اعرف سر الصنعة و اصنع مسابقاتك الاحترافية بنفسك

[SiLver Spectra]

السلام عليكم و رحمة الله

كل سنة و الجميع بخير بمناسبة قرب قدوم عيد الفطر المبارك
بالمناسبة دي حبيت أدخلكم في مود جديد شوية للشخص الي عنده شغف و حابب يتعلم شيء جديد يفيده في المنتدى

الحمد لله أنا عملت دورة فوتوشوبية و افادت ناس كتير
و في ناس طلبت مني استكملها و كان ردي عليهم اني مش متخصص فوتوشوب , أنا مجرد بديك مبادئ عامة تفيدك في المنتدى
أو تقدروا تقولوا بديكم جزء من خبرتي بشكل مبسط و سهل التطبيق


ناس كتير اقترحت عليه زمان , اني أنزل شرح لكيفية عمل ملفات فلاشية خاصة بالمسابقات
زي فكرة انك تعمل خزنة , تليفون ,موبايل اي حاجه لها علاقة بارقام بدخلها جوا فلاش بيحاكي جهاز و حسب الرقم الي بطلعه من اللغز و بدخله صح و بتفوز وقتها بالمسابقة

و طبعا في أمثلة كتير لمسابقات أنا عملتها قبل كدا
و هحط بعض من نماذج تلك المسابقات عشان الناس الي ماعندهاش خلفية

حمل الملف هنا

دي عينة لبعض المسابقات
احنا هنحاول نتعلم ازاي نعمل فكرة خزنة كتصميم فلاشي
العملية مش صعبة لكن محتاجة شوية تركيز عشان تقدر تفهم اللعبة ماشية ازاي

شوية توضيح للناس الي ماعندهاش خلفية من مسابقاتي
احنا عايزين نتعلم ازاي نقدر نعمل خزنة تقدر توظفها في مسابقات الغاز
يعني ايه خزنة ؟
يعني ملف فلاشي على شكل خزنة (بيحاكي الخزنة), ما يتفتحش غير لو المستخدم دخل رقم صح فيها
غير كدا الخزنة تديله ان الرقم غلط
دي لو قدرت تفهمها و تطبقها هتقدر توظفها في اي حاجه و اي فكرة خيالك يرسمهالك

و دا الي هنحاول نتعلمه ان شاء الله و نعرف ايه هو سر الفكرة
و دا طبعا سر من اسراري السيلفرية :biggrin:
و الهدف منها هو عمل نوع من الرقي في المسابقات المطروحة الي ما شاء الله أعداداها وصل للعشرات في وقت واحد
و الشرح هيكون بالصوت و الصورة

:::::::::

طيب
ماحدش استغرب اني طارح الموضوع في قسم المسابقات ؟

قبل ما نبدا الدورة و قبل ما هنعمل أي حاجه
و كنوع من التحفيز و المنافسة
مطلوب دلوقتي اننا نعمل مجموعات
كل مجموعة فيها خمس افراد
فيهم واحد على الاقل بيعرف يشتغل فوتوشوب

هنحاول على الاقل نجمع 3 مجموعات
و كل مجموعة هنسميها بلون المجموعة تختاره
و انا هنا في الموضوع مش هحط اسماء تحت مجموعات بالاجبار
انا هسيب الاعضاء هي الي تكون مجموعة لواحدها ,, و احد افراد المجموعة يبعتلي رسالة و يقولي : انا قائد المجموعة و احنا شكلناها من فلان و علان و اختارنا لنفسنا اللون الفلاني


حلو كدا

طيب المجموعات هتكون وظيفتها ايه ؟
بسيطة
هي فكرتها فكرة ورش عمل
يعني , بعد ما كل مجموعة تشوف الحصة و الدرس و هي هتكون حصة واحده بس لكن طويلة شوية
بعد ما هيخلصوها , هيكون مطلوب من كل مجموعة انها تنفذ التطبيق على شكل مسابقة ,زي فكرة مشروع التخرج بتاع هندسة :biggrin:

بالشرح المفصل الي هقدمهولكم انتم هتوظفوها في فكرة مسابقة خزنة او تليفون او اي حاجه فيها ارقام بدخلها
و تقدر بخيالك تنسج السيناريو و الحوار و اللغز

افضل فريق عمل هيصمم مسابقة بشكل جيد , بفكرة كويسه و بطريقة حل مقبولة مش فانتازية هنديله الميدالية الذهبية
و هيكون في ميداليات فضية و برونزية
و دي من حيث قيمتها المشاركاتية هنحددها بعدين لكن هتكون كبيرة جدا

أنا مش ضامن اذا كان هيكون في اقبال و لا لأ
و عشان كدا انا فاتح الموضوع هنا , بس مش عشان واحد يقولي انا مشترك معاك و يفلسع !
لأ
أنا عايز العضو الي يشوف الموضوع و تكون عنده النية في الاشتراك فعلا يبدا يراسل الناس الي حابه تشترك و اعلنت نيتها هنا في الموضوع
او يجمع ناس صحابه و يبداوا في تشكيل الفريق
و يبلغني في رسالة خاصة و يقولي
الفريق الي هو شكله و افراده مين
عشان نعلن الفريق هنا في الموضوع بعد اكتماله


اعتقد الكلام كلو مباشر و مافيش فيه صعوبة
لو قدرنا نجمع الفرق , تلت فرق على الاقل و كل فريق من 5 اعضاء
هبدا وقتها أعمل الحصة الي فيها شرح طريقة تصميم مسابقة فلاشية بالتفصيل الممل
الي هتخليك بعد كدا تعمل مسابقاتك بنفسك و بمستوى المسابقات الي كنت بعملها
دا كلو هتقدر تعمله لو قدرت تفهم الفكرة البسيطة الي بتقام عليها الخزنة و خلق شبكة اكواد معقدة بتصنع باسورد

:::::::
عرض المجموعات (teams)


(الفريق الأزرق)
۩۩ elMagic ۩۩

Mo7aMaD 3aLa2

lost pearl
dr.pharma
مهندسه بغداد

(الفريق الأحمر)
SplendiD SouL
دمعه حائره
Hamsa Sense
مشتاقه للجنه
زنبقة تناجى ربها



(الفريق الأصفر)
Arco Baleno
شاعر واسير الحب
ملك جبال الاحزان
The Angelic Queen
❤•ցօօցlε




(الفريق الأخضر)
Girl stump
كرزة حمرا
Sh2wA
jasmean
بنوته بريئه


الفريق الاسود

الحان الورد
مرام
اميرة بمظرتى
بنوتة بريئة
Timo

[Hamsa Sense]

مآشاء الله فكرة بجد روووعه جدا
مشتركةة طبعا وقد كلمتي
وهشوووف اللي هيشتركوا ونكون فريق مع بعض
وانا واللي عايز ينضم معايا نبقي في فريق واحد حاجزين اللون الاحمر:biggrin:

[Ana Mai]

شكرا على الموضوع
معلش بقى انا عضوة جديدة ومعرفش اسم حضرتك

[Tiñķý Ẅiñķý]

حـــــلــــو

بس انا ميـــــــــح في الفلاش ^^

لو عندكـ حل أنا معآكـ

[♥..pure]

طب مش كنت تبدر شويه يـ عم طآرق !
عـآمة انـآ دخولي لحد يوم 22 لو هنقـدر نجمع التيمز بسرعه وتبدآ ف الحصه
انـآ عندي فكرة المسـآبقة واقـدر آشتغـل علطول ..
امكآنيآتي لحد يوم 22 اغسطس ..
يـآريت نكون الفرق النهآردهـ ع الآقل ونبدآ علطول
وان شاء الله مشتــركة ..
مفيش كلآم ع انه مجهود مميز منك جدآ ...،
تقييمي + 5 ستآرز ..

[м a я a м]

الللللللللللللله
ماّ شاّء الله عليك ي طاّرق
والله اناّ كاّن نفسى اتعلم الحاّجات دى :biggrin:
ربناّ سخرك لياّ عشاّن تعلمنى
ربناّ يخليك للشعب ي طاّرق والله
كم انت عظيم حقا XD
معاّك ي طاّرق اّكيد ../
وانا تبع التيم الاّزرق



باّلتوفيق ان شاّء الله
داّم لناّ ابداّعك

[۩۩ elMagic ۩۩]

هههههههههه
ايه الدلع دا
برنس من يومك يابنى
الله ينور يا معلم
ومنكـ نستفيد بقآ ونزداد خبره
:biggrin:

[دمعه حائره]

فكره هايله وممتازة وانا هاحاول اشارك معاكم
بس نتفق على فريق الاول
وتتمحى اميتى فى المسابقات
ولعلو خير ان شاء الله
جزاك الله خيرا دكتور

[╯ Princess ╭]

امممم

الفكرة صعبه شويه فعلا

بس شكلها لذيذه

ان شاء الله اتعلم معاكم

بس من غير ما اشترك

لاني مليش القدرة اوي

بالتوفيق للجميع ان شاء الله

[الحان الورد]

،

والله هي الفكرة مشوقة فعلاً وتشد واكيد هتفيد ,
بس عشان الوآحد يكون قد كلمته ويشوف هو هيستمر فعلاً وهيقدر ينتظم ولا لأ
ف أنا هفكر كدآ شوية وارجع أقولك ,, بس مش هطول يعني
بس مجهود وفكرة روعة يا طارق ,
تسلم