جنون مع أرتجآفآت لآ أكثر

[ملك جبال الاحزان]

بيجيلك فتره كده مش عارف تتكلم مع حد أو بمعني أصح مش عارف تحكي اللي جواك لحد
فتره زي التايه متعرفش احساسك ايه
متعرفش ايه اللي مفروض تعمله او أيه الخطوه اللي جايه ف حياتك
عملت كل حاجه ومريت بكل اللي مفروض تمر بيه ونهيته كويس
ايه بقا الخطوه الجايه وليه انا حاسسها صعبه اَي كده مش عارف
حاسس اني شتيل حمل كبير اوي لدرحه اني خايف اقوم بأي خطوه
حقيقي توهاااان

[ملك جبال الاحزان]

هعمل عمليه بكره
أدعولي بقا هاا
كل اللي قفش مني دعوه الفتره الاخيره دي يردها خلي فيه حبه أحمر 😒😒

[ملك جبال الاحزان]

الواحد من كتر اللي عمله ف حياته
حقيقي بيخاف اوي ربنا يردهاله ف الحاجه اللي بيحبها
كل سلف ودين
ربنا يسامحني علي كل اللي فات
دعواتكم الواحد محتاجها

[ملك جبال الاحزان]

واخد شهر اجازه بسبب كورونا دي
وزهقت من قاعده البيت والشهر لسه مبدأش حتي
مش عارف حقيقث هقضي الشهر ده ازاي البيت ممل حقيقي الله يكون ف عون البنات
مستحملين كتير يا عنيا 😂😂
طول اليوم مقضيها مسلسلات وبابجي
حد بيلعب بابجي هنا تعالوا يا جمااعه اهو نسلي بعض اني زهجت 😂
اجازه سعيده علي الكل بقا وتكونوا بخير يا رب ❤️❤️

[ملك جبال الاحزان]

كل سنه والمنتدي كله ب خير يارب الجمعه اول يوم ف رمضان ❤️❤️
اللهم كما بلغتنا رمضان ، فـبلغنا أجره كاملاً
ولا تُخرجنا منه إلا وقد غفرت ذنوبنا
واستجبت دعواتنا ، وأعتقت رقابنا من النار 👏

[ملك جبال الاحزان]

صباح الفل الناس الكل
الواحد صاحي نشيط النهارده ونازل الشغل وحاجه فله خالص
لاقيت نفسي فتحت المتتدي وعمال اشوف المواضيع القديمه
قد ايه الواحد كان عايش حياته
انا حرفيآ طول اليوم ف بابجي والشغل حتي ف الشغل بلعب بابجي اني زهجت 😂😂
يلا قومو افطروا كده وياريت اللي يصحي يصبح بساندويتش كده لاخوكم😋😍

[ملك جبال الاحزان]

الواحد محتاج مقشه وشرشوبه قبل ما يكتب ف المدونه والله 😂😂
ازيكم عاملين ايه يارب يكون الجميع زيالفل كده
فاتح صدفه والله وانا ف الطريق راجع من الشغل كده
حبيت اوي الجو اللي رجع تاني ده وشايف مسابقات ومواضيع وجوايز
وحشني اوي بوست النتيجه ده و الاوسمه والجوايز كان جو جميل اوي
ومبسوط جدا ان فيه ناس قدرت ترجع الجو ده تاني
يارب دايما متجمعين علي الخير والضحكه الحلوه تدوم. ويشفي كل مرضانا ادعولي ❤️❤️❤️

[ملك جبال الاحزان]

الواحد عمال يلم فلوس علشان هدوم الشتوي
هيجي الشتا وهلم فلوس علشان اجيب الصيفي
وف كلا الحالتين مبجيبش لبس ف الاخر
و الفلوس بصرفها علي زاكس وستوماك ومطعم الشيماء
ياجماعه انا جعان تعالوا كلوا
صباحكم فل

[ملك جبال الاحزان]

انا كنت داخل انام معرفش ليه المنتدى جه ف دماغي وقولت افتح
قعدت نص ساعه افتكر ف الباسورد 🌚
المكان هنا جميل اوي يا شباب اقسم بالله.
وانضف كتير اوي من السوشيال اللي بقينا عايشين فيه
بس للاسف مبقاش واخد حقه زي الاول😴
سيبكم من ده كله مين لسه بيدخل كل الناس وحشوني والله
وفيه ناس مبتدخلش من زمااااان اوي دول اللي واحشني اوي بغباء
يارب يكون الكل كويس ❤️

[ملك جبال الاحزان]

اموت واعرف ازاي بفتكر باسورد الاكونت هنا
انا لو مفتحتش جهاز الشغل يومين هنسي باسورد السيستم اصلا 😂
ده بغيب بالشهور و بفتكره ازززاي. 🌚

وحشني المكان ❤️