ينفع كده ؟

[نهر النيل]

السلام عليكم ورحمة الله وبركاته يارب الخير للجميع والسعاده للجميع وراحة البال للجميع وبعد ,, موضوعي النهارده موجود على الساحه وللأسف الشديد بيكبر وينتشر بلا حد له موضوعي عن الاتهامات اصبحنا كلنا بمصر بنتهم بعض نشك في بعض نرمي الاتهامات ولو باطله على بعض دون سند حقيقي بعد الثوره توقعنا خير للكل انما للأسف ظهرت سلبيات غطت كل الإيجابيات الكل في دايرة شك الجميع فلول الكل اخوان مسلمين ظهرت نغمات اتهام انت وحش وانت فلول وانت كذا وانت كذا والغريب في الموضوع عمال على بطال طيب وبعدين ؟ دي الحريه اللي احنا عايزينها ؟ دا التحضر اللى بنتمناه ؟ دي أخلاق شعب أبهر العالم بثورتوا ؟ دي طريقة التعامل الانساني بين الناس ؟ لو دي الحريه في نظر الغالبيه اعتذر علنا واقول : ملعونه الحريه دي الاتهامات بالباطل شيئ معيب وخزي ومخجل خصوصا لو دون سند او دليل ملموس وياريت نرجع للصح ياريت نكون أفضل ياريت نبطل اتهامات لبعض البلد محتاجه كل واحد فينا البلد مش منتظره مننا كل الأمور الغلط اللي بتحصل دي البلد بتنزف وبتصرخ وبتبكي على أحوالنا أتمنى أتمنى أتمنى نرجع زي ما ربنا كرمنا عشان أبطل السؤال الطويل بيني وبين روحي : ينفع كده ؟ دي كلمة مواطن مصري بيحب كل الناس وبيحترم كل الناس وبيدعي ربنا الخير يارب لكل الناس يارب سعاده وصحه وهنا للجميع وأتمنى نرجع أحسن تقبلوا مني كل الود والتقدير والاحترام

[Words Whisper]

وعليك السلام والرحمة ..


من أول مبادئ الثورة

الـــ حرية

وكلمة حرية = مسؤولية + احترام الآخر ..

في بداية الثورة كان فيه فئات معينة من الشعب

مُقصاة إلى حد كبير بسبب النظام السابق ورفضه لها ومش مهم الأسباب

فلما قامت الثورة قلنا لازم نسمع الكل ونعطي الكل حرية انه يعبر عن رأيه

المشكلة انه بئا حتى اللي جرب سوء الإقصاء معاه لما سُمِع ليه

هو كمان مارس الإقصاء لغيره

مع انه مش ينفع حد يُبعَد ولا يهمَّش رأيه

لأنه بالنهاية ومهما اختلفت آراءنا فـــ مصر بلدنا كلنا

لكن للأسف بئا الاختلاف في الرأي يفسد كل الود وكل الدين كمان !!

وبئا الموضوع مش بس رفض الآخر ولا رفض رأي ولاتخوين

وكمان بئا تكفير !!~

احنا كنا محتاجين قبل مانعمل ثورة ع الحكومة

كنا نعمل ثورة ع أنفسنا لحد النهاردة مش عملناها

محتاجين نرتقي بــ فكرنا وعقولنا ..

الله يهدي الكل ..

موضوع راقي أ/أحمد

تسلم

ودمت بحفظ الرحمن ..

[-esraa-]

الثروة عمرها ما هتغير اايي حاجة ما دام الناس لسه ما غيرتش من نفسها

بقى دلوقي الناس كلها بتكره بعضها بتتهم بعضها حاجات ممكن تكون مش حقيقية


بس انا متأكده انه في يوم من الايام مصر هتبقى اعظم بلد متحضرة .. راقية.. الكل بيتمنى انه يروحها

[قلب وكلمات]

والله يا أحمد أنا متفق معك في كل كلمة خرجت من

قلمك الصادق وكل دعاء نطق بيه قلبك المخلص

ودعوتي للجميع نتصالح علشان مصر

كفايه تجريح في بعض لو بتحب مصر

إيد في إيد هنبني وطنا الغالي مصر

تقديري واحترامي لك

القيصــــر

قلب الكلمات

[نجم الحبيب]

لزم احنا كمان نتغير للاصلح علشان نقدر نغير البلد
طول ما احنا لسه زي ما احنا ازاي هنغير الدوله
ان شاء الله نقدر نغير انفسنا علشان نغير مصر للاصلح
تقبل تحياتي لك
الحبيب

[توحد ارواح]

وعليكم السلام ورحمة الله وبركاته


تمام

كلامك مظبوط
كلنا تفاءلنا و قلنا الثوره هتغير حاجات كتير

بس للاسف التغير للاسوء

لسبب بسيط

ان الناس فهمت الحريه غلط

و البلطجه زادت جدا

حتى بين الناس المتعلمه

و ابسط مثال الفضائيات

تلاقى اى برنامج حوارى يظهر السليبيات و زعيق و نقاش عقيم

الزمن مش اتغير احنا ال اتغيرنا

موضوعك اخى حيوى جدا و يفرض مشكله نعانى منها بالفعل

لاته كتير جدا نقول و نتساءل

ينفع كده ؟

مشكور اخى ع التوبيك الرائع

تحيتى

[●•0دموع الورد ●•0]

وعليكم السلام ورحمه الله وبركاته
فعلا والله أخى حتى بعد الثوره نفوس كتيره اوووى زى ما هى
مش بتتغير أبدا ديما بتنتقض كل الى حواليها وتقول ده كذا وده كذا....
ومش بيفكروا ان لازم قبل ما ينتقضوا غيرهم يشوفوا نفسهم الاول
يعنى الثوره الواحد كان تغير الجوهر مش المظهر بس
وربنا قال((إن الله لا يغير ما بقوم حتى يغيروا ما بأنفسهم))
فلازم الواحد يبدأ بنفسه ويشوف يعوب نفسه ويغيرها
بدل ما ينتقض فى ده وده

موضوع قيم أخى تسلم اديك

[Aya 7ekaya]

وعليكم السلام ورحمه الله وبركاته
حضرتك طرحت موضوع فى غايه الاهميه
والسبب ف المشكله دى ان فى ناس عايزة تظهر ف الصورة وخلاص وناس هدفها تقسم المجتمع علشان يحصل تفكك ونفضل عايشين ف مشاكل وحاجات تافهه تبعدنا عن الهدف الاساسى للمرحله الخطيرة اللى بتمر بيها بلدنا

بس انا كان عندى ملاحظه صغيرة ف موضوع حضرتك ليه قلت
.
.

اقتباس المشاركة الأصلية كتبت بواسطة نهر النيل الكل في دايرة شك الجميع فلول الكل اخوان مسلمين

حضرتك كمان خصصت وذكرت فصائل معينه لان ممكن يكون من وجهه نظرك ان الاخوان المسلمين م صح وهى دى المشكله الاساسيه اننا بنشكك ف نزاهه بعضنا

اتمنى اكون قدرت اوصل الملاحظه دى صح

[الرحــاال المٌتَمرد]

مين خان مين ؟


هما هما نفس الكلمتين

بنقولهم كل يومين

عاوزين نفوق يا مصريين

ايد واحد في الميادين

وربنا يكرمنا اجمعين

نبنى ونعمر من سينا للعالَمين

نرزع ونحصد ونربح ملايين

الأموال المهربه جايين

والاحلام طايره بجناحين

هننسي الظلم ,, ونعيش مبسوطين

كل واحد هيعيش ملكــ ,, ونستورد الخَدم من الفلبين

مسلم ومسيحي ,, قلب برأتين

اخواني وعلماني ,, كلنا مواطنين

أما الحقيقه ,, إحنا مُتضادين

بنحقِد علي بَعض ومشغولين

بنقري نوايا بعض ,, ويلعبوا بينا الشياطين

وكأن البلد هيتصلح حالها وإحنا مختلفين

دا اللى قالوا هُلنا العرافين

المنافقين ,, المتواطئين

يا مصريين

إن كُنتُ بتحبُ البلد دي فعلا ومُخلصين

مهما اختلف الدين

مهما قَست علينا السنين

مهما اتظلمنا من طغاه ملعونين

لازم نكون أيد واحده ,, مش أيدين

وقت الشده محتاج قوتين

قوه تبنى وقوه تحارب الفاسدين

قوه تزرع ,, وقوه تقلع المتأمرين

علشان نعيش في وطنا مُكَرمين

وإن كُنا سألنا الديمقراطيه

هتقولكم أنا ضِد المُتَربصين


أنا رافضه التخوين

شُكراً أحمد

[دائما انت بقلبي]

تماااااااااام
انا متفقه معاك في كل حاجة كتبتها هو دة فعلا حوار
اليومين دول بين كل الناس .. بس يا ريت نحاول نغير من نفسنا
ونحاول نقدم النصايح لغيرنا علشان حال البلد يتصلح شوية .
نايس توبيك
تقبل مروري