كلام من القلب

[جبل عالي]

******************
أول ما نبدأ كلام نصلى على رسولنا محمد
عليه أفضل الصلاة والسلام
كلامنا هيكون عن هموم يمكن..
عن شجن برضو يمكن..
عن كل ما يقلق وينسى المنام
**********
بتحب ...؟ بتحبى ...؟
طب سألت روحك ولا سألتى
قبل ما تحب غيرك
ياترى عرفت ازاى تحب نفسك ؟
متقولش انا مش أنانى ..لا
لأن لو حبيت نفسك اكيد هتعرف
ان حبك لربك هو فصل الكلام
هتعرف حدودك وتعرف ازاى تتقى ربك
..هتصون عهودك بالفعل اكيد مش بالكلام
ولو زينلك شيطانك يوم تخون
ولا تلعب بعقول وتقول مهو كله بيلعب
وترسم الدور تمام
صدقنى ياصاحبى والله هتضحك
فى الأول وتتسلى وتتفرج
وتسمع يمين كلام وشمال كلام
بس هيجى يوم وضميرك يوجعك
مهما طال زمن اللعب والتسالى
وساعتها ماهتعرف منام
وياسلام ....لو لقيت اللى عملته
فى ولاد الناس بيترد لك يا الله
ساعتها ماينفع ندم ولاملام
********
وانتى يا صاينة روحك من زمان
وأداكى ربك زوج وكمان عيال
متفكريش فى مشاكل ولاهفوات
مهما كان... ده له عليكى حق
امام اللى مايغفل ولا ينام
لا تشكى لغريب ولا تقولى
بافضفض ...ودى فيها ايه؟
لا ... اصحى وصحصحى
وافهمى الكلام
والله دى خية ...ونصبها شيطان
...يمكن فى اولها كان ملاك
بس دايما النار تحت الرماد
*********
وانت يابنى ..يللى كبرت وصحتك فيك
وفرحت بطولك ولا خشونة صوتك
حتى على ابوك وامك
مش هقولك عيب وميصحش ..
.لان الكلام ده انت اكيد تعرفه
واكيد اكيد سمعته ...لكن أفتكر
لحظات بلاش سنين من عمرك
كانوا بيعملوا لك ايه عشان ترضى
ليه دلوقت بتتمرد وتعلى صوتك ؟
خلى بالك بكره هتكبر
وبرضو هتكون زيه ولا زيها ..
.ومش هتلاقى اللى يشيل همك

بقلمى \ جبل عالى

[soly90]

جميل الكلام فعلا.... الف شكر على المجهود

[نهر النيل]

معقول دا
كلمات حصريه
واسلوب كلنا عارفينوا
ورد واحد بالموضوع
فين مشرفين القسم طيب ؟
لو الاعضاء مش عايزين يردوا ويهتموا
ماشي
انما تفاعل الساده المشرفين فين ؟
يا اخواننا الاشراف مش منظره
اعتذر ليكي جبل
وليا عوده عشان اتخنقت بجد
تحياتي مع تقييمي مؤقتا

[رووكه]

اقتباس المشاركة الأصلية كتبت بواسطة نهر النيل معقول دا كلمات حصريه واسلوب كلنا عارفينوا ورد واحد بالموضوع فين مشرفين القسم طيب ؟ لو الاعضاء مش عايزين يردوا ويهتموا ماشي انما تفاعل الساده المشرفين فين ؟ يا اخواننا الاشراف مش منظره اعتذر ليكي جبل وليا عوده عشان اتخنقت بجد تحياتي مع تقييمي مؤقتا

منور اخى القدير نهر

اولا يكفينا تواجدك معانا فى القسم

وردك وتقيمك للمواضيع

اكيد حضرتك عندك خلفيه ان المنتدى كان

كل شويه بحال

احنا موجودين ومش تتخنق انت بتسد معانا

وكمان جبل مش محتاجه حد يدور على

رد لمواضعها بلعكس

مشاء الله مواضعها بتجبر الكل انه يدخل

ويتفاعل وكمان انت تقول فين الاعضاء



علشان التفاعل يكون احسن واحسن



ومره تانيه انت اخوانا وبتسد معانا

ملاحظة:
يا اخواننا الاشراف مش منظره

ومتشكرين على ذوقك وكلامك

ربنا يوفقك

[رووكه]

ابدعتى وابدعتى وابدعتى

نقشتى ثلاث قضايا وكل منهم

اهم من الاخرى من لا يتقى الله فى بنات الناس

ومن لا تراغى حرمه الله ولا تصون اسرار بيتها

ومن يعوق الاهل

فابدعتى حقا ولكى منى اعتذار لكنى اعذرينى

كان فرح اخوايا علشان كده مش بدخل

عقبالك يارب ومننحرمش منك ولا من قلمك القيم

جداااااااااااا

تحياتى وتقديرى وتقيمى لقلمك

القيم

[نهر النيل]

الجبل المستفز
الجبل الغريب
الجبل الثائر
الجبل الغلباوي
الجبل العملاق
الجبل المجنون
الجبل الراقي
الجبل العامر بكل متناقضات الحياه
وماذا بعد يا أيها الجبل
رفقا بنا أيها الجبل
نحن لازلنا تلاميذ في وطن الخواطر
نحن لا زلنا في الروضه أيها المدير الكبير
نحن لا زلنا نلهث وراءك
ونصرخ وراءك
ونضحك وراءك
ونحزن وراءك
ونبكي وراءك
ولما لا
وانت قادر وقدير على فعل كل هذا فينا
جبل عالي
بالله عليكي
رفقا
رفقا
رفقا بنا

رااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااائعه حد الجنون