الواد دا دزمة وابن دزمة

[morshooo]

بسم الله الرحمن الرحيم

اهلا وسهلا بيكم

احب اعرفكم بنفسى

الاسم / احمد
العمر / 28
الاقامة / القاهرة
الوظيفة / دعاية واعلان

كل الى قولتة دا عادى جدا بس الاقامة ( القاهرة ) فبيتقال اها دا واد جامد

طيب تعالو نغير حاجا بسيطة كدا

لما هغيرها هخليها كدا مثلا

الاسم / احمد
العمر / 28
الاقامة / الصعيد
الوظيفة / دعاية واعلان

لما شافو انى من ( لصعيد ) اتقال عنى ( صعيدى قفل ) يعنى مش بفهم

طيب هقولكم على حاجا تعالو نغير برضو حاجا تانية

الاسم / احمد
العمر / 28
الاقامة / المحلة
الوظيفة / دعاية واعلان

لما شافو انى من ( المحلة ) اتقال عليا ( ياعم دا فلاح وهيقرفنا ) يعنى

معلش هقرفكم شوية تعالو نغير حاجا كمان ^_^

الاسم / احمد
العمر / 28
الاقامة / المنوفية
الوظيفة / دعاية واعلان

برضو لما شافو ( المنوفية ) قالو ( يادى النيلة ياعم دا بخيل وهيقرفنا )

الله طيب انا عايز اعرف حاجا هو انا عشان ( صعيدى - فلاح - منوفى ..... الخ )
هتقرفونى .

بقت مشكلتنا فى مصر اننا بنقلل من الاخرين يعنى لما نشوف حد خارج

القاهرة بنعرف من لهجة كلامة

وبنعرف دا صعيدى والا فلاح والا والا والا والا

وبننزل تريقة علية وعلى الى جابة يعنى مثلا لو فى صعيدى قاعد وعايز تتريق علية

روح قولة قول ( جوافة ) عشات انتا عارف انة هيقو ( دوافة )

مش هطول عليكم برضو انتو اية رئيكم فى الحكاية دى وفعلا الحكاية دى مستمرة

يعنى انتا لو صعيدى خلاص هتبقى قفل ولو فلاح يبقى خبيس وبتتلاقم ومش سهل

مع العلم ان اصلا مفيش سكان من القاهرة كلنا جايين على القاهرة مش كدا برضو

[تصدق نسيت]

بجد عجبنى طرحك جدا
وبما انى محلاوى وكمان من المنصوره بلدى الثانيه هما 2 مش راكبين اهو بس الفكره اعتقد جهل شعوب وتورث افكار ليس الا والله الانسان بشخصه وصفات وكل بلد لها مزايا وعيوب وتقاليد ولكن ده ميمنعش انها تطلع رجال افضل مليون مره من بقى الصعيد والفلاح والبخيل الى بنتكلم عنهم لان دى صفات تولدت ليس الا وجه الوقت الى نتفاهم ده ونتفاهم ان لا فرق بين عربي ولا اعجمي الا بالتقوى...... أين نحن من هذا الميزان"ميزان التقوى
فمعك حق فيما تقول
لاأنه ينبغي أن نتعامل مع الإنسان بوصفه إنسان
ولا نفرق بين إنسان وآخر فى الموطن فكلنا ابناء ادم وحواء وبنطبع للعيش باى مكان الصعيدى الان بيعمل وعايش بالدول الاوربيه وغريهم شرف ومثال لذالك
خالص ودى
جنرال 25 يناير

[نهر النيل]

بامانه ياعم مورشو
موضوع محترم اوي
وعندك حق ف كل اللي طرحتوا
في امور بتحصل كده مالهاش اي لزوم
كلنا مصرييين وكلنا واحد
يبقى ليه التعصبات الغريبه دي
اه انا من مصر
ماشي ايه المشكله
اللي من اسكندريه مصري ومن الصعيد مصري ومن اي بلد مصري
ياريتنا نحس بمعنى التوحد
توبيك هايل ياعم مورشو
جامد كالعاده ياكبير
واجدع خمس نجوم ياريس

[عاشقة ذكر الله]

عندك حق فعلا دا بيحصل
بس على فكره اللهجه بقت كلها زى بعض فى مصر كلها صحيح بيبقى فىيه فرق
بس مادام مفيش فرق فى التفكير يبقى خلاص
الفرق اللى ممكن هيببقى فى التفكير ود غالبا تلاقيه
بس لازم نغير التفكير دا لان كلنا من مصر مش علشان دا من الصعيد يبقى كدا ودا كدا
لا كلنا نسيج واحد لازم نغير العنصريه دى
يسلمووووو على الطرح المهم

[تيتشر نفشه ツ]

كلامك صح فعلا احمد بس انا بعرف ناس كتير من الصعيد ومن المحله ي بني ناس متحضرين

وعال العال متفهمش ليه بيتقال عنهم كده والله وطيبين وكل حاجه مش فاهمه يعني

بس ماتستغربش في ناس كده مخهم ملهوش اي تلاتين لزمه يعني

طرح رائع ي احمد اهنيك عليه

[كبرياء رجل]

موضوعك جميل يا مورشو
وفعلا ده اللي منتشر جوه مصر
طب ما تيجي نطلع بره مصر
ونشوف هما شايفين ايه اصعب بلد في مصر او اصعب ناس في عادتهم وتقاليدهم
الصعايده
يعني لمجرد ان اي حد يعمل حاجه غلط مش مصري حتى
يتقال عليه هذا مخ نفس صعيدي
شايفين ان الصعايده دول بشرا من العصر الحجري
وﻻ يدرك اي شئ مما يحيط به من تكنولجيا وتطور عمري او حتى اجادة نقاش او الدخول في حوار
ممكن بتبقى الصعوبه من هنا
ان حد غير ابن بلدك بيسخر او مش عاجبه نوع معين من البشر اللي في بلدك
اما اللي قولته عن باقي المحافظات اللي في مصر
طبعا صح جدا
واﻻنتشار ده غريب
وتشوف اكتر حاجه عليها نكت بتبقى الصعايده واحيانا المنوفي

موضوعك جميل مورشو والواد الناس شايفينه كده
خليهم يا عم
كل واحد دماغه مريحاه
شكرا على الموضوع الجميل
تحياتي لك

[دائما انت بقلبي]

موضوع مهم برضوا في مجنمعنا
الناس بتاخد بالكلام المشهور وبس مش بياخدوا بالفعل او الشخصيات
او العقليات نفسها
نايس توبيك
تقبل مروري

[طمطم]

كلامك صح ي احمد ,,
واساسا اغلبية اللى عايشين ف الصعيد دلوقتى مش زى زمان
يعنى متحضرين زيهم زى اللى ف القاهرة واكتر كمان ..
وبعدين اهل الصعيد احسن ناس ^^
,,
نايس توبيك بجد
..
تقييمى بقآ
,,