عضو على طاولة الحوار ومعانا >_ فارما _< قبل وداعها المنتدى بأيآم

[كبرياء رجل]

اهلا وسهلا بكم وحلقه
خاصه
جديده
مختلفه
في

. عضو على طاولة الحوار .

الحلقه النهارده الى حد كبير غريبه
ان حد يعلن عن انسحابه ويحدد المده اللي هيترك فيها المنتدى
تبقى حاده جديده علينا وصعبه في نفس الوقت
فهي اعلنت عن انساحبها النهائي من المنتدى
وعدم العوده اليه مرة اخري الا زائر ومتابعه من بعيد
حلقه صريحه جدا
فيها كشف حاجات كتيره
مكناش نعرفها عن العضوه

معانا عضوه ليها بصمتها الرائعه في منتدانا

رفيف
فارما
واخيرا
الاسم الحقيقي
.....
سوف تشاهدونه اسفل

فارما
مسيره من النجاح الطويل
قلم يستحق كل احترام ,
شخصيه عبقريه بزكاء من نوع خاص تتميز اينما تذهب ..
حتى كانت صاحبة اجمل مواضيع في اليومياتوصاحبة قلم متميز
فهي كاتبه ,
محاوره ,
وايضا الكثير مما تمتلك
فارما شخصيه كوميديه ,
مرحه
فهي محبوبه بتنوعها وحسن تعاملها مع الجميع
كما تعودنا منها
سوف نفقد عضويه مميزه في منتدانا ..
معنا ومعكم رفيف ولحظات الوداع وترك المنتدى
=========

اهلا وسهلا بيكي رفيف منوره المنتدى ..

آهلآ بيك يـ سـآمي .. المنتدى منور بآهله

رفيف باختصار من انتي ..؟

آنسآنة عآدية جدآ.. زي آي حد ممكن تقآبله ,,
طموحه ومتفآئلة وبتحب تطور من نفسهآ قدآم نفسهآ عشآن تبقى رآضيه عنهآ
دآ الجزء المشتركـ بين فآرمآ وأنآ ^^
والبآقي هتعرفه مع آجآبآت الآسئله الجآية

ليه اسم فارما ومعلش لو السؤال اتسئلتيه قبل كده كتير ..؟

لآ عـآدي مفيش مشكله ..
فآرمآ .. دي مآدة خآصة بكلية الصيدلة
وتعتبر آصعب مآدة ف صيدلة كلهآ
هي اختصآر لكلمة فآرمآكولوجي ^^
وطآرق هو الوحيد اللي بيقولي يـ فآرمآكولوجي دي
عـآرف اللي فيهآ بئه )

ايه الفرق بين رفيف وفارما مع ان الاسمين مستعارين ..؟

مممم هو فعلآ في فرق !
بس بسيط جدآ ..
تقدر تقول آن رفيف ممكن يكون تعاملهآ ع الميل مثلآ ..
اما فارمآ ع المنتدى
وهتلآقي الآختلاف واضح للنآس اللي كلمتني ع الآيميل
فآرمآ بتهزر وبتضحك ع المنتدى وتلآقيها نشيطة جدآ وف اي حته
اما رفيف قليل جدآ لما بتهزر او حتى تفتح مواضيع للكلآم وعلطول انفزبل ومش ببدأ بالكلآم مع حد ..
اما غير كدآ فـ هو وآحد مفيش اختلآف تاني متهيآلي ..

مين هي ,, صفيه ,,
شفته بالصدفه في رد على موضوع انسحابك في قسم المشرفين
لو حابه نشيل السؤال اوك ..؟

لأ تمآم هجآوب مفيش مشكلة ..
وزي مآقولتلك .. لمآ تلآقي نفسك اخر مرهـ هتروح مكآن هتلاقي نفسك بتقول كل اللي ف نفسك :D
صفيه دآ اسمي الحقيقي اللي ف البطآقه :)
وانآ من زمآن قايله ان رفيف دآ مش اسمي الحقيقي >>
ف الصفحآت بتاعتي ^^

ايه الفرق بين اذا كان رفيف وفارما واحد ايه الفرق بينهم وبين صفيه

طب اذا كان فارما ورفيف متشابهين
ايه الفرف بينهم وبين صفيه ؟

صفيه وفآرمآ أو فآرمآ وصفيه !!
الآتنين آكيد وآحد اللي هو آنـآ ,, يعني معنديش مثلآ انفصآم ف الشخصية
هحآول ابسط الفكرهـ عشان مكترش كتير ف الكلآم ..
بس في ثوابت في الشخصيه مينعش نغيرهآ ..
زي مثلآ الأفكآر والدماغ والمبآدئ والاخلاق دي واحدهـ //
انـآ مثلآ عـآمة زي الشكل دآ () بيضـآوي اهو تمام !
صفيه اللي هي جزء من انـآ مبتعرفش تطلع غير بس الـجزء دآ (
وفـآرمآ اللي هي بردو جزء من آنـآ مبتعرفش تطلع غير الجزء )
هتقولي طب انتي بتطلعي امتى !!
هقولك مع ناس معينه بس هتلاقي الاتنين بيطلعوآ ..!
دآ باختصـآر يـ سآمي بغض النظر عن الصفآت بئه

ليه مش كنتي حابه حد يعرف اسمك ..؟

والسبب بردو ذكرته ..
من حبي للآسم مش عايزاهـ يكون ع لسآن اي حد اللي يستحق يعرفه بقوله واللي مش عايزاهـ يعرف مش بقول
وممكن أقـولك ان صفيه غير فآرمآ بردو ^^

عملتي موضوع في قسم المشرفين معلنه فيه انساحابك من المنتدى لظروف خاصهوزعلتي ناس كتير ,,
قرار مدروس جيدا من فارما من اكثر من 5 شهور بس شايفه ان فارما ممكن تتخلى عن كل حاجه في لحظه ..؟

انـآ بردو رديت ف الموضوع اللي ف قسم المشرفين وقولت الظروف دي ودآ أقتبـآس من الـرد بتآعي ..

صـلوآ ع النبي كدآ يـ جـدعـآن انتو متحآملين عليآ ليه بس !
حكـآية آني مش هركب النت دي مش عشـآن انـآ رآيحة مكآن مهجور ولآ حـآجه
بس دي رغبتي اصلآ !
المفروض ان في أولويـآت في الحيـآهـ .. وانآ اقدمت ع خطوهـ المفروض اكملهآ
ومينفعش اكملهآ وانآ مرتبطه بكذا حآجه ..، يبقى الأولى اني افضي ذهني واركز ع الاولويآت
والنت من الحآجآت اللي ممكن تضيع ساعه او اتنين هما اصلآ مش ملكي
فـ آنا ليه ادوش نفسي بحآجه ممكن تضرني !!
في حآجآت مكنآش بنتوقع اننا نعملهآ ..
بس الظروف بتخليك تتخلى عنها حتى لو غصب عنك بس هي برضاكـ ..!!
قـرآر مش سهـل اني اسيب كيـآن انآ شايفة اني تعبت عشآن اوصله
بس اهو مهمآ كآن .. كيـآن ع النت
من حقي اني احقق كيـآني دآ ع الوآقع .. وبمآ اني تقـريبـآ وصلتله مينفعش اني اتراجع واقول خلآص
انآ بتكلم معآكم لأنكم كبـآر واكيد فاهمين وعمركم ما هترضوآ اني اقف ف وسط الطريق ومكملش
وحلمي دآ ممكن يتهز لو انشغلت عنه ولو دقيقة ..!
اكيد آيـآم الدراسة دي هتعدي ولو شـآء اني ارجع بعد الجوآز ولآ حـآجه اكيد مش همانع
دآ بيتي التاني وانا بعشق المكآن دآ .. ومستحيــل هنسآهـ ,,
الآيـآم بتآخد الواحد بسرعه .. يآمآ كآن معانا ناس كتير هنآ وبردو تركوآ المنتدى لآسبآبهم
وكنا بنقول مش هيبقى منتدى ومالوش طعم بس فـ الآخر .. الدنيـآ كدآ ..
نـآس بتحــل محـل نـآس ..!
قـرآري درسـآهـ بقـآلي 5 شهـور ومرتبه نفسي عليه ان شا ءالله
أرجــو آن مفيش حد يزعـل مني ..
وللعلم // عشـآن بس اللي بعتولي رسـآيـل ع الخـآص
انا مش ماشيه عشـآن مشكله هنـآ او شئ .. بالعكس الحمد لله مش زعلانه من اي حد
واتمنى ان ميكونش حد زعلآن مني :|
ويلآ بئه فكوهـآ .. دآ انتو نكديين :d

عاوز اعرف ايه اللي ممكن يضر لما تدخلي المنتدى حتى ولو ساعه اسبوعيا هو انتي حاسه دخولك عالم النت شئ غلط ..؟

طيب يـ سآمي .., انا قولت ان في هدفي قدآمي المفروض اني اكمل فيهم ,,
اولآ الدرآسة : هتقولي طب ما كل الناس بتدرس وانتي ذات نفسي كنت السنوات اللي فاتت معاكم هنا وف الدراسه
بس فعلا الموضوع بئه اصعب بالنسبالي
بقيت بدي كورسآت زي الدروس الخصوصية كدآ ..
محتاجة ورق ووقت للشرح طب هجيبه منين + اني بدرس اصلآ كمآن !!
لازم اخدهم من وقت حاجه ف حياتي ... ومفيش غير المنتدى والنت عمومآ .
انت مش واخد بالك من حاجه كمآن .. انا نقلت محل اقامتي وهيبقى طنطا عشان خاطر بردو اوفر ساعتين ف اليوم سفر !!
ببعد عن اهلي واصحابي منطقتي عشان اوفر بردو !!
وبيني وبينك تريح دماغ كمان .. بعيدا عن اي حاجه انت ف ملكوت لوحدك شغلك ودراستك وخلآص ..
وربنا الموفق

طب مش ممكن تزورينا حتى ولو ساعه كل اسبوع اكيد هتقدري وتفرحي ناس كتير بكده ..؟

للآسف !
مش هينفع يآ سـآمي ..

نجومك يا فارما هتديها لمين ..؟

هديهآ لفـآرمآ .. تعبت فيهم كتير خليهم يونسوهآ ف غيآبي ..

فارما وصوها الرمزيه المجنونه احيانا مره ست بشنب ومره صور غريبه كان حد بينتقدك على كده ..؟

كتير جدآ .. يعني مفيش صورهـ من دول حطتها غير لما اكلت شوية تريقه

بس عامة انا بحب الآختلاف وبجيب حاجات بتعبر عني فعلآ .

زي الشنب كنآيه عن اني مسترجله فيها شويه

والمجنونة اللي قدآمك دي عشان النظآره والشعر

في حد في المنتدى واخد اوسمه اكتر منك ولا انتي الاول ..؟

تصدق مش عارفه )
هو انا معايا 15 وسـآم ,, الله اعلم بئه في حد ازيد ولا لأ ..

ليه الزوار عندك مقفول وكان قبل كده مفتوح .. ؟

من فترهـ حصـل ان الزوار عند الآعضـآء فوت
ومحمود عشـآن يحلهآ مسح الزوآر كلهآ بتاعتنا ..
فـ أنا كان نفسي الغي الزوار من زمان .. فقولت فرصه بئه والزوار تكون فاضيه ومفيش رسايل من حد ^^

ايه سبب غياب فارما الفتره الاخيره وهل بتسيبي المنتدى تدريجيا ..؟

مممممم بالظبط كدآ ..
الوآحد لمآ بيكون مدمن حآجه ويقطع منها مرهـ وآحدهـ بتبقى حاجه صعبه جدآ
اما لما نقلل الجرعه كل شوية .. هتلاقي الموضوع زي شكة الدبوس :p
فـ انا متعمدهـ اني انسحب واحدهـ واحدهـ
بدليل اني ساعات بفتح الجهآز وميجيش ف بالي اني افتح المنتدى ..

ليه حبيتي انك تمشي من المنتدى بعد ما تحتفلي بعيد ميلادك .. ؟

مش حكآية اني احتفل .. اساسي المفروض اني هسآفر ف الدرآسة ..

بس انا قولت هنسحب قبلها بشهر عشان اتعود على حيآتي من غير نت وكدآ .. وانا فعلا هفصله اخر اغسطس ..

بس عشان يبقى اخر تسجيل له بصمة بردو ^^

اخر يوم هيكون ليكي في المنتدى امتى ..؟

بإذن الله 22 اغسطس

تصدقي لحد دلوقتي معرفش انتي سبتي اليوميات ليه ممكن اعرف ونعرف الاعضاء اللي متعرفش ..
ولما جبت اسمك لطارق في الحوار قالي انتا ادرى هو انتي سبتي القسم بسببي .؟؟

بص يـ سيدي ,,
اليوميآت عامة مفيهآش شغل كتير وانت عارف كدآ ,,
3 كآنوآ فعلآ كتير عليه ,, وكمان كترهم مش كويس
وآنآ كان شغلي قل فعلا ف الفترهـ دي فقولت اسيبه للي يستاهلوا ..

مفكرتيش ف مشاعر الناس وهيتقبلوا الموضوع ازاي ..؟

عارف انا لو حتى مكروهه ف المنتدى فعارفه ان في ناس هتتأثر ..

هيقولك هيوحشنا رخامتها وغلاستها ولا حاجه

ايا كان انا حلوه ولا وحشه في تأثير ودا طبيعتنا علفكرهـ ,,

بس الناس دي لما هتعرف اني مرتاحه وكويسه وكمآن بحقق اللي بحلم بيه

هيزعلوا بردو ؟ ولا هيقولوآ ربنا يوفقها ؟

يومين اسبوعين شهرين ياعم وكل حاجه هترجع زي ما كانت

وفارما هتبقى سابقة ومحدش هيفتكرها

هي الدنيا !

شايفه مين من اعضاء منتدانا اتاثر جدا بخير انسحابك من المنتدى بشكل كامل ..؟

انا فرحت جدآ لما لقيت ناس كتير انا معرفهاش معرفه شخصيه وبعتتلي وكدآ ,,

مكنتش متوقعه الشعبية دي كلهآ ..

الحمد لله ع كل حآل ..

فارما .. مين الناس اللي خرجت بيها من المنتدى ومستحيل تنساها .. ؟

بص الناس اللي هخرج بيها غير الناس اللي مستحيل انسآهآ !!
معنى اني اخرج بناس .. اني لسه علاقتنا مستمرهـ وبنسأل عن بعض ومفيش مجال اني انساهم اصلآ .. زي مثلا
[ تقى .. حنآن .. لوجي ] .. دول شخصيآت لهم علآمة فيآ
هزعل اوي من نفسي لو قطعت معاهم مره واحدهـ
بس فعلا النآس دي مبتملش مني .. يعني قليل اوي لما اكلمهم
بس تلاقيهم مبيزعلوش اني مبسألش مثلآ وبيقدروآ ظروفي كويس
مع احترامي لأي حد اتعرفت عليه خآرج المنتدى طبعا ..
آمـآ النآس اللي مستحيـل آنسـآهآ .. فهم كتير أوي
اي حد اتعلمت منه وغير في شخصيتي للآحسن اكيد لهم كل الاحترام والتقدير ..
وأبرزهم .. [ طآرق .. احمد تكنيكآل .. محمد عكآشه ..سيرين ..وآخيـرآ .. فآرمآ .. ] ..

ايه حكايه شريط الكاسيت اللي عندك في الصفحه الشخصيه وبيلف دائما ومش بيخلص . ؟

هههههههه
واخد بـآلك انت يـ سآمي !!
صدقني مش عارفه بس انا لما شوفت الشريط دآ مرهـ حبيت احطه
ومن يوميها وانا مش عايزهـ اشيله مع اني محبه للتغير
بس باجي عند دآ واقول لأ :p

شايفه ايه اللي محققتوش فارما في المنتدى ..؟

مفيش تقريبـآ ..
اي نعم كل ما بكبر كل ما بتزيد احلآمي .. بس لما بحس اني عايزهـ اعمل حاجه بعملها
مشاركآت وجبت بردو .. شهره والحمد لله موجودهـ
اللون لأ خآلص .. لآني عارفه ان اخري ف الآلوان اللون دآ
ومش هقبل اني ازيد عنه ..,

فارما قبل كده حصلت على مخالفات او اتوقفت وايه كان السبب ..؟

مخآلفـآت // عددهم 2
من قلم بلآ حبر ، 7oda
عن موضوع طمع السلطة بتاع مورشو .. والسبب عبـآرآت غير لآئقه ..
والوقف كآن في 2010
بسبب سوء تفاهم بسيط .. بس مكملتش 4 ساعات ورجعت تاني

شفت من فتره اختلاف فارما مع عضوين مره مع اركو بلانكو ومره تانيه مع مورشو حابه تتكلمي في الموضوع ولا نشيل السؤال غلس انا صح .. ؟

لآ عآدي انا قولتلك عندي آستعدآد لآي سؤال ..
حورآء .. كآنت المشكلة بسيطة بس الحساسية عامة هي اللي بتزود الآكشن ^^
هي فهمت الموضوع غلط وفسرت كلآمي بمحمل تاني خالص
ف زعلت وانا كنت مصرهـ اني مغلتطش فيها واني بقول رأيي
والحمد لله هي فهمت اني مكنتش قاصدهـ اجرحها بكلمه وتفهمت الموضوع
والمشكله خلصت والحمد لله .
مورشو طبيعي هو عآرف اني بعرف افصل بين المنتدى والميل
يعني احنا علطول بنختلف ف وجهات النظر ع المنتدى بس تلاقينا بنتكلم عادي ع الآيميل يعني ..
ف الحكآيه دي مكنتش مشكلة اوي ع اد ما هي غلاسة زي كل مرهـ :p
ومهما كان مورشو كان زميل اشراف سنه ونص تقريبا واشتغلنا مع بعض كتير
ف عارفين ان مهما كان ان دآ منتدى ف الأول والآخر ..
وبدليل بعدها عملنا سوا المجله بتاعت عالمنا الخآص وحققت نجآح اكتر من العدد الآول ..

و عضوه بتكلم عضو من على الميل شايفه ان ده شئ غلط وكسر لقوانين المنتدى وﻻ ايه ..؟

بغض النظر عن قوانين المنتدى !

عامة : انا شايفة ان مفيش مشكله لدام ف حدود الآخلآق والآدب والاحترام ..

المنتدى وصل مع رفيف لحد فين يعني اتعلقتي بيه قد ايه .. ؟

وصـل لبعيد أوي ..
واتعلقت بيه جدآ .. تخيـل عشان اخد القرآر اني اسيبه بفكر فيه من آجـآزة الترم الأول ..
حاجه صعبه فعلآ ..

شايفه ايه اكتر ايه بيميز فارما كنظرتك لنفسك برامجك في اليوميات
ولا حلولك للمسابقات .. ولا قلمك في قلم الاعضاء ومواضيعك المميزه
ولا قسم الانجليزي ,, ولا حاجه منعرفهاش ..؟

بص هقولك ..
الميزهـ لما تنفرد بيهآ بتبقى حاجه عندك مش عند حد تاني
بمعنى ان في ناس كتير هنا برامجهم حلوهـ , ودماغهم ماشاء الله , واقلآمهم لا يعلى عليها , ومواضيعهم وافكارهم القمه , بس لما اكون زيهم ميبقاش في فرق صح !!
اعتقد ان بنفرد بـ " شخصيتي الطموحه " واللي هي السبب ف كل اللي قولته فوق دآ ... ودآ بشهادة الكـل ,,
وانا بعتز وبفتخر بكدآ ..

وايه اكتر حاجه حبيتها في الخيارات السابقه

حلولي للمسآبقـآت ..~
وخآصة مسابقآت طآرق ,, انا افتكر ان كآن مره عندي امتحان اورجآنك فاينال
وهو نزل مسابقة قبلهآ بيوم سبت المذاكرهـ عشان احلها ومقومتش غير لما حلتهآ ,,
واصلآ هي كانت سبب اني اسجل دخول للمنتدى

فارما احيانا بييجي علينا وقت وبنحس اننا مستحيل نسيب المنتدى حاسك عشتي الفتره دي .. ؟

اهـ اكيد ..
بدليل اني قررت كتير قبل كدآ اني اسيبه بسبب مشاكل حصلتلي بسببه
بس لما الموضوع بيهدى بلاقي نفسي رجعت تاني
بس المرهـ دي يا سآمي بجد !
حاسة اني فعلآ مش هعرف ارجع !

ايه اللي عملته فارما ومبسوطه بيه هنا وايه اللي ندمتي عليه
ان وجد .. ؟

مبسوطة بحب النآس ليـآ ..،
بس متهيآلي الندم مفيش

فاكره اجمل لحظه مريتي بيها في المنتدى واسوء لحظه .؟

أجمل لحظآتي هنا .. لمآ بحس بالفوز ف اي حاجه
سواء كآنت مسابقة او موضوع او فكره تعجب الناس
واسوء لحظآتي هنا .. بعد اي مشكلة تحصل

المنتدى كان ايه لفارما وهيبقى ايه بعد ما تمشي ..؟

المنتدى كآن حيـآة تانيه وارض بحقق عليها كيان انا نفسي اعمله
واحلى حاجه انه علمني ازاي انفذ الكيان دا ع الواقع اللي بعيشه
وهيبقى مجرد ذكرى
:|

ايه احساسك لما تدخلي بعدين لو دخلتي وتلاقي تحت اسمك مشرفة قسم اﻻنجلش سابقا ..؟

اكيد هدخل كـ زائر مش هكدب عليك >> بس عشان ابص ع الاستايل
بحب اشوف الجديد دآيما ههههههههه
بس اني اسجل واشغل نفسي من تاني معتقدش خالص
وعادي والله انا قولتلك حكايه الالقاب والالوان دي مش فارقه معايا
حتى اللقب بتاع كبار الشخصيات دي كنت حطاه ف دماغي
بس دلوقتي خلآص كبرت منه عالاخر ..

لو قلت لك حاسه
بايه وانتي بتردي على اﻻسئله هتقولي ايه ..؟

بالآرتيآح

لو في سؤال معين حابه انك توجهيه ليا ايه هو السؤال ..؟

آنت ليه شآيف ان المنتدى هيتأثر أوي بغيابي ؟؟

كلمه اخيره من فارما ﻻعضاء المنتدى ..

بشكركم ع انك تابعتوآ الاجابات
واتمنى اكون ذكرى طيبة بينكم ..
وكل سنه وانتم طيبين

اتكلم انا بقى ..
دائما لما حد بيعمل موضوع انه ماشي وراجع
بندخل موضوعه ونقوله تروح وترجع بالسلامه
مش عارف في موضوع زي كده اقول ايه !!!
مع اقتناعي بوجهة نظرك
ربنا يوفقك
انتي حد كويس مشفناش منه غير كل خير
وقضينا فتره جميله في المنتدى
مشفتش منك اي حاجه مش كويسه
وتعاملك كان رائع معانا ومع الجميع
سوف نفقد روح غاليه عاشت وسطنا
ولكن لم تخرجي من بيننا فموضوعاتك ما زالت هنا وستبقى

ربنا يوفقك فارما
ويارب تحققي كل اللي نفسك فيه
وانا معاكي في اي حاجه معاها مصلحتك
مع الف سلامه

dr.pharma

مشرفة English Forum

رقم العضوية : 33694 تاريخ التسجيل : Oct 2009 العمر : 19

اخر يوم لتواجدها في المنتدى يوم 22 من هذا الشهر

انتظرونا وحلقه قادمه من

عضو على طاولة الحوار ...

[Hearts Whisper]

فارما اكيد من الشخصيات الرائعة جدا الى اتعاملت معاها
وبيعجبنى خفة دمها وطموحها ربنا يوفقك يا رب
وتحققى كل الى انتى عايزأه
حلقة مميزة جدا يا سامى
تحييياتى

[simsim96]

حلقة جميلة جدا مع شخصية اجمل
بالرغم ان مكنش في
تعامل بيني وبينها الا انها شخصية جميلة جدا
ربنا يوفقك يارب يا قمر
وتحققي كل الي بتتمنيه يارب
تسلم اخي سامي ع الحلقة المميزة والمجهود الجميل
دمتم بحفظ الرحمن :

[ياسمينااا]

حلقه جميله جدا مع ضيفه اجمل
رغم اني مكنش بينا اي تعامل
لكن فارما بجد تحس كدا انها شخصيه جميله
ربنا يوفقك في حياتك يا رب
وتحققي كل اللي بتتمنيه
مجهود مميز منك يا كبرياء
وفي انتظار الحلقه القادمه باذن الله
تحياتي

[۩۩ elMagic ۩۩]

حلقه جميله جدا بجـد
واجابات مميزه من رفيف
طبعا كلنا بنتمنالكـ النجاح دايما والتوفيق فى حياتكـ
وان شاء الله تحققى كل ما تتمنيه
وعلى فكره انا معايا 17 وسام :biggrin:
تسلم يا سامــى للمجهود المميز
يدوم التميز والنشاط
مودتـــى

[Mo7aMaD 3aLa2]

على أد ما انا بحترم قراركـ

على أد ما انا زعلان بجد ومكنتش متخيل انك جادة فـ قراركـ اوى كدة

,, من اقرب الشخصيات ليا فـ المنتدى وغيابكـ هيأثر علينا جآمد

بتمنالكـ التوفيق فـ حياتكـ يا صآفى

..

[رنا هشام]

آولاًي سآمي
بشكركـ علي الحلقه الجميله دي ..
ثآنياً .. فآرمآ من الآعضآء اللي آنا حبيتهم آوي
رغم آني متعآملتش معآهآ خآلص ..
وزعلت جداً من آنها هتسيب المنتدي ..
بس كل اللي لآزم آقوله .. ربنآ يوفقكـ ..
ومن تقدم لتقدم ف حيآتكـ آن شآء الله ..

[Words Whisper]

أولا

تسلم أ/سامي ع الحوار

حقيقي حوار كتير حلو ...


صافي

طبعا سواء انتِ هنا ولا لاء

أنا هعرف أوصلك

ومن أول ماشفت ردك ف الاشراف على سبب انسحابك

وأنا قدرته جدا جدا جدا

في جزئية ف ردودك قلتيها أثرت فيا أوي

أتمنى أنا أعرف أعملها بجد

وبالمناسبة بئا معلش انه مش بسأل وكدا بس والله أكيد انتِ فاهمة

وان شاء الله يوم عيد ميلادك هروق كدا واكلمك ^__^

تقريبا بشهد علينا الناس ) ) )


يللا كفاية كدا

تسلموا

ودمتم بحفظ الرحمن ..

[♥..pure]

اقتباس المشاركة الأصلية كتبت بواسطة ,,همس القلوب ,, فارما اكيد من الشخصيات الرائعة جدا الى اتعاملت معاها وبيعجبنى خفة دمها وطموحها ربنا يوفقك يا رب وتحققى كل الى انتى عايزأه حلقة مميزة جدا يا سامى تحييياتى

همس القـلوب ..،
تسلمي يـ شوشو ع كلآمك
والله دآ بس من زوقك .. وربنـآ يتقبل منك الدعوهـ الحلوهـ دي
منورآني دآيمآ يـ جميــل ,..,
دمتي بخيــر ..~

[♥..pure]

اقتباس المشاركة الأصلية كتبت بواسطة simsim96 حلقة جميلة جدا مع شخصية اجمل بالرغم ان مكنش في تعامل بيني وبينها الا انها شخصية جميلة جدا ربنا يوفقك يارب يا قمر وتحققي كل الي بتتمنيه يارب تسلم اخي سامي ع الحلقة المميزة والمجهود الجميل دمتم بحفظ الرحمن :

سمسم
تسلمي يـ جميــل ع كلآمك ..،
ربنـآ يكرمكـ ويخليكي يـآرب :،
وكفآيـآ الدعوتين الحلوين منك دول ,,
منوراني والله .. دمتي بخيــر يـ جميل //