الجندي المصري الناجى من تفجيرات رفح يروى التفاصيل الكاملة لمذبحة أمس: المسلحون اطلقوا الرصاص علينا و

[عاشق الود]

الجندي المصري الناجى من تفجيرات رفح يروى التفاصيل الكاملة لمذبحة أمس: المسلحون اطلقوا الرصاص علينا وكانوا بيقولوا الله أكبر.. الله أكبر يا خونة


تاريخ النشر : 2012-08-06
جلس المجند الشاب الناجى الوحيد من تفجيرات أمس ذو ال23 عاما بمستشفى رفح دون أن يسأله الاطباء عن أسمه وهو فى حالة عصبية ونفسية صعبة ليروى تفاصيل وصفها بأنها «أبشع جريمة فى حياته»، لم يصدق أنه خرج حيا ورأى وابل الرصاص ينقض على أرواح أصحابه الواحد تلو الآخر، لم يستطع حتى أن يلتقط أنفاسه، وكان الموت ينهال أسرع من الرصاص، ويتذكر كيف شاهد زميلا له وهو فى المدرعة ويحاصره الجناة ويجبرونه على قيادة المدرعة فى تجاه معبر كرم أبوسالم.

المجند الشاب حضر إلى المستشفى مع زملائه الشهداء والمصابين وهو يصرخ وكانت ملابسه ملطخة بالدماء، قال إنه عند إطلاق أول رصاصة كان ملقى على الأرض وسط زملائه وبعدها سمع أصوات الرصاص وكأنه فى كابوس طويل استغرق سنوات وكان يسمع صرخات زملائه وهم يسقطون تباعا فوق جسده المنبطح على الأرض.

وقال الشاب أن دماءهم غطت المكان وأنه لا يصدق أنه خرج حيا بعد هذه المجزرة.

وحول تفاصيل الجريمة، قال الشاب: كنا بنجهز للفطار.. وفجأة عدت عربية نصف نقل.. وده عادى لأن المعسكر على الطريق الأسفلتى فى شارع اسمه الأمير.. وبعدين لما المغرب أذن ويادوب كنا بنبدأ نفطر ونشرب مياه وعصير والبعض مننا بيحط الأكل فى بقه.. لقينا عربيتين وقفوا وفى أقل من ثوان نزل منها ناس ملثمين.. لابسين لبس أسود ومموه وكانوا شايلين سلاح ودوروا الضرب فينا.. وكانوا بيقولوا الله أكبر.. الله أكبر يا خونة.. أنا مش قادر أفتكر الضرب استمر وقت أد إيه.. أنا لقيت نفسى مرمى على الرمل وزمايلى فوقى.. كانوا جثث.. أنا فضلت مكانى لحد ما الدنيا هديت وضرب الرصاص بطل.. والمدرعة اتحركت.. وعرفت من صوتهم وتوجيهاتهم أنهم بيجبروا حد من زمايلى مش عارفة مين أنه يقود المدرعة ويطلع بيها معاهم.. مكنتش عارف أتصرف إزاى.. وبعدين الناس اللى ساكنة قريب من النقطة جت.. وعربيات ملاكى ونقل جت نقلت زمايلى".

المجند الشاب الذى أصيب بصدمة عصبية ولم يتوقف عن البكاء تم نقله إلى مستشفى العريش العام..

وفى المستشفى توافد عليه عشرات من زملائه وسألوه مجددا عن التفاصيل لكنه فضل الصمت أكثر من 10 دقائق.. وبعدها روى لهم التفاصيل من جديد.. و قال لهم: «قبل المغرب سبنا السلاح.. وقعدنا نجهز فى الفطار وبدأنا ناكل وبعد 5 دقائق من الأذان.. ودخلوا علينا وإحنا بناكل وأطلقوا علينا الرصاص بكثافة.. دول خدونا على خوانة.. خدونا على خوانة.. قال ولم يتوقف عن البكاء وهو يقول: «كل زمايلى راحوا قدام عينى».

[ياسمينااا]

ربنا يرحمهم ويصبر اهلهم ويجعل مثواهم الجنه
وربنا يشفي المصابين يارب
تسلم علي الخبر يا عاشق
تحياتي

[عاشق الود]

منوره ياسمينا
كل عام وانتم بخير

[ŅĢM]

ربنا يرحمهم
شكرا ع الخبر

[the Princess of rose]

يااااااارب انت اعلم بالنوايا وانت علام الغيوب
يارب بمقدار حرقة قلوب اهالى الشهداء على اولادهم انتقم من انت عالم بأنه المسئول عن ذلك الدم
ياااااااااااااااااارب

[Loyalty]

لا اله الا الله , والا ماتوا شهداء وربنا يكرمنا زيهم
انا سمعت عن الكلام دا فعلا وسمعت كمان ان الرصاص الا انضربوا لية هو نفس الرصاص الا انضرب بيه المتظاهرين !!
تسلم ع الاخبار

[Words Whisper]

لاحول ولاقوة إلا بالله

ايه القهرة دي بئا

والله الواحد تعب ..

ربنا يرحمنا احنا بئا

على الأقل هما نحسبهم شهداء ..

شكرا ع الخبر

دمت بحفظ الرحمن ..

[دمعه حائره]

هما اللى خونه لدينهم ووطنهم
ربنا يرحم كل الشهداء ويصبر زويهم
شكرا على الخبر

[تيتشر نفشه ツ]

اقسم بالله ان عيني دمعت ع الي بقرأه

منظر شنيع وحاجه تقرف

الله لايسامحهم لادنيا ولااخره يااااااااااارب

[βзήŦ ℓǻẑĨήǻ]

استغفر الله العظيم
وحسبي الله ونعم الوكيل
فـ كل آللي آتسببوآ في سيلآن دم المصريين
دول أكيد معندهومش دين
ربنآ ينتقم منهم
ويرحم شهدآئنآ ويغفرلهم