعد اللى هيجيى هقدم له كل اللى يحبه حظ بئاااا


تسلم يا رحال للأسلوبك الراقى ولتقبلك الدعوة

بس ياريتك كنت جبتلنا الخواطر اللى إخترتها كوبى ياراجل كنت سهلتها علينا

هههههههههههههههههههه بس برضو الف الف شكر لك شاعر العامية

[جبل عالي]

اقتباس تقصد أنها بخيلة طيب ميرسي على النصيحة ههههههههههههه

مممممممم كنا صايمين يا جماعة أومال انا عاملة البرنامج فى رمضان ليييييه ؟؟

هههههههه إتفقتوا خلاص يعنى ؟ بس برضو رمضان كريم :sml4:

اقتباس أخي الرحال منور البرنامج أكيد وأجمل ما فيك تحدثك بتلقائية وعفوية شديدة وقلمك أخي لا غُبار عليه ولا يختلف عليه 2 وأنا أول من يعشقه وأعشق أفكاره الثورية كل عام وأنتَ بخير وسلام أخي

رحال يرد عليك طبعا ده حقه

اقتباس أختي الغالية جبل عالي ميرسي لاختيارك أخي الرجال وميرسي لِحُسن إدارتك للحوار جعلتينا نعرف الكثير والكثير عن شخصية الرحال من خلال حوارك معه وإجاباته العفوية تحياتي وودي وورودي طبيب الهوى

شكرا لك اخى طبيب الهوى لخلقك العالى

وكل التقدير لمرورك الراقى وحضورك الجميل

وكل الشكر والتقدير لأخى رحال بالطبع

وان شاء الله تتعوض رحال لما تتفضل عند طبيب الهوى

[جـــــراح المشــاعر]

موضوع جميل جداوفكرة طيبة
طبعا قلم يستحق الاحترام والتقدير
والمحترم رحالال من الناس اللي بتفرض قوتها باسلوبها واحترمها
وبقوة معانيها في الكلمات
سلمتي ايها الاقلام
احترامي
انابع من خلف ستاري

[شاعر الإحساس]

جبــ ل عــالي..

فكره من اجمل الافكار ولا شكــ

وبها روح جميله في امسيات رمضانيه

وتقليب في اوراق الماضي والطفوله ..

طفولة الشخص... وتباعاً طفولة القلم ...

والطفولة في مكنونها مفهومٍ راقي وجميل وياليته يستمر


راقني اختيارك المميز.. للراقي رحال

فهو من اجمل الاقلام العاميه الرائعه

وشخص خلوق وراقي في كل شيء

واجاباته هنا كانت ولا اجمل حقيقةً...

واتمنى له الخير دوماً... والتوفيق في كل شيء


من القلب اتمنى لكما خالص التوفيق..

دومتما بكل خير وسعادهـ...

وخاااالص تحياااتي وتقديري واحترامي


"شـاعر الإحسـاس"

[شقاوة احاسيس]

اختيار موفق لقلم بارع
واسئله جميله

واجابات روعه
استمتعت جدا بالحوار والاسلوب الراقى