كلام نهائي

[نهر النيل]

لان خواطري هنا
ليس لها مجالات
قررت ترك هذا المكان
وسأحسبه في عداد الأموات !

[تيتشر نفشه ツ]

ياه لليه كدا بس ؟

مين قالك كدا ي احمد انا متأكده ان كل الاعضاء بيحبوك ويحترموك ليه بس بتقول كدا

داأنا جل اهتمامي بكتاباتك ومواضيعك الرائعه ليه تقول كدا طيب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هوا انتا حد قالك ان كتاباتك ليس لها مجال هنا ي احمد الله يهديك ؟؟؟

[(طائر الشرق)]

مالك ياعم احمد مين زعلك قول

انت انسان محترم ومفيش اختلاف

على شخصك الراقى والجميل

اكيد انت عارف ان الايام اللى فاتت

كان كل شئ غير مرتب وانت راجل

الكل يشهد لك نهر لا يتوقف عن العطاء

وهو ده حال الدنيا يوم شروق ويوم غروب

دعواتى لك بالتوفيق والسعادة

عصام

[راجية الشهادة]

ليه بس كده
لا والله بالعكس احنا بنحب نشوف موضيعك المميزه
وانت اخ غالي علينا وليك تقديرك
الله لا يحرمنا منك ولا من موضيعك وخواطرك الرااائعه

[رووكه]

ههههههههه

بصراحه بقى انت عاوز تزعل وخلاص مش عارفه ليه

شويه تقول الاشراف مش منظره وتجرح فينا

ودلوقتى تقول مفيش اهتمام

من امتى وقبل كده مش قولت ليه يا احمد

انت مش معانا ف المنتدى ولا ايه كل يوم بحال شكل

نزل انت مواضيعك وشوف هيترد عليها ولا لا

القسم شغال ونشيط بس ظروف المنتدى

وبلاش تضيع وقت ونزل خواطر ليك عوزين

القسم يتنشط تانى ممكن

ربنا يوفقك

[نهر النيل]

القلم الذكي
اللي يستفز الناس
عشان تعبر
وتصرخ
وتكتب
وتبدع
وتمتعنا
واهو بالصلا ع النبي
ضحكت عليكم
وعملت لكم مقلب جامد يا غاليين
وعايزكم بقى بالصلا ع النبي كده
تولعوا القسم دا
وياريت حصريات
تعالوا نرفع شعار
لا للكوبي والبيست ولو فتره
ومن هنا ليا اقتراح على الساده مشرفي القسم
اللي شكلهم اكلوا كعك كتير بعد العيد لدرجة انوا عمل نتيجه عكسيه ودا استفزاز ادبي مش هجوم
ما تيجوا يا حلوين
نعمل حملة تنشيط بالقسم
وتكون مغريه شويه
هقولكم ازاي ومش تزعل اوي كده ياعم عصام وتكشر في وشي
صلوا ع النبي
اللي يعمل 4 خواطر حصريه ياخد 400 مشاركه ووسام مركز اول وشهادة تقدير
والل يعمل 3 خواطر حصريه ياخد 300 مشاركه ووسام مركز ثان وشهادة تقدير
واللي يعمل 2 خاطره حصريه ياخد 200 مشاركه ووسام مركز ثالث وشهادة تقدير
وكل اللي ينزل أقل لكل خاطره 50 مشاركه
ومتهيالي مش كتير
ومنتظر رد فعل حضراتكم
وورونا التفاعل بقى
شرفتم ونورتم وعقبال المقلب الجديد عشان تشعلوا القسم
بس خلاص

[نهر النيل]

وان شاء الله ليا عوده عشان ارد على حضراتكم
بحبكم كلكم