عماره رشدي بالاشكندريه عماره العفاريت اشهر عماره فيكي يا اليكس

[GLAMOROUS]

اكيد لو انت اسكندري اكيد سمعت عن اشهر عمارة فى اسكندرية اللى سكانها مش من البشر العمارة الاشهر فى مصر بحالها مش فى اسكندرية بس لكن الغريب .. هلى فعلا الموضوع حقيقيي ولا هو ميتعداش اكتر من موهبة شعبنا فى الاختراع وترويج الاشاعات المهم انى كنت فى القاهرة من فترة وعندما تعرفت على بعض الاصدقاء اللى كنت اول مره بقابلهم فى حياتى وطبعا كا المتوقع والمتفق عليه من هيئة الردود العالمية انك لما تقول انا من اسكندرية يردوا عليك ويقولولك اجدع ناس او ايه اخبار اسكندرية .. لكن لما يقولك وعمارة العفاريت عاملة ايه ... لازم تقف وتفكر وتقول عفاريت ايه وتفتكر بسرعة عمارة رشدي ..



عمارة رشدي عمارة غريبة جدا العمارة اللى اتبنت من الستنيات تقريبا ومن يوم ما اتبنت لحد دلوقتى لم يسكنها احد ويقال انها مسكونه ... بعيد عن ودن السامعين ... الغريب برضه اننا من صغرنا بنسمع كلام كتير عن العمارة لدرجة انى واحد من الناس اللى رسمتلها فى خيالى صورة من افلام الرعب ... حاجة كده زي قلعة دراكولا .. او تشبها وممكن تسمع فلان اللى يقولك انى كان لى واحد صحبي كان شغال فى البنزينه اللى فى وشها وكل يوم يسمع صويت بليل والشبابيك بتفتح وتتقفل واللى يقولك ده كان فى ظابط قال ايه الكلام اللهبل ده ودخل العمارة لقه نفسه تانى يوم فى الشارع ... واللى يقولك الحنفيات بتنزل دم .... واللى يقولك انت بتسمع صريخ بس ده مش صريخ انس ده صريخ غريب .... زي ما يكون اتنين من العفاريت بيتخنقوا على سرير

او اللى يقولك ممكن تقوم الصبح تلاقى غسيل متنشر وبليل بيتشال ...... وكتير قوي من الكلام ده



عمارة رشدي عمارة كانت لونها رمادي ودلوقتى اقتربت للسواد من عوادم السيارات غيرالشبابيك المتهالكة اللى فى منها مقفول وفيها مفتوح مفهوش شبابيك والشبابيك المفتوحة متشفش من وراها غير سواد من كتر الظلام العمارة كلها مش مسكونه ومفيهاش اي حاجة شغاله غير الجراج اللى بيخدم سكان المنطقة وبابها بتاع المدخل مقفول بجدار من الطوب مبني من زمان ....



وطبعا الرأي المشهور فى سبب قفلها هو رأي العفاريت ...



وطبعا فى اللى بيقول انها اتسكنت عشان هى اصلا كانت مسجد وصاحبها طمع فى الارض وهد المسجد وبناها

ومنهم اللى بيقول ان صاحبها ندر ندر لو ربنا عطا له فلوس وقدر يبنيها هيعمل الدور الاول مسجد ولما اتبنت طمع فيها

وفى اللي بيقول انها اتبنت على مصحف وقع من واحد من العمال

وفى اللى بيقول انهم كانوا مجموعة شركه ونصبوا على واحد فيهم فرملهم عمل وهما بينوا وطلعت العمارة عليه

وفى اللى بيقول ان العمارة صاحبها بناها ومات على طول ومازل فى خلاف بين الورثه حتى الان

وفى اللى بيقول ان الوريث الوحيد بره مصر وطلع الاشاعة ديه عشان محدش يسرقها وهو مش موجود

وفى حاجات كتير بتقال لكن



لسؤال عمارة فى رشدي على شارع ابوقير فى مكان متميز زي ده ازاي اصحاب المقاولات سيبنها وموقعها متميز جدا ازاي عمارة فى مكان الشقة لا تقل عن مليون جنيه متروكة حتى الان ... ولو فعلا العمارة مسكونه هل لا يوجد فى مصر شيخ يقدر ينظفها ... وازاي السكان اللى حوليها قدرين يعيشوا ...



وبكده ينتهى الموضوع وستظل عمارة رشدي لغز لا يفهمه الكثيير وهناك من يقتنع فعلا بان بها سكان من العالم الاخر وهناك من لا يقتنع بهذه الخرفات ولكن يبقى السؤال لما هى متروكة حتى الان ....

[veronia]

موضوع اكثر من رائع

انا عشان من اسكندريه لما باعدي من جنبها
باستغرب اواي الناس عيشين حوليها وجنبها
ومش بيحصلهم حاجه ... فعلا لغز


شكرا جدا علي الموضوع الشيق

[عبقرينو]

فعلا لغز كبير جدا وبصراحه انا مش عارف ااقول ايه بس دى اكيد اشاعات كلام ناس انا برده كنت فى العجمى عند خالى هناك فى العماره وفى .بواب تحت هوه وأولاده وكدا مش بيحبوا الناس الكتير فاكان كل يوم يفضل ينده عليا بصوت عفريتى كدا وانا بموت من الخوف ولما كنت بنزل ليه تحت بقوله فى حد بيندهلى قالى العماره دى مسكونه وامشى احسن ليك
فى يوم تانى برده لاقيت نفس الصوت وكان كل لما الهوا يعمل الشباك بخاف موت
فانزلت تحت بس من غير مااعمل صوت فالاقيت الرجل دا اللى هوه البواب واقف ورا الشباك وبيندهولى بنفس الصوت وانا استغربت هما بيعملوا كدا ليه ولما اتاكدت انهم هما
كانوا بيدنهو بيقولى ولييييييييييييييييييييييد كدا يعنى قمت انا رحت ليهم قولت ليهم نعممممممممم بس بصراحه انا كنت خايف جداااااااا بس الحمد لله عرفت السبب

[كان ليا زمان حبيبه]

شكرااااااااااااااااااااا

[GLAMOROUS]

اقتباس المشاركة الأصلية كتبت بواسطة veronia موضوع اكثر من رائع انا عشان من اسكندريه لما باعدي من جنبها باستغرب اواي الناس عيشين حوليها وجنبها ومش بيحصلهم حاجه ... فعلا لغز شكرا جدا علي الموضوع الشيق

مرسي لمرورك

منوراني

[GLAMOROUS]

اقتباس المشاركة الأصلية كتبت بواسطة عبقرينو فعلا لغز كبير جدا وبصراحه انا مش عارف ااقول ايه بس دى اكيد اشاعات كلام ناس انا برده كنت فى العجمى عند خالى هناك فى العماره وفى .بواب تحت هوه وأولاده وكدا مش بيحبوا الناس الكتير فاكان كل يوم يفضل ينده عليا بصوت عفريتى كدا وانا بموت من الخوف ولما كنت بنزل ليه تحت بقوله فى حد بيندهلى قالى العماره دى مسكونه وامشى احسن ليك فى يوم تانى برده لاقيت نفس الصوت وكان كل لما الهوا يعمل الشباك بخاف موت فانزلت تحت بس من غير مااعمل صوت فالاقيت الرجل دا اللى هوه البواب واقف ورا الشباك وبيندهولى بنفس الصوت وانا استغربت هما بيعملوا كدا ليه ولما اتاكدت انهم هما كانوا بيدنهو بيقولى ولييييييييييييييييييييييد كدا يعنى قمت انا رحت ليهم قولت ليهم نعممممممممم بس بصراحه انا كنت خايف جداااااااا بس الحمد لله عرفت السبب

منور يا وليد

نعم مين بقي انا

لو عمل معيا كدا كنت هسمعه احلي كلام

[GLAMOROUS]

اقتباس المشاركة الأصلية كتبت بواسطة كان ليا زمان حبيبه شكرااااااااااااااااااااا

منور التوبيك يا مان

مرسي لردك

[❤|♪|Bent Mesr|♪|❤]

موضوع جميل ياريت حد فعلا يفيدنا لاني اسكندرانيه والعماره دي محيراني

وكل مره امر من جنبها اسأل نفسي ليه محدش بيدور عليها

شكرا اخي على الموضوع

تقبل مروري

[GLAMOROUS]

اقتباس المشاركة الأصلية كتبت بواسطة hodhoda موضوع جميل ياريت حد فعلا يفيدنا لاني اسكندرانيه والعماره دي محيراني وكل مره امر من جنبها اسأل نفسي ليه محدش بيدور عليها شكرا اخي على الموضوع تقبل مروري

مشكورة علي المرور

فعلا هيا عمارة غريبة قوي و محدش فاهم عنها حاجة

[توته]

ميرسي على الموضوع الرائع وبجد معاك حق انا مش من اسكندريه وسمعت عن العماره دي وسمعت قصص كتيييير تشيب يعني ممكن يتعمل فيلم اجزاء عن العماره دي بس ياترى ممكن يكون كل اللي سمعناه ده اشاعات ؟؟؟؟ معقول بس مفيش دخان من غير نار