خطفته منى الحوربه(تابع لمسابقه شهداء رفح

[السفيره عزيزه]

دم ...دم...دم
حزن وهم وغم


حبيبي واخويه وعنيه
كان على الحدود وانا مستنيه
بعد الجمعه اليتيمه.هتكون زفته عليا

كلمنى وقالي حضرى حالك
انا ملهوف ياحلوه لجمالك
وخليكى كدا مستحيه

عريسي اسمر وجميل
جنبي كدا فِرع وطويل
واد مجدع كدا واصيل
متقولوش يا ناس ابن امير

عريسي لابس بدله جيش
شهم وراجل وزيه مفيش
واقف علي الحدود للتفتيش

عريس ابن البلد ديه
لا له فى الظلم ولا الأذيه
قتلوه غدر ياعنيه
صايم واكله علي الطبليه
ملهوش نصيب فى اللقمه ديه
هتفطر ياحبيبي مع الحوريه

آه ياقلبي اللي انكسر
وقلب امه اللي انحسر
واقول كدا بالمختصر
قلب مصر عليك انفطر

دمك ياحبيبي ودم اخوك
قسم والله دهر ابوك
وفي النعش ياغالي زفوك

طب انت ورحت الجنه (ان شاء الله)
وانا مع مين اتهنا
والفرح والدخله والحنه
انا هغسل دموعى من نهر النيل
وتحيا مصر ام قلب كبيييييير
ولسه يابلدي هنرد الجميل

ارفعي راسك يا كنانه
لا ذل ابدا و لا مهانه
ومنى زغروده رنانه
وحبك يجرى فى دمانا

والكلاب المسعورين
سننهم كدا برزين
علي شبابنا الصيمين

متزعلش ياحبيب امك
انا شمه ريحة دمك
مسك وعنبر ياعريس
وفى الجنه
الف
الف
ونيس


السفيره عزيزه

[مِسكُ الشَهادة]

رحم الله شهدائنا الابرار
كلمات قوية ورائعة
متميزة بكل ما تحمل الكلمة من معنى
وفقك الله يا اختي ودمت بالف خير

[رقة BaNOTa]

كلام عفوي جدا وطالع من القلب
بشكرك جدا على ماكتبتي
بالتوفيق ليكي

[Words Whisper]

اقتباس قلب مصر عليك انفطر

ايوووووووووووة هي كدا ..


بجد بجد انتِ قلمك احساسه رااااااائع

والله كلماتك توجع اوي اوي اوي ..

أتمنى لك التوفيق

دمتِ بحفظ الرحمن ...


5 ستارز ..

[ملك جبال الاحزان]

قمه الجمال والابداع بالكلمات الجميله ديه

تسلم ايدك اختى الكريمه بالتوفيق بالمسابقه

[كرزة حمرا]

رحمة الله عليهم جميعا
تسلمين على الكلمات الرائعة
موفقة

[جبل عالي]

الله الله الله

والله انك لرائعة غاليتى

سلاسة الحرف وروعة التصوير

جعلت الأبدان تقشعر لحلاوة الحرف

وتغلغله بالأعماق تسلم الايادى يارائعة

[المشتاقه لربها]

الله اسلوب سهل وجميل
دائما لكلماتك رونق خاص
دمتى بكل الخيراخيتى

المشتاقه لريها