صحيح كنا بنموت واقفين

[فتحى عيسى]

فينا مكناش سائلين ...
إن كنا عايشين ولاا ميتين ...
كان القهر مخاوي الروح ...
ومعشش في قلب العين ...
كان بكره زي إمبارح ...
والنهاردة مش مسامح ...
مكسور جارح حزين ...
كنا بنجري ورا أيامنا مش لاحقين ...
كنا بندي العمر وناخد من ورا منه هم ودين ...
كنا صحيح بنموت واقفين ...
أغصان دبلانة ...
لا شجر كنا ... ولا بني أدميين ...
ورغم مافينا ... وموت أمانينا ...
كانت الطيبة لسا بخيرها ...
وبساطتنا لحن جميل ...
كنا بنهرب منا بنكتة بقفشة بضحكة ...
تسر الخاطر المسكين ...
كنا صحيح رغم التوهة ...
لحدودنا محافظين ... كنا قريبين ...
كان فينا حيا ...
كان فينا تقدير ...
كان فينا وفا ...
وبعض ضمير ...
كان فينا من الحلاوة كتير ...
رغم الذل ... والعيشة في عصر مهين ...
ومن فرحتنا ... بهمة صابتنا ...
نزلنا نرَجع التايهين ...
نرد الروح من غربتها ...
نلم شمل المحرومين ...
من تربتها ...
من نبعها الصافي الأمين ...
كنا حقيقي مخلصين ...
وأستبشرنا لما الجمع جمعنا وخدنا في وحدة عجيبة ...
ملهاش أصل ولا تفسير ...
طيورنا الشاردة ... قطفت وردة يتيمة حزينة ...
من عش الدبابير ...
وأستبشرنا لما الغمة أنزاحت بدري وقولنا خلاص ...
طلع النهار ... عقبال التغيير ...
وفعلا جانا ... زي البرق ...
ملحقناش ... نعرف الفرق ...
بين الشكل والمضمون ... بين الضلمة وبين النور ...
في المعروض ...
ملحقناش نتهني بحق ...
حتي بقولة آه أو لاء ...
أو مفروض ...
أتسلقنا زي البيضة ...
وأتاكلنا بريشت ...
في زحمة سودا ... باعت أبوها وأمها والواد والبت ...
وبعد ما أستبشرنا خير ...
أتاخدنا زي الطير ...
بس بخوف وهلع ...
لما ابتدا ... يعتاد الشوف والسمع ...
علي قلة قيمة لئيمة ...
وفُجر بيبيع الجدع ... علي الرصيف ...
وفي وسط ميدانه ... أنخلع ...
وركب الخفيف ...
اللي أنزرع جوه العقول ...
والهمة عليت ...
وأنشرح ...
صدر الجهول ...
سقانا من كاس الوجع ...
ألف صدمة وصدمة ... وذهول ...
من نبتنا اللي باع ... كل الأصول ...
في بورصة الأدب ...
فلتان بيدبح ...
فجر نور ...
عمره ما أنكتب ...
فتحي عيسي

[ساحر الأحزان]

كلمات جميلة فتحى واحساس جميل منك فى حسن التعبير

فى حسن انتقاء الكلمات والتعبير عنها

بحروف سلسة

تحياتى لقلمك المميز

[شظايا عمر]

صحيح كنا في توهه

وعايشين ميتين

وبين النهارده وبكره مش مفرقين

والفرحه والضحكه مسروقين

وبعد ما عشنا علي امل

وحلمنا بفجر جديد

ضاع الحلم ومات الامل

لكن برغم كل شئ

هتفضل قلوبنا بتحلم بالتغيير


اخي الراقي فتحي عيسي

دوما ما يكتب قلمك برقي لا نظير له

ويبدع بلا شك في ما يأتي به

من روائع فريده في كلماتها وفي معانيها

فبرغم الحزن والاسي الذي نشعره هنا

الا ان قدرتك الفائقه في التعبير عن مشاعرك

جذبتنا حقا وابهرتنا

فقد عبرت بدقه عن حال يعانيه الكثير

ووصفته بمهاره وبراعه شديدين

رائع هو قلمك كما تعودناه

تمنياتي لك بدوام الرقي

خالص تقديري وتحياتي لتميز قلمك

[دمعه حائره]

وها قد عاد استاذ الابداعات الراقيه
يشدو بقلمه من جديد
ليعبر عن نبض المواطن المصرى ومعاناته
بكلمات رائعه كماتعودنا منك
تسلم ايدك استاذنا ويدوم التميز
تقديرى واحترامى لك مع التقييم والتثبيت

[الأميرة رودي]

رااائعه وأكثــر

أبهرتنى أخى بما خط قلمك هنــا

تصـوير لمشهد واقعى يعيشه الكثيرين

هكذا يكـون الحال مادمنا صامتين

سطور من نـــور وأبداع فاق الخيــال

أحييك من القلب ودائمــا أتابع جديدك بشغف

[احساسى صحيح]

لا يا صاحبى مكناش واقفين
عصر الذل كلة مهانة وكلنا كنا خسرانين
لما شبابنا ضحى بروحة عشانا
ويمحى زمن وعصر حزين
جاى تقولى كنا وكنا
بقى بالذمة دول ناس محترمين
ما شفتهمش مشرفين الزنازين ؟
استعجلت يا صاحبى
دا مبقلناش غير يا دوب شهرين
وهل يتساوى
اللى حكم شهر زى اللى حكم من السنين تلاتين ؟
ظلم كتير لكل الشهداء
لو بصيت بعيون العقل
هتلاقى رئيسنا بدأ التطهير
لو فى عيونا او فى قلوبنا نظرة صدق
فرق كبير بين العصرين
رغم مرور فقط شهرين
وتحياتى لقلمك اخى فتحى
واعذرنى على مساجلتى
بعض كلامك اثر فى نفسيتى
فأثار فى نفسى الشجن
دام نبض حروفك
تحياتى لك

[ويبقى الأثر]

اعجز عن وصف حرفك مهما كتبت
فأنت علم في القمة ونبض في ألكلمه
وأميرا في العطاء
فلك مني جل الشكر والتقدير والاحترام
على هذا العطاء المميز
دمت بحفظ الرحمن

[غريـب ألأطـوآر]

كلمات عامية فى منتهى القوة

ولها تاثير لا ينكره مكان فى القلب حزين

حروف تنساب الى الداخل والى الداخل فقط وتضع بصمتها

أحسـأس حزين وكـانه يتيم

تقبل مرورى البسيط فتحى عيسى

وتقييمى لرائعتك المميزة

وليـــد

[Words Whisper]

أسوأ مايحدث حقا

أن يُهدم المبدأ

ممن دعا له !!~

وللأسف هذا مافعلنا !!~

ولكن يبقى الأمل ..



كما اعتدنا حضرتك دوما

قلم مميز راقٍ

يجيد التعبير وصياغة الحرف لحنا -ماشاء الله- ..

شاكرة حد السماء وأكثر

سلمت

ودمت بحفظ الرحمن ..


5 ستارز ..

[فتحى عيسى]

اقتباس المشاركة الأصلية كتبت بواسطة ساحر الأحزان كلمات جميلة فتحى واحساس جميل منك فى حسن التعبير فى حسن انتقاء الكلمات والتعبير عنها بحروف سلسة تحياتى لقلمك المميز

أهلا بك أخي الكريم ساحر الأحزان
وبتشريفك العاطر دوما
بكل راقي وجميل
شكرا لك
بوركت
مودتي وإحترامي